DINAMANI : Daily International and NAtional Media Aggregator for News and Information

Tamil Newspaper Articles for TNPSC Exams - Current Affairs - 24-11-2022


எழுத்தாளர் இமையத்துக்கு கன்னட தேசிய குவெம்பு விருது அறிவிக்கப்பட்டுள்ளது.

யதார்த்தவாத எழுத்தின் முக்கிய படைப்பாளியாக கருதப்படுபவர் எழுத்தாளர் இமையம். இவர் எழுத்தில் இதுவரை 11 நாவல்கள், 2 சிறுகதை தொகுப்புகள் வெளிவந்துள்ளன.

குறிப்பாக, ’கோவேறு கழுதைகள்’, ’செடல்’, ‘என் கதெ’, ‘செல்லாத பணம்’ ஆகிய நாவல்கள் விமர்சன ரீதியாகவும் பெரிய அங்கீகாரம் பெற்றவை.

இமையம் எழுதிய ‘பெத்தவன்’ சிறுகதை தமிழில் அதிகம் அச்சிடப்பட்ட கதைகளில் ஒன்று. கடந்த 2020 ஆம் ஆண்டு ’செல்லாத பணம்’ நாவலுக்காக இலக்கியத்திற்கான உயரிய விருதான சாகித்ய அகாதெமி விருது பெற்றிருந்தார்.

இந்நிலையில், மறைந்த கவிஞர் குவெம்பு நினைவாக ஆண்டுதோறும் வழங்கப்படும் ‘கன்னட தேசிய கவி குவேம்பு ராஷ்டிரிய புரஸ்கார்’ விருது தமிழ் மொழிக்காக இந்தாண்டு எழுத்தாளர் இமையத்துக்கு அறிவிக்கப்பட்டுள்ளது.

விருதுக்குழுவினர் ‘தமிழுக்கும் தமிழ் மக்களுக்கும் பெருமை சேர்த்தவர் இமையம். அவரின் பெரும்பாலான எழுத்துக்கள் பெண்ணியத்திற்கான காணிக்கையாகக் கருதலாம்’ என பாராட்டியுள்ளனர்.

விருதுடன் பரிசாக வெள்ளிப்பதக்கமும் ரூ.5 லட்சமும் வழங்கப்படவுள்ளது.



Read in source website

அப்துல்கலாம் விருது பெற்ற இளையான்குடி கல்லூரி உதவிப் பேராசிரியா் எஸ்.நாசருக்கு, கல்லூரி நிா்வாகக் குழு சாா்பில் புதன்கிழமை பாராட்டு விழா நடைபெற்றது.

இங்குள்ள சாகீா் உசேன் கல்லூரியில் வணிகவியல் உதவிப் பேராசிரியராக பணியாற்றி வரும் இவா், கற்பித்தல், மேலாண்மை, ஆய்வுக் கட்டுரை சமா்ப்பித்தல், ஆராய்ச்சி, வளா்ச்சி ஆகிய பிரிவுகளில் சிறந்து விளங்கினாா்.

இதற்காக புதுச்சேரி அறிவியல், மேலாண்மை கல்வி நிறுவனம், லண்டன் திறன் வளா்ச்சி அமைப்பு, லண்டன் குளோபல் ஆராய்ச்சி கட்டுரை ஆகியவற்றின் சாா்பில் உதவிப் பேராசிரியா் நாசருக்கு, அப்துல் கலாம் விருது வழங்கப்பட்டது.

இந்த நிலையில், புதன்கிழமை நடைபெற்ற பாராட்டு விழாவில், பேராசிரியா் நாசரை, இளையான்குடி கல்லூரி நிா்வாக் குழுவினா், கல்லூரி முதல்வா் அப்பாஸ் மந்திரி, பேராசிரியா்கள், மாணவ, மாணவிகள் வாழ்த்தினா்.



Read in source website

அறுவை சிகிச்சையின்போது மருத்துவா்கள் கைப்பேசி பயன்படுத்துவதைத் தவிா்க்க வேண்டும் என்று சென்னை ராஜீவ் காந்தி மருத்துவமனையில் புதன்கிழமை நடைபெற்ற தொடா் மருத்துவக் கருத்தரங்கில் அறிவுறுத்தப்பட்டது. பெரும்பாலான நேரங்களில் அறுவை சிகிச்சையின்போது, கவனச் சிதறல் ஏற்படுவதற்கு பிரதான காரணமாக கைப்பேசி பயன்பாடு உள்ளதாகவும் தெரிவிக்கப்பட்டது.

இந்தக் கருத்தரங்கில் சென்னை மருத்துவக் கல்லூரியின் நரம்பியல் அறுவை சிகிச்சை துறைத் தலைவா் ராகவேந்திரன் கூறியதாவது:

அறுவை சிகிச்சையின்போது ஏற்படும் சில சிக்கல்களைத் தவிா்க்கவே முடியாது. அவற்றை மருத்துவா்கள் பெரிதாக எடுத்துக் கொள்ள வேண்டியதில்லை. அதேவேளையில், சில சிக்கல்கள் தாமாக உருவாக்கிக் கொள்ளக் கூடியவையாக இருக்கும். அவற்றை மருத்துவக் குழுவினா் சற்று சிந்தித்து தவிா்க்க வேண்டும்.

அவற்றில் முதன்மையானது கைப்பேசி பயன்பாடு. அறுவை சிகிச்சை அரங்குக்குள் கைப்பேசி பயன்படுத்துவதை மருத்துவா்கள் முழுவதுமாகத் தவிா்க்க வேண்டும். அவசியத் தேவை இருந்தால்கூட அதை ஒரு உதவியாளா் மூலமாகத்தான் கையாள வேண்டும்.

அதேபோல், அறுவை சிகிச்சை அரங்குக்குள் தேவையற்ற சச்சரவுகள் செய்தல், வேறு மருத்துவப் பணிக்கு முன்னுரிமை அளித்தல், போதிய தகவல்களைப் பரிமாறிக்கொள்ளாமல் இருத்தல் போன்ற செயல்களும் பாதிப்பை ஏற்படுத்தும். அவற்றையும் தவிா்க்க வேண்டும்.

பொதுவாக 10 ஆயிரம் அறுவை சிகிச்சைகளில் சராசரியாக 4.5 அறுவை சிகிச்சைகளில் தவறுகள் நிகழ்வதாகத் தரவுகள் தெரிவிக்கின்றன. உண்மையில் அதைக் காட்டிலும் 3 அல்லது 4 மடங்கு அதிகமான தவறுகள் நிகழ்கின்றன. அவற்றைத் தடுக்க வேண்டும் என்றாா் அவா்.



Read in source website


2030 ஆம் ஆண்டுக்குள் நிலவில் மனிதர்கள் வாழவும் வேலை செய்யவும் முடியும் என அமெரிக்க ஓரியன் சந்திர விண்கலத் திட்டத்தின் தலைவர் ஹோவர்ட் ஹூ தெரிவித்துள்ளார். 

புதுமையான தொழில்நுட்பத்தை பயன்படுத்தி முன்பைக் காட்டிலும் துல்லியமான முறையில் நிலவை ஆராய்ச்சி செய்யும் நோக்கில் ஆர்டெமிஸ் திட்டத்தை நாசா கையில் எடுத்திருந்தது. இது கிட்டத்தட்ட 50 ஆண்டுகளில் மனிதர்களை மீண்டும் நிலவில் கால் பதிப்பதற்கான முதல் பெரிய படியாகும். அதன்படி, ஆகஸ்ட் மாதமே ஆர்டெமிஸ் ஏவுகணையை விண்ணில் செலுத்த நாசா தயாராகி வந்தது. எனினும் இந்த முயற்சி தோல்வியில் முடிந்தது. இந்த நிலையில் நவம்பர் 16 அன்று தனது சக்திவாய்ந்த புதிய ஆர்டெமிஸ் ஏவுகணையை வெற்றிகரமாக நாசா விண்ணில் செலுத்தியது. 

இதுகுறித்து நாசாவுக்கான ஓரியன் விண்கலத் திட்டத்தை வழிநடத்தும்  ஹோவர்ட் ஹு கூறியதாவது: 2030 ஆம் ஆண்டுக்குள் மனிதர்கள் நிலவில் வாழவும் வேலை செய்யவும் முடியும். "நாங்கள் மக்களை நிலவுக்கு அனுப்பப் போகிறோம், அவர்கள் அந்த மேற்பரப்பில் வாழ்ந்து அறிவியலைச் செய்யப் போகிறார்கள்" என்று  கூறினார். 

மேலும், அங்கு அவர்களுக்கு தேவையான பணியை செய்யலாம். இது நாசாவுக்கு வரலாற்று நாள். அதுமட்டுமல்ல விண்வெளி ஆராய்ச்சிகளை விரும்பும் அனைவருக்கும் இது சிறந்த நாள். 

அதாவது, நாம் நிலவுக்கு திரும்பிச் செல்கிறோம். அதற்காகவே இந்த நிலையான(ஆர்டெமிஸ்) திட்டத்தை நோக்கி செயல்படுகிறோம். இது மக்களை சுமந்து செல்லும் வாகனமாகும். அது மீண்டும் நிலவில் நம்மைத் தரையிறக்கும் என்றார். 

கடந்த 1969 ஆம் ஆண்டு ஜூலை 20 ஆம் தேதி அமெரிக்காவின் அப்போலோ 11 விண்கலம் நிலவில் தரையிறங்கியது. அமெரிக்க விண்வெளி வீரர் நீல் அமஸ்ட்ராங் முதல் மனிதராக நிலவில் கால் பதித்தார். 

வரும் 2024 ஆம் ஆண்டு மீண்டும் நிலவுக்கு மனிதர்களை அனுப்ப நாசா தீவிரமாக பணியாற்றி வருகிறது. இதற்காக ஓரியான் என்ற விண்கலத்தை நாசா உருவாக்கியது. இந்த விண்கலம் கடந்த 2014 ஆம் ஆண்டில் ஆளில்லாமல் விண்வெளிக்கு செலுத்தப்பட்டு பத்திரமாக பூமிக்கு திரும்பியது.  ஓரியான் விண்கலம் ஏற்கனவே பூமியிலிருந்து 232,683 மைல்கள் பயணித்துள்ளது.

நாசாவின் ஆர்டெமிஸ் பணியானது 50 ஆண்டுகளுக்கு முன்பே பூமியின் இயற்கை செயற்கைக்கோளில் முதல் மனிதர்களை அனுப்புவதை நோக்கமாகக் கொண்டுள்ளது. 

ஆர்டெமிஸ் என்பது நாசாவின் முதல் ஒருங்கிணைந்த விண்கலச் சோதனை ஆகும், இது மனிதர்களை அவர்கள் முன்னெப்போதையும் விட அதிக தூரம் அழைத்துச் செல்லும் நோக்கத்திற்காக நாசா உருவாக்கியது.

இந்நிலையில், நிலவுக்கும் மனிதர்களை அனுப்பும் ஆர்டெமிஸ் திட்டத்தில் நாசா ஆர்வம் காட்டி வருகிறது. 

நிலவின் தென் துருவத்திற்கு அருகே குழுவினர் தரையிறங்க வேண்டும் என்பது தற்போதைய திட்டம், அங்கு அவர்கள் ஒரு வாரம் தண்ணீரின் அறிகுறிகளைத் தேடுவார்கள். விலைமதிப்பற்ற திரவம் கண்டுபிடிக்கப்பட்டால், செவ்வாய் கிரகத்திற்கு செல்லும் வழியில் ராக்கெட்டுகளை எரிபொருளாக மாற்றுவதற்கு இது பயன்படுத்தப்படலாம்.

சுரங்கம் மற்றும் அறிவியல் நடவடிக்கைகளுக்கு ஆதரவாக நிரந்தர மனித குடியிருப்புகள் கட்டப்பட வேண்டும் என்பதே இதன் பொருள்.

"அமெரிக்கா மட்டுமின்றி உலகத்துக்காகவும் நீண்ட கால திட்டமிட்ட விண்வெளி ஆய்வுக்கு நாங்கள் எடுக்கும் முதல் படி இதுவாகும்" என்று ஹு கூறினார். 



Read in source website

நாட்டின் தலைசிறந்த வாலிபால் வீரா்கள் மீண்டும் தங்கள் திறமையை வெளிப்படுத்த வாய்ப்பாக ரூபே பிரைம் வாலிபால் (ஏ23) லீக் இரண்டாம் கட்ட போட்டி2023 பிப்ரவரி 4-ஆம் தேதி தொடங்குகிறது.

காலிக்கட் ஹீரோஸ், கொச்சி புளு ஸ்பைக்கா்ஸ், அகமதாபாத் டிபண்டா்ஸ், ஐதராபாத் பிளாக் ஹாக்ஸ், சென்னை பிளிட்ஸ், பெங்களூரு டா்பிடோஸ், மும்பை மெட்டியா்ஸ், கொல்கத்தா தண்டா்போல்ட்ஸ் உள்ளிட்ட 8 அணிகள் ரவுன்ட் ராபின் முறையில் மோதுகின்றன. லீக் கட்டத்தில் டாப் 4 அணிகள் அரையிறுதிக்கு தகுதி பெறும். பிரைம் வாலிபால் லீக் இறுதி ஆட்டம் கொச்சியில் நடைபெறும்.

இரண்டாம் கட்ட ரூபே பிரைம் வாலிபால் லீக் போட்டியில் மொத்தம் 31 ஆட்டங்கள் இடம்பெறும்.

இப்போட்டி சோனி ஸ்போா்ட்ஸ் நெட்வொா்க்கின் சோனி ஸ்போா்ட்ஸ் டென்1, டென்3 மற்றும் டென்4 சேனல்களிலும், சோனி லைவிலும் ஒளிபரப்பாகிறது. சா்வதேச வாலிபால் கூட்டமைப்பு (ஊஐயஆ) வா்த்தக அமைப்பான வாலிபால் வோ்ல்டும் இதில் இணைந்துள்ளது. இதன்மூலம் இரண்டாம் கட்ட லீக் போட்டி வாலிபால் வோ்ல்ட் மூலம் உலக நாடுகளில் (இந்திய துணைகண்டம்) தவிர ஒளிபரப்பாகும்.

போட்டி தொடா்பாக ரூபே பிரைம் வாலிபால் லீக் சிஇஓ ஜாய் பட்டாசாா்யா, சோனி ஸ்போா்ட்ஸ் நெட்வொா்க் முதன்மை வருவாய் அதிகாரி ராஜேஷ் கௌல் கூறியது : முதல் சீசன் வெற்றிகரமாக நடைபெற்றது. நாட்டில் வாலிபால் தற்போது மேலும் பிரபலமாகி வரும் நிலையில் இந்திய வீரா்களுக்கு சா்வதேச அனுபவமும் கிடைக்கும். கடந்த சீசனில் எங்கள் குறியீடுகள் அனைத்தையும் சாதிப்போம் எனத் தெரிவித்தனா்.

 



Read in source website

மதுரை: மதுரை மாவட்டம் தே.கல்லுப்பட்டி அருகே மோதகம் பகுதியில் கி.பி.16-ம் நூற்றாண்டைச் சேர்ந்த பழமையான நடுகல் கண்டறியப்பட்டது.

மோதகம் கரையாம்பட்டி பூசாரி முத்துசாமி, தங்கள் ஊரில் பழமையான சிற்பம் இருப்பதாக அளித்த தகவலின்படி மதுரை சரசுவதி நாராயணன் கல்லூரி முதுகலை வரலாற்றுத்துறை உதவிப் பேராசிரியர், பாண்டியநாடு பண்பாட்டு மைய தொல்லியல் கள ஆய்வாளர் து.முனீஸ்வரன் தலைமையில் பேராசிரியர் லட்சுமணமூர்த்தி, ஆய்வாளர்கள் அனந்தகுமரன், தமிழ் செல்வம் ஆகியோர் கள ஆய்வு செய்தனர். இதில் கிபி 16-ம் நூற்றாண்டைச் சேர்ந்த நடுகல் கற்சிற்பம் என கண்டறியப்பட்டது.

இதுகுறித்து உதவிப் பேராசிரியர் து.முனீஸ்வரன் கூறும்போது, ''சங்க கால முதல் போரில் வீர மரணமடைந்த வீரன் நினைவாக நடுகல் நடப்படும் முறை தொடர்கிறது. பாண்டியர் காலத்தில் செங்குடிநாட்டின் எல்லைக்குட்பட்ட மோதகம் வேளாண்மை, வணிகம் செய்வதில் சிறந்து விளங்கியது. நான்கு அடி உயரம் 2 அடி அகலமுடைய நடுகல்லில் 3 வரி எழுத்துக்கள் உள்ளன. இதில் வாணன், உட்பட்ட என்ற வரியைத் தவிர மற்ற எழுத்துக்கள் தேய்ந்துள்ளதால் பொருளறிய முடியவில்லை.

நடுகல்லில் ஒரு ஆண், பெண் சிற்பம் வலது காலை மடித்து இடது காலை நீட்டி அமர்ந்த நிலையில் செதுக்கப்பட்டுள்ளது. ஆணின் காலில் அணிந்திருக்கும் கழல் அவனது வீரத்தை கூறுகின்றன. வலது கையில் பிடித்துள்ள வாள் தரையை உரசியவாறு உள்ளது. பெண் சிற்பம் ஆணின் வலது பக்கம் அமர்ந்து தன்னுடைய தலைக்கு இணையாக இடது பக்கத்தில் பெரிய கொண்டை அலங்காரத்தோடு வடிவமைக்கப்பட்டுள்ளது. சிற்பத்தின் எழுத்து வடிவம், உருவ அமைப்பை பொறுத்து கி.பி.16-ம் நூற்றாண்டு சிற்பம் என கருதலாம். இப்பகுதியில் சிறப்பாக ஆட்சி செய்த குறுநில மன்னர் பரம்பரையினராக இருக்கலாம்'' என்றார்.



Read in source website

சென்னை: தமிழகத்தில் உள்ள 25 பள்ளிகளை தேர்வு செய்து பசுமை பள்ளிகள் திட்டத்தை செயல்படுத்த தமிழக சுற்றுச்சூழல், வனம் மற்றும் காலநிலை மாற்றத்துறை முடிவு செய்துள்ளது.

தமிழக சட்டப்பேரவையில் நடந்த சுற்றுச்சூழல், காலநிலை மாற்றத் துறை மானியக் கோரிக்கை மீதான விவாதத்தின்போது, பசுமைப் பள்ளிக்கூடம் திட்டம் செயல்படுத்தப்படும் என்று சுற்றுச்சூழல், காலநிலை மாற்றத் துறை அமைச்சர் மெய்யநாதன் அறிவித்தார். இதன்படி ஒரு பள்ளிக்கு தலா ரூ.20 லட்சம் வீதம் 25 பள்ளிகளுக்கு ரூ.5 கோடி ஒதுக்கீடு செய்யப்படும் என்று அறிவிக்கப்பட்டது.

இந்நிலையில் இந்த திட்டத்தை செயல்படுத்துவதற்கான பணிகளை தமிழக அரசு தொடங்கி உள்ளது.மேலும் இந்த பள்ளிகளில் பல்வேறு திட்டங்கள் செயல்படுத்தப்படவுள்ளது. இதன் விவரம்:

  • சூரிய ஆற்றலின் உதவியுடன் சூரிய சக்தி மோட்டார் பம்புகள்
  • பள்ளியின் அனைத்து மின்தேவைகளுக்கும் சூரிய ஆற்றலை பயன்படுத்துதல்
  • மழை நீர் சேகரிப்பு திட்டத்தை செயல்படுத்துதல்.
  • குப்பையில் இருந்து உரம் தயாரித்தல்.
  • பள்ளிகளில் சிறிய அளவிலான காட்டை உருவாக்குதல்.
  • காய்கறி மற்றும் மூலிகைத் தோட்டங்களை உருவாக்குதல்.
  • பழங்கள் தரும் மரங்களை நடுதல்.
  • நீர் பயன்பாட்டை குறைத்து கழிவு நீரை மறுசுழற்சி செய்வதை அதிகரித்தல்.
  • ஞெகிழி இல்லாத சுற்றுச்சூழலை உருவாக்குதல்.
  • உள்ளிட்ட திட்டங்கள் செயல்படுத்தபடவுள்ளது.

இதை கண்காணிக்க மாவட்ட சுற்றுச்சூழல் பொறியாளர், முதன்மை கல்வி அலுவலர், பெற்றோர் ஆசிரியர் கழக உறுப்பினர் உள்ளிட்ட 4 பேர் கொண்ட குழு அமைத்து தமிழக அரசு உத்தரவிட்டுள்ளது.



Read in source website

சென்னை: சமீப காலமாக பள்ளி, கல்லூரி மாணவர்கள் சென்னை பெருநகரில் பேருந்துகளின் மேற்கூரையில் ஏறுவதும், படிக்கட்டில் தொங்கியவாறு பயணம் செய்வதும், பயணிகளுக்குத் தொந்தரவு கொடுக்கும் வகையில் பேருந்துக்கு உள்ளேயே ஆட்டம் போடுவதும் அதிகரித்து வருகிறது.

இதுகுறித்து போலீஸார், சென்னை பெருநகரில் உள்ள பள்ளி மற்றும் கல்லூரி மாணவர்களுக்கு நேரில் சென்று விழிப்புணர்வு ஏற்படுத்தினர். ஆனாலும், மாணவர்கள் பேருந்துகளில் எல்லை மீறுவது தொடர்ந்து வருகிறது. மாணவர்களின் அத்துமீறல்களைப் பொதுமக்கள் வீடியோ மற்றும் புகைப்படமாக எடுத்து தினமும் காவல் துறைக்கு அனுப்பி வருகின்றனர். இதை போலீஸார் சேகரித்து வைத்து தற்போது நடவடிக்கை எடுக்கத் தொடங்கியுள்ளனர்.

முதல் கட்டமாக பொதுமக்கள்அனுப்பிய வீடியோ, புகைப்படங்கள் மற்றும் ஆங்காங்கே பொருத்தப்பட்டுள்ள கண்காணிப்பு கேமராக்களில் பதிவாகியுள்ள வீடியோ காட்சிகள் மூலம் எல்லை மீறிய மாணவர்களை அடையாளம் காணும் பணி தொடங்கியுள்ளது.

இதுகுறித்து போக்குவரத்து போலீஸ் அதிகாரிகள் கூறுகையில், "பள்ளி - கல்லூரி மாணவர்களில் பலர் கல்வி நிலையங்களுக்கு செல்லும் நேரம் மற்றும் வீடு திரும்பும் நேரங்களில் பேருந்துகளில் எல்லை மீறுவதாக குற்றச்சாட்டு எழுந்துள்ளது. சில மாணவர்கள் பேருந்து ஓட்டுநர், நடத்துநரிடம் தகராறிலும் ஈடுபடுகின்றனர்.

இதில், தொடர்புடைய மாணவர்களை எச்சரித்து விடுவித்துள்ளோம். ஆனாலும் சிலர் கேட்காமல் தொடர்ந்து எல்லை மீறி வருகின்றனர். எனவே, இனி அவர்கள் மீது சட்ட நடவடிக்கை எடுக்க முடிவு செய்யப்பட்டுள்ளது. தேவைப்பட்டால் கைது செய்ய காவல் ஆணையர் உத்தரவிட்டுள்ளார்" என்றனர்.



Read in source website

கோவை: ஐரோப்பிய செயற்கைகோள் உதவியுடன் வானிலை தகவல்களை 12 நாட்களுக்கு ஒருமுறை அரசுக்கு தெரிவித்து, விவசாயிகளுக்கு அறிவிக்கப்படுவதாக தமிழ்நாடு வேளாண் பல்கலைக்கழகத்தின் துணைவேந்தர் வெ.கீதா லட்சுமி தெரிவித்தார்.

இது தொடர்பாக நேற்று அவர் கூறும்போது, ‘‘பேரிடர் காலங்களில் ஏற்படும் பயிர் சேதங்களை செயற்கைக்கோள் தொழில்நுட்பங்களை பயன்படுத்தி, தகவல்களை உடனுக்குடன் திரட்டுவதன் மூலம் விவசாயிகளுக்கு உரிய காலத்தில் நிவாரணங்களை வழங்க முடியும். வேளாண் பல்கலைக்கழகம், ஜெர்மன் நிதியுதவியுடன் தொழில்நுட்பத்தை பயன்படுத்தி தமிழகத்தில் உள்ள அனைத்து மாவட்டங்களில் ஏற்படும் வறட்சி, வெள்ள பாதிப்புகளை கணக்கிட்டு பிரதம மந்திரி பயிர் காப்பீட்டு திட்டத்துக்கு அளித்து வருகிறது.

காலநிலைக்கேற்ற புதிய பயிர் ரகங்களை பயிர் செய்தும், கால்நடை வளர்ப்பு, காளான் வளர்ப்பு ஆகியவற்றின் மூலமும் விவசாயிகளுக்கு நிலையான வருமானத்தை உறுதி செய்ய முடியும். மேலும், ஐரோப்பிய செயற்கைகோள் உதவியுடன் வானிலை தகவல்களை 12 நாட்களுக்கு ஒருமுறை அரசுக்கு தெரிவித்து, விவசாயிகளுக்கு அறிவிக்கப்படுகிறது.

இத்திட்டத்தின் மூலம் மாவட்டம், வட்டம், கிராம வாரியாக பயிர் பரப்பளவு, மகசூல் கணக்கிடுதல், செயற்கைக்கோள், ஆளில்லா விமானம் மூலம் எடுக்கப்படும் படங்களைக்கொண்டு பாதிப்புகளை கணக்கிடுதல் ஆகியவையும் செயல்படுத்தப்படும்’’ என்றார். அப்போது, காலநிலை காப்பீட்டுத் திட்ட இயக்குநர் ஜோகென் ராம்கி, நீர் நுட்ப மைய இயக்குநர் செ.பழனிவேலன் உள்ளிட்டோர் உடன் இருந்தனர்.

மத்திய அரசு செயலர் ஆய்வு: மத்திய அரசின் வேளாண்மை மற்றும் உழவர் நலத்துறை அமைச்சகத்தின் கூடுதல் செயலர் அபிலாஷ் லிகி நேற்று வேளாண் பல்கலைக்கழகம் வந்தார். அங்கு இயங்கிவரும் துல்லிய வேளாண்மை மேம்பாட்டு மையம் மற்றும் தேசிய வேளாண் மேம்பாட்டுத் திட்டத்தின் வேளாண் தொழில்நுட்ப வணிக காப்பகம் மற்றும் ஒருங்கிணைந்த தேனீ வளர்ப்பு மேம்பாட்டு மையம் ஆகியவற்றை பார்வையிட்டு ஆய்வு செய்தார். இவற்றின் செயல்பாடுகளை துணைவேந்தர் வெ.கீதாலட்சுமி கூடுதல் செயலரிடம் விளக்கினார். அதைத் தொடர்ந்து தொழில் முனைவோர் மற்றும் இத்திட்டத்தின் இதர பயனாளிகள் உள்ளிட்டோருடன் கலந்துரையாடினார்.



Read in source website

லண்டன்: உலகின் வயதான பூனையாக லண்டனை சேர்ந்த பெண் பூனை ஒன்று கின்னஸ் சாதனை புத்தகத்தில் இடம்பெற்றுள்ளது.

லண்டனின் ஆர்பிங்டனைச் சேர்ந்த 26 வயதான ஃப்ளோஸி என்ற பூனைதான் உலகிலேயே வயதான பூனை என்ற சாதனையை நிகழ்த்தியுள்ளது. இதுகுறித்து கின்னஸ் நிறுவனம் வெளியிட்ட அறிவிப்பில், “ஃப்ளோஸிதான் உலகின் வயதான பூனை. ஃப்ளோஸியின் 26 வயது என்பது மனிதர்களின் 120 வயதுக்கு ஒப்பாகும்” என்று தெரிவித்துள்ளது.

ஃப்ளோஸியின் உரிமையாளர் விக்கி க்ரீன் கூறும்போது, “ஃப்ளோஸி ஒரு மாற்றுத்திறன் பூனை. ஃப்ளோஸிக்கு காது கேட்காது. கண்பார்வை குறைபாடு உள்ளது. ஆனால், மிகவும் அன்பான பூனை. விளையாட்டுத்தனமான பூனை.

தற்போது கின்னஸ் உலக சாதனை புரிந்த ஒருவருடன் நான் இப்போது என் இல்லத்தைப் பகிர்ந்து கொண்டிருக்கிறேன் என்பதை என்னால் நம்மால் முடியவில்லை” என்று தெரிவித்தார்.

கின்னஸ் சாதனையில் இடம்பெற்றுள்ள ஃப்ளோஸி பூனையைக் காண பார்வையாளர்கள் குவிந்து வருகின்றன.



Read in source website

கோலாலம்பூர்: நீண்ட இழுபறிக்குப் பின்னர் மலேசியாவின் 10-வது பிரதமராக அன்வர் இப்ராஹிம் தேர்ந்தெடுக்கப்பட்டிருக்கிறார்.

மலேசிய நாடாளுமன்றத்தில் எந்த கட்சிக்கும் பெரும்பான்மை கிடைக்காத நிலையில் மலேசிய மன்னர் அப்துல்லா, எதிர்க்கட்சி தலைவர் அன்வரை பிரதமராக அறிவித்திருக்கிறார். இதனைத் தொடர்ந்து இன்று மாலை 5 மணி அளவில் அன்வர் மலேசிய பிரதமராக பதவி ஏற்கவுள்ளார்.

மலேசியாவில் 222 நாடாளுமன்றத் தொகுதிகளுக்கான 15- வது நாடாளுமன்ற பொதுத் தேர்தல் கடந்த வாரம் நடந்தது. தேர்தல் முடிவில் எந்த கட்சிக்கோ அல்லது அரசியல் கூட்டணிக்கோ பெரும்பான்மை கிடைக்கவில்லை. இதனால் ஆளும் கட்சியை தீர்மானிப்பதில் சிக்கல் நீடித்தது.

இதனைத் தொடர்ந்து மூன்று பெரிய தேசிய கட்சிகள் சிறிய கட்சிகளின் கூட்டணியுடன் அமைக்க முயசித்தன. ஆட்சியமைக்க 112 இடங்கள் தேவைப்பட்ட நிலையில், அன்வர் இப்ராஹிம் தலைமையிலான பகாதான் ஹரபன் கட்சி கூட்டணி கட்சிகளுடன் ஆட்சி அமைக்க உள்ளதாக ஊடகங்கள் செய்தி வெளியிட்டன. இந்த நிலையில் இந்தத் தகவலை மலேசிய மன்னர் அப்துல்லா உறுதிப்படுத்தியுள்ளார்.

இதுகுறித்து மலேசிய மன்னர் வெளியிட்ட அறிவிப்பில், “ மலாய் ஆட்சியாளர்களின் கருத்துக்களை ஏற்று, மலேசியாவின் 10 வது பிரதமராக அன்வர் இப்ராஹிமை நியமிக்க ஒப்புதல் அளிக்கப்படுகிறது” என்றூ தெரிவிக்கப்பட்டுள்ளது. மலேசிய பிரதமராக தேர்ந்தெடுக்கப்பட்டுள்ள அன்வர் இப்ராஹிமுக்கு பாராட்டுகள் குவிந்து வருகிறது.



Read in source website

லண்டன்: சர்வதேச மந்தநிலையிலும் வேகமான வளர்ச்சி காணும் பொருளாதாரங்களில் ஒன்றாக இந்தியா உள்ளது. நடப்பு நிதியாண்டில் இந்தியாவின் பொருளாதார வளர்ச்சி விகிதம் (ஜிடிபி) 6.6 சதவீதமாக இருக்கும் என கணிக்கப்பட்டுள்ளது.

இந்த வளர்ச்சி, 2023-24-ம் நிதி யாண்டில் 5.7 சதவீதமாக குறையும் என்று எதிர்பார்க்கப்படுகிறது. எனினும், சீனா, சவுதி அரேபியாவைஉள்ளடக்கிய ஜி20 பொருளாதாரங்களைவிட இந்தியாவின் வளர்ச்சி அதிகமாகவே இருக்கும்.

மேலும், 2024-25-ல் இந்தியாவின் வளர்ச்சி 7 சதவீதம் என்ற அளவில் இருக்கும் என பொருளாதார ஒத்துழைப்பு மற்றும் மேம்பாட்டுக்கான அமைப்பு (ஓஇசிடி) அதன் ஆய்வறிக்கையில் தெரிவித்துள்ளது.

அமெரிக்கா மற்றும் ஐரோப்பா கடுமையாக வீழ்ச்சியடைந்து வரும் சூழலில், 2023-ல் வளர்ச்சிஎன்பது பெரும்பாலும் வளரும் நாடுகளைக் கொண்ட ஆசிய சந்தையைச் சார்ந்தே இருக்கும். பின்தங்கிய சமூக-பொருளாதார குழுக்கள் உட்பட பெரும்பான்மையான மக்களிடம் நிதி சேவைகள் கொண்டு சேர்க்கப்பட்டதால் இந்தியாவில் முன்னேற்றம் ஏற்பட்டுள்ளது. எனினும் பொதுச் செலவினத்தில் வெளிப்படைத்தன்மை, செயல்திறன் ஆகியவற்றை அதிகரிக்க வேண்டியுள்ளது. அதே போன்று கல்வி, சுகாதாரத்துக்கு அதிக வளங்களை ஒதுக்கீடு செய்ய வேண்டியுள்ளதாக ஓஇசிடி ஆய்வில் கூறியுள்ளது.



Read in source website

திப்பு சுல்தான் என்ன செய்தார், தற்காலத்திலும் அரசியல்வாதிகள் அவருக்கு எதிராக ஏன் சண்டையிடுகிறார்கள்? அவரது துணிச்சல், சீர்திருத்தங்கள், மிருகத்தனம் என வரலாற்று பக்கங்கள் இங்கே உள்ளன.

திப்பு சுல்தானின் பிறந்த நாள் ஞாயிற்றுக்கிழமை (நவ.20) அனுசரிக்கப்பட்டது. அப்போது, அசாதுதீன் ஓவைசியின் AIMIM, காங்கிரஸ் மற்றும் CPI(M) உள்ளிட்ட கட்சித் தலைவர்கள் திப்பு சுல்தானை இந்தியாவின் “முதல் சுதந்திரப் போராட்ட வீரர்” என்றும் “நம்முடைய தலைசிறந்த மாவீரர்களில் ஒருவர்” என்றும் அழைத்தனர்.

அதே வேளையில், பாரதீய ஜனதா மற்றும் வலதுசாரி அமைப்புகள் 17ஆம் நூற்றாண்டின் ஆட்சியாளரை “மதவெறியர்” மற்றும் “இந்து கன்னட எதிர்ப்பாளர்” என்று அழைத்தனர்.

யார் இந்த திப்பு சுல்தான்

திப்பு சுல்தான் நவம்பர் 10, 1750 இல் இன்றைய பெங்களூருவில் உள்ள தேவனஹள்ளியில் சுல்தான் ஃபதே அலி சாஹப் என்ற இடத்தில் பிறந்தார். அவர் ஹைதர் அலியின் மகனாக பிறந்தார், அவர் மைசூருவின் அப்போதைய இந்து ஆட்சியாளர்களான உடையார்களின் இராணுவத்தில் பணிக்கு சேர்ந்தார்.
இந்நிலையில், ஹைதர் அலி 1761 இல் அதிகாரத்தை நிறுத்தினார், திப்பு 1782 இல் தனது தந்தைக்குப் பிறகு பதவியேற்றார்.

திப்பு குரான், இஸ்லாமிய சட்டவியல், மொழிகள், தத்துவம் மற்றும் அறிவியல் ஆகியவற்றைப் படித்த ஒரு ஆட்சியாளர் ஆவார். அவர், தனது 15ஆவது வயதில் முதல் போரில் ஈடுபட்டார். அந்த வயதிலேயே போர் நுட்பம் அறிந்திருந்தார்.

1767 இல் ஆங்கிலேயர்களுடன் போரிட்டபோது, திப்பு முதலில் ஐரோப்பிய கலாச்சாரம் மற்றும் வாழ்க்கை முறையுடன் தொடர்பு கொண்டார், அது அவரைக் கவர்ந்த ஒன்று. இந்த ஈர்ப்பு அவரது மைசூர் ஆட்சியில் பிரதிபலிக்கும்.
திப்பு பல்வேறு கொள்கைகள் மற்றும் சீர்திருத்தங்களை மேற்கொண்டார், அவை சமஸ்தானத்தை நவீனமயமாக்கி, அவரது பாரம்பரியத்தின் நீடித்த அம்சமாக மாற்றினார்.

ஹைதர் அலி 1782 இல் இறந்தார், அவரது ஆட்சியின் வெற்றி மற்றும் விரிவாக்கத்தின் போது. இவ்வாறு, திப்பு தனது தந்தையிடமிருந்து பெற்ற பிரதேசத்தை ஒருங்கிணைக்க அவரது முதன்மை உந்துதலுடன், கடினமான சூழ்நிலையில் அரியணையைப் பெற்றார்.

அடுத்த 20 ஆண்டுகளில், மைசூரு இராச்சியம் அதன் எல்லைகளில் சர்ச்சைக்குரிய பகுதிகளைக் கைப்பற்றுவதன் மூலம் மெதுவாக விரிவடைந்தது. திப்பு மலபார், குடகு மற்றும் பெட்னூரில் கிளர்ச்சியுள்ள மாகாணங்களைப் பெற்றார், இவை அனைத்தும் மைசூரின் திட்டம் மற்றும் பொருளாதார நலன்களுக்கு முக்கியமானவை. இந்தப் பகுதிகளில் அவரது ஆட்சியே அவரது மதவெறி மற்றும் சர்வாதிகாரத்திற்கு சான்றாக அடிக்கடி குறிப்பிடப்படுகிறது.

திப்பு சுல்தான் ஒரு கொடுங்கோலன், மத வெறியரா?

திப்புவின் காலத்தில் நடந்த போர் கொடூரமானது, கலகம் செய்தவர்கள் இரும்புக்கரம் கொண்டு நடத்தப்பட்டனர். எதிர்கால எதிர்ப்பைத் தடுக்க வலுவான உதாரணங்களை வைப்பது பொதுவான நடைமுறையாக இருந்தது.

கிளர்ச்சியாளர்கள் அல்லது சதிகாரர்களுக்கு திப்பு அளித்த தண்டனைகளில் கட்டாய மதமாற்றம் மற்றும் மக்கள் தங்கள் சொந்த பிரதேசங்களில் இருந்து மைசூருக்கு மாற்றப்பட்டது, இல்லாத சில மக்கள் பெல்லாரி மாவட்டம் போன்ற பிற பகுதிகளிலிருந்து குடியேறியவர்களால் மாற்றப்பட்டனர்.

மைசூரு ஆட்சிக்கு எதிரான தொடர்ச்சியான எதிர்ப்பின் பிரதிபலிப்பாக குடகு மற்றும் மலபார் ஆகிய இரு பகுதிகளிலிருந்தும் கட்டாய போர்கள் நிகழ்ந்தன.
குறிப்பாக, நாயர்கள் மற்றும் கிறிஸ்தவர்கள் – அவர்களின் எதிர்ப்பு மற்றும் ஆங்கிலோ-மைசூர் போர்களில் துரோகத்தின் விளைவாக. திப்புவின் மதவெறி பற்றிய இந்து வலதுசாரிகளின் கதை திப்புவின் இராணுவவாதத்தையும், “இந்து” ஆட்சியாளர்கள் மற்றும் குடிமக்கள் மீதான அவரது நடத்திய தாக்குதல்களையும் வலியுறுத்துகிறது.

‘டைகர்: தி லைஃப் ஆஃப் திப்பு சுல்தான்’ என்ற நூலை எழுதிய வரலாற்றாசிரியர் கேட் பிரிட்டில்பேங்க் இந்த விஷயத்தில் சில முன்னோக்குகளை வழங்குகிறார்.

ப்ரிட்டில்பேங்க், சந்தேகத்திற்கு இடமின்றி தான் இணைத்த பகுதிகளில் கட்டாய மதமாற்றம் செய்ய உத்தரவிட்டார், திப்பு ஸ்ரீரங்கப்பட்டினத்தில் உள்ள ஸ்ரீ ரங்கநாதர் கோவில் மற்றும் சிருங்கேரியில் உள்ள மடம் உட்பட பல்வேறு கோவில்கள் மற்றும் இந்து கோவில்களுக்கு ஆதரவளித்தார்.

இந்த இரண்டு நடவடிக்கைகளும் ஒரு ஆட்சியாளராக அவரது நிலையை உறுதிப்படுத்துவதற்காக இருந்தன. இந்து குடிமக்கள் நசுக்கப்பட்டனர்.

திப்பு சுல்தான் அறிமுகப்படுத்திய சில சீர்திருத்தங்கள்

ஐரோப்பிய கலாச்சாரத்தின் மீதான திப்புவின் ஈர்ப்பு அவருக்கும் அவரது ஆட்சியின் புதுமைகளில் தெளிவாகத் தெரிந்தது. அவரது தூதுவர்களில் ஒருவர் பிரான்சில் இருந்து துப்பாக்கி ஏந்தியவர்கள், வாட்ச் தயாரிப்பாளர்கள், செவ்ரேஸில் இருந்து பீங்கான் தொழிலாளர்கள், கண்ணாடித் தொழிலாளர்கள், ஜவுளி நெசவாளர்கள், கிழக்கு மொழிகளில் வேலை செய்யக்கூடிய அச்சுப்பொறிகள் கொண்டுவந்தார்.

மேலும், பொறியாளர் மற்றும் மருத்துவர், கிராம்பு மற்றும் கற்பூர மரங்கள், ஐரோப்பிய பழங்களைப் பற்றி பேசவில்லை. மரங்கள் மற்றும் பல்வேறு பூக்களின் விதைகள். Brittlebank படி, திப்பு மைசூர் ஐரோப்பிய சக்திகளின் நவீன போட்டியாக இருக்க விரும்பினார் மற்றும் அதற்கேற்ப தொழில்நுட்பத்தில் முதலீடு செய்தார்.

மிகவும் பிரபலமானது, போரில் இரும்பு உறை ராக்கெட்டுகளை அறிமுகப்படுத்தியதற்காக திப்புவுக்கு பெருமை சேர்க்கப்படுகிறது. ராக்கெட் போன்ற ஆயுதங்கள் முன்பு போரில் பயன்படுத்தப்பட்டிருந்தாலும், ஆங்கிலோ மைசூர் போர்களில் திப்புவின் இராணுவம் முதல் நவீன போர் ராக்கெட்டுகள் என்று அழைக்கப்படுவதைப் பயன்படுத்தியது. எனினும், சில ஆதாரங்கள் இதை அறிமுகப்படுத்தியவர் அவரது தந்தை ஹைதர் அலி என்றும் திப்பு மட்டுமே மேம்பட்டார் என்றும் கூறுகின்றன.

இந்த ராக்கெட்டுகள் மிகப் பெரிய பிரிட்டிஷ் படைகளுக்கு எதிரான பேரழிவு விளைவுகளுக்குப் பயன்படுத்தப்பட்டன, அவை பீதி மற்றும் குழப்பத்திற்கு வழிவகுத்தன. ஆங்கிலேயர்கள் தங்கள் சொந்த ராக்கெட்டுகளுக்கு திப்புவின் மாதிரிகளைப் பயன்படுத்தினர், இது நெப்போலியன் போர்களில் முக்கிய பங்கு வகிக்கும்.

திப்பு சுல்தான் நிர்வாக மற்றும் பொருளாதார சீர்திருத்தங்களுக்கும் முன்னோடியாக இருந்தார். அவர் புதிய நாணயங்களை அறிமுகப்படுத்தினார், மைசூரில் ஒரு புதிய நில வருவாய் முறையைத் தொடங்கினார்.

அதே போல் பட்டுப்புழு வளர்ப்பையும் அறிமுகப்படுத்தினார், இது இன்றுவரை பல கன்னடிகர்களை வேலைக்கு அமர்த்தியுள்ளது. மேலும், பிளவுஸ் அணிய அனுமதிக்கப்படாத தாழ்த்தப்பட்ட சாதிப் பெண்களின் அவல நிலையைக் கேள்விப்பட்ட திப்பு அவர்களுக்குத் தனிப்பட்ட முறையில் துணிகளை வழங்கியதாக சிலர் கூறுகின்றனர்.

திப்பு எப்படி இறந்தார், இன்று அவரது மரபு என்ன?

திப்பு சுல்தான் 1799 ஆம் ஆண்டு நான்காவது ஆங்கிலோ மைசூர் போரில் பிரிட்டிஷ் படைகளுக்கு எதிராக ஸ்ரீரங்கப்பட்டினாவின் கோட்டையை பாதுகாத்து இறந்தார். அவரது படைகள் அதிக எண்ணிக்கையில் இருந்தன.

மேலும், அவரது பிரெஞ்சு கூட்டாளிகள் அவருக்கு உதவி செய்ய முடியவில்லை. அவரது இறுதி வீரம் மற்றும் எதிர்ப்பை ஒரு தேசியவாதி, காலனித்துவ எதிர்ப்பு சின்னமாக பார்க்கும் பலரால் மகிமைப்படுத்தப்பட்டு உள்ளது.

அரசியல் இடைகழியின் இருபுறமும், திப்பு அன்றைய அரசியல் தேவைகளுக்கு ஏற்றவாறு புராணக்கதைகளாகக் கூறப்பட்டதாக பிரிட்டில்பேங்க் வாதிடுகிறது.
இந்தியாவின் சுதந்திரப் போராட்டத்தின் போது, திப்பு சுல்தான் பிரிட்டிஷ் ஆட்சிக்கு எதிரான எதிர்ப்பின் அடையாளமாக மாறினார்.

தேசியவாத கதைக்கு ஏற்ற அவரது ஆளுமையின் அம்சங்களை வலியுறுத்தினார். இன்று, அவரது எதேச்சதிகாரப் போக்குகள் மற்றும் இணைக்கப்பட்ட பிரதேசங்களில் மிருகத்தனமான அடக்குமுறையின் மீது அதிக கவனம் செலுத்தப்படுகிறது., அவரது மதத்திற்கு அதிக முக்கியத்துவம் கொடுக்கப்பட்டு உள்ளது.



Read in source website

தலைமை தேர்தல் ஆணையர் பதவிக்கான தேர்வில் இந்திய தலைமை நீதிபதியை சேர்க்க வேண்டும் என்ற யோசனையை உச்ச நீதிமன்றம் முன்வைத்துள்ளது.

நடுநிலையை உறுதி செய்வதற்காக, தலைமை தேர்தல் ஆணையரை (சிஇசி) தேர்வு செய்வதற்கான நியமனக் குழுவில் இந்திய தலைமை நீதிபதியை சேர்க்க வேண்டும் என்ற யோசனையை உச்ச நீதிமன்றம் முன்வைத்துள்ளது.

மறைந்த டி.என் சேஷனைப் போன்ற வலுவான குணாதிசயமுள்ள தலைமை தேர்தல் ஆணையரை விரும்புவதாக செவ்வாய்கிழமை (நவம்பர் 22) உச்ச நீதிமன்றம் கூறியது.
இது தொடர்பான வழக்கு, நீதிபதி கே.எம். ஜோசப் தலைமையிலான ஐந்து நீதிபதிகள் கொண்ட அரசியலமைப்பு அமர்வு முன்னிலையில் விசாரணைக்கு வந்தது.
அப்போது, நீதிமன்றம் இந்த யோசனையை கூறியது.

யார் இந்த டி.என். சேஷன்

தமிழ்நாட்டின் திருநெல்வேலியை பூர்விகமாக கொண்ட டி.என். சேஷன் டிசம்பர் 12, 1990 முதல் டிசம்பர் 11, 1996 வரை இந்திய தலைமை தேர்தல் அதிகாரியாக இருந்தார். இவரது இயற்பெயர் திருநெல்வேலி நாராயண ஐயர் சேஷன் ஆகும்.

கேரளாவின் பாலக்காடு மாவட்டத்தில் பிறந்த சேஷன், இந்திய தேர்தல்களின் முகத்தை மாற்றிய தேர்தல் சீர்திருத்தங்களை கொண்டு வந்ததற்காக பரவலாக புகழ் பெற்றார்.
இந்திய தலைமை தேர்தல் அதிகாரி ஆவதற்கு முன்பு, சேஷன் அணுசக்தி ஆணையத்தின் செயலாளர் மற்றும் விண்வெளித் துறையின் இணைச் செயலாளர் உட்பட பல அதிகாரத்துவ பதவிகளில் பணியாற்றியுள்ளார்.

இந்தியாவில் சுதந்திரமான மற்றும் நியாயமான தேர்தல்களை நடத்துவதற்கான அரசியலமைப்பு அதிகாரம் 1950இல் நிறுவப்பட்டது.
இந்திய தேர்தல் ஆணையம் 1990 வரை தேர்தல்களைக் கவனிப்பவராக இருக்கவில்லை. வாக்காளர்களுக்கு லஞ்சம் கொடுப்பது சாதாரணமாக இருந்த நேரத்தில், சேஷன் EC இன் அதிகாரத்தை அமல்படுத்தினார்.

அரசியலமைப்பில் அதன் அதிகாரங்களின்படி. நாட்டில் தேர்தல் நடத்தும் முறையை மாற்றி, மது விநியோகம், வாக்காளர்களுக்கு லஞ்சம் கொடுப்பது, சுவரில் எழுத தடை, தேர்தல் பேச்சுகளில் மதத்தைப் பயன்படுத்துதல் உள்ளிட்ட 150 முறைகேடுகளின் பட்டியலைத் தேர்தல்களின் போது அறிமுகப்படுத்தினார்.
வாக்காளர் அடையாள அட்டை, மாதிரியை அறிமுகப்படுத்தினார். நடத்தை விதிகள் மற்றும் தேர்தல் செலவுகளுக்கு வரம்பு அமல்படுத்தப்பட்டது.

இந்த செயல்பாட்டின் போது, ஆளும் அரசாங்கத்துடன் சேஷனுக்கும் பல விரிசல்கள் ஏற்பட்டன. 1993 ஆம் ஆண்டில், பி வி நரசிம்ம ராவ் தலைமையிலான அப்போதைய அரசாங்கம் இந்திய அரசியலமைப்பின் 342 (2)[3] இன் கீழ் ஜனாதிபதியின் ஒப்புதலுடன் ஒரு அவசரச் சட்டத்தை கொண்டு வந்து EC களின் எண்ணிக்கையை இரண்டாக நிர்ணயித்தது.
மேலும், எம்எஸ் கில் மற்றும் ஜி வி ஜி கிருஷ்ணமூர்த்தி ஆகியோரை இரண்டு தேர்தல் ஆணையங்களாக நியமித்தது. இதை எதிர்த்து, தனது அதிகாரத்தை குறைக்க இந்த நடவடிக்கை அறிமுகப்படுத்தப்பட்டதாகக் கூறி சேஷன் உச்ச நீதிமன்றத்தை அணுகினார்.

அவரது மனு நீதிமன்றத்தால் நிராகரிக்கப்பட்டது.எனினும் அவரின் போராட்டம் தொடர்ந்தது. தற்போதைய தேர்தல் முறைகளுக்கு அவர் முன்மாதிரியாக திகழ்கிறார்.



Read in source website

காசியில் தமிழ் சங்கம் நிகழ்ச்சியை நடத்திய மோடி அரசு; காசிக்கும் தமிழகத்திற்குமான தொடர்பு என்ன? இது பா.ஜ.க.,வுக்கு தமிழகத்தில் எந்தளவு வெற்றியைத் தந்துள்ளது?

Arun Janardhanan

ஒரு சில எதிர்ப்புக் குரல்களைத் தவிர்த்து, ஒரு மாத கால ‘காசி தமிழ் சங்கமம்’ மூலம் தமிழ்நாடு மற்றும் வாரணாசி இடையேயான பழமையான இணைப்புகளை நரேந்திர மோடி அரசாங்கம் கொண்டாடுவது குறித்து தமிழ்நாட்டிலுள்ள கட்சிகள் அமைதியாக இருக்கின்றன. மத்திய அரசு, இல்லையெனில், மாநிலத்தில் எளிதில் பழிபோடக்கூடிய ஒரு அமைப்பு, மாநிலத்தின் இந்துக்களுக்கு எதிரொலிக்கும் வகையில் ஏதோ ஒன்றைத் தட்டிக் கேட்டது இதற்குக் காரணமாக இருக்கலாம்.

“காசிக்குச் செல்வது” என்பது நேரடியாக இல்லாவிட்டாலும், பல தமிழ் இந்துக்களுக்கு ஆன்மீக இலக்கு. பழங்காலத்தில், உத்தரபிரதேசத்தில் உள்ள காசி நகரத்திற்கான தூரம் அதன் பிரகாசத்தை சேர்த்தது, நாட்டுப்புறக் கதைகளின்படி, அங்குச் செல்வதற்கான தடைகளில் ஒன்றான சம்பல் கொள்ளைக்காரர்களைத் தாண்டியும், மேற்கொள்ளக் கூடிய பயணம் என்பது காசியைச் சென்றடைவது மட்டுமல்ல, ஒருவரின் வாழ்க்கையின் கடைசி, தன்னலமற்ற கட்டம் அல்லது வான்வாஸ் நிலையை அடைவதாகும்.

இதையும் படியுங்கள்: மைதானத்திற்குள் பேரணி நடத்துவதா? – உயர் நீதிமன்றத்தில் ஆர்.எஸ்.எஸ் மேல்முறையீடு

“பாவங்களைக் கழுவ” நீராடுவதற்கு இரண்டு புனிதமான இடங்கள் தமிழ்நாட்டின் காசி மற்றும் ராமேஸ்வரம் என்று கருதப்படுவது தற்செயல் நிகழ்வு அல்ல.

வாரணாசியில் மத்திய அரசு ஏற்பாடு செய்திருந்த தமிழகத்தைச் சேர்ந்த சுமார் 2,000 மாணவர்கள் கலந்து கொண்ட காசி தமிழ் சங்கமத்தை தொடங்கி வைத்து பேசிய பிரதமர் மோடி, காசியையும், தமிழகத்தையும் காலத்தால் அழியாத கலாச்சாரம் மற்றும் நாகரிகத்தின் மையங்கள் என்றும், உலகின் மிகப் பழமையான மொழிகளில் சமஸ்கிருதம் மற்றும் தமிழ் உள்ளன என்றும் குறிப்பிட்டார். இது தேசிய அளவில் ஹிந்தியை “திணிக்க” மத்திய அரசு முயற்சிப்பதாக தமிழக அரசாங்கத்தின் புதிய குற்றச்சாட்டுகளுக்கு சில நாட்களுக்குப் பிறகு வந்தது.

“காசியில் பாபா விஸ்வநாதரும், தமிழ்நாட்டில் ராமேஸ்வரத்தின் ஆசீர்வாதமும் உள்ளது. காசி, தமிழகம் இரண்டுமே சிவனில் மூழ்கியுள்ளன” என்று மோடி தனது உரையில் கூறினார்.

தமிழ் சமூக சீர்திருத்தவாதியும், பகுத்தறிவாளருமான பெரியாரும், தமிழ் தேசியக் கவிஞருமான பாரதியாரும் கூட, தங்கள் வாழ்வின் ஒரு கட்டத்தில் காசியில் இருந்தவர்கள்.

பெரியார் வீட்டை விட்டு வெளியேறி காசிக்கு போனபோது சிறுவயதில் இருந்தவர். தன் வாழ்வின் பிற்பகுதியில் பாரதியாரும் காசியைக் கண்டார்.

முக்கிய வலதுசாரி சமூக ஊடகக் குரலான ராகுல் ஈஸ்வர், பெரியாரின் காசிப் பயணம் பற்றி 2020 இல் எழுதினார். “1904 காசிப் பயணத்தில் பெரியார் என்ன அனுபவித்தார்? எங்கள் பிராமண சமூகத்திலிருந்த பாகுபாடு. அதுவே அவரை இந்து விரோதி ஆக்கியது. நாம் சுயபரிசோதனை செய்து சீர்திருத்தம் செய்தால், எதிர்காலத்தில் இந்து விரோதிகளின் (பிறப்பை) தடுக்க முடியும்…” என்று அவர் எழுதினார்.

பெரியார் மற்றும் பாரதியார் இருவரின் படைப்புகளையும் ஆய்வு செய்த முன்னாள் சென்னை உயர் நீதிமன்ற நீதிபதி கே.சந்துரு, “உண்மையாகப் பார்த்தால், இந்த நிகழ்வு காசி இந்து சங்கமம், தமிழ் சங்கமம் அல்ல. காசியில் தமிழைப் பயன்படுத்தியதைப் பற்றி குறிப்பாகக் குறிப்பிடும்படியாக எதுவும் இல்லை,” என்று கூறினார்.

இருப்பினும், காசி தமிழகத்திற்கான இணைப்பை அவர் ஒப்புக்கொள்கிறார். “காசியில் வெதுவெதுப்பான ஆடைகள் ஏதுமின்றி வாழ்வது எவ்வளவு கடினம் என்பதை பெரியார் தனது எழுத்தில் நினைவு கூர்ந்தார். அவரால் குளிரைப் பொறுத்துக்கொள்ள முடியவில்லை, அதனால் அவர் ஒரு வராண்டாவில் நுழைந்தார், அங்கு ஒரு சாது உடனடியாக ஒரு காவி சால்வையை அவருக்குச் சுற்றினார். உடனே, மக்கள் அவரது பாதங்களைத் தொட்டு அவரை கடவுளாக வணங்கத் தொடங்கினர் என்று பெரியார் எழுதினார். இந்து நம்பிக்கையின் சில மேலோட்டமான அம்சங்களைப் பற்றிப் பேச பெரியார் இந்தக் கதைகளைப் பயன்படுத்தினார்” என்கிறார் சந்துரு.

தென் மாநிலமான தமிழகத்திற்கும் காசிக்கும் இடையே வர்த்தக தொடர்புகள் கி.பி 6 ஆம் நூற்றாண்டு வரை சென்றதற்கான சான்றுகள் உள்ளன, சிறிய ஆனால் குறிப்பிடத்தக்க தமிழர்கள் வாராணசியில் குடியேறினர், இது பிரதமர் மோடியின் நாடாளுமன்றத் தொகுதியாகும், இது அவரது அரசாங்கத்தின் இந்துத்துவ நிகழ்ச்சி நிரலில் குறிப்பாக கவனம் செலுத்துகிறது.

வாரணாசியில் குடியேறிய பெரும்பாலான தமிழர்கள் செல்வாக்கு மிக்க நாட்டுக்கோட்டை செட்டியார் வணிக சமூகத்தைச் சேர்ந்தவர்கள், அவர்கள் காசியில் ஏராளமான விடுதிகள், ஹோட்டல்கள் மற்றும் பிற வணிகங்களை வைத்துள்ளனர். அவர்களில் சிலர் கோயில்களில் பூஜைகள் செய்வதற்கான உரிமையையும் பெற்றுள்ளனர் மற்றும் சில கோயில் மரியாதைகளைப் பெறுவதற்கு உரிமையுடையவர்கள், எனவே அவர்களின் எண்ணிக்கை வலிமைக்கு அப்பாற்பட்ட செல்வாக்கை அவர்கள் அனுபவிக்கிறார்கள். தமிழ் வம்சாவளியைச் சேர்ந்த சுமார் 250 குடும்பங்கள் வாரணாசியில் குடியேறியுள்ளதாக உள்ளூர் பா.ஜ.க தலைவர்கள் மதிப்பிட்டுள்ளனர்.

காசித் தமிழ்ச் சங்கம் தொடர்பான கருத்துகளைத் தவிர்க்க தி.மு.க.,வும், தமிழகத்தின் பெரும்பாலான எதிர்க்கட்சிகளும் தேர்வு செய்துள்ள நிலையில், சமீபத்தில் தி.மு.க தலைமையிலான ஆளும் கூட்டணியின் கூட்டணிக் கட்சியான சி.பி.ஐ(எம்) கட்சியின் தமிழ்நாடு குழு அறிக்கை ஒன்றை வெளியிட்டது. “ஆர்.எஸ்.எஸ் சித்தாந்தத்தால் ஈர்க்கப்பட்ட இதுபோன்ற நிகழ்வுகளைத் தடுக்க” மாநில அரசும் கல்வித் துறையும் தேவையான நடவடிக்கைகளை எடுக்க வேண்டும், என குறிப்பிடப்பட்டது.

தமிழகத்தின் மூத்த பா.ஜ.க தலைவர் ஒருவர், டெல்லியால் கருத்திற்கொள்ளப்பட்ட இந்த நிகழ்வைப் பற்றி அவர்கள் அறியாமல் இருந்ததாக ஒப்புக்கொள்கிறார். இருப்பினும், பா.ஜ.க.,வின் முதல் தடையான தமிழ் அல்லாத பிம்பத்தை எதிர்த்துப் போராடி வரும் நிலையில், வலுவான பிராந்திய தேசியவாதத்துடன், இந்த நிகழ்வு மாநிலத்தில் வெற்றி பெற்றுள்ளது என்பதில் சந்தேகமில்லை என்று அவர் கூறுகிறார்.

மேலும், அந்த பா.ஜ.க தலைவர் சொல்வது போல், “காசி என்பது தமிழ் இந்து பக்தர்களுக்குத் தெரியும், அதைப் பற்றி யாரும் கற்பிக்கத் தேவையில்லை, வாரணாசியில் நல்ல எண்ணிக்கையிலான தமிழ் மக்கள் உள்ளனர், அது எங்களுக்கு மிகவும் முக்கியமானது.”



Read in source website

 குழந்தைத் தொழிலாளர் முறை முற்றிலுமாக ஒழிக்கப்பட வேண்டும் என்பதில் யாருக்கும் இருவேறு கருத்து இருக்க முடியாது. பள்ளியில் படித்து கல்வியறிவு பெற்று வருங்கால சமுதாயம் மேம்பட வேண்டும். கல்விக்குத் தடையாக வறுமை இருக்கக்கூடாது என்பதையும் மறுப்பார் யாருமில்லை.
 வளர்ச்சியடைந்த நாடுகளில் குழந்தைத் தொழிலாளர் முறை முற்றிலுமாக இல்லை என்பதுடன், குழந்தைகளின் நலன் பேணுதல் என்பதை சட்டபூர்வமாகவே நடைமுறைப்படுத்துகிறார்கள். பெற்றோர்களே ஆனாலும்கூட, தங்கள் குழந்தைகளுக்குக் கோபத்தில் ஊறு விளைவிப்பதை சட்டம் அங்கே அனுமதிப்பதில்லை. குழந்தைகளின் வளர்ப்புமுறை கூட விதிமுறைகளுக்கு உட்பட்டது. அந்த இலக்கை அடைய இந்தியா வெகுதூரம் பயணித்தாக வேண்டும்.
 சாலையோரங்களில் குழந்தைகளைக்காட்டி இரந்து பிழைப்பவர்களும், குழந்தைகளை நேரடியாகக் கையேந்த வைப்பவர்களும், நாற்சந்திகளில் நிற்கும் வாகனப் பயணிகளிடம் குழந்தைகள் மூலம் பொருள்களை விற்கச் செய்பவர்களும் இந்தியாவின் பெருநகரங்கள், சிறு நகரங்கள் என்கிற வேறுபாடில்லாமல் காணக்கிடைக்கும் காட்சி. வீட்டு வேலையிலிருந்து கடைகள், உணவகங்கள், தையற்கடைகள், சிறுதொழில் நிறுவனங்கள் என்று குழந்தைத் தொழிலாளர்கள் இப்போதும்கூட பரவலாகவே காணப்படுகின்றனர். தீப்பெட்டி, பட்டாசு தயாரிப்பில் கடுமையான முயற்சிக்குப் பிறகு ஓரளவுக்கு குழந்தைத் தொழிலாளர் முறை கட்டுக்குள் கொண்டுவரப்பட்டிருக்கிறது.
 இரண்டுக்கு மேற்பட்ட குழந்தைகளைப் பெற்று வசதியுடன் வளர்க்க முடிந்த பெற்றோர்கள், ஒரு குழந்தையுடன் நிறுத்திக்கொண்டு அவர்களை நன்றாகப் படிக்க வைத்து வெளிநாடுகளுக்கு வேலைக்கு அனுப்பிவிடுகிறார்கள். ஆனால் அடிப்படை வாழ்கைக்கே கஷ்டப்படும் குடும்பங்களில் அதிக எண்ணிக்கையில் குழந்தைகள் இருக்கும் நிலைமை காணப்படுகிறது. அவர்களை முறையாகப் படிக்க வைக்கவும், பராமரிக்கவும் வழியில்லாமல் சிறுவயதிலேயே வருவாய் ஈட்ட குழந்தைகள் பயன்படுத்தப்படுகிறார்கள் அல்லது குடும்பச் சூழலால் வற்புறுத்தப்படுகிறார்கள்.
 எந்த பெற்றோரும் தங்கள் குழந்தைகளை விரும்பித் துன்புறுத்துவதில்லை. கையறு நிலைதான் அதற்குக் காரணம். வறுமைக் கோட்டுக்கு கீழே இருப்பவர்கள் மத்தியில் குடும்பக் கட்டுப்பாடு குறித்த விழிப்புணர்வு இல்லாமல் போனதன் விளைவுதான் குழந்தைத் தொழிலாளர் முறை தொடர்வதற்கு முக்கியமான காரணம்.
 குழந்தைகளை பள்ளிகளுக்கு ஈர்ப்பதற்குப் பல முன்னெடுப்புகளை மத்திய, மாநில அரசுகள் செய்யாமலில்லை. அனைவருக்கும் கல்வி, பள்ளிக்கூடங்களில் சத்துணவு, தமிழகத்தில் மதிய உணவு மட்டுமல்லாது காலைச் சிற்றுண்டி, அங்கன்வாடிகளில் மழலையர் பள்ளிகள், வறுமைக் கோட்டுக்கு கீழே இருக்கும் குழந்தைகளுக்கு சீருடை- புத்தகங்கள், தனியார் பள்ளிகளில் பொருளாதாரத்தில் பின்தங்கிய பிரிவினரின் குழந்தைகளுக்கு 25% ஒதுக்கீடு என்று பல்வேறு திட்டங்கள் அமல்படுத்தப்பட்டுள்ளன.
 அப்படியிருந்தும்கூட, எல்லா குழந்தைகளையும் கல்விச்சாலைகளுக்கு ஈர்க்க முடியவில்லை என்றால் அதுகுறித்து தீவிரமாக சிந்தித்தாக வேண்டும். குழந்தைகளை பள்ளிக்கு அனுப்பினாலும் அவர்கள் பாடங்களைப் படிப்பதற்கான சூழல் அல்லது வசதி தெருவோரங்களிலும், குடிசைவாழ் மக்களிடமும் இல்லாமலிருப்பதும் காரணிகள் என்பதை நாம் உணர வேண்டும்.
 2011 மக்கள்தொகை கணக்கின் அடிப்படையில், யுனிசெஃப் நிறுவனம் சில தரவுகளைத் தொகுத்திருக்கிறது. அதன்படி, இந்தியாவில் ஒரு கோடிக்கும் அதிகமான குழந்தைகள் பணியில் ஈடுபடுத்தப்படுகிறார்கள். அவர்களில் 56 லட்சம் பேர் ஆண் குழந்தைகள். 45 லட்சம் பேர் பெண் குழந்தைகள்.
 உலகளாவிய நிலையில், 15.2 கோடி குழந்தைத் தொழிலாளர்கள் இருக்கிறார்கள். அதாவது 10 குழந்தைகளில் ஒரு குழந்தை கல்வி பெறாமல், தன்னையோ தனது குடும்பத்தையோ காப்பாற்ற பணியில் ஈடுபட வேண்டிய நிலைமை காணப்படுகிறது.
 கடந்த கால் நூற்றாண்டு காலமாக, குழந்தைத் தொழிலாளர்களின் எண்ணிக்கை இந்தியாவில் கணிசமாகவே குறைந்திருக்கிறது என்பதையும் மறுப்பதற்கில்லை. ஆனால் இப்போதும் கொத்தடிமைகளாகவும், தீவிரவாதக் குழுக்களில் குழந்தைப் போராளிகளாகவும், சமூக விரோதிகளின் கட்டுப்பாட்டிலும், பெண் குழந்தைகள் பாலியல் தொழிலாளிகளாகவும் இருக்கிறார்கள் என்கிற கசப்பான உண்மை வேதனையளிக்கிறது.
 2020 தேசிய குற்ற ஆவணக்காப்பக புள்ளிவிவரப்படி, சுமார் 705 குழந்தைத் தொழிலாளர்கள் மீட்கப்பட்டுள்ளனர். குழந்தைத் தொழிலாளர் தடுப்பு மற்றும் ஒழுங்காற்றுச் சட்டத்தின்கீழ் 476 முதல் தகவல் அறிக்கைகள் பதிவு செய்யப்பட்டிருக்கின்றன.
 குழந்தைத் தொழிலாளர் தடுப்புச் சட்டத்தை முறையாக நடைமுறைப்படுத்தவில்லை என்பதன் வெளிப்பாடுதான் இந்த குறைவான எண்ணிக்கை.
 தேசிய குழந்தைத் தொழிலாளர் தடுப்புத் திட்டத்தின்கீழ் (சமக்ர சிக்ஷா அபியான்) தமிழகத்தில் 213 சிறப்புப் பள்ளிகள் செயல்படுகின்றன. பல்வேறு பணியிடங்களிலிருந்து மீட்கப்பட்ட 3,861 குழந்தைகள் அவற்றில் சேர்க்கப்பட்டு படிக்கின்றனர். ஏனைய மாநிலங்களிலும் இதுபோன்ற சிறப்புப் பள்ளிகள் செயல்படுகின்றன. அப்படியிருந்தும், 2018 தேசிய மாதிரி ஆய்வின்படி இந்தியாவில் 3.2 கோடி குழந்தைகள் இன்னும்கூட பள்ளியில் சேராமல் இருக்கிறார்கள்.
 சுமார் 3.2 கோடி குழந்தைகள் பள்ளிகளுக்கு வெளியே இருக்கிறார்கள் என்பது புள்ளிவிவரம் என்றாலும், பாதியில் பள்ளியிலிருந்து வெளியேறும் குழந்தைகளும் இருக்கிறார்கள் என்பதை நாம் உணர வேண்டும். குழந்தைத் தொழிலாளர் முறை தொடரும் நிலையில், 5-ஆவது பெரிய பொருளாதாரம் என்று நாம் மார்தட்டிக்கொண்டால் உலகம் நம்மை எள்ளி நகையாடாதா?
 
 



Read in source website

 உரைவேந்தரின் திருமகன் நாவேந்தர் ஒளவை நடராசன், வெளியூர்ப் பயணங்களின்போது - அது வானொலி நிகழ்ச்சியாக இருந்தாலும், தொலைக்காட்சி நிகழ்ச்சியாக இருந்தாலும், அரசியல் மேடையாக இருந்தாலும், தமிழ் மன்ற நிகழ்ச்சியாக இருந்தாலும் - என்னை உடனழைத்துக்கொண்டு செல்வார். நிகழ்ச்சியில் தான் பேசப் போவது பற்றி என்னுடன் விவாதிக்கும் பழக்கமுடையவர் அவர். மாற்றுக் கருத்துகளைக் கவனத்துடன் காது கொடுத்துக் கேட்பார். அவருடன் பேசுவது எப்போதும் ஓர் அலாதியான மகிழ்ச்சியைத் தரும்.
 வயதை மீறிப் பொங்கும் இளமை, காலத்தால் மங்காத கூர்மை, புதியன தேடிக் கொண்டேயிருக்கும் தணியாத ஆர்வம், எதிலும் ஆழம் அகலம் காணும் அறிவின் விரிவு, நடைமுறை வாழ்வின் நெளிவு சுளிவுகளில் கரைகண்ட கூரிய புலமை.... ஐயா ஒளவை பற்றி இப்படி எத்தனையோ சொல்லி வியக்கலாம்.
 பழந்தமிழ்ப் பாடல்களின் சிறப்பைப் பற்றிப் பேசத் தொடங்கிவிட்டால், அவருக்குக் காலம் போவதே தெரியாது. ஒருநாள் அவருக்கு நல்ல காய்ச்சல். "ஏதாவது ஒரு சங்கப்பாடல் சொல்லுங்களேன்' என்றார். "அகமா புறமா சார்' எனக் கேட்டேன். "புறநானூற்றிலிருந்து ஒரு பாட்ட எடுத்து விடுங்க' என்றார்.
 உடையன் ஆயின் உண்ணவும் வல்லன் கடவர் மீதும் இரப்போர்க்கு ஈயும் மடவர் மகிழ்துணை நெடுமான் அஞ்சி என்றேன்.
 "பலே சோழா! சொல்லு' என்றார்.
 "பலே பாண்டியான்னுதானே பாரதியார் சொல்லுவார்னு சொல்லுவாங்க. நீங்க என்ன இப்படிச் சொல்றீங்க' என்றேன்.
 "எத்தன வாட்டி நான் உங்களுக்குச் சொல்லியிருக்கேன். எதைச் சொன்னாலும் நாம சொந்தமா ஒரு சொல்லாவது சேர்த்துச் சொல்லணும். கிளிப்பிள்ளைப் பேச்சு எனக்கு பிடிக்காதுன்னு உங்களுக்குத் தெரியாதா? நீங்க திருவாரூர்க்காரர்தானே, அப்புறமென்ன? மீதிப் பாடலையும் கணீர்னு சொல்லுங்க ராஜா' என்றார்.
 இல்லிறைச் செரீஇய ஞெலிகோல் போலத்
 தோன்றாது இருக்கவும் வல்லன் மற்றதன்... என்று நான் சொல்லிக் கொண்டிருக்கும்போதே இடைமறித்து, கான்றுபடு கனைஎரி போலத் தோன்றவும் வல்லன் தான் தோன்றும் காலே என்று பாட்டை முடித்துவிட்டார்.
 "புறநானூறில இது எத்தனாவது பாட்டு ராஜா' என்று கேட்டார்.
 ஐயோ! இப்படி ஒரு கேள்வி கேட்பார் என்று எனக்கு எப்படித் தெரியும்?
 "என்ன ராஜா முழிக்கிறீங்க? 315-ஆம் பாடலாச்சே இது' என்றார்.
 அது ஒரு பாடம். அவர் சொல்லிக் கொடுக்கும் முறை அப்படித்தானிருக்கும். அதற்கப்புறம் எந்த இலக்கியத்தில், எந்தப் பாடலை நான் படித்தாலும், இன்றுவரை அது எங்கே வருகிறது, எத்தனையாவது பாடல் என்ற விவரங்களையும் சேர்த்தேதான் படித்துக்கொள்கிறேன்.
 "இப்ப தொட்டுப் பாருங்க என்னை' என்கிறார். அவர் கழுத்தில் கைவைத்துப் பார்க்கிறேன். இயல்பாக இருக்கிறது! காய்ச்சலைக் காணோம். சரியாகிவிட்டார். அவர் வாய் முணுமுணுக்கிறது. "தமிழ் எங்கள் அசதிக்குச் சுடர்தந்த தேன்'.
 என்னை நிறையப் பாடல்களைச் சொல்லச் சொல்லிக் கேட்பது அவர் இயல்பு. பல தருணங்களில், ஒரு பாடலின் தொடக்க அடிகளை அவர் சொன்னவுடன், அடுத்துவரும் அடிகளை நான் சொல்ல வேண்டும் என்றும் எதிர்பார்ப்பார்.
 வான் நகும் மண்ணும் எல்லாம் நகும் மணிவயிரத் தோளன் என்று அவர் தொடங்கியதும், தான்நகு பகைஞர் எல்லாம் நகுவர் என்பதற்கு நாணான் என்று அடுத்த அடியை நான் சொல்லவேண்டும். அதற்கடுத்த வரியை அவர் சொல்வார். இறுதியை நான் சொல்லி முடிக்கவேண்டும்.
 இது செம்மையாக நடைபெற்றால், அவரைக் கையில் பிடிக்க முடியாது. அவ்வளவு உற்சாகத் துள்ளலுடன் உரையாடுவார்.
 அவரைப் பார்க்கப் போவதாயிருந்தால், புதிதாகச் சில பாடல்களைத் தேடிப்பிடித்துப் படித்துக் கொண்டுதான் போவேன். அவரை வியக்க வைப்பதும், அவர் வாயால் உண்மையான ஒரு பாராட்டுச் சொல்லைப் பெற்றுவிடுவதும் எனக்கு ஒரு சவால். அதைப் பெரும்பாலும் சமாளித்துத் தப்பிவந்திருக்கிறேன் என்பதுதான் என் நிறைவு.
 எத்தனையோ பெரிய பெரிய இடங்களுக்கு என்னை உடனழைத்துப் போயிருக்கிறார். "நான் அவரைப் பார்த்துட்டு வரேன். நீங்க வெளியில கொஞ்சம் வெயிட் பண்ணுங்க ராஜா' என்று என்னிடம் ஒருபோதும் அவர் சொன்னதில்லை.
 ஒரு பெரும் செல்வந்தரின் வீட்டுத் திருமண விழா. விழா முடிந்து ஊரின் பிரபல அரசியல்வாதியைப் பார்க்கப் போனார். "நீங்க போங்க. நான் காரிலேயே காத்திருக்கிறேன்' என்று நான் சொன்னாலும், என்னை அவர் விடவில்லை. உள்ளே போனோம். அருமையான கவனிப்பு நடந்தது.
 கோதுமை அல்வா, காஃபி. சுமார் 50 வருடமாக, அவருக்குச் சுகர் இருக்கிறது. கவலையே படமாட்டார். இனிப்பை உண்டுவிட்டு, ஒரு மாத்திரையை எடுத்துப் போட்டுக்கொள்வார்.
 அப்போது ஒரு வயதான பெண்மணி உள்ளே நுழைந்தார். முருகனைப் பற்றித் தான் ஒரு காவியம் பாடியிருப்பதாகவும், அதை ஆயிரம் பிரதிகள் அச்சடிக்க வேண்டும் என்றும் சொன்னாள். "30,000 போதுமா' என்று கேட்டார் அரசியல்வாதி. அந்தப் பெண்மணி வாயடைத்துப் போய்விட்டார். கண்களில் நீர் தளும்ப, "மிக மிக நன்றி ஐயா" என்று கையெடுத்துக் கும்பிட்டார். அவர் போன பிறகும், மாநில அரசியல் பற்றிக் கொஞ்ச நேரம் பேசிவிட்டுப் பிறகு விடைபெற்றுக்கொண்டு வந்தார்.
 இந்தச் சந்திப்பு முடிந்து வெளியில் வந்ததும், காரில் ஏறிக்கொண்டோம். ஒளவையிடம் நான் கேட்டேன். "என்ன சார் இது? இவ்வளவு நல்லவரா இருக்காரு. எவ்வளவு பெரிய மனசு' என்று நான் வியந்தேன்.
 ஒரு திருக்குறள் சொல்றேன், கேளுங்க.
 அறிவிலான் நெஞ்சுவந்து ஈதல் பிறிதியாதும்
 இல்லை பெறுவான் தவம்
 என்றாரே பார்க்கலாம்! எனக்குத் தூக்கிவாரிப் போட்டது! "842-ஆம் திருக்குறள் ராஜா. வீட்டுக்குப் போய் நல்லா படிங்க' என்றார்.
 இப்படியும் ஒரு திருக்குறளா? அதற்குப் பின், அந்த அரசியல்வாதி பற்றி அவர் என்னிடம் என்ன சொன்னார் என்பது ரகசியம். அதை நான் உங்களுக்குச் சொல்லப் போவதில்லை. முடிந்தால் நீங்களே ஊகித்துக்கொள்ளுங்கள்! நான் கண்ட மிகச்சிறந்த பின்நவீனத்துவவாதி டாக்டர் ஒளவை நடராசன் அவர்கள்தான்!
 
 கட்டுரையாளர்:
 முதல்வர்,
 மாநிலக் கல்லூரி, சென்னை.
 



Read in source website

 முன்பெல்லாம் பண்டிகைகளை ஒட்டி, புத்தாடை எடுத்துக் குழந்தைகளுக்குக் கொடுத்துக் கொண்டாடுவதுண்டு. பின்னர் பிறந்தநாள். இப்போதோ, எடுத்ததற்கெல்லாம் கொண்டாட்டம்தான். போதாக்குறைக்குப் பள்ளிகளில் நடத்தப்படுகிற விழாக்கள் வேறு. ஒற்றைக் குழந்தை பெற்றவர்களுக்கு இது எளிதாக இருக்கலாம்; ஒன்றுக்குமேல் பெற்றவர்கள் பாடு திண்டாட்டம்தான்.
 "அதனால் என்ன? கொண்டாடக் கொண்டாடக் குழந்தைகள் குதூகலம் அடைவார்கள். நல்லதுதானே' என்று அமைதி கொண்டாலும், பல நேரங்களில் அளவுக்கு மீறிய கொண்டாட்டம் திண்டாட்டத்தில் கொண்டுபோய் விட்டுவிடுகிறது.
 இருக்கப்பட்டபோது எதையும் எப்போதும் கொண்டாடிக் கொண்டிருக்கலாம். இல்லாத நேரத்தில், எப்படிக் கொண்டாடுவது?
 வசதி படைத்தவர்களின் இல்லக் கொண்டாட்டங்களுக்குச் சென்று வரும் பிள்ளைகள் தன் வீட்டிலும் அதுபோல் கொண்டாட வேண்டும் என்று அடம்பிடித்து அழும்போது படுசிரமம். தவிர்த்தால் அதற்கொரு நியாயத்தையும் முன்வைத்து வினாத் தொடுப்பார்கள். "நாம் மட்டும் அவர்கள் வீட்டுக்குப் போய்க் கொண்டாடிவிட்டு வந்தோம். பதிலுக்கு நாம் அவர்களை அழைக்க வேண்டாமா' என்று கேட்பார்கள். அதை ஆமோதிக்க, அம்மாக்கள் இருக்கிறார்கள்.
 வாழ்க்கைப்போக்கில் இயல்பாக நடத்தப்பட வேண்டிய கொண்டாட்டங்கள், அவரவர் வசதிக்கேற்பப் பகட்டும் படாடோபமும் நிறைந்தவையாக ஆகின்றபோது, எளிமை நழுவிப்போய்விடுகிறது. இவையே கொண்டாட்டத்திற்கான விதிமுறைகளையும் உருவாக்கிவிடுகின்றன. படிப்பது, நடிப்பது, திறன்களை வெளிப்படுத்துவது ஆகியவற்றில் இருக்கும் "போலச் செய்தல்' இத்தகைய கொண்டாட்டங்களில் வந்து நிறைந்து விடுகிறது. கெளரவத்திற்காகக் கட்டாயம் செய்யப்படவேண்டியவையாக, இவை ஆகி வளர்கின்றன. விருந்து, பரிசளிப்பு, குடும்பத்தோடு போக வாகனத்தேவை என்று கணிசமான செலவைச் செய்ய வைத்துவிடுகின்றன.
 இவையெல்லாம் நாம் சிறுபிள்ளைகளாக இருந்த காலத்தில் இல்லை. இப்போது வருமானம் வருகிறதோ இல்லையோ இந்த மாதிரிச் செலவினங்கள்தான் மிகுந்துபோகின்றன என்று அலுத்துக் கொள்கிறவர்களாலும் கூட இவற்றைத் தவிர்க்க இயலவில்லை.
 காலத் தேவைக்கேற்ற வளர்ச்சிதான் இது. நாம் பெறமுடியாத பல அனுபவங்களையும் ஆனந்தங்களையும் நம் பிள்ளைகள் பெறுவது தவறா என்று சமாதானப்படுத்திக்கொள்கிறவர்களும் இருக்கிறார்கள். "நாம் சம்பாதிப்பதும் சேர்த்துவைப்பதும் பிள்ளைகளுக்காகத்தானே. அனுபவித்துவிட்டுப் போகட்டும்' என்னும் பாச உணர்வு நியாயமானதுதான். அந்த அனுபவம் ஆக்கம் சார்ந்ததாக இருந்தாதல் வேண்டும். அவர்களைத் திசைமாற்றும் நிலைக்குக் கொண்டுசேர்ப்பதாக ஆகிவிடக்கூடாது.
 எந்தப் பொருளுக்கும் ஒரு விலையுண்டு. அது பண மதிப்பீட்டு விலை மட்டுமல்ல. உடல்சார் உழைப்பும் சம்பந்தப்பட்டது. விளையாட்டுப் பொருள்களோ, உணவுப்பண்டமோ, வாகனச் சலுகைகளோ, எதுவானாலும் அவற்றை நுகர்வதற்காகச் செலுத்தப்படும் தொகைக்குக் குறைந்த அளவேனும் உடல் உழைப்பு இருந்தே ஆகவேண்டும்.
 கேட்டதும் உடனே கிடைத்துவிடுகிற எந்தப் பொருளுக்கும் மதிப்பில்லை. அவ்வாறு பயன்படுத்தித் தூக்கி எறிகிற (யூஸ் அண்ட் த்ரோ) பழக்கத்திற்குக் குழந்தைகள் அடிமையாகிவருவது அவ்வளவு நல்லதல்ல. பொருள்களைப் பயன்படுத்துவதுபோலவே பின்னாட்களில் மனிதர்களைப் பயன் கொள்ளவும் அவர்கள் பழகிவிடுவார்கள். இன்றளவும் மறுசுழற்சிக்குப் பழக்கப்படாமல் வீணடிக்கப்படும் பொருள்கள்தாம் எவ்வளவு?
 இளம் வயதில் கேட்டதும் கிடைத்துவிடும் என்பதை அனுபவித்துப் பழகிய பிள்ளைகள் பிற்காலத்தில் தன் தேவைக்குரியன கிடைக்காதபோது ஏமாற்றமும் எரிச்சலும் அடைந்துவிடுகிறார்கள். இளவயதில் அடம்பிடிக்கப் பழகிய அவர்கள் பிற்காலத்தில் மிரட்டவும் தயங்காதவர்கள் ஆகிவிடுகிறார்கள். முரட்டுத்தனமும் முன்கோபமும் அவர்களை எந்த நிலைக்குக் கொண்டு செல்லும் என்றே தெரியாது. அதிலும் இப்போது அதிகரித்துவரும் மதுப்பழக்கம் அதீத ஆபத்தை விளைவிக்கும் என்று எச்சரிக்கிறார்கள் மருத்துவர்கள்.
 விரும்பும் ஒரு பொருள் கிடைப்பதற்குமுன் தோன்றும் ஏக்கம், அது குறித்த கனவு, கிடைத்த பின் ஏற்படுகிற மகிழ்ச்சி, அதனை முழுமையுறத் துய்ப்பதில் ஏற்படுகிற அனுபவம் எல்லாமும் கேட்டவுடன் கிடைத்துவிடுகிறபோது, கிடைக்காமல் போய்விடுகிறது. அதன்மீதான மதிப்பும், வாங்கிக் கொடுப்பவர் மீதான மரியாதையும் குறைந்து போய்விடுகிறது.
 என்னதான் உரிய விலை கொடுத்து ஒரு பொருளை வாங்கினாலும், அதனை முறைப்படத் துய்த்துப் பயன் கொள்ளாமல் தூக்கி எறிவது, அப்பொருளை உருவாக்கியவர்களின் உழைப்பை அவமதிக்கும் ஒரு சமுதாயக் குற்றம் அல்லவா? இது பிள்ளைப் பருவமுதலே உணர்ந்து களையப்பட வேண்டியது கட்டாயமல்லவா?
 வாழ்வின் தேவை கருதி நடக்க வேண்டிய கொண்டாட்டங்கள், வலுக்கட்டாய நிர்ப்பந்தங்களால் தவிர்க்க முடியாத தேவையை உண்டுபண்ணுகிறபோது, விளைவுகள் விபரீதமாகி விடுகின்றன. ஊக்கப்படுத்துகிறோம் என்கிற நிலையில் அவ்வப்போது பரிசுகளை அறிவிப்பதுகூட, ஒருவகையில் கையூட்டுப் பழக்கத்தை குழந்தைகளுக்குக் கைமாற்றிக் கொடுப்பதாக ஆகி விடுகிறது.
 அன்றாடக் கடமைகளைத் தவறாமல் நிறைவேற்றுவது வேறு; ஆர்வ மிகுதியால், தன் திறமைகளை வெளிப்படுத்தும் போட்டிகளில் பங்கேற்பது வேறு. கடமை உயிர்ப்பண்பு; திறமைகளைப் புலப்படுத்துதல் உயர்பண்பு. அத்தகு திறன்களும் கடமைகளைச் செறிவுறச் செய்வதற்கு உறுதுணையாக வேண்டும். ஆனால், கடமை புரிவதே திறமை என்பதான நிலை இப்போது மலிந்து வருகிறது. அதனால் கையூட்டுக் கொடுத்தால்தான் எதுவும் நடக்கும் என்பதை நியாயப்படுத்தும் போக்கு வளர்கிறது.
 குழந்தைகள் விஷயம் இவ்வாறு இருக்க,தெய்வத்தைக் கொண்டாடும் மரபிலும் பகட்டும் படாடோபமும் மிகுந்துவிட்டன.
 அன்பு என்னும் தாய் ஈன்ற அருமைக் குழந்தை அருள். அதனை வாரிவழங்கும் தெய்வத்திற்கு எந்தவொரு கையூட்டும் வேண்டியதில்லை. பெற்ற அருளுக்கு பிரதிபலனாக அன்பைச் செலுத்துகிற முறைதான் பக்தியெனும் பெயர் தாங்கி வழிபாடாக எழுகிறது.
 நெஞ்சகமே கோயில் நினைவே சுகந்தம் அன்பே
 மஞ்சன நீர் பூசை கொள்ள வாராய் பராபரமே
 என்று தாயுமானவரின் பக்தியுள்ளம் பரிந்து பாடுகிறது.
 இவற்றின் புறவெளிப்பாடே பூசனை. சிறப்பொடு செய்யப்படும் பூசனைகள், வானத்து மழைநீரை வையகத்துக்குக் கொண்டுதரும் வல்லமை மிக்கவை என்கிறது திருக்குறள். காவிரிப்பூம்பட்டினத்தில் "இந்திர விழா' எடுக்கும் முறை எப்படிப்பட்டதென்று எடுத்தியம்புகிறது "சிலப்பதிகாரம்'. சூழலியல் சார்ந்து நடைமுறைப்படுத்தப் பெறும் திருவிழாக்கள், ஆடம்பரத்திற்கு இடம் கொடுத்து, இப்போது அல்லாடிக் கொண்டிருக்கின்றன.
 அக்காலத்தில் மக்கள் தொகைக் குறைவு என்பதோடு, வழிபாட்டுத் தலங்களும் இயற்கையோடு இணைந்து இயல்புற அமைந்திருந்தன. இப்போதோ, செயற்கை உபகரணங்கள் மிகுதியாகிவிட்டன. நெரிசல், தேவைகளின் அதிகரிப்பு ஆகியவற்றின் காரணமாக, தூய்மைக் குறைவு மிகுந்து வருகிறது. பக்தர்கள் பண்ணுகிற பூசனைகளில் இன்றியமையாதது தூய்மை பேணல் என்பதை மறந்துவிடலாகாது.
 ஆண்டுக்கு ஓரிருமுறை நடைபெறும் திருவிழாக்களின் ஆடம்பரச் செலவினங்களை முறைமைப்படுத்தினால், அன்றாடத் தேவைக்கான செலவினங்களைச் சீருறச் செய்துவிட முடியும் என்பது அனுபவம்.
 நாள்வழிபாட்டுக்குத் தேவையான திருவிளக்குகளுக்கு எண்ணெய் கூட இல்லாது சிரமமுறும் சிற்றூர் ஆலயங்களில், சிறப்புத் திருவிழாக்கள் நடத்தப்படுகிறபோது ஒளியூட்டப்பெறும் ஆடம்பர மின் விளக்குகள்தாம் எத்தனை எத்தனை? ஆர்ப்பாட்டங்கள்தாம் எவ்வளவு?
 நடமாடும் கோயில்களாக விளங்கும் உயிர்களுக்கு நல்லுதவி செய்வதற்காகப் படமாடும் கோயில்களை நிர்மாணித்தனர் முன்னோர். அவற்றின் இயல்பு கெடாது பராமரிப்பதுகூடத் திருப்பணி செய்யும் புண்ணியத்தைத் தரும்.
 விழா நாட்களில் தண்ணீர்ப் பந்தல் அமைத்து நீர்மோர், பானகம் வழங்கிய அறக்கொடையாளர்கள் இப்போது, பாலிதீன் பைகளிலும், குடுவைகளிலும் அடைக்கப்பட்ட நீரை வழங்குவது காலமாற்றம் என்றாலும், அதனால் பெருகும் கழிவுகளை அப்புறப்படுத்துவது அவ்வளவு எளிதா? மண்டபங்களில் சமைத்து, அன்னதானம் இடுவோர் இப்போது சிரமம் குறைக்கப் பொட்டலங்களில் கட்டித் தருவதை வழக்கமாகக் கொண்டிருக்கிறார்கள். உண்டபின் போடப்படும் குப்பைகள் கணிசமான அளவில் மிகுந்து தூய்மைக்குறைவுக்கு வழிவகுத்துவிடக் காணலாம்.
 பிறவிப்பிணியைப் போக்கும் வழிபாட்டுத் தலங்களில் உடற்பிணி போக்கும் புனிதத் தீர்த்தங்களையும், மலர்பூத்துச் சொரியும்
 நந்தவனங்களையும் பேணுவதுகூட வழிபாட்டுநெறிதான் என்பதைப் பெரியபுராணத்து அடியார்கள் வலியுறுத்தியிருக்கிறார்கள்; நடைமுறைப்படுத்திச் சிறந்திருக்கிறார்கள்.
 உழவாரப் படை தாங்கிய திருநாவுக்கரசர் பெருமானும், பிறக்கும்பொழுதே கண்காணா மாற்றுத் திறனாளியாக இருந்த போதிலும் திருவாரூர்த் திருக்குளம் கல்லிய தண்டியடிகளாரும் நமக்கு உணர்த்திய மரபு மீளவும் பின்பற்றத் தகுந்தது. அந்த மரபை அடிப்படையாகக் கொண்டு உழவாரப் படை அமைத்து, திருப்பணி செய்கிற குழுக்கள் பல வளர்ந்து வருகின்றன. வழிபடு தலங்களில் திருப்பணி செய்வதைக் கடமையாகக் கொண்டிருக்கின்றன.
 பாவம் செய்துவிட்டுப் பரிகாரம் தேடுவதைவிடவும், பாவமே புரியாமல் பயனுடைய வண்ணம் ஆவன செய்யப் பழகிவிட்டால், அனைத்தும் நன்றாகுமன்றோ? அதனால் குற்றங்களை மறந்துவிடுகிற குழந்தைகளையும், மன்னித்து விடுகிற தெய்வங்களையும் கொண்டாடுகிற விதத்தில் நாம் கவனத்தைச் செலுத்துவது அவசியம்.
 
 கட்டுரையாளர்:
 எழுத்தாளர்.
 



Read in source website

சாலைப் போக்குவரத்து விபத்துகளால் உயிரிழந்தவர்களை, கடுமையாகக் காயமடைந்தவர்களை நினைவு கூருவதற்கான சர்வதேச நாள் (ஒவ்வோர் ஆண்டும் நவம்பர் மூன்றாம் ஞாயிறு), நவம்பர் 20 அன்று சென்னையில் பெருநகரக் காவல் துறையின் பங்கேற்புடன் நடத்தப்பட்டது.

இவ்விழாவில் பேசிய சென்னை மாநகரக் காவல் ஆணையர் சங்கர் ஜிவால், “சாலைப் பாதுகாப்பு விதிகள் குறித்த மனப்போக்கை நாம் மாற்றிக்கொள்ள வேண்டும்” என்று கூறியுள்ளார். சாலை விதிகள் மக்களின் அன்றாட வாழ்வுக்கும் சாலையைப் பயன்படுத்துவதற்குமான சுமையாகக் கருதப்படும் மனநிலை தீவிரமடைந்திருக்கும் சூழலில், காவல் ஆணையரின் இந்தக் கருத்து முக்கியத்துவம் பெறுகிறது.



Read in source website

காலகாலமாகவே கடல்வளத்தை மனிதன் வேட்டையாடி வந்தாலும், தனது பழங்குடித் தன்மையால் அந்த வளத்துக்கு இடையூறு வராமல் பார்த்துக்கொண்டான். ஆனால் கடந்த நூற்றாண்டுகளில் கல்வியறிவால் தொழில்நுட்பமும் வளர, இயற்கை வளங்களைச் சூறையாடும் மனிதனின் வேட்கை எண்ணெய்க்காகத் திமிங்கலங்களை வேட்டையாடியது, பொழுதுபோக்குக்காக மீன்களைக் கொன்றுகுவிப்பது என நீண்டது. மீன்பிடித்தலில் கடல்வளத்தை பாதிக்காத செவுள்வலை, தூண்டில் தொழில் மாறி, இழுவைமடிப் பயன்பாட்டால் மீன் இனப்பெருக்கமே பாதிப்புக்குள்ளானது.

அண்மைக்கடல் பகுதியில் ராட்சத ஆழ்குழாய்க் கிணறுகளைத் தோண்டி எரிவாயுவும் கச்சா எண்ணெயும் எடுத்தது கடலின் அடியாழத்தில் அதிர்வுகளை ஏற்படுத்தியது. கடலோரங்களில் இயற்கையாய்ச் சேர்ந்திருந்த கனிமங்களை வியாபார வேட்கையில் பிரித்தெடுத்து ஏற்றுமதி செய்தது, கடலோரங்களில் கதிரியக்கத்தால் பல நோய்கள் அதிகரிக்கக் காரணமானது. ஆயுதங்களைப் பரிசோதிப்பதும் போர்ப் பயிற்சியில் ஈடுபடுவதும் ஆலை, சுற்றுலாக் கழிவுகளைக் கொட்டி கடலை மாசுபடுத்துவதும் தொடர்ச்சியாய் நிகழ்ந்தன.



Read in source website

சமூக வலைதளங்களைக் கட்டுப்படுத்துவதற்கான புதிய தகவல் தொழில்நுட்ப விதிமுறைகளை, மத்தியத் தகவல் தொழில்நுட்ப அமைச்சகம் அக்டோபர் மாத இறுதியில் அறிவித்துள்ளது. இந்தியாவில் அதிகம் பயன்படுத்தப்படும் ஃபேஸ்புக், வாட்ஸ்அப், இன்ஸ்டாகிராம், ட்விட்டர், யூடியூப் உள்ளிட்டவை, இந்தியாவின் சட்ட திட்டங்களுக்கு உட்பட்டே இனி செயல்பட வேண்டும். 2021இல் அறிமுகப்படுத்தப்பட்ட தகவல் தொழில்நுட்பம், டிஜிட்டல் ஊடக வழிகாட்டு நெறிமுறைகள், சமூக வலைதளங்களைக் கட்டுப்படுத்தப் போதுமானதாக இல்லையென்பதால், விதிமுறைகள் தற்போது கடுமையாக்கப்பட்டிருக்கின்றன.

உலகின் பெரும்பணக்காரர்களில் ஒருவரான அமெரிக்காவைச் சேர்ந்த எலான் மஸ்க், ட்விட்டரை விலைக்கு வாங்கியிருக்கும் சூழலில், இந்தச் சட்டம் அறிவிக்கப்பட்டிருப்பது கவனிக்கத்தக்கது. உலக நாடுகள் பலவற்றில் அரசியல் நிகழ்வுகள், மாற்றங்கள் குறித்த பல கருத்துகள் ட்விட்டரில்தான் முதலில் வெளியாகின்றன.



Read in source website

டெல்லியில் ‘லிவ் இன்’ உறவில் இருந்த பெண் ஒருவர், தன் காதலரால் கொல்லப்பட்டார். கொலைக்குப் பிறகு சடலத்தைத் துண்டுகளாக வெட்டி, வெவ்வேறு இடங்களில் வீசிவிட்டு அமைதியாக இருந்திருக்கிறார் அப்பெண்ணின் காதலர். வெகு நாட்களுக்குப் பிறகே இது கண்டறியப்பட்டது. இச்சம்பவத்தைக் குறித்து கருத்துகளை உதிர்ப்பதற்கு முன்னால், இதன் பின்னணி குறித்து நாம் அறிய வேண்டியது ஏராளம்.

உறவு துண்டிப்பு எனும் ஆபத்து: வீட்டார் பார்த்து நடத்திவைத்த திருமண உறவுகளிலும்கூட, புதிய நெருங்கிய உறவினர்களே பெண்களுக்குப் பெரும்பாலும் அதிக துன்பத்தை ஏற்படுத்துகிறார்கள். ஆக, இந்தக் கொடூரங்களுக்குக் காரணமாக ‘லிவ் இன்’ உறவை மட்டும் சுட்டக்காட்டிவிட முடியாது. ‘லிவ் இன்’ உறவுக்குப் பெண்களின் துணிச்சல் காரணமா என்றால், இல்லை. துணிச்சல்காரப் பெண்கள், தங்கள் வழியைத் தாங்களே உருவாக்கிக்கொள்கிறார்கள்.

பெண்கள் தங்கள் பேச்சை மீறினால், கோபித்துக்கொண்டு அவர்களுடனான எல்லா பரிமாற்றங்களையும் பெற்றோர் துண்டித்துக் கொண்டுவிடுகிறார்கள். இதனால் பிரச்சினைகள் ஏற்படும்போது, பெற்றோரின் உதவியைப் பெண்கள் நாட முடிவதில்லை. பெண்களுக்கு அநீதி நடக்காமல் இருக்க வேண்டும் என்று விரும்பும் பெற்றோரும், உற்றார் உறவினரும் முதலில் எக்காரணம் கொண்டும் பெண்களுடனான தமது தொடர்புகளை முற்றிலும் துண்டித்துக்கொள்ளக் கூடாது.

ஆண்‌ - பெண் உறவு முறையில் குழந்தைப் பருவம் முதலே, ‘கணவர் வந்து எல்லாவற்றையும் பார்த்துக்கொள்வார்’ என்கிற அதீத நம்பிக்கை பெண்கள் மனதில் வலிந்து விதைக்கப்படுகிறது. கணவர்=காவலர் என்பது ஒரு மாயை.எனவே, தாமாகத் தேடிய உறவாக இருந்தாலும் பெற்றோர் பார்த்துவைத்த உறவானாலும், எதிர்த்தரப்பில் இருப்பவர் இயல்பானவரா என முதலில் கணிப்பது மிகவும் அவசியம். இதற்கு அடிப்படை மனநலம் தெரிந்திருக்க வேண்டும்.

ஆளுமைக் குறைபாடுகள்: மனநலக் கோளாறுகளில் பல நூறு வகைகள் உள்ளன. சில கோளாறுகள், நோயுற்ற மனிதரை மட்டும்தான் பாதிக்கும். ஆனால், நார்சிச ஆளுமைக் குறைபாடு (NPD), சமூக விரோத ஆளுமைக் குறைபாடு (ASPD) போன்றவை பிறரையும் ஆபத்துக்கு உள்ளாக்கும். ஒருவரின் மனநிலை எப்படிப்பட்டது என்பதைச் சில காலம் பழகிப் பார்த்துதானே கண்டறிய முடியும்.

ஆனால், நம்முடைய திருமண முறை அதற்கு வாய்ப்பே அளிப்பதில்லை. பெண்களுக்கு மூளையில் சுரக்கும் ‘ஆக்ஸிடோஸின்’ எனும் தாய்மை ஹார்மோன், ஒருவருடனான பந்தத்தை மிக வலிமையாக-இறுக்கமாகப் பிணைக்கிறது. ஓர் உறவிலிருந்து சட்டென விட்டு விலக முடியாமல், பெண் மனதை இந்த ஹார்மோன் கட்டிப்போடுகிறது. இப்படிப்பட்ட ‘தவறான தகவமைப்பு ஒட்டுறவு’களுக்கு (Maladaptive attachment) உரிய சிகிச்சையின்றிப் பெண்களால் சுயமாய் இந்தச் சூழலில் இருந்து வெளியே வர முடிவதில்லை.

எதில் மாற்றம் தேவை?: இவை எல்லாவற்றையும்விட, ‘நாலு விதமாகப் பேசும்’ ஆட்களுக்குப் பயந்து, பொருந்தாத உறவிலிருந்து வெட்டிக்கொண்டு வெளியேற முடியாமலும் பெண்கள் போராடுகிறார்கள். ‘என்ன சூழ்நிலையோ, அவ முடிவு... நாம் உறுதுணையாக இருப்போம்’ என்று ஆதரவாக யோசிக்காமல், ‘எப்போது குத்திக்காட்டிச் சிரிக்கலாம்’ என்ற பொது மனநிலைதான் பெண்கள் மோசமான நிலைமைக்குத் தள்ளப்பட்டுள்ளதற்கு முதன்மைக் காரணம்.

ஏறக்குறைய இதே மனநிலைதான், சம்பாத்தியம் எனும் அளவுகோலைக் கொண்டு ஆண்களையும் அளவிடுகிறது. எப்போதும் தம்மை அனைவரும் மதிப்பதுபோல் நடந்துகொள்ள வேண்டுமே என்னும் பதற்றத்திலேயே ஆண்களை வைத்திருக்கிறது. இது ஆண்களை ஆதிக்க விரும்பிகளாக மாற்றிவிடுகிறது. நாம் நம் பண்பாட்டின் கூறுகள்தான். நம்மை அறியாமலேயே நம்மைச் சூழ்ந்திருக்கும் விழுமியங்களை நிறைவேற்றுவதற்காக நாம் தடுமாறிக்கொண்டிருக்கிறோம்.

இந்த விழுமியங்கள் சரியானவையா, தேவையா என்றெல்லாம் நாம் யோசிப்பதில்லை. இவை ஒட்டுமொத்தமாக மாறினால்தான், இந்தியாவில் பெண்களுக்குப் பாதுகாப்பு முழுமையாகச் சாத்தியப்படும். அந்த அடிப்படைகளை மாற்றாமல் பெண்கள், ‘லிவ் இன்’ உறவுகள் என ஏதாவது ஒன்றின் மீது பழியைத் திருப்பிவிடுவது, நிரந்தரத் தீர்வுக்கு நிச்சயம் வழிவகுக்காது. - ஷாலினி மனநல மருத்துவர், தொடர்புக்கு: innertempleshalini@gmail.com



Read in source website

31-01-2023      Tuesday

TNPSC Newspaper Archives

t