DINAMANI : Daily International and NAtional Media Aggregator for News and Information

Tamil Newspaper Articles for TNPSC Exams - Current Affairs - 01-08-2022

 

இந்திய பாரம்பரிய மருத்துவ முறைகளான சித்தா, ஆயுர்வேத படிப்புகள் சென்னை அண்ணா பல்கலைக்கழகத்தில் அறிமுகப்படுத்த திட்டமிடப்பட்டுள்ளதாக தகவல் வெளியாகி உள்ளது. 

உலகையே அச்சுறுத்தி வந்த கரோனா பெருந்தொற்று உச்சத்தில் இருந்தபோது தடுப்பு மருந்துகள் எதுவும் கண்டுபிடிக்காமல் மக்கள் அச்சத்தில் வாழ்ந்த காலத்தில் தொற்றுக்கு சிறந்த நோய் எதிர்ப்பு மருந்தாக பயன்பட்டது நமது பாரம்பரிய மருத்துவமான சித்தா, ஆயுர்வேத மருந்துகள்தான். நிலவேம்பு, கசாயம், கபசுர குடிநீர், கீழாநெல்லி கசாயம் மக்களுக்கு பெரிதும் பரிந்துரைக்கப்பட்டதுடன் அனைத்து பகுதிகளிலும் அரசு, தனியார் மற்றும் சமூக அமைப்புகள் மூலம் கொடுக்கப்பட்டது. இன்று கரோனாவுக்கு தடுப்பூசி கண்டுபிடிக்கப்பட்டு செலுத்தப்பட்டு வந்தாலும், தொற்று பாதித்தவர்களுக்கு சித்தா, ஆயுர்வேத மருந்துகள் தொடர்ந்து பரிந்துரைக்கப்பட்டு வருகிறது.

இந்நிலையில், இந்திய பாரம்பரிய மருத்துவ முறைகளான சித்தா, ஆயுர்வேத படிப்புகளை பிரபலப்படுத்தும் வகையில் புதிய திட்டம் அண்ணா பல்கலைக்கழகம் அறிமுகப்படுத்தப்பட உள்ளது. இது தொடர்பாக தேசிய சித்த மருத்துவ நிறுவனத்துடன், அண்ணா பல்கலைக்கழகம் ஓரிரு நாள்களில் புரிந்துணர்வு ஒப்பந்தம் செய்ய உள்ளதாக தகவல்கள் வெளியாகி உள்ளது. 

மேலும், வெளிநாடுகள், வெளிமாநிலங்களில் உள்ள மாணவர்களிடம் சித்தா, ஆயுர்வேத மருத்துவத்தை கொண்டு செல்லும் வகையில் ஆன்லைன் படிப்புகளும் அறிமுகப்படுத்தப்பட உள்ளதாக கூறப்படுகிறது. 

மேலும், தற்போது மென்பொருள் துறையில் புதிய வரவுகளான ஏஐ, கிளவுட் கம்ப்யூட்டிங், சைபர் செக்யூரிட்டி, எனர்ஜி ஸ்டோரேஜ் டெக்னாலஜி  (AI, Cloud Computing, Cyber Security, Energy Storage Technology) ஆகியவற்றையும் ஆன்லைனில் பயிற்றுவிக்க அண்ணா பல்கலைக்கழகம் நடவடிக்கை எடுத்துள்ளதாக தகவல்கள் வெளியாகி உள்ளன.



Read in source website

திருப்பூா்: திருப்பூா் பின்னலாடை உற்பத்திக்குத் தேவையான அனைத்து ரக நூல்களும் கிலோவுக்கு ரூ.30 குறைந்துள்ளதால் ஏற்றுமதி, உள்நாட்டு ஆா்டா்கள் அதிகரிக்க வாய்ப்புள்ளது.

திருப்பூரில் சுமாா் 20 ஆயிரத்துக்கும் மேற்பட்ட பின்னலாடை உற்பத்தி மற்றும் அதனைச் சாா்ந்த ஜாப் ஒா்க் நிறுவனங்கள் செயல்பட்டு வருகின்றன. இந்த தொழில்களில் நேரடியாக 6 லட்சம் போ், மறைமுகமாக 4 லட்சம் போ் என மொத்தம் 10 லட்சத்துக்கும் ஈடுபட்டு வருகின்றனா். இந்த நிலையில், திருப்பூா் பின்னலாடை உற்பத்திக்குத் தேவையான முக்கிய மூலப் பொருளான நூல் விலை கடந்த ஏப்ரல், மே மாதங்களில் மட்டும் கிலோவுக்கு ரூ.70 வரையில் உயா்த்தப்பட்டது.

இதையடுத்து, நூல் விலையைக் குறைக்க வேண்டும் என்று நூற்பாலை சங்கங்கள் மற்றும் மத்திய, மாநில அரசுக்கு பின்னலாடை உற்பத்தியாளா்கள் கோரிக்கை விடுத்தனா். கடந்த ஜூன் மாத விலையில் மாற்றம் ஏதும் செய்யப்படாமல் இருந்தது. ஜூலை மாதம் ரூ.40 விலை குறைக்கப்பட்டது.

இந்த நிலையில் ஆகஸ்ட் மாதம்  அனைத்து ரக நூல்களும் கிலோவுக்கு ரூ.30 குறைக்கப்பட்டுள்ளது. இதன் காரணமாக பின்னலாடை ஏற்றுமதி மற்றும் உள்நாட்டு வா்த்தகத்துக்கான ஆா்டா்கள் அதிகரிக்க வாய்ப்பு உள்ளது. 

நூல் விலை ரகத்துக்கு ஏற்றபடி கிலோ ரூ.320 முதல் ரூ.400 வரை விற்பனை செய்யபடுகிறது என்று கூறியுள்ளனர்.
 



Read in source website


அரசு அலுவலகங்களில் தட்டச்சா், சுருக்கெழுத்து தட்டச்சா் உள்ளிட்டோா் பதவி உயா்வுக்கான கணினித் தோ்வை எழுதுவதிலிருந்து தளா்வு அளிப்பதற்கான உத்தரவை தமிழக அரசு வெளியிட்டது.

இதுகுறித்து மனித வள மேலாண்மைத் துறைச் செயலாளா் மைதிலி க.ராஜேந்திரன் வெளியிட்ட உத்தரவு விவரம்:

தமிழக அரசுத் துறைகளில் தட்டச்சா், சுருக்கெழுத்து தட்டச்சா், நோ்முக எழுத்தா் ஆகியோா் கணினி பயிற்சிக்கான சான்றிதழ் தோ்வில் தோ்ச்சி பெற வேண்டும். இதற்கென சம்பந்தப்பட்ட பணி விதிகளில் வரையறை செய்யப்பட்டுள்ளது.

கரோனா தொற்றுப் பரவல் காரணமாக, கடந்த இரண்டாண்டு காலமாக கணினி பயிற்சி சான்றிதழுக்கான தோ்வு நடத்தப்படவில்லை. இதனால், தகுதியை நிறைவு செய்து பதவி உயா்வு பெற முடியாத நிலை, தட்டச்சா், சுருக்கெழுத்து தட்டச்சா் உள்ளிட்டோருக்கு ஏற்பட்டது. அவா்களது நலனைக் கருத்தில் கொண்டு கணினி பயிற்சிக்கான சான்றிதழ் தோ்வை எதிா்கொண்டு தோ்ச்சி பெறுவதில் இருந்து விலக்கு அளிக்க வேண்டுமன அரசுக்கு கோரிக்கைகள் வரப்பெற்றன.

இந்தக் கோரிக்கை தொடா்பாக, தமிழ்நாடு தொழில்நுட்பக் கல்வி இயக்ககத்துடன் ஆலோசிக்கப்பட்டது. கரோனா தொற்று மற்றும் நீதிமன்ற வழக்கு நிலுவையில் இருந்த காரணங்களால் 2020-ஆம் ஆண்டு ஜனவரிக்குப் பிறகு இரண்டு ஆண்டுகள் தோ்வு நிறுத்தி வைக்கப்பட்டது. 2022-ஆம் ஆண்டு ஏப்ரலில் மீண்டும் தோ்வு நடத்தப்பட்டது. இந்தத் தோ்வை நடத்துவதில் ஏற்பட்ட கால தாமதத்துக்கு நிா்வாகக் காரணங்களே முக்கிய காரணிகள் என்பது தெளிவாகிறது.

எனவே, ஒவ்வொரு ஆண்டும் ஏப்ரல் மற்றும் ஆகஸ்ட் மாதங்களில் நடைபெறும் தோ்வுகளை எதிா்கொண்டு தோ்ச்சி பெற்றால் மட்டுமே பதவி உயா்வு போன்றவை கிடைக்கும் என்ற விதியில் தளா்வு தேவைப்பட்டால் அதற்கு தலைமைச் செயலக துறை அளவிலேயே உரிய வழிமுறைகளை பின்பற்றலாம். இதற்கான விதிகளில் திருத்தங்கள் தேவைப்பட்டால் அதற்கான கோப்புகளைத் தயாா் செய்து உரிய உத்தரவுகளைப் பெறலாம் என்று தனது உத்தரவில் தெரிவித்துள்ளாா் மைதிலி க.ராஜேந்திரன்.



Read in source website

மதுரை திருமலை நாயக்கர் அரண்மனையில் குறும்படம், விளம்பர, திருமண போட்டோ சூட் எடுக்க நிரந்தர தடை விதிக்கப்பட்டுள்ளது. 

அனுமதியின்றி போட்டோ சூட் எடுக்கப்பட்டதால் தொல்லியல்துறை நிரந்தர தடை விதித்து உத்தரவிட்டுள்ளது. சினிமா படப்பிடிப்புக்கு 2011ஆம் ஆண்டு முதல் தடை உள்ள நிலையில் தற்போது குறும்படங்களுக்கும் கட்டுப்பாடு விதிக்கப்பட்டுள்ளது. 

மதுரையிலுள்ள திருமலைநாயக்கர் மகால் கி.பி.1636 ஆம் ஆண்டு கட்டப்பட்ட புராதனச் சின்னமாகும். மதுரை வரும் வெளிநாட்டுச் சுற்றுலாப் பயணிகள் அருள்மிகு மீனாட்சிசுந்தரேசுவரர் கோயிலுக்கு அடுத்தபடியாக திருமலைநாயக்கர் மகாலையே அதிகம் பார்வையிடுகின்றனர்.  

தொல்லியல் துறை கட்டுப்பாட்டில் உள்ள மகாலில் கடந்த 1981 ஆம் ஆண்டு ஐந்தாம் உலகத்தமிழ் மாநாட்டை முன்னிட்டு ஒலி-ஒளிக் காட்சி அமைக்கப்பட்டது. தினமும் இரவு இரு காட்சிகளாக நடைபெறும் ஒலி-ஒளிக் காட்சியின் மூலம் மதுரை வரலாற்றை தமிழ், ஆங்கிலத்தில் பார்வையாளர்களுக்கு விளக்குகின்றனர்.



Read in source website

தமிழக காவல் துறை தொடங்கப்பட்டு 160 ஆண்டுகள் ஆவதையொட்டி, டிஜிபி முதல் காவலா்கள் வரை அனைவருக்கும் காவல் பதக்கம் வழங்கப்படும் என முதல்வா் மு.க.ஸ்டாலின் தெரிவித்தாா்.

தமிழக காவல் துறைக்கு இந்திய குடியரசுத் தலைவரின் கொடி வழங்கும் விழாவில் அவா் பேசியதாவது:

குடியரசுத் தலைவரின் வண்ணக் கொடி என்ற மிக உயா்ந்த அங்கீகாரத்தை தமிழக காவல் துறை பெற்றுள்ளது. இது தமிழக காவல் துறைக்கு மட்டுமல்ல, தமிழகத்துக்கே வரலாற்றுச் சிறப்புமிக்க பெருமை. தமிழக காவல் துறை 160 ஆண்டுகள் ஆற்றிய பணிக்குக் கிடைத்திருக்கக்கூடிய அங்கீகாரம்.

மறைந்த தமிழக முதல்வா் கருணாநிதி 2009-ஆம் ஆண்டு ஆகஸ்ட் 19-ஆம் தேதி குடியரசுத் தலைவரின் கொடியை தமிழ்நாடு காவல் துறைக்கு பெற்றுத் தந்தாா்.

பெண் போலீஸாா்: தமிழக காவல் துறையில் முதல் முறையாக 1973-ஆம் ஆண்டு பெண் காவலா்கள் நியமிக்கப்பட்டனா். அப்போது, காவல் உதவி ஆய்வாளா் உஷா, ஒரு தலைமைக் காவலா், 20 பெண் காவலா்கள் சென்னை மாநகரில் பணியமா்த்தப்பட்டனா். இன்று காவல் துறையில் ஒரு டிஜிபி, 2 ஏடிஜிபி-க்கள், 14 ஐஜி-க்கள் உள்ளிட்ட பெண் காவல் உயரதிகாரிகளும், 20,000 பெண் காவலா்களும் பணியாற்றுகிறாா்கள்.

காவல் நிலைய மரணங்கள்: கடந்த ஓராண்டு காலமாக தமிழக காவல் துறையின் செயல்பாடு முன்பைவிட மிக அதிகளவில் பாராட்டும்படியாக உள்ளது. மதக் கலவரங்களோ, ஜாதி மோதல்களோ, மக்களை பீதிக்குள்ளாக்கக்கூடிய குற்ற நிகழ்வுகளோ இல்லை. மாநிலத்தில் தற்போது துப்பாக்கிச்சூடு இல்லை, கள்ளச்சாராய சாவுகளும் இல்லை.

காவல் நிலைய மரணங்கள் 2018-ஆம் ஆண்டு 17 என பதிவானது. ஆனால், 2021-ஆம் ஆண்டு 4 மரணங்களாகக் குறைந்துள்ளது.

காவல் நிலைய மரணங்களே இல்லை என்று சொல்லக்கூடிய நிலையை காவல் துறையினா் ஏற்படுத்தித் தர வேண்டும். குற்றங்களைக் குறைக்கும் துறையாக இல்லாமல், குற்றங்களே நடைபெறாத சூழலை உருவாக்கும் துறையாக காவல் துறை இருக்க வேண்டும்.

7.56 லட்சம் வழக்குகள்: கடந்தாண்டு தமிழக காவல் துறையில் 12 லட்சம் போ் புகாா் அளித்தனா். இதில் 7 லட்சத்து 56 ஆயிரத்து 753 புகாா்கள் வழக்குகளாகப் பதிவு செய்யப்பட்டன. இவற்றில் தொடா்புடைய 9 லட்சத்து 27 ஆயிரத்து 763 போ் கைது செய்யப்பட்டுள்ளனா். இந்தப் புகாா்களில் 75 ஆயிரம் மனுக்கள் அனைத்து மகளிா் காவல் நிலையங்களில் பெறப்பட்டவை.

காவல் பதக்கம்: அமைதியான மாநிலமாக தமிழ்நாடு இருப்பதால்தான் ஏராளமான புதிய தொழிற்சாலைகள் தமிழகத்தை நோக்கி வருகின்றன. காவலா்களின் கோரிக்கைகளை பரிசீலிப்பதற்காக ஓய்வு பெற்ற நீதிபதி சி.டி.செல்வம் தலைமையில் காவல் ஆணையம் அமைக்கப்பட்டுள்ளது. ஆணையத்தின் பரிந்துரையை ஏற்று பல நலத் திட்டங்களை நிறைவேற்றித் தருவோம்.

குடியரசுத் தலைவா் விருது பெற்ற தமிழக காவல் துறையினா் தங்கள் காக்கிச் சட்டையில் அதன் அடையாளமான கொடியை அணிந்து செல்வாா்கள். ‘நிஸான்’ என்றழைக்கப்படும் இந்தச் சின்னம் போலீஸாருக்கு பெருமை சோ்க்கும்.

அதோடு, தமிழக காவல் துறை தொடங்கி 160 ஆண்டுகள் நிறைவடைந்ததைக் கொண்டாடும் வகையிலும், குடியரசுத் தலைவரின் வண்ணக் கொடி பெறும் நிகழ்வை முன்னிட்டும் டிஜிபி முதல் காவலா் வரை அனைவருக்கும் தமிழ்நாடு அரசு காவல் பதக்கம் வழங்கப்படவுள்ளது என்றாா் அவா்.

நிகழ்ச்சியில் தமிழக தலைமைச் செயலா் வெ.இறையன்பு, உள்துறை கூடுதல் தலைமைச் செயலா் பணீந்திர ரெட்டி உள்ளிட்டோா் பங்கேற்றனா். சென்னை பெருநகர காவல் ஆணையா் சங்கா் ஜிவால் நன்றி கூறினாா்.



Read in source website


புது தில்லி: நாட்டில் முதல் முறையாக நடைபெற்ற 5ஜி அலைக்கற்றை ஏலம் இன்று நிறைவு பெற்றது. சுமார் ரூ.1,50,173 கோடிக்கு ஏலம் கேட்கப்பட்டுள்ளது. உறுதியான  தொகை விரைவில் வெளியிடப்படும் என்று தகவல்கள் தெரிவிக்கின்றன.

அதிவேக இணைய சேவை அளிக்கும் 5ஜி அலைக்கற்றை ஏலம் ஏழாவது நாளாக திங்கள்கிழமை காலை தொடங்கி பிற்பகலில் நிறைவு பெற்றது. இதுவரை ஒட்டுமொத்தமாக ரூ.1,50,173 கோடிக்கு ஏலம் எடுக்கப்பட்டுள்ளது.

7 நாள்களாக நடைபெற்ற ஏலம் முடிந்த நிலையில் ஜியோ நிறுவனம் அதிகளவில் ஏலம் எடுத்ததாகவும், ஏர்டெல் மற்றும் வோடஃபோன் நிறுவனங்கள் குறிப்பிட்ட அளவில் ஏலம் எடுத்திருப்பதாகவும், அதானி குழுமம் குறைந்த அளவில் 5ஜி அலைக்கற்றை ஏலத்தில் ஏலம் எடுத்திருப்பதாகவும் தகவல்கள் தெரிவிக்கின்றன.

இதுகுறித்து மத்திய தொலைத் தொடா்புத் துறை அமைச்சா் அஸ்வினி வைஷ்ணவ் கடந்த வாரம் கூறுகையில், 5ஜி சேவையை கிராமப்புறங்களுக்கும் எடுத்துச்செல்ல நிறுவனங்கள் உறுதியளித்துள்ளன’ என்றாா்.

அதிவேக இணைய சேவை, மிக விரைவான பதிவிறக்கம் உள்ளிட்ட சேவைகளை அளிக்கும் இந்த 5ஜி அலைக்கற்றை ஏலம் கடந்த செவ்வாய்க்கிழமை தொடங்கியது. ரிலையன்ஸ் ஜியோ, பாா்தி ஏா்டெல், வோடஃபோன் ஐடியா, அதானி எண்டா்பிரைசஸ் ஆகிய 4 நிறுவனங்கள் ஏலத்தில் பங்கேற்றன.
 



Read in source website


பெங்களூரு: ஒரு வாகனம், காப்பீடு எடுத்திருந்து, விபத்தை ஏற்படுத்தும் போது தகுதிச் சான்று (எஃப்சி), வாகன உரிமம் (பெர்மிட்) சான்றுகள் புதுப்பிக்கப்படாமல் இருந்தாலும் கூட காப்பீட்டு நிறுவனம், நிவாரணத் தொகை அளிப்பதிலிருந்து தப்பிக்க முடியாது என்று கர்நாடக உயர் நீதிமன்றம் உத்தரவிட்டுள்ளது.

பள்ளி வாகனம் ஒன்று, ஏற்படுத்திய விபத்தில் குடும்பத் தலைவர் மரணமடைந்த நிலையில், விபத்து நேரிட்ட போது அந்த வாகனத்துக்கு உரிய தகுதிச் சான்றிதழோ, வாகன உரிமமோ இல்லை என்பதைக் காரணம் காட்டி, உயிரிழந்தவரின் குடும்பத்துக்குரிய நிவாரணத்தொகையை பேருந்து உரிமையாளரே முழுமையாக வழங்க வேண்டும் என்று உள்ளூர் நீதிமன்றம் பிறப்பித்த உத்தரவை ரத்து செய்துள்ளது உயர் நீதிமன்றம்.

பள்ளிப் பேருந்தின் உரிமையாளருக்கு மாற்றாக, முழு நிவாரணத் தொகையையும் காப்பீட்டு நிறுவனமே வழங்க வேண்டும் என்றும், இந்த விபத்து நேரிட்டபோது, வாகனத்துக்கு காப்பீடு இருந்துள்ளது. ஆனால், தகுதிச் சான்றிதழும் வாகன உரிமமும் இல்லை என்றும் நீதிமன்றம் தெரிவித்துள்ளது.

தகுதிச் சான்றிதழ் இருக்கும் போதுதான் காப்பீட்டு நிறுவனம் காப்பீடு அளித்துள்ளது. காப்பீடு எடுத்தப் பிறகுதான் தகுதிச் சான்றிதழ் காலாவதியாகியுள்ளது. எனவே, தகுதிச் சான்றிதழ் இல்லை என்பதை காரணம் காட்டி காப்பீட்டு நிறுவனம் தனது பொறுப்பிலிருந்து விலக முடியாது என்றும் நீதிமன்றம் குறிப்பிட்டுள்ளது.
 



Read in source website


புது தில்லி: வருமான வரிக் கணக்கை தாக்கல் செய்வதற்கான கடைசி நாள் நேற்றுடன் (ஜூலை 31) முடிந்துவிட்டது. இன்னமும் வருமான வரிக் கணக்கை தாக்கல் செய்யாதவர்கள், தாக்கல் செய்யத் தவறவிட்டவர்கள் இனி என்ன செய்ய வேண்டும்?

கடந்த இரண்டு ஆண்டுகளாக, கரோனா பேரிடர் காரணமாக மக்களின்  சிரமங்களைத் தவிர்க்க, வருமான வரிக் கணக்கு தாக்கல் செய்வதற்கான கால அவகாசத்தை நீட்டித்து வந்தது மத்திய அரசு. ஆனால், இந்த முறை கால  நீட்டிப்பு செய்யப்படவில்லை.  வருமான வரிக் கணக்கு தாக்கல் செய்ய கடைசி நாள் ஜூலை 31 தான் என்று அறிவித்துவிட்டனர். கடைசி நாள் முடிந்த நிலையில் பலரும் எதிர்பார்த்தபடி நீட்டிப்பு அறிவிப்பு எதுவும் வெளியாகவில்லை.

அபராதம்.. அதுவும் எவ்வளவு?

ஜூலை 31ஆம் தேதிக்குள் வருமான வரிக்கணக்கு தாக்கல் செய்யாவிட்டாலும் , இந்தாண்டு (2022) டிசம்பர் 31ஆம் தேதி வரை கணக்கைத் தாக்கல் செய்ய முடியும்.

ஆனால், இது தாமத வருமான வரிக்கணக்குத் தாக்கலாகக் கருத்தில் கொள்ளப்படும். அவ்வாறு தாமதமாக வருமான வரிக் கணக்குத் தாக்கல் செய்வோர் அபராதம் செலுத்த வேண்டியிருக்கும்.

ஜூலை 31ஆம் தேதிக்குப் பிறகு கணக்குத் தாக்கல் செய்வோரிடமிருந்து தாமத கட்டணம் வசூலிக்கப்படும். 

இதன்படி, ஆண்டுக்கு ரூ. 5 லட்சத்துக்கு மேல் வருமானம் ஈட்டும்  தனிநபா்களுக்கு ரூ. 5 ஆயிரம், ரூ.5 லட்சத்துக்கு கீழ் வருமானம்  ஈட்டுபவா்களுக்கு ரூ. 1,000 தாமததுக்கான அபராதமாக வசூலிக்கப்படும்.

வேறென்ன இழப்பு?

நிலுவைத் தேதியை தவறவிட்டவர்கள், உங்கள் சொத்து / பங்குகள் / மூலதனச் சொத்துகளின் விற்பனையில் ஏற்படும் இழப்புகள் போன்ற (வீட்டுச் சொத்தின் இழப்பு தவிர) ஏதேனும் இருந்தால் அவற்றைத் தொடர அனுமதிக்கப்படாது என்று நிதியியல் நிபுணர் ஒருவர் கூறுகிறார்.

ஆனால், இதுபோன்ற பங்குகள் அல்லது சொத்துகள் விற்பனையில் ஏற்படும் இழப்புகளை, நீங்கள் 8 ஆண்டுகள் வரை தொடர அல்லது நீட்டித்துக் கொள்ள இயலும். அதாவது, எதிர்காலத்தில், விற்பனை அல்லது பங்குகள் அல்லது உறுதிப்பத்திரங்கள் விற்பனையில் உங்களுக்கு லாபம் கிடைக்கும் போது, அதனை நீங்கள் முன்நிதியாண்டில் பெற்ற நஷ்டத்திலிருந்து கழித்துவிட்டு, நிகர லாபத்துக்கு மட்டுமே வரிப்பிடித்தம் செய்யப்படும். 

ஒரு வேளை, இந்த ஆண்டு ஜூலை 31ஆம் தேதிக்குப் பிறகு ஒருவர் தனது வருமான வரிக் கணக்கைத் தாக்கல் செய்தார் என்றால், இந்தச் சலுகை கிடைக்காது. அதாவது அவரது நஷ்டம் அடுத்த நிதியாண்டுகளுக்கு நீட்டிக்கப்பட இயலாது. லாபம் ஈட்டும்போது மொத்த லாபத் தொகைக்கும் அவர் வரி கட்டியாக வேண்டும். 

இதே நிலைதான், ஜூலை 31ஆம் தேதிக்குப் பிறகு வருமான வரிக் கணக்கைத் தாக்கல் செய்யும் ஒருவர், அசையாச் சொத்துகளை விற்கும்போது அடையும் நஷ்டம் அடுத்தடுத்த ஆண்டுகளுக்கு நீட்டிக்கப்பட மாட்டாது.

மூன்றாவது.. ஆனால் முக்கியமானது

இனி தாமதமாக வருமான வரிக் கணக்கு தாக்கல் செய்வோர் எதிர்கொள்ளும் மூன்றாவது ஆனால் மிக முக்கியமான சிக்கல் வட்டி வடிவில் உள்ளது. ஒரு வேளை, நீங்கள் தாமதமாக வருமான வரிக்கணக்குத் தாக்கல் செய்யும்போது, உங்கள் வருவாய்க்கு ஒரு குறிப்பிட்டத் தொகையை வரியாக செலுத்த நேரிட்டால், அந்த வரித் தொகைக்கு ஒரு மாதத்துக்கு ஒரு சதவீதம் என்ற அளவில் வட்டியும் செலுத்த நேரிடும்.

இந்த வரிக்கான வட்டித் தொகை என்பது, நீங்கள் செலுத்தும் தாமத கணக்குத் தாக்கலுக்கான அபராதத் தொகையுடன் கூடுதலாக வசூலிக்கப்படும்.

அறிய வேண்டிய ஏழு தகவல்கள்

  • 60 வயதுக்கு உள்பட்டவர்கள் ஆண்டுவருவாயாக ரூ.2.5 லட்சம் இருந்தால் வருமான வரிக் கணக்கு தாக்கல் செய்ய வேண்டும்.
  • 60 வயதுக்கு மேற்பட்டு, 80 வயதுக்கு உள்பட்டவர்களாக இருந்து ஆண்டுக்கு ரூ.3 லட்சத்துக்கு மேல் வருமானம் கொண்டவர்கள் வருமான வரிக் கணக்கு தாக்கல் செய்ய வேண்டும்.
  • 80 வயதுக்கு மேற்பட்ட மூத்த குடிமகன்களாக இருந்து, ஆண்டு வருமானம் ரூ.5 லட்சத்துக்கு மேல் இருந்தால் அவர்களும் நிச்சயம் வருமான வரிக் கணக்கு தாக்கல் செய்ய வேண்டும்.
  • தாமதமாக வருமான வரிக் கணக்கு தாக்கல் செய்வோர் தாமத கட்டணம் செலுத்த வேண்டும்.
  • ஆண்டுக்கு ரூ.5 லட்சத்துக்கு மேல் வருமானம் ஈட்டும் தனிநபா்களுக்கு தாமதக் கட்டணம் ரூ.5 ஆயிரம் வசூலிக்கப்படுகிறது.
  • ரூ.5 லட்சத்துக்கு கீழ் வருமானம் ஈட்டுபவா்களுக்கு ரூ.1,000 தாமத கட்டணம் வசூலிக்கப்படும்.
  • தாமதமாக வரிக் கணக்கு தாக்கல் செய்தவர்கள் செலுத்தும் வருமான வரிக்கும் வட்டி செலுத்த நேரிடும்.
     

திருத்தம் செய்ய முடியாது

ஜூலை 31ஆம் தேதிக்குள் வருமான வரித் தாக்கல் செய்துவிட்டீர்கள், அதன்பிறகு உங்களுக்குத் தெரிய வருகிறது. அதில் ஒரு தவறு அல்லது பிழை இருக்கிறது என்று. 2022ஆம் ஆண்டு டிசம்பர் 31ஆம் தேதிக்குள் அதில் நீங்கள் திருத்தம் மேற்கொள்ளலாம். அதாவது, காலக்கெடுவுக்குள் வருமான வரித் தாக்கல் செய்தவர்கள், டிசம்பர் 31ஆம் தேதிக்குள் எத்தனை முறை வேண்டுமானாலும் திருத்தம் செய்துகொள்ளலாம். ஆனால், தாமதமாக வருமான வரிக் கணக்குத் தாக்கல் செய்வோருக்கு இந்த வாய்ப்பு வழங்கப்படாது. எனவே, காலக்கெடு முடிந்துவிட்டதால், இனி வருமான வரிக் கணக்கைத் தாக்கல் செய்வோர் மிக மிக கவனமாகப் பதிவு செய்ய வேண்டும். ஒரு வேளை கவனிக்காமல் விடப்படும் எந்தத் தவறும் பிழையும் திருத்தம் செய்ய முடியாது என்கிறார் அட்வான்டேஜ் கன்சல்டிங் குழுமத்தைச் சேர்ந்த சேட்டன் டாகா.

ஆண்டு தகவல் அறிக்கை

மத்திய அரசு கடந்த வருடம் 'ஆண்டு தகவல் அறிக்கை (ஏஐஎஸ்)' என்ற முறையை நவம்பர் மாதம் அறிமுகம் செய்தது. அதில், சேமிப்புக் கணக்கில் கிடைக்கும் வட்டி, பங்குகள், மூலதன லாபம் மற்றும் பங்கு பரிமாற்றம் போன்றவை இடம்பெற்றிருக்கும். எனவே, ஒரு வரி செலுத்துவோர் இந்த ஏஐஎஸ் எனப்படும் ஆண்டு தகவல் அறிக்கை மற்றும் படிவம் 26 ஏ ஆகியவற்றை நன்கு ஒப்பிட்டு அதில் ஏதேனும் தகவல் வேறுபடுகிறதா என்பதை உறுதி செய்து கொள்ள வேண்டும். எனவே, வரி செலுத்துவோர், தங்களது ஆண்டு தகவல் அறிக்கையில் இருக்கும் தகவல் முற்றிலும் அல்லது பகுதியளவு சரி என்பதைக் கண்டறிவது அசாதாரணமானது ஒன்றும் அல்ல என்கிறார்கள் நிபுணர்கள்.

ஆண்டு தகவல் அறிக்கையை வரி செலுத்துவோர் பதிவு செய்வதில்லை. எனவே, ஒருவர் தனது ஆண்டு தகவல் அறிக்கையில் இருக்கும் தவறான தகவலின் எண்ணை வரி செலுத்தும் போது பதிவு செய்ய வேண்டும். அவ்வாறு வேறுபட்டிருக்கும் தகவல் குறித்து வரித் துறை காரணம் கேட்கலாம். அப்போது வரி செலுத்துவோர், ஆண்டு தகவல் அறிக்கையின் இணையதளம் வாயிலாக தங்களது கருத்துகளை அல்லது தவறான தகவல்களை மாற்றுவதற்கான கோரிக்கையை முன்வைக்கலாம்.

ஆண்டு தகவல் அறிக்கையில் இருக்கும் தகவல் தவறானது என்று வரி செலுத்துவோர் கருதினால், அதற்கான பின்னூட்ட தொழில்நுட்பச் சேவையை பயனாளர் பெற முடியும். எனவே, வரி செலுத்துவோர், தனது வருமான வரிக் கணக்குத் தாக்கல் விவரங்கள், ஏஐஎஸ் எனப்படும் ஆண்டு தகவல் அறிக்கையிலிருந்து வேறுபடுவதற்கான சரியான காரணம் என்ன என்பது குறித்த ஆதாரத்தைப் பெற முடியும் என்கிறார்கள்.

டிசம்பர் 31ஆம் தேதிக்குள் வருமான வரிக் கணக்கு தாக்கல் செய்யாவிட்டால்?

டிசம்பர் 31ஆம் தேதிக்குப் பிறகு வருமான வரிக் கணக்கு தாக்கல் செய்ய சட்டம் அனுமதிக்கவில்லை. அப்படிப்பட்ட வரி செலுத்துவோருக்கு வருமான வரித்துறை சார்பில் நோட்டீஸ் அனுப்பப்படும். பிறகு அவர்கள் வருமான வரிக் கணக்கு தாக்கல் செய்ய அவகாசம் வழங்கப்படும். மற்றொரு வாய்ப்பு என்னவென்றால், தாமதமாக வருமான வரிக் கணக்கு தாக்கல் செய்வதற்கு மத்திய நேரடி வரி வருவாய் ஆணையத்திடம் மன்னிப்புக் கடிதம் அனுப்பி பிறகு வருமான வரிக் கணக்கு தாக்கல் செய்ய முடியும்.

ஆனால், வருமான வரிக் கணக்கு தாக்கல் செய்யாததற்கு ஒருவர் அளிக்கும் காரணம் ஏற்புடையதாக இருந்தால் மட்டுமே மத்திய நேரடி வரி வருவாய் ஆணையம், அந்த கடிதத்தை ஏற்றுக் கொண்டு வருமான வரிக் கணக்கு தாக்கல் செய்ய அனுமதிக்கும். இந்த வழிமுறைகள் அனைத்தும், அசாதாரண சூழ்நிலையில், விதிவிலக்குகளுக்கு மட்டும் பொருந்துமே தவிர, தனியொருவர் வருமான வரிக் கணக்கு தாக்கல் செய்யாமல் இருந்துவிட்டு அதற்கான நிவாரணமாக பெற இயலாது என்கிறார்கள் நிபுணர்கள்.

கணக்குத் தாக்கல் செய்தோர்

தனிநபா் வருமான வரிக் கணக்கு தாக்கல் செய்ய கடைசி நாளான ஞாயிற்றுக்கிழமை இரவு 11 மணி வரையிலான நிலவரப்படி, 67.97 லட்சம் போ் தாக்கல் செய்திருப்பதாகக் கூறப்பட்டது. இதையடுத்து நிகழாண்டு வரிமான வரிக் கணக்கு தாக்கல் செய்தவா்களின் மொத்த எண்ணிக்கை 5.73 கோடியை எட்டியது.

2021-22 நிதியாண்டுக்கான வருமான வரிக் கணக்கு தாக்கல் செய்ய ஜூலை 31 கடைசி தினம் என ஏற்கெனவே அறிவிக்கப்பட்டிருந்தது. அந்த வகையில், ஜூலை 30 வரை 5.1 கோடி போ் வருமான வரிக் கணக்கு தாக்கல் செய்திருந்த நிலையில், கடைசி தினமான ஞாயிற்றுக்கிழமை இரவு 11 மணி வரையிலான நிலவரப்படி 67.97 லட்சம் போ் தாக்கல் செய்திருந்தனா். அதிலும் குறிப்பாக 10-11 மணி வரையிலான ஒருமணி நேரத்தில் 4,50,013 வருமான வரிக் கணக்குகள் தாக்கல் செய்யப்பட்டதாக வருமான வரித் துறை ட்விட்டரில் தெரிவித்துள்ளது.
 



Read in source website

கரோனா தொற்று பரவல் காலத்தில் சுமாா் ரூ.2,600 கோடி மதிப்பிலான பொம்மைகளை இந்தியா ஏற்றுமதி செய்துள்ளதாக ‘மனதின் குரல்’ நிகழ்ச்சியில் பிரதமா் நரேந்திர மோடி தெரிவித்தாா்.

மாதத்தின் கடைசி ஞாயிற்றுக்கிழமைதோறும் ‘மனதின் குரல்’ நிகழ்ச்சியில் வானொலி மூலம் பிரதமா் மோடி நாட்டு மக்களுக்கு உரையாற்றி வருகிறாா். நடப்பு மாதத்துக்கான நிகழ்ச்சியில் ஞாயிற்றுக்கிழமை அவா் உரையாற்றினாா். அப்போது அவா் கூறியதாவது:

இந்திய பொம்மை உற்பத்தித் துறை எவரும் எதிா்பாா்க்காத வளா்ச்சியை எட்டியுள்ளது. உள்ளூா் பொருள்களுக்கு முக்கியத்துவம் அளிக்க வேண்டும் என்பதற்கு உதாராணமாக இந்திய பொம்மை உற்பத்தித் துறை விளங்கி வருகிறது. முன்பு ரூ.3,000 கோடிக்கும் அதிக மதிப்பிலான பொம்மைகளை இந்தியா இறக்குமதி செய்து வந்தது. ஆனால், தற்போது பொம்மைகள் இறக்குமதி 70 சதவீதம் குறைந்துள்ளது.

முன்பு பொம்மைகள் ஏற்றுமதி ரூ.300 கோடி முதல் ரூ.400 கோடி என்ற மதிப்பில் மட்டுமே இருக்கும். கரோனா தொற்று பரவல் காலத்தில் ரூ.2,600 கோடி மதிப்பிலான பொம்மைகளை வெளிநாடுகளுக்கு இந்தியா ஏற்றுமதி செய்துள்ளது. இது பெருமகிழ்ச்சி தருகிறது. இந்திய பொம்மைகள் சுற்றுச்சூழலுக்கு பாதிப்பை ஏற்படுத்தாத வகையிலும் பாரம்பரியத்தைப் பறைசாற்றும் வகையிலும் இயற்கை சாா்ந்தும் உற்பத்தி செய்யப்படுகின்றன.

இளைஞா்கள், புத்தாக்க நிறுவனங்கள், தொழில்முனைவோா் ஆகியோரின் செயல்பாடுகள் காரணமாகவே பொம்மை உற்பத்தித் துறையில் இந்தியா இத்தகு சாதனை படைத்துள்ளது. நாட்டின் புராதனக் கதைகள், வரலாறு, கலாசாரம் ஆகியவற்றின் அடிப்படையில் பொம்மைகள் செய்யப்படுகின்றன. இது பொம்மை உற்பத்தித் துறையில் புரட்சியை ஏற்படுத்தியுள்ளது.

சிறு தொழில்முனைவோா் பலன்: நாட்டின் பல பகுதிகள் பொம்மை உற்பத்தி மையங்களாக மாறியுள்ளன. சிறு தொழில்முனைவோா் தயாரிக்கும் பொம்மைகள் உலக அளவில் அதிகமாக ஏற்றுமதி ஆவதால், அவா்கள் மகிழ்ச்சியடைந்துள்ளனா். நாட்டின் பொம்மை தயாரிப்பாளா்கள் சா்வதேச நிறுவனங்களுடன் இணைந்து செயல்பட்டு வருகின்றனா்.

பொம்மைகள் உற்பத்தியில் புத்தாக்க நிறுவனங்கள் அதிக கவனம் செலுத்தி வருகின்றன. புணேவைச் சோ்ந்த பொம்மை தயாரிப்பு நிறுவனம் ஒன்று, சிறாா்களின் அறிவியல், தொழில்நுட்ப ஆா்வத்தை வளா்க்கும் வகையில் பொம்மைகளைத் தயாா் செய்து வருகிறது.

இந்திய பொம்மைகளை சா்வதேச அளவில் மேலும் பிரபலமடையச் செய்வதற்கான நடவடிக்கைகளை மக்கள் அனைவரும் ஒருங்கிணைந்து மேற்கொள்ள வேண்டும். சிறாா்களுக்கு இந்திய பொம்மைகள், புதிா் விளையாட்டு பொம்மைகளை மட்டுமே பெற்றோா் வாங்கித் தர வேண்டும்.

பாரம்பரிய மருத்துவ முறைகள்: கரோனா தொற்று பரவல் காலத்தில் நாட்டின் பாரம்பரிய மருத்துவ சிகிச்சை முறைகள் பிரபலமடைந்தன. ஆயுா்வேதம், இந்திய மருத்துவம் உள்ளிட்டவற்றின் மீது பலா் ஆா்வம்கொள்ளத் தொடங்கியுள்ளனா். அதன் காரணமாக ஆயுஷ் பொருள்கள் ஏற்றுமதியும் அதிகரித்துள்ளது. இத்துறையிலும் பல்வேறு புத்தாக்க நிறுவனங்கள் வளா்ச்சிகண்டு வருகின்றன.

அண்மையில் சா்வதேச ஆயுஷ் முதலீடு மற்றும் புத்தாக்க மாநாடு நடைபெற்றது. அதில் சுமாா் ரூ.10,000 கோடி மதிப்பிலான முதலீடுகள் பெறப்பட்டன. பலதரப்பட்ட மருத்துவ மூலிகைகளையும் தாவரங்களையும் வளா்ப்பதற்கு முக்கியத்துவம் அளிக்கப்பட்டு வருகிறது.

மக்கள் இயக்கம்: நாட்டின் 75-ஆவது சுதந்திர ஆண்டு கொண்டாட்டங்கள் மக்கள் இயக்கமாக மாறியுள்ளன. நாட்டின் பல்வேறு பகுதிகளிலும் நடைபெற்ற கொண்டாட்டங்களில் பலதரப்பினரும் திரளாகக் கலந்துகொண்டனா். நாட்டின் 75-ஆவது சுதந்திர ஆண்டு நிறைவடையும்போது சிறந்த வரலாற்றுத் தருணத்தை மக்கள் நினைவில்கொள்வா்.

75-ஆவது சுதந்திர ஆண்டை அனுபவிப்பது தற்போதைய தலைமுறையின் பெரும்பேறு. நாடு அடிமைப்பட்டுக் கிடந்தபோது நாம் பிறந்திருந்தால், இத்தருணத்தை அனுபவித்திருக்க இயலாது.

கடமைக்கு முக்கியத்துவம்: நாட்டின் 75-ஆவது சுதந்திர ஆண்டுக் கொண்டாட்டங்கள், மக்கள் தங்கள் கடமைகளை முறையாகக் கடைப்பிடிக்க வேண்டும் என்பதை வலியுறுத்துகின்றன. கடமைகளை முறையாகக் கடைப்பிடித்தால்தான் சுதந்திரப் போராட்ட வீரா்களின் கனவை நனவாக்க முடியும். சுதந்திரத்தின் நூறாவது ஆண்டு கொண்டாடப்படவுள்ள அடுத்த 25 ஆண்டுகளுக்கு மக்கள் கடமைதவறாமல் நடக்க வேண்டும்.

வீடுதோறும் தேசியக் கொடி: சுதந்திர தினம் ஆகஸ்ட் மாதம் கொண்டாடப்படவுள்ள நிலையில், 13-ஆம் தேதி முதல் 15-ஆம் தேதி வரை ‘ஒவ்வொரு வீட்டிலும் தேசியக் கொடி’ என்ற சிறப்பு விழாவுக்கு ஏற்பாடு செய்யப்பட்டுள்ளது. அந்நாள்களில் நாட்டு மக்கள் தங்கள் வீடுகளில் மூவா்ணக் கொடியை ஏற்ற வேண்டும்.

ஆகஸ்ட் 2-ஆம் தேதி இந்திய தேசியக் கொடியை வடிவமைத்த பிங்கலி வெங்கையாவின் பிறந்த தினம் கொண்டாடப்படவுள்ளது. அன்றுமுதல் ஆகஸ்ட் 15-ஆம் தேதி வரை மக்கள் தங்கள் சமூக வலைதளப் பக்கங்களில் முகப்புப் படமாக தேசியக் கொடியை இடம்பெறச் செய்ய வேண்டும்.

விளையாட்டுத் துறைக்கு சிறந்த மாதம்: ஜூலை மாதம் விளையாட்டுத் துறைக்கு சிறந்த மாதமாக அமைந்தது. பேட்மின்டன் வீராங்கனை பி.வி.சிந்து, சிங்கப்பூா் ஓபன் தொடரில் பட்டம் வென்றாா். உலக தடகளப் போட்டியின் ஈட்டி எறிதலில் நீரஜ் சோப்ரா வெள்ளி வென்றாா். காமன்வெல்த் விளையாட்டுப் போட்டிகளில் இந்தியாவின் இளம் வீரா்களைக் கொண்ட குழு பங்கேற்றுள்ளது. மேலும், பல்வேறு விளையாட்டுப் போட்டிகளிலும் இந்தியா்கள் பங்கேற்று வருகின்றனா்.

17 வயதுக்குள்பட்டோருக்கான பெண்கள் கால்பந்து உலகக் கோப்பை போட்டியை இந்தியா நடத்தவுள்ளது. அக்டோபரில் நடைபெறவுள்ள இந்தப் போட்டியின் மூலமாக நாட்டில் உள்ள பெண்களுக்கு கால்பந்து மீதான ஆா்வம் அதிகரிக்கும் என்றாா் பிரதமா் மோடி.



Read in source website

குரங்கு அம்மைக்கும் சின்னம்மைக்கும் பொதுவான அறிகுறிகள் சில இருந்தாலும், அவை தோன்றும் விதம் வெவ்வேறாக இருக்கும் என மருத்துவ நிபுணா்கள் தெரிவித்துள்ளனா்.

உலகின் பல்வேறு நாடுகளில் குரங்கு அம்மை பரவி வருகிறது. இந்தியாவில் இதுவரை 4 பேருக்கு அத்தொற்று பாதிப்பு கண்டறியப்பட்டுள்ளது. கா்நாடகத்தில் குரங்கு அம்மை அறிகுறிகளுடன் மருத்துவமனையில் அனுமதிக்கப்பட்ட நபருக்கு சின்னம்மை பாதிப்பு உறுதி செய்யப்பட்டுள்ளது. தில்லியிலும் ஒருவருக்குக் கடந்த வாரம் இதேபோல் ஏற்பட்டது.

குரங்கு அம்மை பாதிப்புக்கும் சின்னம்மை (சிக்கன்பாக்ஸ்) பாதிப்புக்கும் இடையே ஒருசில அறிகுறிகள் பொதுவாகக் காணப்பட்டாலும், அவை தோன்றும் விதம் வெவ்வேறாக இருக்கும் என மருத்துவா்கள் தெரிவித்துள்ளனா். இது தொடா்பாக அவா்கள் கூறுகையில், ‘‘மழைக்காலத்தில் மக்கள் தீநுண்மி (வைரஸ்) தொற்றுகளால் அதிகம் பாதிக்கப்படுவா். முக்கியமாக சின்னம்மை பாதிப்பு அதிகமாக இருக்கும். சின்னம்மையால் பாதிக்கப்பட்டவா்களுக்கும் உடலில் கொப்புளங்கள் தோன்றி வாந்தி உள்ளிட்ட அறிகுறிகள் தோன்றும்.

அதன் காரணமாக, குரங்கு அம்மைக்கும் சின்னம்மைக்கும் இடையே வேறுபாடு தெரியாமல் மக்கள் குழப்பமடைய வாய்ப்புள்ளது. குரங்கு அம்மையால் பாதிக்கப்பட்டவா்களுக்கு முதலில் காய்ச்சல் ஏற்படும். அதற்குப் பின் வாந்தி, தலைவலி, சில சமயங்களில் தொண்டை கரகரப்பு, இருமல் உள்ளிட்ட அறிகுறிகள் தோன்றும். இவை அனைத்தும் உடலில் கொப்புளங்கள் தோன்றுவதற்கு 4 நாள்களுக்கு முன் ஏற்படும். கொப்புளங்கள் முதலில் கைகளில் தோன்றி பின்னா் உடல் முழுவதும் பரவும்.

குரங்கு அம்மையால் பாதிக்கப்பட்டவா்களுக்கு சின்னம்மை பாதிப்பைவிட கொப்புளங்கள் பெரிதாக இருக்கும். சின்னம்மையால் பாதிக்கப்பட்டவா்களுக்கு சுமாா் ஒரு வாரத்துக்குப் பிறகு கொப்புளங்கள் தானாக மறையத் தொடங்கும். ஆனால், குரங்கு அம்மையால் பாதிக்கப்பட்டவா்களுக்கு அவ்வாறு மறையாது. சின்னம்மையால் பாதிக்கப்பட்டவா்களின் கொப்புளங்களில் அரிப்பு காணப்படும். குரங்கு அம்மை கொப்புளங்களில் அரிப்பு காணப்படாது.

மழைக்காலங்களில் நீா் தேங்குவது, உலராத துணிகளை அணிவது உள்ளிட்டவை சின்னம்மை பாதிப்புக்கு முக்கியக் காரணங்கள். குரங்கு அம்மையுடன் ஒப்பிடுகையில் சின்னம்மையால் பெரிய அளவிலான பாதிப்புகள் இருக்காது. எனினும், அம்மைக்கான அறிகுறிகள் தென்பட்டால், தாமதிக்காமல் உடனடியாக மருத்துவரை அணுக வேண்டும்’’ என்றனா்.



Read in source website

நாடாளுமன்ற நடப்பு மழைக்காலக் கூட்டத் தொடரின் 2-ஆவது வாரத்தில் மாநிலங்களவையின் செயல்திறன் 16 சதவீதமாக குறைந்தது. முந்தைய வாரத்தில் மாநிலங்களவை செயல்திறன் 26.90 சதவீதமாக இருந்தது.

மழைக்கால கூட்டத் தொடா் கடந்த ஜூலை 18-ஆம் தேதி தொடங்கிய நிலையில், இரண்டு வாரங்களிலும் சோ்த்து மாநிலங்களவையின் செயல்திறன் 21.58 சதவீதமாக உள்ளது. 2-ஆவது வாரத்தில் அவையில் தொடா் அமளி, ஒத்திவைப்பு மட்டுமன்றி 23 எதிா்க்கட்சி எம்.பி.க்கள் இடைநீக்கமும் நிகழ்ந்தது.

இதுவரை நடைபெற்ற மாநிலங்களவையின் 10 அமா்வுகளில் 11 மணி நேரம் 8 நிமிஷங்கள் மட்டுமே அவை செயல்பட்டுள்ளது. ஆனால், 51 மணி நேரம் 35 நிமிஷங்கள் அவை செயல்பட்டிருக்க வேண்டும். 40 மணி நேரம் 45 நிமிஷங்கள் வீணடிக்கப்பட்டுள்ளதாக மாநிலங்களவை செயலகம் தெரிவித்துள்ளது.

நடப்பு தொடரில் மாநிலங்களவையில் இதுவரை எந்த மசோதாவும் நிறைவேறவில்லை. பேரழிவு ஆயுதங்கள் தடுப்பு மசோதா மீதான விவாதம் முடிவுறாமல் நிற்கிறது என்றும் தெரிவிக்கப்பட்டுள்ளது.

இதனிடையே, நாடாளுமன்றம் இடையூறின்றி, திறம்பட செயல்படுவதை உறுதி செய்வது ஆளும்கட்சி மற்றும் எதிா்க்கட்சிகளின் கூட்டுப் பொறுப்பு என்று குடியரசு துணைத் தலைவரும் மாநிலங்களவைத் தலைவருமான வெங்கையா நாயுடு குறிப்பிட்டுள்ளாா்.



Read in source website

பெண்கள் அதிகாரம் பெறுவதற்கு அவா்களுக்கு சமவாய்ப்பு வழங்குவதுடன் அவா்கள் பணிபுரிய கண்ணியமான பணிச்சூழலை அமைத்துத் தர வேண்டியது அவசியம் என்று மத்திய தொழிலாளா் நலத் துறை அமைச்சா் பூபேந்தா் யாதவ் கூறினாா்.

புது தில்லியில் ஞாயிற்றுக்கிழமை நடைபெற்ற நிகழ்ச்சியொன்றில் அவா் மேலும் பேசியதாவது;

பெண்களுக்கு அதிகாரம் வழங்குவது என்பது அவா்களுக்கு சமவாய்ப்பு வழங்குவதாகும். பணிபுரியும் இடங்களில் அவா்களுக்கு கண்ணியமான சூழலை ஏற்படுத்தித் தர வேண்டும்.

கண்ணியமான வாழ்க்கை என்பது ஒவ்வொருவரும் சுயமாக முடிவெடுக்கவும், விருப்பங்களைத் தோ்வு செய்யவும் சுதந்திரம் அளிப்பதாகும். மேலும், தாங்கள் விரும்பியவற்றை சாப்பிடவும், விருப்பமான உடைகளை அணிவதற்கும் சுதந்திரம் அளிப்பதாகும்.

பெண்களுக்குப் பாதுகாப்பு அவசியம். அதேசமயம் அவா்களை கண்ணியமாக நடத்த வேண்டியதும் முக்கியம். அவா்களுக்கு கண்ணியமான வாழ்வை அளித்துவிட்டால், அவா்கள் மட்டுமின்றி மற்றவா்களின் பாதுகாப்பையும் உறுதி செய்வாா்கள். பெண்கள் தியாகத்தின் வடிவமாக சித்திரிக்கப்படுகிறாா்கள். ஆண்களும் தியாகம் செய்யலாம். சமூக மதிப்பீடுகள் என்ற பெயரில் பெண்களுக்கு ஏராளமான முட்டுக்கட்டைகள் போடப்படுகின்றன என்றாா் அவா்.



Read in source website

அரசியலமைப்புச் சட்டத்தின் குறிக்கோள்களை பொதுமக்கள் அறிந்துகொண்டால் மட்டுமே நாடு செழிக்கும் என்றாா் உச்சநீதிமன்றத் தலைமை நீதிபதி என்.வி.ரமணா.

சத்தீஸ்கா் மாநிலம், ராய்பூரில் ஹிதாயதுல்லா தேசிய சட்டப் பல்கலைக்கழகத்தின் 5-ஆவது பட்டமளிப்பு விழா ஞாயிற்றுக்கிழமை நடைபெற்றது. இதில், உச்சநீதிமன்றத் தலைமை நீதிபதி என்.வி.ரமணா பங்கேற்று மாணவா்களுக்கு பட்டம் வழங்கிப் பேசியதாவது:

இந்தத் தலைமுறை இளைஞா்கள் புரட்சிப் பாதையில் உலகை எதிா்கொள்கின்றனா். பருவநிலை பிரச்னையாகட்டும் அல்லது மனித உரிமை மீறல்களாட்டும், அவா்கள் ஒருங்கிணைந்த சக்தியாக உலகம் முழுவதும் உருவெடுத்துள்ளனா். தொழில்நுட்பப் புரட்சி ஒவ்வொருவரையும் சா்வதேச குடிமக்களாக மாற்றிவிட்டது.

நவீன சுதந்திர இந்தியாவின் எதிா்பாா்ப்புகளை வரையறுக்கும் உயரிய ஆவணம் சட்டக் கல்லூரி மாணவா்கள், வழக்குரைஞா்களின் சிந்தனைக்கு உள்பட்டதாகவே இருக்கிறது. இதில் பொதுமக்களின் பங்களிப்பு மிகவும் குறைவாக இருப்பது கவலையளிக்கிறது.

அரசியலமைப்புச் சட்டம் என்பது அனைவருக்குமானது. ஒவ்வொரு தனிநபரும் தங்கள் உரிமைகளையும் கடமைகளையும் அறிந்துகொள்வது அவசியம். இதற்கான விழிப்புணா்வை ஏற்படுத்த வேண்டிய கூட்டுப் பொறுப்பு நமக்கு உள்ளது.

அரசியலமைப்புச் சட்டம் குறித்து பொதுமக்களுக்கு எளிய வாா்த்தைகளில் விவரிக்க வேண்டியது சட்டக் கல்லூரி மாணவா்களின் பொறுப்பு. அரசியலமைப்புச் சட்டத்தின் குறிக்கோள்களை பொதுமக்கள் அறிந்து கொண்டால் மட்டுமே நாடு செழிக்கும்.

வழக்குரைஞா் என்பவா் நீதிமன்றத்துக்கு முன்பாக கட்சிக்காரரின் வெறும் பிரதிநிதி மட்டுமல்ல. சட்டத்தை மட்டும் அறிந்துகொள்வது நீண்ட தூரம் பயணம் செய்ய உதவாது. வழக்குரைஞா் அனைத்தையும் அறிந்தவராகவும் சிறந்த தலைவராகவும் மாற்றத்தை உருவாக்குபவராகவும் இருக்க வேண்டும்.

சட்டக் கல்வி நிறுவனங்கள் பட்டதாரிகளை சமூகப் பொறியாளா்களாக மாற்ற வேண்டும். சட்டம் என்பது சமூக மாற்றத்துக்கான கருவி என்றாா் அவா்.

மேலும், சத்தீஸ்கரில் நீதித் துறையின் உள்கட்டமைப்பு வளா்ச்சிக்கும் நிதிசாா் தேவைக்கும் போதிய நிதி ஒதுக்கீடு செய்வதாக அந்த மாநில முதல்வா் பூபேஷ் பகேலுக்கு உச்சநீதிமன்றத் தலைமை நீதிபதி என்.வி.ரமணா பாராட்டு தெரிவித்தாா்.

இந்நிகழ்ச்சியில், சத்தீஸ்கா் முதல்வா் பூபேஷ் பகேல் கெளரவ விருந்தினராகப் பங்கேற்றாா். உச்சநீதிமன்ற நீதிபதி எஸ்.அப்துல் நஸீா், சத்தீஸ்கா் உயா்நீதிமன்றத் தலைமை நீதிபதி அரூப்குமாா் கோஸ்வாமி ஆகியோா் பங்கேற்றனா்.



Read in source website

18 வயதுக்கு மேற்பட்ட அனைவரும் தடுப்பூசி செலுத்திக் கொள்வதை அதிகரிக்கச் செய்யும் வகையில் பல்கலை.கள், கல்லூரிகளில் சிறப்பு முகாம்களுக்கு ஏற்பாடு செய்ய வேண்டும் என யுஜிசி உத்தரவிட்டது.

இது தொடா்பாக அனைத்து பல்கலைக்கழக துணை வேந்தா்கள், அனைத்துக் கல்லூரி முதல்வா்களுக்கு யுஜிசி செயலா் ரஜினிஷ் ஜெயின் அனுப்பியுள்ள சுற்றறிக்கை:

18 வயதுக்கு மேற்பட்ட அனைவரும் தடுப்பூசி செலுத்திக் கொள்வதை அதிகரிக்க சிறப்பு ஏற்பாடுகளை அந்தந்த பல்கலைக்கழக நிா்வாகங்களும், கல்லூரி நிா்வாகங்களும் செய்ய வேண்டும். பூஸ்டா் தடுப்பூசி செலுத்திக்கொள்ளாத, தங்களது கல்வி நிறுவன அலுவலா்கள், ஆசிரியா்கள், ஊழியா்கள், மாணவா்கள் ஆகியோரை பூஸ்டா் செலுத்திக் கொள்ள ஊக்குவிப்பதோடு, அனைத்து கல்வி நிறுவனங்களிலும் சிறப்பு தடுப்பூசி முகாம்களை நடத்த ஏற்பாடு வேண்டும் என அதில் தெரிவிக்கப்பட்டுள்ளது.



Read in source website

 

காமன்வெல்த் போட்டியில் இந்திய வீராங்கனை சுஷிலா தேவி லிக்மாபம் அரையிறுதியில் வெற்றி பெற்றதால் இந்தியாவுக்கு மேலும் ஒரு பதக்கம் உறுதி செய்யப்பட்டுள்ளது. 

இங்கிலாந்து நாட்டின் பா்மிங்ஹாம் நகரில் கடந்த 28ஆம் தேதி காமன்வெல்த் போட்டிகள் கோலாகலமாகத் தொடங்கியது. ஆகஸ்ட் 8 ஆம் தேதி வரை இந்த போட்டிகள் நடைபெறவுள்ள நிலையில், நான்காவது நாளான இன்று பல்வேறு போட்டிகளில் இந்திய வீரர்கள் பங்கேற்று வருகின்றனர்.

அந்தவகையில், இந்திய நேரப்படி இன்று மாலை நடைபெற்ற ஜூடோ போட்டியில் இந்திய வீராங்கனை சுஷிலா தேவி, தென்ஆப்பிரிக்க வீராங்கனை மைக்கேலாவுடன் மோதினார். 

48 கிலோ எடைப்பிரிவில் நடைபெற்ற இந்த போட்டியில் மைக்கேலாவை வீழ்த்தி, இந்திய வீராங்கனை சுஷிலா தேவி வெற்றி பெற்று இறுதிப்போட்டிக்கு முன்னேறினார். இதன் மூலம் இந்தியாவுக்கு மேலும் ஒரு பதக்கம் உறுதியாகியுள்ளது.



Read in source website

 

மேற்கிந்தியத் தீவுகள் அணி வீராங்கனை டாட்டின் ஓய்வு அறிவிப்பை வெளியிட்டுள்ளார். 

31 வயது டாட்டின், 2008 முதல் 143 ஒருநாள், 126 டி20 சர்வதேச ஆட்டங்களில் விளையாடியுள்ளார். பேட்டிங்கில் ஒருநாள் கிரிக்கெட்டில் 3727 ரன்களும் டி20யில் 2697 ரன்களும் எடுத்துள்ளார். பந்துவீச்சில் ஒருநாள் கிரிக்கெட்டில் 72 விக்கெட்டுகளும் டி20யில் 62 விக்கெட்டுகளும் எடுத்துள்ளார். காமன்வெல்த் 2022 போட்டிகளில் பார்படாஸ் அணிக்காக விளையாடி வருகிறார். 

மேற்கிந்தியத் தீவுகள் அணியில் நிலவும் தற்போதைய சூழலில் என்னுடைய திறமையையும் ஆர்வத்தையும் வெளிப்படுத்த முடியாததால் மேற்கிந்தியத் தீவுகள் அணிக்காக விளையாடுவதிலிருந்து ஓய்வு பெறுவதாக டாட்டின் அறிவித்துள்ளார். 

2010-ல் நடைபெற்ற டி20 உலகக் கோப்பைப் போட்டியில் தென்னாப்பிரிக்காவுக்கு எதிராக 38 பந்துகளில் சதமடித்து குறைந்த பந்துகளில் டி20 சதமடித்த வீராங்கனை என்கிற பெருமையை அடைந்தார் டாட்டின். இந்த வருடம் நியூசிலாந்தில் நடைபெற்ற உலகக் கோப்பைப் போட்டியில் மே.இ. தீவுகள் அணிக்கு எதிராகக் கடைசி ஓவரில் நியூசிலாந்து வெற்றி பெற ஆறு ரன்கள் தேவைப்பட்டன. அந்தக் கடைசி ஓவரை வீசிய டாட்டின், 2 ரன்கள் மட்டும் கொடுத்து 2 விக்கெட்டுகளை எடுத்து தன்னுடைய அணிக்கு மறக்க முடியாத வெற்றியைத் தேடித் தந்தார். 

ஓய்வு அறிவிப்பை வெளியிட்டுள்ள டாட்டின், லீக் போட்டிகளில் தொடர்ந்து விளையாடவுள்ளதாகத் தெரிவித்துள்ளார். 



Read in source website

 

கோயம்புத்தூரில் நடைபெற்ற டிஎன்பில் டி20 போட்டியின் இறுதிச் சுற்று மழை காரணமாகப் பாதிக்கப்பட்டதால் கோவை, சேப்பாக் அணிகள் கோப்பையைப் பகிர்ந்துகொண்டன.

டிஎன்பிஎல் 2022 போட்டியின் இறுதிச்சுற்றில் லைகா கோவை கிங்ஸ் - சேப்பாக் சூப்பர் கில்லீஸ் அணிகள் மோதின. கெளசிக் காந்தி தலைமையிலான சேப்பாக் அணி டாஸ் வென்று பந்துவீச்சைத் தேர்வு செய்தது. மழை காரணமாக ஆட்டம் 17 ஓவர்களாகக் குறைக்கப்பட்டது. ஷாருக் கான் தலைமையிலான கோவை அணி, 17 ஓவர்களில் 9 விக்கெட் இழப்புக்கு 138 ரன்கள் எடுத்தது. சாய் சுதர்சன் 65 ரன்கள் எடுத்தார். சந்தீப் வாரியர் 4 விக்கெட்டுகளை வீழ்த்தினார். சேப்பாக் அணி 4 ஓவர்களில் 2 விக்கெட் இழப்புக்கு 14 ரன்கள் எடுத்தபோது மழை காரணமாக ஆட்டம் பாதிக்கப்பட்டது. ஆட்டத்தைத் தொடரமுடியாத நிலை ஏற்பட்டதால் டிஎன்பிஎல் கோப்பையை கோவை, சேப்பாக் ஆகிய இரு அணிகளும் பகிர்ந்துகொண்டன. 5-வது ஓவர் மட்டும் வீசி முடிக்கப்பட்டிருந்தால் சேப்பாக் அணி தோல்வியடைந்திருக்கும். ஏனெனில் அந்த அணி 2 விக்கெட்டுகள் வீழ்ந்த நிலையில் 24 ரன்கள் பின்தங்கியிருந்தது.

இறுதிச்சுற்றுக்கான ஆட்ட நாயகன் விருதை சந்தீப் வாரியரும் தொடர் நாயகன் விருதை சஞ்சய் யாதவும் வென்றார்கள். டிஎன்பிஎல் கோப்பையை சேப்பாக் அணி 4-வது முறையாக வென்றுள்ளது. கோவை அணி கோப்பையை வெல்வது இதுவே முதல்முறை. 



Read in source website

இங்கிலாந்தில் நடைபெறும் காமன்வெல்த் விளையாட்டுப் போட்டிகளில் பளுதூக்குதல் பிரிவில் இந்தியாவுக்கு மேலும் 2 பதக்கங்கள் கிடைத்தது. இதையடுத்து போட்டியில் இந்தியா 5 பதக்கங்களுடன் 6-ஆவது இடத்தில் இருக்கிறது.

ஏற்கெனவே பளுதூக்குதலில் தலா ஒரு தங்கம் (சாய்கோம் மீராபாய் சானு), வெள்ளி (சங்கட் சா்காா்), வெண்கலம் (குருராஜா பூஜாரி) கிடைத்திருந்த நிலையில், தற்போது ஜெரிமி லால்ரினுங்கா தங்கமும், விந்தியாராணி தேவி வெள்ளியும் வென்று அசத்தியிருக்கின்றனா்.

சாதனையுடன் தங்கம்: ஆடவருக்கான 67 கிலோ பிரிவில் பங்கேற்ற ஜெரிமி ஸ்னாட்ச் பிரிவில் 140 கிலோ, கிளீன் & ஜொ்க் பிரிவில் 160 கிலோ என மொத்தமாக 300 கிலோ எடையைத் தூக்கி 2 போட்டி சாதனைகளுடன் தங்கத்தை தனதாக்கினாா். சமோவா வீரா் வாய்பவா நெவோ லோவேன் (293 கிலோ), நைஜீரியாவின் எடிடியாங் ஜோசஃப் உமோஃபியா (290 கிலோ) முறையே அடுத்த இரு பதக்கங்களை வென்றனா்.

நடப்பு யூத் ஒலிம்பிக் சாம்பியனான ஜெரிமி, ஸ்னாட்ச் பிரிவில் தூக்கிய எடையும், ஒட்டுமொத்தமாக தூக்கிய எடையும் (67 கிலோ எடைப் பிரிவு) காமன்வெல்த் சாதனையாகும். இதில் கிளீன் & ஜொ்க் பிரிவு முயற்சியின்போது ஜெரிமி இரு முறை அதிக எடை காரணமாக காயத்துக்கு ஆளாகும் நிலைக்குச் சென்றாா்.

விந்தியாவுக்கு வெள்ளி: மகளிருக்கான 55 கிலோ எடைப் பிரிவில் இந்தியாவின் விந்தியாராணி தேவி மொத்தமாக 202 கிலோ எடையைத் தூக்கி 2-ஆம் இடம் பிடித்தாா். இது அவா் பங்கேற்கும் முதல் காம்ன்வெல்த் போட்டி என்பது குறிப்பிடத்தக்கது.

இதில், ஸ்னாட்ச் பிரிவில் அவா் தூக்கிய 86 கிலோ புதிய ‘பொ்சனல் பெஸ்ட்’-ஆக இருக்க, கிளீன் & ஜொ்க் பிரிவில் தாங்கிய 116 கிலோ எடையானது புதிய காமன்வெல்த் சாதனையாக அமைந்தது. நைஜீரியாவின் அதிஜத் அடெனைக் (203 கிலோ) தங்கமும், இங்கிலாந்தின் ஃப்ரோ் மாரோவ் (198 கிலோ) வெண்கலமும் கைப்பற்றினா்.

ஜிம்னாஸ்டிக்ஸ்: யோகேஷ்வா் 15-ஆம் இடம்

ஆடவருக்கான ஆா்ட்டிஸ்டிக் ஜிம்னாஸ்டிக்ஸில் ஆல்-அரவுண்ட் இறுதிச்சுற்றில் இந்தியாவின் யோகேஷ்வா் சிங் 74.700 புள்ளிகளுடன் 15-ஆம் இடம் பிடித்தாா். இப்பிரிவில் இங்கிலாந்தின் ஜேக் ஜாா்மன் தங்கமும் (83.450), சக நாட்டவா்களான ஜேம்ஸ் ஹால் (82.900) வெள்ளியும், மேரியோஸ் ஜாா்ஜியு (81.750) வெண்கலமும் வென்றனா்.

நீச்சல்: 7-ஆவதாக வந்த நட்ராஜ்

நீச்சலில் ஆடவருக்கான 100 மீ பேக்ஸ்ட்ரோக் இறுதிச்சுற்றில் இந்தியாவின் ஸ்ரீஹரி நட்ராஜ் 54.31 விநாடிகளுடன் 7-ஆம் இடம் பிடித்தாா். இந்நிலையில் அவரே, 50 மீ பேக்ஸ்ட்ரோக் ஹீட்ஸில் அரையிறுதிக்குத் தகுதிபெற்றுள்ளாா். ஆடவருக்கான 200 மீ பட்டா்ஃப்ளை பிரிவில் சஜன் பிரகாஷ் 1 நிமிஷம் 58 விநாடிகளில் இலக்கை எட்டி ‘ரிசா்வ் வீரா்’ இடத்தைப் பிடித்தாா். இறுதிச்சுற்றில் எவரும் பங்கேற்க முடியாமல் போகும் பட்சத்தில் அந்த இடம் சஜனுக்குக் கிடைக்கும்.

பாட்மின்டன்: ஆஸி.யை வென்றது இந்தியா

கலப்பு அணிகள் பாட்மின்டனில், குரூப் சுற்றின் கடைசி ஆட்டத்தில் இந்தியா 3-0 என ஆஸ்திரேலியாவை தோற்கடித்தது. ஆடவா் ஒற்றையரில் கிடாம்பி ஸ்ரீகாந்த் 21-14, 21-13 என லின் ஜியாங் யிங்கையும், மகளிா் ஒற்றையரில் பி.வி.சிந்து 21-10, 21-12 என்ற கேமில் சென் வெண்டி சுவானையும் வீழ்த்தினா். ஆடவா் இரட்டையரில் சுமீத் ரெட்டி/சிரக் ஷெட்டி கூட்டணி 21-16, 21-19 என டிரான் ஹோவாங்/ஜேக் யு ஜோடியை வென்றது.

குத்துச்சண்டை: காலிறுதியில் லவ்லினா, நிகாத்

மகளிருக்கான 70 கிலோ பிரிவில் லவ்லினா போா்கோஹெய்ன் - நியூஸிலாந்தின் ஆரியானா நிகோல்சனை வீழ்த்தி (5-0 ) காலிறுதிக்குத் தகுதிபெற்றாா். 50 கிலோ பிரிவில் உலக சாம்பியனான நிகாத் ஜரீன் - மொஸாம்பிக்கின் ஹெலெனா இஸ்மாயிலை (5-0) வெளியேற்றினாா்.

ஆடவருக்கான 57 கிலோ பிரிவில் முகமது ஹசாமுதின் - தென்னாப்பிரிக்காவின் அம்ஸோலேலே டயேயியை தோற்கடித்து காலிறுதிக்கு முந்தைய சுற்றுக்கு வந்துள்ளாா். எனினும், ஆடவருக்கனா 63.5 கிலோ பிரிவில் சிவ தாபா, 92 கிலோ பிரிவில் சஞ்ஜீத் தோல்வி கண்டு போட்டியிலிருந்து வெளியேறினா்.

ஹாக்கி: இந்தியாவுக்கு 2-ஆவது வெற்றி

மகளிா் ஹாக்கி போட்டியில் இந்தியா தனது குரூப் சுற்றின் 2-ஆவது ஆட்டத்தில் வேல்ஸை 3-1 என்ற கோல் கணக்கில் வென்றது. ஆட்டத்தில் கிடைத்த பெனால்டி காா்னா் வாய்ப்புகளில் 26 மற்றும் 49-ஆவது நிமிஷங்களில் வந்தனா கட்டாரியா ஸ்கோா் செய்ய, 28-ஆவது நிமிஷத்தில் குா்ஜித் கௌா் கோலடித்தாா். வேல்ஸுக்காக 44-ஆவது நிமிஷத்தில் ஜென்னா ஹியூஜஸ் ஸ்கோா் செய்தாா்.

டேபிள் டென்னிஸ்: அரையிறுதியில் ஆடவா் அணி

இந்த விளையாட்டின் காலிறுதியில் இந்திய ஆடவா் அணி 3-0 என்ற கணக்கில் வங்கதேசத்தை தோற்கடித்து அரையிறுதிக்குத் தகுதிபெற்றது. இரட்டையா் பிரிவில் ஹா்மீத் தேசாய்/ஜி.சத்தியன் வெற்றியைப் பதிவு செய்ய, ஒற்றையா் பிரிவில் சரத் கமல், சத்தியன் தலா ஒரு வெற்றியைப் பதிவு செய்தனா். இதனிடையே மகளிா் பிரிவு காலிறுதியில் இந்தியா 2-3 என்ற கணக்கில் மலேசியாவிடம் தோற்று வெளியேறியது.

சைக்கிளிங்: ரொனால்டோ தோல்வி

சைக்கிளிங்கில் ஆடவா் ஸ்பிரின்ட் பிரிவு 200 மீ காலிறுதியில் இந்தியாவின் ரொனால்டோ லாய்தோன்ஜம், ஆஸ்திரேலியாவின் மேத்யூ கிளேட்ஸரிடம் தோல்வியைச் சந்தித்தாா். மேலும் இரு இந்தியா்களான டேவிட் பெக்காம், ஈசோவ் அல்பென் தகுதிச்சுற்றுடன் வெளியேறியிருந்தனா்.

கிரிக்கெட்: இந்தியாவுக்கு முதல் வெற்றி

மகளிா் கிரிக்கெட்டில் இந்தியா தனது 2-ஆவது ஆட்டத்தில் பாகிஸ்தானை 8 விக்கெட்டுகள் வித்தியாசத்தில் சாய்த்தது. மழை காரணமாக இன்னிங்ஸுக்கு 18 ஓவா்களாக குறைக்கப்பட்ட ஆட்டத்தில் முதலில் பாகிஸ்தான் 18 ஓவா்களில் 10 விக்கெட் இழப்புக்கு 99 ரன்கள் சோ்க்க, இந்தியா 11.4 ஓவா்களில் 2 விக்கெட் இழப்புக்கு 102 ரன்கள் எடுத்து வென்றது.

ஸ்மிருதி மந்தனா 64 ரன்கள் விளாசி ஆட்டமிழக்காமல் அசத்த, முன்னதாக பௌலிங்கில் ராதா யாதவ், ஸ்னேஹ ரானா தலா 2 விக்கெட் சாய்த்தனா்.



Read in source website

 

மியான்மரில் தேசிய அவசர நிலையை மேலும் 6 மாதத்திற்கு நீட்டிக்கப் போவதாக மியான்மரின் ஜூண்டா ராணுவ ஆட்சியாளர்கள் தகவல் தெரிவித்துள்ளனர்.

மியான்மரில் கடந்த 2020-ஆம் ஆண்டு நடைபெற்ற தோ்தலில் அமோக வெற்றி பெற்று, தேசிய ஜனநாயகக் கட்சித் தலைவா் ஆங் சான் சூகி அமைத்த ஆட்சியை  ஜூண்டா ராணுவம் அதிரடியாகக் கவிழ்த்தது. 

தோ்தலில் முறைகேடுகள் நடைபெற்றதாகக் கூறி ஆட்சியைக் கவிழ்த்த ராணுவம், ஆங் சான் சூகி உளளிட்ட அரசியல் தலைவா்களைக் கைது செய்ததுடன், அவா்கள் மீது பல்வேறு வழக்குகளைப் பதிவு செய்தது. 

மியானமரில் கடந்த ஆண்டு ராணுவ ஆட்சி அமல்படுத்தப்பட்டதற்குப் பிறகு நடைபெற்ற போராட்டங்களில் மட்டும் பாதுகாப்புப் படையினா் சுமாா் 1,500 பேரை சுட்டுக் கொன்றனா்; சுமாா் 8,800 பேரைக் கைது செய்தனா். கணக்கில் வராத எண்ணிக்கையில் பலா் சித்திரவதைக்குள்ளாகினா்; பலா் மா்மமான முறையில் மாயமாகினா்.

2021 பிப்ரவரி 1 முதல் நாட்டிலுள்ள பல மில்லியன் கணக்கான் மக்கள் இதற்கு தெரிவித்து போராட்டம் நடத்தி வருகின்றனர்.  

போராட்டக்காரர்கள் மீது சித்ரவதை, பத்திரிக்கையாளர்கள் மீதும் தடியடி, தன்னிச்சையான கைதுகள் என மனிதாபிமானத்திற்கு எதிராக செயல்படுவதாக மனித உரிமைகள் ஆதர்வாளர்கள் புகார்களை தெரிவிக்கின்றனர். 

இந்தாண்டு ஜனவரி முதல் தேசிய பாதுகாப்பு ஆணையம் முதல் 6 மாதத்திற்கு தேசிய அவசர நிலையை நீட்டியது குறிப்பிடத்தக்கது. தற்போது மேலும் 6 மாதத்திற்கு அவசர நிலை தொடருமென சொல்லப்படுகிறது.



Read in source website

தங்களது தியாங்காங் விண்வெளி நிலையத்தில் இணைப்பதற்கான ஆய்வகக் கலத்தை விண்ணில் செலுத்த சீனா கடந்த வாரம் பயன்படுத்திய பிரம்மாண்டமான லாங் மாா்ச்-5பி ஒய்3 ராக்கெட்டின் பாகம் பிலிப்பின்ஸ் அருகே கடலில் விழுந்தாக சீனா அறிவித்துள்ளது.

கட்டுப்படுத்த முடியாத ராக்கெட் பாகங்கள் ஆபத்தான முறையில் பூமியில் விழ சீனா அனுமதிப்பது சா்ச்சையை ஏற்படுத்தி வரும் நிலையில் இந்த அறிவிப்பு வெளியாகி பரபரப்பை ஏற்படுத்தியுள்ளது.



Read in source website

பூடான் அரசா் ஜிக்மே கேசா் நாம்கயேல் வாங்சுக்கை இந்திய ராணுவ தலைமைத் தளபதி மனோஜ் பாண்டே ஞாயிற்றுக்கிழமை சந்தித்தாா்.

இந்தியாவின் சிக்கிம், பூடானின் ஹா பள்ளத்தாக்கு, திபெத்தின் சும்பி பள்ளத்தாக்கு ஆகியவற்றால் சூழப்பட்டுள்ள டோக்லாம் பகுதி, பீடபூமி மற்றும் பள்ளத்தாக்குகளை உள்ளடக்கியுள்ளது. இந்தப் பகுதியை தனது உத்திசாா்ந்த நலனுக்கு முக்கியமானதாக இந்தியா கருதுகிறது.

இந்நிலையில், டோக்லாம் பீடபூமியில் பூடான் நிலப்பகுதியைச் சுற்றி தனது ராணுவ உள்கட்டமைப்பை விரிவுபடுத்த சீனா இடைவிடாது முயற்சித்து வருகிறது. இது இந்தியாவுக்கு கவலையை ஏற்படுத்தியுள்ளது.

இந்தச் சூழலில், இந்திய ராணுவ தலைமைத் தளபதி மனோஜ் பாண்டே பூடான் சென்றுள்ளாா். அந்நாட்டுத் தலைநகா் திம்புவில் பூடான் அரசா் ஜிக்மே கேசா் நாம்கயேல் வாங்சுக்கை மனோஜ் பாண்டே ஞாயிற்றுக்கிழமை சந்தித்தாா். அப்போது இந்தியா-பூடான் இடையிலான இருதரப்பு உறவை மேம்படுத்துவதற்கான அம்சங்கள் குறித்து இருவரும் ஆலோசனை நடதத்தினா் என்று இந்திய ராணுவம் ட்விட்டரில் வெளியிட்ட பதிவில் தெரிவித்தது.

பிராந்திய பாதுகாப்பு, டோக்லாம் பீடபூமி மற்றும் அதையொட்டிய பகுதிகளில் சீனாவின் நடவடிக்கைகள் குறித்தும் இருவரும் ஆலோசித்ததாக தகவலறிந்த வட்டாரங்கள் தெரிவித்துள்ளன.

முன்னதாக பூடான் ராணுவ தலைமைத் தளபதி பட்டூ ஷெரிங்கை மனோஜ் பாண்டே சந்தித்தாா். அந்த சந்திப்பில் டோக்லாம் பகுதியில் நிலவும் சூழல் உள்பட அனைத்து முக்கிய விவகாரங்கள் குறித்து இருவரும் ஆலோசனை மேற்கொண்டதாக தகவல் வெளியாகியுள்ளது.



Read in source website

சென்னை: வாக்காளர் பட்டியலில் அதிக வாய்ப்புகளை இந்திய தேர்தல் ஆணையம் உருவாக்கி உள்ளதாக தமிழகத் தலைமை தேர்தல் அதிகாரி சத்திய பிரதா சாகு தெரிவித்துள்ளார்.

வாக்காளர் பட்டியல், வாக்காளர் அடையாள அட்டையுடன் ஆதார் எண் இணைப்பு உள்ளட்டவை தொடர்பாக அனைத்துக் கட்சிகளுடன் தலைமைத் தேர்தல் அதிகாரி சத்யபிரதா சாகு ஆலோசனை நடத்தினார். இதனைத் தொடர்ந்து தலைமைத் தேர்தல் அதிகாரி சார்பில் வெளியிடப்பட்டுள்ள அறிக்கையின் முழு விவரம்:

வாக்காளர் பட்டியலில் பெயர் சேர்ப்பு

  • வாக்காளர் பட்டியலில் அதிக வாய்ப்புகளை இந்திய தேர்தல் ஆணையம் உருவாக்கி உள்ளது.
  • பதிவு செய்வதற்கு வருடத்திற்கு நான்கு வாய்ப்புகள் வழங்கப்படும் (ஏப்ரல் 1, ஜூலை 1 மற்றும் அக்டோபர் 1)
  • இனி, ஒவ்வொரு காலாண்டிலும் வாக்காளர் பட்டியல் புதுப்பிக்கப்படும்
  • 17 வயதிற்கு மேற்பட்ட இளைஞர்களுக்கு முன்கூட்டியே விண்ணப்பிக்கும் வசதி
  • 18 வயது நிறைவடைந்த ஆண்டின் அடுத்த காலாண்டில் தகுதியான இளைஞர்கள் தங்களைப் பதிவு செய்து கொள்ளலாம்.
  • 2023ம் ஆண்டின் ஏப்ரல் 1, ஜூலை 1 மற்றும் அக்டோபர் 1 ஆகிய தேதிக்குள் 18 வயதை அடைபவர்கள் வரைவு வாக்காளர் பட்டியலில் வாக்காளராகப் பதிவு செய்வதற்கான விண்ணப்பத்தை முன்கூட்டியே சமர்ப்பிக்கலாம்.

ஆதார் இணைப்பு

  • வாக்காளர் அடையாள அட்டையுடன் இணைக்க தன்னார்வ அடிப்படையில் ஆதார் எண் சேகரிப்பு
  • ஆதார் இணைப்பு பணியை 1.8.2022 அன்று தொடங்கி 1.04.2023க்கு முன் நிறைவு செய்யப்படும்.

வாக்காளர் பட்டியல் சுருக்க திருக்கம்

  • வாக்காளர் பட்டியலை மேம்படுத்துதல் - 4.8.2022 முதல் 24.10.2022 வரை
  • துணை மற்றும் ஒருங்கிணைந்த வரைவுப் பட்டியல் தயாரித்தல் - 25.10.2022 முதல் 07.11.2022 வரை
  • ஒருங்கிணைந்த வரைவு வாக்காளர் பட்டியல் வெளியீடு - 09.11.2022 வரை
  • ஏற்புரைகள் மற்றும் மறுப்புரைகள் காலம் - 9.11.2022 முதல் 8.12.2022 வரை
  • சிறப்பு முகாம்கள் நடைபெறும் நாட்கள் - உரிய நேரத்தில் தெரிவிக்கப்படும்
  • ஏற்புரைகள் மற்றும் மறுப்புரைகளை பரிசீலனை நிறைவு - 26.12.2022
  • இறுதி வெளியீட்டிற்கு இந்தியத் தேர்தல் ஆணையத்தின் ஒப்புதலைப் பெறுதல் - 3.1.2023
  • இறுதி வாக்காளர் பட்டியல் வெளியீடு - 05.01.2023



Read in source website

சென்னை: இந்தியாவுக்குத் தேவையான பல்வேறு செயற்கைக்கோள்களை இந்திய விண்வெளி ஆய்வு நிறுவனம் (இஸ்ரோ) ராக்கெட் மூலம் விண்ணில் நிலைநிறுத்தி வருகிறது.

பிஎஸ்எல்வி ராக்கெட் மூலம்1,750 கிலோ வரையும், ஜிஎஸ்எல் விராக்கெட் மூலம் 4,000 கிலோ வரையும் எடை கொண்ட செயற்கைக் கோள்களை விண்ணில் செலுத்த முடியும்.

இதற்கிடையே, சர்வதேச விண்வெளி சந்தையில், சிறிய செயற்கைக்கோள்களை ஏவுவதற்கான தேவை அதிகரித்துள்ளது. இதைக் கருத்தில் கொண்டு, எடை குறைவான செயற்கைக்கோள்களை புவியின் தாழ் சுற்றுப்பாதைக்கு கொண்டுசெல்ல, சிறிய ரக எஸ்எஸ்எல்வி ராக்கெட்டுகளை இஸ்ரோ வடிவமைத்துள்ளது. இதன் எடை சுமார் 110 டன்னாகும். இதற்கான செலவும் ரூ.30 கோடிக்குள் அடங்கிவிடும்.

இந்த ராக்கெட் மூலம் மைக்ரோசாட்-2ஏ (இஓஎஸ்-02) செயற்கைக்கோள் ஆகஸ்ட் முதல் வாரத்தில் விண்ணில் ஏவப்பட உள்ளது. மொத்தம் 142 கிலோ எடை கொண்ட மைக்ரோசாட், கடலோர நிலப் பயன்பாடு மற்றும் ஒழுங்குமுறை, நகர்ப்புற, கிராமப்புற மேலாண்மை, பயன்பாடற்ற நிலங்களுக்கான எல்லை வரைபடம் தயாரிப்பு உள்ளிட்ட பணிகளுக்கு உதவியாக இருக்கும்.

இதில் உள்ள 2 நவீன கேமராக்கள் மூலம் 6 மீட்டர் அளவுக்கு துல்லியமாகப் படம் பிடிக்க முடியும். இதனுடன் ஸ்பேஸ் கிட்ஸ்அமைப்பின் மூலம் ‘ஆசாதிசாட்’எனும் கல்விசார் செயற்கைக்கோளும் விண்ணில் செலுத்தப்படுகிறது. இதற்கான இறுதிக்கட்டப் பணிகள் தற்போது நடைபெற்று வருவது குறிப்பிடத்தக்கது.



Read in source website

குஜராத் மாநிலத்தில் கால்நடைகளைத் தாக்கும் தோல் கழலை நோய் மிக வேகமாக பரவி வருகிறது. இதுவரை அங்கு 5000க்கும் மேற்பட்ட இறந்துள்ளன. குறிப்பாக குஜராத்தின் கச் மாவட்டத்தில் பெருமளவில் மாடுகள் உயிரிழந்துள்ளனர். புஜ் பகுதியில் திறந்த வெளியில் ஆயிரக்கணக்கான இறந்த மாடுகளின் சடலங்கள் குவிந்து கிடக்கின்றன. ராஜ்கோட், ஜாம்நகர் பகுதிகளிலும் கால்நடைகள் இறந்து வருகின்றன. கச், புஜ், ராஜ்கோட், ஜாம்நகர் பகுதிகளில் சிறப்பு கால்நடை மருத்துவ முகாம்கள் அமைக்கப்பட்டுள்ளன.

இருப்பினும் இறந்துபோன மாடுகளின் சடலங்கள் பொது இடங்களில் குவிந்து கிடப்பதால் மனிதர்களுக்கும் நோய் பாதிப்பு ஏற்படும் சூழல் உருவாகியுள்ளது. இது குறித்து புஜ் முனிசிபல் நிர்வாக தலைவர் கன்ஷ்யாம் தக்கார் அளித்த பேட்டியில், நாங்கள் உடல்களை சீக்கிரமாக அப்புறப்படுத்தவே முயல்கிறோம். ஆனால் மழை தொடர்ந்து பெய்து வருவதால் குழிகள் தோண்டுவதில் சுணக்கம் ஏற்பட்டுள்ளது. அதனாலேயே சடலங்களை அப்புறப்படுத்த முடியவில்லை என்றார்.

குஜராத்தின் கட்ச் மாவட்டத்தில் மட்டும் 37,000 மாடுகளுக்கு இந்த நோய் பாதிப்பு ஏற்பட்டுள்ளதாக அரசு தெரிவித்துள்ளது. 1010 மாடுகள் இதுவரை இறந்துள்ளன. 1.65 லட்சம் மாடுகளுக்கு தடுப்பூசி செலுத்தப்பட்டுள்ளன என்று அரசாங்கம் தெரிவித்துள்ளது.

தோல் கழலை (கட்டி) நோய் என்றால் என்ன? கால்நடைகளுக்கு தோல் கட்டி நோயை ஏற்படுத்தும் ‘லம்பி ஸ்கின் வைரஸ்’ 1920-ல் ஆப்பிரிக்க நாடுகளில் கண்டறியப்பட்டது. பின்னர் கென்யா, மத்திய கிழக்கு ஆசிய நாடுகள், சீனா, வியட்நாம் ஆகிய நாடுகளில் கண்டறியப்பட்டது. கடல் மட்டத் துக்கு இணையான பிரதேசங்களில் ஈரப்பதம் அதிகம் இருக்கும்.

இப்பகுதியில் கொசுக்கள், ஈக்கள் உற்பத்தி அதிகரிக்கும். கொசு, ஈக்கள் மூலம் பரவும் இந்நோய் தற்போது இந்தியாவில் முதல்முறையாக கேரளாவில் கண்டறியப்பட்டுள்ளது. இந்நோய் தாக்கப்பட்ட மாடுகளின் தோலில் கட்டிகள் நிறைந்து காணப்படும். இதனால் பெரும்பாலும் இறப்புகள் ஏற்படுவதில்லை என்றபோதிலும், வெகுவாகப் பால் உற்பத்தி குறையும். மேலும் சினை பிடிக்காது, தரமான கன்றுகளையும் பிரசவிக்காது.

இந்நோய் இருக்கும் மாடுகளை மற்ற மாடுகளில் இருந்து தனிமைப் படுத்த வேண்டும். உடனடியாக அரசு கால்நடை மருத்துவரை அணுக வேண்டும். பெரும்பாலான வைரஸ் நோய்க்கு மருந்துகள் கிடையாது. வைரஸ் நோய்க்கு அடுத்து வரும் பாக்டீரியல் நோயால் இறப்புகள் அதிகரிக்கும்.

இதனால் பாக்டீரியல் நோயை கட்டுப்படுத்த ஊசி மருந்துகளை 3 நாட்களுக்கு செலுத்த வேண்டும். கிருமிநாசினி கொண்ட களிம்பு மருந்துகளை அந்தக் கட்டிகள் மீது தடவ வேண்டும். இந்நோய்க்கு தடுப்பூசி மருந்துகளை வெளிநாடுகளில் இருந்து வரவழைத்து நோய் வரும்முன் செலுத்தி பாதுகாக்க வேண்டும்.

புரட்சிகளின் பக்கவாட்டு சேதாரங்கள்: புரட்சிகள் நிகழும் போதெல்லாம் பக்கவாட்டு சேதாரங்களை தவிர்க்க இயலாது அல்லவா? அப்படித்தான் வெண்மைப் புரட்சி கொடுத்த சில சேதங்களில் ஒன்று இந்த நோய் என்ற விமர்சனமும் இருக்கின்றது. வெப்ப மண்டலப் பிரதேசங் களில் வாழும் நாட்டு மாடுகள் அதிக நோய் எதிர்ப்பு சக்தி உடையவை. ஆனால் பால் உற்பத்தி குறை வாக இருக்கும். பாலின் தேவை அதிகரிப்பால் வெண்மைப் புரட்சி ஏற்பட்டது. இதில் அதிக பால் உற்பத்தி செய்யும் கலப்பின பசு மாடுகள் இறக்குமதி செய்யப் பட்டன. இவ்வகை பசு மாடுகளுக்கு நோய் எதிர்ப்பு சக்தி குறைவு என்பதால் கோமாரி நோய் உட்பட பல்வேறு நோய்களுக்கு தடுப்பூசி, மருந்துகள் அளிக்கப்படுகின்றன.

இந்நிலையில், ஆப்பிரிக்க நாடு களில் கால்நடைகளுக்கு ஏற்பட்ட தோல் கழலை (கட்டி) நோய் சமீப காலமாக இந்தியாவிலும் அவ்வப்போது ஏற்படுகிறது. இந்தியாவில் முதல் முறையாக கடந்த 2019 ஆம் ஆண்டு கேரளாவில் கண்டறியப்பட்டது.



Read in source website

கோவை: கோயம்புத்தூர் ஆட்டோ ஸ்போர்ட்ஸ் கிளப் சார்பில், ‘இந்திய தேசிய ராலி சாம்பியன்ஷிப் 2022’ கார் பந்தயப் போட்டி, கோவையில் கடந்த வெள்ளிக்கிழமை தொடங்கியது.

இதில் நாடு முழுவதும் இருந்து மொத்தம் 8 அணிகள் சார்பில் 54 வீரர்கள் பங்கேற்றனர். இப்போட்டிகள் ‘ராலி சாம்பியன்ஷிப்’ மற்றும் ‘சேலஞ்ச்’ என இரண்டு பிரிவுகளில் நடக்கிறது. நேற்றைய இரண்டாவது நாள் போட்டி, கேத்தனூர் பகுதியில் உள்ள பந்தய சாலையில் நடந்தது.

இதில் ஐ.என்.ஆர். சி 2-வது பிரிவில், சேத்தன் சிவ்ராம் முதலிடத்தையும், ஐ.என்.ஆர்.சி 3-வது பிரிவில் ஜஹான் கில் முதலிடத்தையும், ஐ.என்.ஆர். சி 4-வது பிரிவில் தீபக் சந்திரா முதலிடத்தையும், ஜூனியர் ஐ.என்.ஆர்.சி பிரிவில் ஜஹான் கில் முதலிடத்தையும், ஜிப்சி பிரிவில் சாம்ராஜ் யாதவ் முதலிடத்தையும் பிடித்தனர்.

கரடு முரடான பந்தய சாலையில் கௌரவ் கில் முதலிடத்தை பிடித்தார். வெற்றி பெற்றவர்களுக்கு பரிசுக் கோப்பைகள் வழங்கப்பட்டன. அடுத்த சுற்றுகள், பெங்களூரிலும், நாகலாந்திலும் நடைபெறும் என நிகழ்ச்சி ஏற்பாட்டாளர்கள் தெரிவித்தனர்.



Read in source website

பர்மிங்காம்: நடப்பு காமன்வெல்த் போட்டிகளில் இந்திய பளுதூக்குதல் வீரர் அச்சிந்தா ஷூலி (Achinta Sheuli). இது நடப்பு காமன்வெல்த்தில் இந்தியா வென்றுள்ள மூன்றாவது தங்கம் என்பது குறிப்பிடத்தக்கது.

20 வயதான அச்சிந்தா ஷூலி மேற்கு வங்க மாநிலத்தை சேர்ந்தவர். 73 கிலோ எடைப் பிரிவில் அவர் விளையாடி வருகிறார். காமன்வெல்த் போட்டியில் இதே எடைப்பிரிவில் அவர் பங்கேற்றார். இதற்கு முன்னர் 2021 ஜூனியர் உலக பளுதூக்குதல் சாம்பியன்ஷிப்பில் வெள்ளி மற்றும் காமன்வெல்த் பளுதூக்குதல் சாம்பியன்ஷிப்பில் இரண்டு முறை தங்கமும் வென்றுள்ளார்.

இந்நிலையில், காமன்வெல்த்தில் பங்கேற்றார் அவர். இதுதான் அவர் விளையாடும் முதல் காமன்வெல்த் போட்டி தொடர் இதுவாகும். இதில் மொத்தம் 313 கிலோ எடையை தூக்கியதன் மூலம் தங்க பதக்கத்தை தட்டி தூக்கியுள்ளார் அவர். ஸ்னாட்ச் முறையில் 143 கிலோவும், கிளீன் அண்ட் ஜெர்க் முறையில் 170 கிலோவும் தூக்கியிருந்தார். மொத்தம் 313 கிலோகிராம். இதன் மூலம் காமன்வெல்த் போட்டிகள் வரலாற்றில் புதிய உலக சாதனையை படைத்துள்ளார் அவர்.

இந்தியா இதுவரை வென்றுள்ள மூன்று தங்கப் பதக்கங்களும் பளுதூக்குதல் பிரிவில் கிடைத்தவை. முன்னதாக, மீராபாய் சானு மற்றும் ஜெரமி லால்ரினுங்கா ஆகியோர் தங்கம் வென்றிருந்தனர்.



Read in source website

கடந்த 29 ஆம் தேதியன்று (ஜூலை 29) பூமி 24 மணி நேரத்திற்கு முன்னரே தன்னைத் தானே சுற்றும் ஒருநாள் சுழற்சியை முடித்திருப்பதாக விஞ்ஞானிகள் தெரிவித்துள்ளனர்.

நமது பால்வளி அண்டத்தைப் பொறுத்தவரை பூமி உள்ளிட்ட கோள்கள் சூரியனைச் சுற்றி வருகின்றன. பூமி ஒரு முறை சூரியனைச் சுற்றி வருவதே ஒரு வருடமாக நாம் கணக்கில் எடுத்து கொள்கிறோம். சூரியனை சுற்றி வருவதுபோல பூமி தன்னைத் தானே சுற்றி வருகிறது. பூமி தன்னைத் தானே ஒரு முறை சுற்ற 24 மணி நேரம் எடுத்துக் கொள்ளும். இதுவே பூமியில் இரவு, பகல் தோன்ற காரணமாக உள்ளது.

இவ்வாறான சூழலில் கடந்த ஜூலை 29 ஆம் தேதியன்று பூமியானது வழக்கத்திற்கு மாறாக 1.59 மில்லி விநாடிகள் முன்னதாகவே தன்னைத் தானே சுற்றும் சுழற்சியை நிறைவு செய்திருப்பதாக விஞ்ஞானிகள் தெரிவித்துள்ளனர்.

இதன் காரணமாக மிகக் குறுகிய பகல் பொழுது அமைந்து சாதனை நிகழ்ந்துள்ளது.

இதற்கு முன்னர் இவ்வாறான சாதனை 50 ஆண்டுகளுக்கு முன்பு நிகழ்ந்தது. 1960 ஆம் ஆண்டு ஜூலை 19 ஆம் தேதி 1.47 மில்லி மில்லி விநாடிகள் முன்னதாகவே தனது சுழற்சியை பூமி நிறைவு செய்ததாக விஞ்ஞானிகள் கூறுகின்றனர்.

அதேவேளையில், 50 ஆண்டுகளாகவே பூமி வேகமாக சுழன்று கொண்டிருப்பதாக விஞ்ஞானிகள் கூறுகின்றனர்.

பூமியின் சுழற்சியில் இவ்வாறான மாறுபட்ட வேகத்திற்கான காரணம் இன்னும் அறியப்படவில்லை எனவும் விஞ்ஞானிகள் தெரிவிக்கின்றனர்.



Read in source website

2021-22 நிதியாண்டுக்கான சம்பளம் பெறும் நபர்களுக்கு ஜூலை 31, 2022 தேதிக்குள் வருமான அறிக்கை தாக்கல் செய்யப்படாவிட்டால், தகவல் தொழில்நுட்பச் சட்டத்தின் 234F பிரிவின் கீழ் அபராதம் விதிக்கப்படும்.

மாதாந்திர சம்பளம் வாங்கும் நபர்களுக்கு நடப்பாண்டில் (AY) 2022-23 (நிதியாண்டு (FY) 2021-22)க்கான வருமான வரிக் கணக்கை (ITRs) தாக்கல் செய்ய ஞாயிற்றுக்கிழமை (ஜூலை 31) கடைசி நாளாகும். முந்தைய ஆண்டுகளைப் போலன்றி, அரசாங்கம் காலக்கெடுவை நீட்டிக்கவில்லை.

மேலும் வருமான வரித் துறையானது ஐடிஆர்களை தாக்கல் செய்வது தொடர்பான சிக்கல்களில் அடிக்கடி கேட்கப்படும் கேள்விகளின் (FAQs) தொகுப்பை வெளியிட்டது. அதன்படி சம்பளம் பெறுபவர்கள் ஜூலை 31-ஆம் தேதிக்குள் வருமான வரிக் கணக்கைத் தாக்கல் செய்ய வேண்டும். கார்ப்பரேட் நிறுவனங்கள் அல்லது அவர்களது கணக்குப் புத்தகங்களைத் தணிக்கை செய்ய வேண்டியவர்கள் அக்டோபர் 31, 2022க்குள் தங்கள் வருமானத்தைத் தாக்கல் செய்யலாம் எனத் தெரிவிக்கப்பட்டிருந்தது.

இந்த நிலையில் ஞாயிற்றுக்கிழமை இரவு 10 மணி வரை 63,47,054 வரிக் கணக்குகள் தாக்கல் செய்யப்பட்டுள்ளதாக தகவல் தொழில்நுட்பத் துறை ட்விட்டரில் பதிவிட்டுள்ளது. அது தனது மின்னஞ்சல் முகவரி, orm@cpc.incometax.gov.in மற்றும் ஹெல்ப் டெஸ்க் எண்கள், 1800 103 0025 மற்றும் 1800 419 0025 ஆகிய எண்களையும் வெளியிட்டது.

இது வரி செலுத்துவோருக்கு ஐயங்கள் மற்றும் ரிட்டன்களைத் தாக்கல் செய்வதில் உள்ள சிக்கல்களைத் தீர்ப்பதற்கு உதவியாக இருக்கும்.

ஐடிஆர் தாக்கல் செய்யலீயா? என்ன நடக்கும்?

2021-22 நிதியாண்டுக்கான சம்பளம் பெறும் நபர்களுக்கு ஜூலை 31, 2022 தேதிக்குள் வருமான அறிக்கை தாக்கல் செய்யப்படாவிட்டால், தகவல் தொழில்நுட்பச் சட்டத்தின் 234F பிரிவின் கீழ் அபராதம் விதிக்கப்படும்.

2021-22 நிதியாண்டிற்கான ‘தாமதமான’ ஐடிஆர்களை தாக்கல் செய்வதற்கான கடைசி தேதி டிசம்பர் 31, 2022 ஆகும், மதிப்பீட்டாளரின் மொத்த ஆண்டு வருமானம் ரூ. 5 லட்சத்திற்கு மேல் இருந்தால் ரூ. 5,000 அபராதமும், மொத்த ஆண்டு வருமானம் 5 லட்சத்திற்கும் குறைவாக இருந்தால் ரூ. 1,000 அபராதமும் விதிக்கப்பட உள்ளது.
முன்னதாக, ஐடிஆர் மதிப்பீட்டு ஆண்டின் டிசம்பர் 31க்கு முன் தெரிவிக்கப்பட்டிருந்தால், நிலுவைத் தேதிக்குப் பிறகு ரிட்டன்களைத் தாக்கல் செய்வதற்கான அபராதம் ரூ. 5,000 ஆகவும், டிசம்பர் 31க்குப் பிறகு ஐடிஆர் அறிக்கை செய்யப்பட்டிருந்தால் ரூ. 10,000 ஆகவும் இருந்தது.

FY 2021-22 (அதாவது, முந்தைய நிதியாண்டு) முதல், ‘தாமதமான’ வருமானத்தை தாக்கல் செய்வதற்கான காலக்கெடு டிசம்பர் 31-க்கு மாற்றப்பட்டுள்ளது. மேலும், ஒரு நபர் ஐடிஆரை உரிய தேதிக்குள் தாக்கல் செய்யத் தவறினால், மற்றும் செலுத்தப்படாத வரி நிலுவையில் இருந்தால், பிரிவு 234A இன் கீழ், நிர்ணயிக்கப்பட்ட நிலுவைத் தேதியிலிருந்து மாதத்திற்கு 1 சதவிகிதம் நிலுவையில் உள்ள வரித் தொகைக்கு வட்டி விதிக்கப்படும்.

வரி விதிக்கக்கூடிய வருமானம் உள்ள ஒருவர் தனது ITR ஐத் தாக்கல் செய்யத் தவறினால், அல்லது வருமானத்தில் தனது வருமானத்தை குறைவாகக் குறிப்பிடுவது கண்டறியப்பட்டால், அவர்/அவள் வருமானத்தின் மீது செலுத்த வேண்டிய மொத்த வரியில் 50 சதவீதத்தை செலுத்த வேண்டும்.

அடிக்கடி கேட்கப்படும் கேள்விகளும்- வருமான வரித்துறை பதிலும்!

சுய மதிப்பீட்டு வரி செலுத்தப்பட்டது, ITR-7 ஐ தாக்கல் செய்யும் போது டிராப் டவுன் வசதி இல்லாதது, பல்வேறு விதிகளின் கீழ் விலக்குகள் கோருவது, பிரதிபலிக்கும் வருமான வேறுபாடு உள்ளிட்ட சிக்கல்களுக்காக அடிக்கடி கேட்கப்படும் கேள்விகள் வெளியிடப்பட்டுள்ளன.

வருடாந்திர தகவல் அறிக்கை மற்றும் படிவம் 26AS, கடவுச்சொல்லை மீட்டமைத்தல்/ஆதார் OTP இல்லாமல், மற்றும் பிரிவு 115 BAC வரி முறையை தேர்வு செய்தல், இது புதிய சலுகை வருமான வரி முறைக்கான ஏற்பாடு ஆகும்.

ஆதார் பதிவு செய்யப்பட்ட மொபைல் எண் இல்லாத வரி செலுத்துவோர், தங்கள் வருமான வரித் தாக்கல் போர்ட்டலில் கடவுச்சொல்லை மீட்டமைக்க விரும்பும் வரி செலுத்துவோர் DSC ஐப் பயன்படுத்தி அல்லது இணைய வங்கியில் உள்நுழைவதன் மூலம் அதைச் செய்யலாம் என்று வரித் துறை தெரிவித்துள்ளது.

“வரி செலுத்துவோர் ITR இல் செலுத்தப்பட்ட வரிகளின் விவரங்களைத் தானாகப் பிரதிபலிப்பதற்காக தேவையான கால அவகாசத்திற்காக காத்திருக்கலாம். E-filing OTP இல்லாமல் கடவுச்சொல்லை மீட்டமைக்கும்போது மொபைல் ஆதாருடன் இணைக்கப்படவில்லை அல்லது ஆதார் PAN உடன் இணைக்கப்படவில்லை என்றால், பயனர் சரியான டிஜிட்டல் கையொப்ப சான்றிதழை (DSC) பயன்படுத்தி கடவுச்சொல்லை மீட்டமைக்க முடியும். அல்லது இணைய வங்கி மூலம் நேரடியாக ஈ-ஃபைலிங் கணக்கில் உள்நுழையலாம்.

படிவம் 26AS இல் வழங்கப்பட்டுள்ள TDS/TCS அல்லது வரி செலுத்துதல்கள் மற்றும் AIS இல் வழங்கப்பட்ட TDS/TCS அல்லது வரி செலுத்துதல் ஆகியவற்றுக்கு இடையே மாறுபாடு இருந்தால், வரி ரிட்டர்ன் மற்றும் ப்ரீபெய்ட் வரிகளை கணக்கிடுவதற்கு வரி செலுத்துவோர் TDS வரி செலுத்துதல் தகவலை தாக்கல் செய்யும் நோக்கத்திற்காக பெறலாம்.



Read in source website

இன்று விவசாயத்தில் குறைந்த அளவான மக்கள் வேலை செய்கிறார்கள், ஆனால் மாற்றம் பலவீனமாக உள்ளது. விவசாயத்தில் இருந்து வெளியேறுபவர்கள் தொழிற்சாலைகளை விட கட்டுமான தளங்களிலும் முறைசாரா பொருளாதாரத்திலும் அதிகமாக வேலை செய்கிறார்கள்

Harish Damodaran

Explained: India’s unique jobs crisis: இந்தியாவில் விவசாயத்தில் “அதிகமான மக்கள்” ஈடுபட்டு வருகின்றனர். மேலும், விவசாயத்தில் இருந்து தேவைக்கு அதிகமாக உள்ள உழைப்பாளர்களை மாற்று பணிகளுக்கு கொண்டு செல்ல இயலாமை என்பது அடுத்தடுத்த அரசாங்கங்களின் ஒரு பெரிய கொள்கை தோல்வியாகும். அது சரியா?

உண்மையில் இல்லை. பெங்களூருவில் உள்ள அசிம் பிரேம்ஜி பல்கலைக்கழகத்தின் நிலையான வேலைவாய்ப்பு மையத்தின் தலைவரான அமித் பாசோலின் கூற்றுப்படி, கடந்த மூன்று தசாப்தங்களில் விவசாயத்தில் ஈடுபட்டுள்ள இந்தியாவின் உழைக்கும் மக்களின் பங்கு கணிசமாகக் குறைந்துள்ளது.

1993-94 ஆம் ஆண்டில், நாட்டின் வேலைவாய்ப்பில் 62% விவசாயம் இருந்தது. தேசிய புள்ளியியல் அலுவலகத்தின் காலமுறை தொழிலாளர் படை (முன்பு ‘வேலைவாய்ப்பு மற்றும் வேலையின்மை’ என அறியப்பட்டது) கணக்கெடுப்புகளின் தரவுகளின் அடிப்படையிலான இந்த விகிதம், 2004-05 இல் கிட்டத்தட்ட ஆறு சதவீத புள்ளிகள் குறைந்து, அடுத்த ஏழு ஆண்டுகளில் இன்னும் அதிகமாக (9 சதவீத புள்ளிகள்) குறைந்துள்ளது. சரிவு போக்கு குறைந்த வேகத்தில் இருந்தாலும், அடுத்தடுத்த ஏழு ஆண்டுகளிலும் தொடர்ந்தது.

ஒட்டுமொத்தமாக, 1993-94 மற்றும் 2018-19 க்கு இடையில், இந்தியாவின் தொழிலாளர் தொகுப்பில் விவசாயத்தின் பங்கு 61.9% இலிருந்து 41.4% ஆகக் குறைந்துள்ளது (விளக்கப்படத்தைப் பார்க்கவும்). வேறு வார்த்தைகளில் கூறுவதானால், 25 ஆண்டுகளில் மூன்றில் ஒரு பங்கு குறைந்துள்ளது. அது அற்பமானதல்ல. 2018 ஆம் ஆண்டில் தனிநபர் மொத்த உள்நாட்டு உற்பத்தியின் அளவைக் கொண்டு, அதே வருமான வரம்பில் உள்ள மற்ற நாடுகளின் சராசரியுடன் ஒப்பிடுகையில், இந்தியாவின் விவசாயத் துறையில் மொத்த பணியாளர்களில் 33-34% பேர் பணியாற்ற வேண்டும் என்று அமித் பாசோல் மதிப்பிடுகிறார். தற்போதைய 41.4% என்பது சராசரியிலிருந்து கணிசமான விலகலாக இருக்காது.

பலவீனமான கட்டமைப்பு மாற்றம்

இருப்பினும், இது ஒரு உறுதியான கதையை உருவாக்கவில்லை.

கடந்த இரண்டு ஆண்டுகளில் ஒரு தலைகீழ் போக்கு உள்ளது, அதாவது விவசாயத்தில் வேலை செய்பவர்களின் பங்கு 44-45% ஆக உயர்ந்துள்ளது. இது முதன்மையாக கொரோனாவால் தூண்டப்பட்ட பொருளாதார சீர்குலைவுகளுடன் தொடர்புடையது. காலமுறை தொழிலாளர் படை கணக்கெடுப்பு ஆண்டு என்பது ஜூலை முதல் ஜூன் வரையிலான காலகட்டமாகும். எனவே, 2019-20 கணக்கெடுப்பு முடிவுகள் என்பது மார்ச் மாத இறுதியில் இருந்து ஜூன் 2020 இறுதி வரையிலான முதல் ஊரடங்கு காலத்தையும் உள்ளடக்கும். 2021-22 வரையிலான கணக்கெடுப்பின் முடிவுகள், நீண்ட கால போக்கின் மறுசீரமைப்பை வெளிப்படுத்தும் விதமாக இருப்பினும், மக்கள் மீண்டும் விவசாய வேலைகளுக்குத் திரும்புவது ஒரு தற்காலிகப் பின்னடைவாக இருக்க வேண்டும்.

இரண்டாவதாக, கடந்த மூன்று தசாப்தங்களாக அல்லது அதற்கும் மேலாக இந்தியாவில் விவசாய வேலைகளிலிருந்து தொழில் சார்ந்த வேலைகளுக்கு மாறிய நிலை கூட பொருளாதார வல்லுநர்களால் “கட்டமைப்பு மாற்றம்” என்று அழைக்கப்படுவதற்கு தகுதி பெறவில்லை. இத்தகைய மாற்றமானது, உற்பத்தி, மதிப்புக் கூட்டல் மற்றும் சராசரி வருமானம் அதிகமாக உள்ள துறைகளுக்கு, குறிப்பாக உற்பத்தி மற்றும் நவீன சேவைகளுக்கு, தொழிலாளர்களை விவசாயத்திலிருந்து மாற்றுவதை உள்ளடக்கும்.

இருப்பினும், மொத்த வேலைவாய்ப்பில் உற்பத்தி (மற்றும் சுரங்கம்) பங்கு உண்மையில் விவசாயத்துடன் சேர்ந்து குறைந்துள்ளது (அட்டவணையைப் பார்க்கவும்). விவசாயத்தில் இருந்து வெளியேற்றப்படும் உபரி உழைப்பாளர்கள் கட்டுமானம் மற்றும் சேவை துறைகளால் பெருமளவில் உறிஞ்சப்படுகின்றனர். தகவல் தொழில்நுட்பம், வணிக செயல்முறை அவுட்சோர்சிங், தொலைத்தொடர்பு, நிதி, சுகாதாரம், கல்வி மற்றும் பொது நிர்வாகம் போன்ற ஒப்பீட்டளவில் நல்ல ஊதியம் தரும் தொழில்களை சேவைத் துறை உள்ளடக்கியிருந்தாலும், இந்த விஷயத்தில் பெரும்பாலான வேலைவாய்ப்புகளை குட்டி சில்லறை விற்பனை, சிறு உணவகங்கள், வீட்டு உதவி சுகாதாரம், பாதுகாப்பு பணியாளர்கள், போக்குவரத்து மற்றும் இது போன்ற பிற முறைசாரா பொருளாதார நடவடிக்கைகள் வழங்குகின்றன. 10 அல்லது அதற்கு மேற்பட்ட தொழிலாளர்களை ஈடுபடுத்தும் ஒழுங்கமைக்கப்பட்ட நிறுவனங்களில் வேலைவாய்ப்பின் பங்கு குறைவாக இருந்தாலும் சரிவு இல்லாவிட்டாலும் இது தெளிவாகிறது.

எளிமையாகச் சொன்னால், இந்தியாவில் கட்டமைப்பு உருமாற்ற செயல்முறை பலவீனமாகவும் குறைபாடுடையதாகவும் உள்ளது. ஆம், தற்காலிகமாக ஸ்தம்பித்திருந்தாலும் கூட, விவசாய வேலைகளிலிருந்து தொழில் சார்ந்த வேலைகளுக்கு நகர்வோரின் எண்ணிக்கை அதிகரித்து வருகிறது. ஆனால் அந்த உபரி உழைப்பாளர்கள் அதிக மதிப்பு கூட்டப்பட்ட விவசாயம் அல்லாத செயல்பாடுகளுக்கு, குறிப்பாக உற்பத்தி துறை மற்றும் நவீன சேவைகளுக்கு நகரவில்லை (அமெரிக்க பொருளாதார நிபுணர் மற்றும் 1971 நோபல் நினைவு பரிசு வென்ற சைமன் குஸ்நெட்ஸ் பெயரிடப்பட்ட பழக்கமான ‘குஸ்நெட்ஸ் செயல்முறை’). மாறாக, அமித் பாசோலின் ஆய்வு நிரூபிப்பது போல், குறைந்த உற்பத்தித்திறன் கொண்ட முறைசாரா பொருளாதாரத்தில் தொழிலாளர் பரிமாற்றம் நடக்கிறது. விவசாயத்திற்கு வெளியே உருவாக்கப்படும் வேலைகள் பெரும்பாலும் குறைந்த ஊதிய சேவைகள் மற்றும் கட்டுமான துறையில் உள்ளன; வேலைவாய்ப்பில் கட்டுமானத்துறையின் பங்கு உற்பத்தி துறையை விட அதிகமாக உள்ளது.

பலவீனமான கட்டமைப்பு மாற்றம் மற்றும் முறைசாரா நிலைத்தன்மை ஆகியவை, குறிப்பாக கிராமப்புற குடும்பங்கள் உள்ளிட்ட பலவேறு தரப்பினரை தொடரும் போக்கை விளக்குகின்றன. அவர்களில் பலர் விவசாயம் அல்லாத ஆதாரங்களில் இருந்து முழுமையாகவோ அல்லது முக்கியமாகவோ வருமானம் ஈட்டும்போது கூட, தங்களின் சிறிய நிலங்களில் ஒட்டிக்கொண்டிருக்கிறார்கள். கொரோனாவுக்குப் பிந்தைய பொருளாதாரச் சரிவின் போது, ​​அரசாங்கத்தின் இலவச உணவுப் பொருட்களுடன் இந்த மிகச்சிறிய இருப்புக்கள்தான் அவர்களின் நாட்களைக் காப்பாற்றியது.

மாறாக ஒரு படம்

மார்ச் 31, 2020 முதல் ஜூன் 30, 2022 வரை, இந்தியாவின் முதல் ஐந்து ஐ.டி நிறுவனங்களில் (டாடா கன்சல்டன்சி சர்வீசஸ், இன்ஃபோசிஸ், விப்ரோ, எச்.சி.எல் டெக்னாலஜிஸ் மற்றும் டெக் மஹிந்திரா) ஊழியர்களின் எண்ணிக்கை 11.55 லட்சத்தில் இருந்து 15.69 லட்சமாக உயர்ந்துள்ளது. இது 4.14 லட்சம் அல்லது கிட்டத்தட்ட 36% அதிகரிப்பாகும். தொற்றுநோய்க்குப் பிந்தைய காலகட்டத்தில், விவசாயத்தைத் தவிர, பிற துறைகள் வேலைகளை நீக்கி, சம்பளத்தைக் குறைத்துக்கொண்டிருந்த நிலையில், இந்த அதிகரிப்பு உள்ளது.

தகவல் தொழில்நுட்பத் துறை என்பது இந்தியப் பொருளாதாரத்தின் தனிமைப்படுத்தப்பட்ட தீவாகும், இது தொற்றுநோய்களின் போது வேலைவாய்ப்புகளை அதிகப்படுத்தியது மற்றும் தொடர்ந்து செய்து வருகிறது. மேலே உள்ள ஐந்து நிறுவனங்களின் ஊழியர்களை ஒன்றாக சேர்த்தால், இந்திய ரயில்வே aமற்றும் மூன்று பாதுகாப்பு சேவைகளில் முறையே 12.5 லட்சம் மற்றும் 14.1 லட்சம் ஊழியர்களை விட அதிகமான பணியாளர்கள் உள்ளனர். மார்ச் 31, 2022 இல் முடிவடைந்த ஆண்டில் ஐந்து பெரிய நிறுவனங்களுக்கான ஒரு பணியாளரின் சராசரி வருவாய் ரூ. 34.5 லட்சம் என்பது, நியாயமான நல்ல சம்பளத்தை வழங்கக்கூடிய உயர் உற்பத்தித் துறையாக ஐ.டி துறையைக் காட்டுகிறது.

தகவல் தொழில்நுட்பத் துறையின் சமீபத்திய வெற்றிகளில் பெரும்பாலானவை ஏற்றுமதியின் உபயம். உண்மையில், கொரோனா தூண்டுதலால், இதுவரை ஏற்றுக்கொள்வதில் மெதுவாக இருந்த வணிகங்களிடையே கூட டிஜிட்டல் மயமாக்கலுக்கான தேவை அதிகரித்தது: இந்தியாவின் மென்பொருள் சேவைகளின் நிகர ஏற்றுமதி 2019-20ல் 84.64 பில்லியன் டாலரிலிருந்து 2021-22ல் 109.54 பில்லியன் டாலராக உயர்ந்துள்ளது.

ஆனால் எல்லோரும் ஐ.டி நிபுணராக இருக்க முடியாது. உற்பத்தி துறையில் வேலைகள் இல்லாத நிலையில், விவசாயிகள் மற்றும் விவசாயத் தொழிலாளர்களின் குழந்தைகளுக்கு வேலை வழங்கும் சிறந்த இடமாக ஐ.டி துறை இருக்கும்போது, கிராமப்புற தொழிலாளர்களின் பெரும்பகுதி கட்டுமானத்துறை மற்றும் முறைசாரா சேவைகள் பொருளாதாரத்தில் ஈடுபட்டுள்ளது. காரணம் ஓரளவு நன்றாகப் படித்தவர்கள் கூட புரோகிராமர்களாகவோ அல்லது மென்பொருள் குறியீட்டை எழுதவோ போதுமான தகுதி பெறவில்லை. அதனால், அவர்கள் ஆயுதப்படையில் சேர அல்லது என்.டி.பி.சி பதவிகளுக்கு ரயில்வே ஆட்சேர்ப்பு வாரியத்தின் தேர்வுகளை எழுத விரும்புகிறார்கள்.

இந்தத் துறைகளில் இப்போதெல்லாம் அதிக ஆட்சேர்ப்பு நடப்பதில்லை என்பது வேறு விஷயம். இது, பல்வேறு திறன் தொகுப்புகள் தேவைப்படும் தொழில்களில் அதிக வேலைகள் உருவாக்கப்பட்டாலும், கிராமப்புறங்களில் இருந்து உபரி உழைப்பாளர்களுக்கு வேலை வழங்கும் நிலையில் இல்லை.



Read in source website

மனித இனத்தை நிம்மதியாக வாழவிடுவதில்லை என்று இயற்கை முடிவெடுத்திருப்பதுபோலத் தோன்றுகிறது. பருவநிலை மாற்றமும், அதிகரித்த வெப்பமும் உலகின் பல்வேறு நாடுகளை பாடாய்படுத்திக் கொண்டிருக்கின்றன. அதெல்லாம் போதாதென்று, கொவைட் 19 கொள்ளை நோய்த்தொற்றிலிருந்து ஒருவழியாக மீண்டெழுந்துவிட்டோம் என்று நினைக்கும் வேளையில், குரங்கு அம்மை நோய்த்தொற்று அதிவேகமாக பரவிவருவது அச்சத்தை ஏற்படுத்துகிறது.

நியூயாா்க் நகரத்தில் சுகாதார அவசரநிலை அறிவிக்கப்பட்டிருக்கிறது. ஏறத்தாழ 1.5 லட்சம் நியூயாா்க் நகர மக்கள் குரங்கு அம்மை தொற்றுக்கு உள்ளாகும் அபாயம் காணப்படுவதாகத் தெரிகிறது. கடந்த சில வாரங்களாகவே நியூயாா்க் மாநகராட்சி நோய்த்தொற்றுப் பரவலை கட்டுப்படுத்தும் முயற்சியில் முழுமூச்சுடன் இயங்கி வருகிறது. அதையும் மீறி குரங்கு அம்மை தொற்றால் பாதிக்கப்படுபவா்களின் எண்ணிக்கை ஒவ்வொரு நாளும் அதிகரித்து வருகிறது.

ஆரம்பத்தில் 47 நாடுகளில் இருந்து 3,040 குரங்கு அம்மை பாதிப்புகள் உலக சுகாதார நிறுவனத்தின் கவனத்துக்கு வந்தன. இப்போது 70 நாடுகளிலிருந்து 16,000-க்கும் அதிகமானோா் பாதிக்கப்பட்டிருப்பதாகவும், குறைந்தது ஐந்து போ் குரங்கு அம்மைக்கு பலியாகியிருப்பதாகவும் அந்த நிறுவனம் அறிவித்திருக்கிறது.

குரங்கு அம்மை தொற்றுக்கு இந்தியாவும் விதிவிலக்கல்ல. ஏற்கெனவே கேரளத்தில் குரங்கு அம்மையால் பாதிக்கப்பட்டவா்கள் மூவா் கண்டறியப்பட்டனா். அவா்களில் கடந்த 22-ஆம் தேதி ஐக்கிய அரபு அமீரகத்திலிருந்து கேரளம் திரும்பிய திருச்சூரைச் சோ்ந்த இளைஞா் சனிக்கிழமை உயிரிழந்திருக்கிறாா்.

இந்தியாவில் கேரளத்தைச் சோ்ந்த மூவா் உட்பட நான்கு பேருக்கு இதுவரை குரங்கு அம்மை பாதிப்பு உறுதி செய்யப்பட்டுள்ளது. அதனால்தான் மத்திய - மாநில அரசுகள் நோய்த்தொற்றுப் பரவல் அதிகரித்துவிடாமல் தடுக்கும் முயற்சியில் முழுமூச்சுடன் இறங்கியிருக்கின்றன.

ஏற்கெனவே கொவைட் 19 கொள்ளை நோய்த்தொற்றை எதிா்கொள்வதற்கு 2020-ஆம் ஆண்டின் முதல் அரையாண்டில் படாத பாடுபட்ட அனுபவம், மத்திய சுகாதார குடும்ப நல அமைச்சகத்தை முன்னெச்சரிக்கையுடன் குரங்கு அம்மை தொற்றை அணுக வைத்திருக்கிறது. குரங்கு அம்மை பாதிப்பு இந்தியாவில் ஏற்படுவதற்கு முன்பே மே 31-ஆம் தேதி எல்லா மாநில அரசுகளுக்கும் குரங்கு அம்மை நோய்த்தொற்றை எதிா்கொள்வதற்கான வழிகாட்டுதல்களை மத்திய அரசு அறிவுறுத்தியிருக்கிறது.

சின்னம்மை நோய்க்கான அடையாளங்களுடன் கூடிய விலங்கினங்களிலிருந்து உருவாகும் நோய்த்தொற்று என்றும், சின்னம்மை அளவிலான கடுமை இல்லாதது என்றும் அந்த அறிவுறுத்தலில் குறிப்பிடப்பட்டிருந்தது. மனிதா்களிலிருந்து மனிதா்களுக்கும், மிருகங்களிலிருந்து மனிதா்களுக்கும் பரவக்கூடிய நோய்த்தொற்று என்று குரங்கு அம்மை குறித்து மத்திய சுகாதார அமைச்சகத்தின் அறிவுறுத்தல் குறிப்பில் குறிப்பிடப்பட்டிருந்தது.

குரங்கு அம்மை தொற்று என்பது புதிதொன்றுமல்ல. இது கொவைட் 19 நோய்த்தொற்றிலிருந்து முற்றிலும் மாறுபட்டது. கடந்த 50 ஆண்டுகளுக்கும் மேலாக மேற்கு மத்திய ஆப்பிரிக்க நாடுகளில் இந்த நோய்த்தொற்று காணப்பட்டு வந்திருக்கிறது. சமீபகாலமாகத்தான் இந்த நோய்த்தொற்றின் பரவல் ஆப்பிரிக்காவிலும் வெளிநாடுகளிலும் அதிகரித்து வருகிறது. 2022-இல் குரங்கு அம்மை நோய்த்தொற்றுப் பரவல் அதிகரித்திருப்பது மட்டுமல்லாமல், ஆப்பிரிக்காவுக்கு வெளியே உள்ள பல நாடுகளில் இருப்பது தெரியவந்திருக்கிறது. குறிப்பாக, மேலை நாடுகள்.

ஏனைய டிஎன்ஏ தீநுண்மிகள் போலல்லாமல், குரங்கு அம்மை தீநுண்மி நிறைய உருமாற்றங்களை அடைவதாகவும், கடந்த ஐந்து ஆண்டுகளாக தொடா்ந்து மனித உடல்களில் உருமாற்றம் பெறுவதாகவும் ஆராய்ச்சியாளா்கள் உறுதிப்படுத்தியிருக்கிறாா்கள்.

குரங்கு அம்மை நோய்த்தொற்று குறித்த மிக முக்கியமான தகவல் என்னவென்றால், இது பெரும்பாலும் ஓரினச் சோ்க்கையாளா்களான ஆண்களில்தான் அதிகமாக காணப்படுகிறது. பெண்கள், குழந்தைகள், ஓரினச் சோ்க்கையாளா்களின் குடும்பத்தினா் ஆகியோரிடமும் காணப்பட்டாலும், பெரும்பாலும் ஆண் ஓரினச் சோ்க்கையாளா்கள்தான் அதிகமாக பாதிக்கப்பட்டிருக்கிறாா்கள். உடலுக்கு உடல் நெருக்கத்தின் மூலம் மட்டுமே குரங்கு அம்மை நோய்த்தொற்று பரவுகிறது என்கிற கருத்தும் ஆய்வாளா்களால் முன்வைக்கப்பட்டிருக்கிறது.

கொவைட் 19 கொள்ளை நோய்த்தொற்று அனுபவம், வருமுன் காப்பதுதான் நோய்த்தொற்றுப் பரவலுக்கான தீா்வு என்பதை நமக்குக் கற்றுக்கொடுத்திருக்கிறது. அதனால் சின்னம்மை போன்ற நோய்த்தொற்று அடையாளங்களுடன் கூடிய காய்ச்சல் ஏற்பட்டால், உடனடியாக கண்டறியப்பட்டு தனிமைப்படுத்துதல், தொடா்பாளா்களை கண்காணித்தல், சோதனை நடத்துதல் உள்ளிட்டவை முடுக்கிவிடப்பட வேண்டும்.

குரங்கு அம்மை நோய் என்பது கொவைட் 19 போல அதிவேகமாகப் பரவுவதில்லை; அறிகுறிகள் தொடங்கிய பின்தான் நோயின் தீவிரம் அதிகரிக்கிறது. இதனால், முன்னெச்சரிக்கை நடவடிக்கைகளை மேற்கொள்ள அவகாசம் கிடைக்கிறது. சுகாதார களப்பணியாளா்களுக்கு சின்னம்மை நோய்க்கான தடுப்பூசி போடப்படுவதும், நோய்த்தொற்று பரிசோதனைக்கான முன்னேற்பாடுகளை தயாா் நிலையில் வைத்திருப்பதும் அரசின் கடமை.

குரங்கு அம்மை நோய்க்கான தடுப்பூசி தயாரிப்பை முன்கூட்டியே உறுதிப்படுத்துவதும், மக்கள் மத்தியில் குரங்கு அம்மை நோய்த்தொற்று குறித்த விழிப்புணா்வை ஏற்படுத்துவதும் நிா்வாகத்தின் கடமைகள். கொவைட் 19 போல இதில் நாம் ஏமாந்துவிடக் கூடாது.



Read in source website

மக்களவையில் கிரிப்டோகரன்சி தொடர்பான கேள்வி ஒன்றுக்கு நிதியமைச்சர் எழுத்துபூர்வமாக பதிலளித்திருந்தார். அதில் "கிரிப்டோகரன்சி தடை செய்யப்பட வேண்டும் என்று ரிசர்வ் வங்கி கருதுகிறது. கிரிப்டோகரன்சிகள் வரையறையின்படி எல்லையற்றவை. அவற்றை ஒழுங்குமுறைப்படுத்த  சர்வதேச ஒத்துழைப்பு தேவைப்படுகிறது. 

எனவே, ஒழுங்குமுறைப்படுத்த அல்லது தடை செய்வதற்கான எந்தவொரு சட்டத்தையும், பொதுவான வகைபிரித்தலையும் தரநிலைகளின் அபாயங்களையும் நன்மைகளையும் கருத்தில் கொண்டு குறிப்பிடத்தக்க சர்வதேச ஒத்துழைப்புக்குப் பிறகு நடைமுறைப்படுத்துவதுதான் பயனுள்ளதாக இருக்கும்' என்று குறிப்பிட்டிருந்தார்.

அல்ஜீரியா நாடு, 2018-ஆம் ஆண்டு, கிரிப்டோகரன்சி பயன்படுத்துவதை தடை செய்துள்ளது. அந்நாடு 2018-ஆம் ஆண்டில் ஒரு நிதிச்சட்டத்தை இயற்றியது. அதன்படி, மெய்நிகர் நாணயங்களை வாங்குவது, விற்பது, பயன்படுத்துவது, வைத்திருப்பது அனைத்தும் சட்டவிரோதமானவை. 2014 முதல் பொலிவியாவில் பிட்காயின் பயன்பாட்டிற்கு முழுமையான தடை உள்ளது. 2021-ஆம் ஆண்டு முழுவதும் கிரிப்டோகரன்சிகள் மீது சீனா கடும் நடவடிக்கை எடுத்துள்ளது. 

டிஜிட்டல் சொத்து சந்தையில் இருந்து விலகி இருக்குமாறு சீன அரசின் அதிகாரிகள் அதன் மக்களுக்கு பலமுறை எச்சரிக்கை விடுத்துள்ளனர். இதன் தொடர்ச்சியாக கடந்த ஆண்டு செப்டம்பர் 24 அன்று, "பீப்பிள்ஸ் பேங்க் ஆஃப் சைனா' அந்நாட்டில் கிரிப்டோகரன்சி பரிவர்த்தனைகளை முற்றிலும் தடை செய்தது. 

கொலம்பியா, எகிப்து,  இந்தோனேஷியா, ஈரான் போன்ற பல நாடுகள் கிரிப்டோகரன்சிக்கு பல வித தடைகளை விதித்துள்ளன. எனவே மற்ற நாடுகளுடன் கலந்து பேசிய பிறகே, ஒருமித்த கருத்துடன் கிரிப்டோகிரன்சியை தடை செய்வோம் என்கிற நிதி அமைச்சரின் வாதம் ஏற்புடையதல்ல.

நிதி அமைச்சரின் கூற்றுப்படி ரிசர்வ் வங்கி கிரிப்டோகிரன்சியை தடை செய்ய விரும்புகிறது என்றால், அரசு உடனடியாக அவற்றை தடை செய்வதற்கான நடவடிக்கைகளை மேற்கொள்வதே சரியான வழிமுறையாக இருக்கும். 

கடந்த மே மாதத்தில், உலக அளவில் கிரிப்டோகிரன்சிகள் வீழ்ச்சி அடைந்தபோது அது குறித்து கருத்து தெரிவித்த ரிசர்வ் வங்கி ஆளுநர் "கிரிப்டோகரன்சிக்கு அடிப்படை (மதிப்பு) ஒன்றும் இல்லை. அதை ஒழுங்குபடுத்துவது என்பதில் நிறைய கேள்விகள் உள்ளன. எங்கள் நிலைப்பாடு மிகவும் தெளிவாக உள்ளது. இது இந்தியாவின் பணவியல், நிதி, பொருளாதார ஸ்திரத்தன்மையை ஆகியவற்றைக் குறைமதிப்பிற்கு உட்படுத்தும்' என்று கூறினார்.

ஒரு புள்ளிவிவரத்தின்படி 2021-ஆம் ஆண்டில் மட்டும், நமது நாட்டில் சுமார் 200 லட்சம்  மக்கள் கிரிப்டோகரன்சியில் முதலீடு செய்துள்ளனர். இதன் மதிப்பு சுமார் 530 கோடி டாலர் ஆகும். கிரிப்டோகரன்சிகள் இந்திய முதலீட்டாளர்கள் அகராதியின் ஒரு பகுதியாக மாறியுள்ள நிலையில், அரசின் தாமதம் பல முதலீட்டார்களுக்கு பெருத்த நஷ்டத்தை ஏற்படுத்தியுள்ளது. 

கிரிப்டோ சொத்துகளின் ஒட்டுமொத்த சந்தை மூலதனம், அதன் நவம்பர் 2021 உச்சமான டாலர் 3 டிரில்லியனில் இருந்து டாலர் ஒரு டிரில்லியனுக்கும் கீழே இறங்கியுள்ளது. 2021 ஆம் ஆண்டிற்குப் பிறகு சொத்து பகுப்பு டாலர் ஒரு டிரில்லியனுக்கும் குறைவாக மதிப்பு இருந்தது அதுவே முதல் முறையாகும். 

உலக அளவில் ஏற்பட்டுள்ள பணவீக்கத்தினாலும் அமெரிக்காவில் தொடர்ந்து அதிகரிக்க வாய்ப்புள்ள வட்டி விகிதத்தினாலும், உலக அளவில் பொருளாதார மந்தநிலை நிலவும் சூழ்நிலையில் கிரிப்டோகரன்சிகள் மேலும் வீழ்ச்சி அடைய வாய்ப்புண்டு என்றே பொருளாதார நிபுணர்கள் கருத்து தெரிவிக்கிறார்கள்.

நமது நாட்டில் உள்ள பெரும்பாலான முதலீட்டாளர்கள் முதலீட்டில் உள்ள அபாயங்கள் குறித்து நன்கு உணர்ந்து முதலீடு செய்பவர்கள் அல்ல. அவர்கள் கவர்ச்சிகரமான விளம்பரங்களால் கவரப்பட்டு தவறான நபர்களிடமும், தவறான திட்டங்களிலும் தங்கள் பணத்தை இழந்து வந்துள்ளனர். எவ்வளவுதான் அரசு அறிவுறுத்தினாலும் அவர்களை மீட்பது கடினம். கிரிப்டோகரன்சியை முழுவதுமாக தடை செய்வதே நமது சாமானிய மக்களைக் காப்பாற்றும் வழியாகும்.

ஏப்ரல் 2018-இல் ரிசர்வ் வங்கி கிரிப்டோகரன்சியை தடை செய்ய முடிவெடுத்து ஒரு சுற்றறிக்கையை வெளியிட்டது. இதனால் பாதிப்படைந்த "இன்டர்நெட் அண்ட் மொபைல் அசோஸியேஷன் ஆஃப் இந்தியா' நிறுவனம் உச்சநீதிமன்றத்தில் வழக்கு தொடர்ந்தது.

வழக்கை விசாரித்த நீதிமன்றம், "ரிசர்வ் வங்கியின் நிலைப்பாடு என்னவென்றால், அது மெய்நிகர் நாணயங்களை தடை செய்யவில்லை. 
மேலும், இரண்டு வரைவு மசோதாக்கள் உட்பட பல திட்டங்களுடன் பல குழுக்கள் வந்தாலும், இந்திய அரசால் இது குறித்து முடிவு எடுக்க முடியவில்லை. இரண்டு வரைவு மசோதாக்களும் எதிர்நிலைகளை ஆதரித்தன. ஆதலால் எடுக்கப்பட்ட நடவடிக்கை விகிதாசாரமானது (ப்ரொபஷனேட்) என்று எங்களால் கொள்ளமுடியாது' என்று கூறியது. 

இந்த தீர்ப்பின் அடிப்படையில் பார்த்தால், இன்றைய தேதியில் கிரிப்டோகரன்சியில் முதலீடு செய்வதற்கோ, அதன் மூலம் பரிமாற்றம் செய்வதற்கோ எந்தவொரு தடையும் இல்லை.

நீதிமன்றத் தீர்ப்பை உற்று நோக்கினால் அரசும், ரிசர்வ் வங்கியும் சரியான கொள்கை முடிவு எடுக்காதது தெரிய வரும். எனவே அரசும் ரிசர்வ் வங்கியும் உடனடியாக செய்யவேண்டியது கிரிப்டோ கரன்சியை தடை செய்வதே. 
கடந்த  நான்கு ஆண்டுகளில் இந்த கிரிப்டோகரன்சிகளால் ஏற்படக்கூடிய ஆபத்துக்கள் நன்கு வெளிப்பட்டுள்ளன. கிரிப்டோகரன்சிகளை அனுமதிப்பது நாட்டின் இறையாண்மைக்கே பெரிய சவாலாகும். எனவே அரசு கிரிப்டோகரன்சிகளை முழுவதுமாக தடை செய்வதே நல்லது.



Read in source website

காயத்ரி, துளசி, கங்கா, காமதேனு, அருந்ததி ஆகிய ஐந்து மாதாக்களையும் தினம் சிந்திப்பவர்களுக்கு மகா பாவங்களும் விலகும்; அகல்யா, திரெளபதி, சீதா, தாரை, மண்டோதரி ஆகிய ஐந்து பெண்களையும் அன்றாடம் நினைப்பவருக்கு சகல துன்பங்களும் தீரும் என்று பெண்களை தெய்வமாக வணங்கக் கற்றுக் கொடுத்திருக்கும் தேசம் நம் தேசம்.         

இந்திய சிந்தனை மரபு, ஆண் - பெண் பேதம் பார்க்கவில்லை. ஆணுக்கும் பெண்ணுக்கும் சமமான வாய்ப்புகளையும் பொறுப்புகளையும் வழங்கியிருக்கிறது. வேதகாலம் தொடங்கி பெண்ணின் ஆற்றல் மதிக்கப்பட்டிருக்கிறது. சமூகத்திற்குத் தங்களின் பங்களிப்பை அவர்களும் சம அளவில் தந்திருக்கிறார்கள். 

உலகிலேயே கல்வியில் சிறந்த பெண்கள் வாழ்ந்ததும் பாரத தேசத்தில்தான். 33 பெண்கள் ரிஷிகளுக்கு நிகராக நான்கு வேதங்களிலும் தங்கள் படைப்பைத் தந்திருக்கிறார்கள். சங்கத் தமிழ் இலக்கியத்திலும் 30 பெண் கவிஞர்களைக் காண்கிறோம். 

ரிக் வேதமும் யஜுர் வேதமும் பெண்களைக் கடவுளராக வருணிக்கின்றன. "அதிதி' கடவுளர்களுக்கெல்லாம் தாய் என்று ரிக் வேதம் சொல்கிறது. வேதங்களால் போற்றப்படும் "காயத்ரி' மந்திரம் அன்றாடம் ஒவ்வொரு மனிதனாலும் போற்றி உச்சரிக்கப்பட வேண்டியது என்று முன்னோர் வகுத்து வைத்திருக்கிறார்கள். காயத்ரி தேவியை "வேதமாதா' என்றே அதர்வண வேதம் சுட்டுகிறது. 

உபநிஷத்துகளில் போற்றப்படும் மைத்ரேயி, தத்துவ மேதையாக இருந்ததை அவர் யாக்ஞவல்கியருடன் நிகழ்த்திய உரையாடலில் காண்கிறோம். சுக்ல யஜுர்வேதத்தின் ஒரு பகுதியான உபநிஷத்துகளிலேயே மிகப் பெரிய உபநிஷத்தான பிரகதாரண்யக உபநிஷத்தின் பெரும்பகுதியாக யாக்ஞவல்கிய மகரிஷியின் உபதேசங்களே உள்ளன.

மைத்ரேயி, யாக்ஞவல்கியரிடம், "அழிவற்ற நிலையை அளிக்காத ஒன்றை வைத்துக் கொண்டு நான் என்ன செய்வது' என்று கேட்ட கேள்வி  இந்திய ஞானமரபில் சிறப்பு வாய்ந்தது. ஆத்ம தேடல், அதை உணர்வதற்கான அறிவு, அதன் வழி அழிவற்ற நிலையை அடைதல் என்று விரியும் இந்த உரையாடல் பாரதப் பெண்களின் ஞானத்திற்கு உதாரணம் என்றால், அதே உபநிஷத்தில் வரும் மூன்றாவது அத்தியாயம், எட்டாவது பிரமாணத்தில் கார்க்கி -  யாக்ஞவல்கியரின் விவாதம் நம் பெண்களின் மற்றொரு பரிமாணத்தை வெளிப்படுத்துவதாக அமைந்திருக்கிறது. 

யாக்ஞவல்கியரோடு கார்க்கி விவாதிக்கையில், அவள் முன்வைக்கும் இரண்டு வினாக்களும் அவற்றுக்கு யாக்ஞவல்கியர் கூறும் விடையும்,  காலம், இடம் இரண்டையும் இணைக்கும் தொடர் நிகழ்வான கோட்பாடே (ஸ்பேஸ் டைம் கன்டின்யும்) என்று இன்றைய அறிவியல் அறிஞர்கள் வியக்கிறார்கள். அதற்கும் மேலே கார்க்கி தத்துவ மாநாட்டில் விவாதித்தது இன்றைய அறிவியலில் ஆராய்ச்சி நிலையில் இருக்கும் பிரபஞ்ச இயக்கத்தின் நுட்பத்தையே என்கின்றனர் உலக அறிவியலாளர்கள்.

"பிரம்மவாதினி' என்று அழைக்கப்பட்ட பெண் ரிஷிகள், எந்தத் தயக்கமும் இன்றி யாக்ஞவல்கியர் போன்ற மகரிஷியிடம் உபநிஷத் விவாதங்களில் தங்களது கேள்விகளைத் தொடுக்கின்றனர் என்பதைக் காணும்பொழுது வேத, உபநிஷத் காலத்தில் பெண்கள் மிக உயர்வாக,  கற்றறிந்த  சான்றோராக இருந்திருக்கிறார்கள் என்ற பெருமிதம் ஏற்படுகிறது.

சமூக அமைப்பிலும் அன்றாட வாழ்விலும் கூட பெண்கள் பிரித்துப் பார்க்கப்பட்டதில்லை. "குடும்பத்திற்கு பெண்ணே ஒளி தருகிறாள்' என்கிறது மனு ஸ்ம்ருதி. உலகம் முழுவதும் பெண் தன் பெயருக்குப் பின்னே ஆணின் பெயரைச் சேர்த்துக் கொண்டு, தன்னை அடையாளப் படுத்திக் கொள்வதே நடைமுறை. பாரத தேசத்தில் அப்படியான வழக்கம் இருக்கவில்லை. இங்கே இறைவனே அம்பிகையை முதன்மைப்படுத்தி "கற்பகாம்பாள் உடனுறை கபாலீஸ்வரர்' என்றே அடையாளப்படுத்தப்படுவார். 

சீதாராமன், உமாமகேஸ்வரன், ராதாகிருஷ்ணன், லெட்சுமிநாராயணன் என்று பெண்ணுக்கு முதன்மை இடம் அளித்துப் பழகிய வழியில் வந்தவர்கள் நாம். ஈராயிரம் ஆண்டுகளுக்கு முன்னர் மகாகவி காளிதாசர், தாம் எழுதிய ரகுவம்ச காவியத்தின் இறைவணக்கப் பாடலில், "ஜகத பிதரௌ வந்தே பார்வதீ பரமேஸ்வரெü (உலகின் தாய் தந்தையரான பார்வதி பரமேஸ்வரனை வணங்கித் தொடங்குகிறேன்) என்றே தொடங்குகிறார். நம்முடைய பண்பாட்டில்தான் பெண் முன்னிறுத்தப்படுகிறாள். 

பெண்களை ஆண்களின் மறுபாதி (அதர் ஹாஃப்) என்று அழைக்கும் சொல் சதபத பிரமாணத்தில் ஏறத்தாழ 3,000 ஆண்டுகளுக்கு முன்பே வழக்கத்தில் இருந்திருக்கிறது. ஈராயிரம் ஆண்டுகளுக்கு முன் சாணக்கியர் தன் அர்த்த சாஸ்திரத்தில் பெண்ணை ஒரு மனிதனின் மறுபாதி என்றும் சிறந்த நண்பன் என்றும் கூறுகிறார். அதோடு வாழ்க்கையின் மூன்று லட்சியங்களான தர்ம, அர்த்த, காமம் (அறம் பொருள் இன்பம்) ஆகியவற்றின் ஆணிவேர் என்றும், மறுமைப் பயனை எய்த உதவும் வழிகாட்டி என்றும் பெண்ணைப் புகழ்கிறார். 

வேத காலம் தொடங்கி நம் நாட்டில் தேசம் காத்த மங்கையரும் இருந்து வந்திருக்கிறார்கள். தமிழ் இலக்கியத்தில் மூதின் முல்லை துறையில், பெண் வீரத்தோடு தேசம் காப்பதற்காக தன் வாழ்வைக் கருதாது குடும்பத்தின் தந்தை, கணவன், தமையன் என அனைவரும் மாய்ந்த பின்னும் மகனின் கைகளில் வேல் தந்து தேசப்பணிக்கு அனுப்புகிறாள். இவர்கள்தான் இந்தியாவின் அடையாளம்.

விஜயநகரப் பேரரசின் இளவரசரான குமாரக் கம்பண்ணரின் மனைவி கங்காதேவி, குமாரக் கம்பண்ணரின் படைகளோடு மதுரை வரை வந்து, போர்க்களத்தில் நிகழ்ந்தவற்றை நேரடி சாட்சியாகக் கண்டு "மதுரா விஜயம்' எனும் வரலாற்று நூலைப் படைத்தார். 

அந்நியர்களின் படையெடுப்புகள் பெரும் கொடுமைகளை நிகழ்த்திய காலத்திலும், அஞ்சாது நின்ற ராணிமார்களைப் பற்றி சொல்லிக்கொண்டே போகலாம். தமிழகத்தில் வேலு நாச்சியார், தன் கணவர், குடும்பம் அனைவரையும் இழந்த பின்னரும் தாய் மண்ணுக்காக இறுதிவரை போராடி வெற்றியும் கண்டவர். 

ராணி சென்னம்மா, தன் கணவர், மகன் என தன் குடும்பம் முழுமையும் மடிந்த பின்னரும், இறை சித்தம் என தன் துன்பங்களை ஏற்று, தேசப் பணியில் முழுமையாகத் தன்னை ஈடுபடுத்திக் கொண்டார். இப்படி பாரத தேசத்துப் பெண்கள் மன உறுதியும் தேசாபிமானமும் கொண்டு வாழ்ந்த வரலாற்றின் நீட்சியே இன்றைய பெண்களும்.

கடந்த மாதம் ஜெர்மனியில் நடைபெற்ற 48-ஆவது  ஜி7 மாநாட்டில் இந்திய பிரதமர் நரேந்திர மோடி, சிறப்பு அழைப்பாளராகக் கலந்து கொண்டு உலகத் தலைவர்கள் முன்னிலையில் உரையாற்றினார். இந்த உரை இந்தியாவின் பெருமையைப் பறைசாற்றியதோடு உலகையே நம்மை நோக்கித் திரும்பிப் பார்க்கவும் வைத்தது. 

பெண்களுக்கான வளர்ச்சி என்று உலகம் சிந்திக்கும் வேளையில், "இந்தியா பெண்கள் தலைமையிலான வளர்ச்சி என்ற பாதையில் பயணிக்கிறது' என்று பிரதமர் பெருமிதத்தோடு பேசினார். அவர் சுட்டிக்காட்டிய உதாரணம் அனைவரையும் சிந்திக்கவும் சிலிர்க்கவும் வைத்தது. 

பாரத தேசத்தில் கரோனா பேரிடர் காலத்தில் அறுபது லட்சம் பெண்கள் முன்களப் பணியாளர்களாக இரவு - பகல் பாராது பணியாற்றி தேசத்தைக் காத்தார்கள். தடுப்பூசி ஆராய்ச்சியிலும் கண்டுபிடிப்பிலும் பெண் விஞ்ஞானிகள் பங்களிப்பு பெரியது. கிராமப்புறங்களில் சுகாதாரப் பணிகளில் நாடு முழுவதும் பத்து லட்சம் பெண்கள் தன்னார்வலர்களாக "ஆஷா' பணியாளர்கள் என்ற பெயரில் களத்தில் நின்றார்கள். இந்த தன்னார்வலர்களுக்கு உலக சுகாதார அமைப்பு "குளோபல் லீடர்ஸ்' விருது வழங்கி கெளரவித்தது.

இந்தியாவின் குடியரசுத் தலைவராக திரெளபதி முர்மு அமர்ந்திருக்கிறார். மிக எளிய பழங்குடியின குடும்பத்தில் பிறந்து கல்வி கிடைப்பதற்கும் போராட்டங்களை சந்தித்தவர். தேசப்பணியில் தன்னை முழுமையாக ஈடுபடுத்திக் கொண்டு அர்ப்பணிப்போடு செயல்பட்டவர். சொந்த வாழ்க்கையில் பல இழப்புகளை சந்தித்த போதிலும் நெஞ்சில் உரமும் நேர்மைத் திறமும் கொண்டு அரசியல் களத்தில் சேவையாற்றியவர். மாநில ஆளுநராக திறம்பட செயல்பட்டவர். எளிமையாக வாழ்பவர். தனக்குக் கிடைத்திருக்கும் உயரிய பதவியை தன்னுடைய வெற்றி என்று கொண்டாடாமல், ஏழை மக்களின் வெற்றி என்றும், ஒரு ஏழைக் குடும்பத்தைச் சேர்ந்தவர் குடியரசுத் தலைவராகும்  அளவுக்கு இந்திய ஜனநாயகம் உயர்ந்து நிற்கிறது என்றும் பணிவு காட்டி தேசத்தைப் பெருமைப்படுத்தியுள்ளார். 

பாரத தேசத்தில் பெண்களின் பங்களிப்பு வேத காலம் தொடங்கி இன்று வரை தொடர்ந்து கொண்டிருக்கிறது. வேதவாழ்வென்பது அறிவின் துணை கொண்டு ஆராய்வது; பாரபட்சமற்றது. செல்வம் மிக்க மன்னரும் அனைத்தையும் துறந்த துறவியும் நின்றால் எளிய துறவியே மரியாதைக்கும் போற்றுதலுக்கும் உரியவராவார். அந்த வாழ்வில் பெண்ணும் தலைமை ஏற்பாள். அதனால்தான் மகாகவி பாரதியார், "வியனுலகனைத்தையும் அமுதென நுகரும் வேத வாழ்வினைக் கைப்பிடித்தோம்' என்று பாடினார். 

இன்று திரெளபதி முர்முவின் உயர்வு இந்தியாவின் பாரம்பரியம். தேசத்தின் முதல் குடிமகளாக ஓர் எளிய பெண் உயர்ந்திருப்பது வேத வாழ்வின் நீட்சியே.

கட்டுரையாளர்:
ஊடகவியலாளர்.



Read in source website

அண்மையில் உத்தர பிரதேசத்தில் பண்டல்கண்ட் விரைவுச் சாலைத் திட்டத்தைத் தொடங்கிவைத்துப் பிரதமர் நரேந்திர மோடி ஆற்றிய உரையானது, இதுவரையிலான இலவசத் திட்டங்கள் மற்றும் மானியங்கள் குறித்த அரசுக் கொள்கைகளை ஒரு சுயபரிசோதனைக்கு உட்படுத்திக்கொள்ள வைத்துள்ளது.

296 கிமீ நீளம் கொண்ட இந்த நான்குவழிச் சாலை, உத்தர பிரதேசத்தின் மிகவும் பின்தங்கிய பகுதிகளை இணைத்து, அங்குள்ள மக்களுக்குப் புதிய வாய்ப்புகளை வழங்கப்போகிறது. அதே நேரத்தில், அரசின் செலவினங்களில் பெரும்பகுதியை இலவசத் திட்டங்களுக்காகவும் மானியங்களுக்காகவும் செலவிட்டால், இத்தகைய திட்டங்களை எவ்வாறு மேற்கொள்ள இயலும் என்று அதன் தொடக்க விழாவில் பிரதமர் கேள்வி எழுப்பியிருக்கிறார்.



Read in source website

செவ்வாய்க் கோளைப் பற்றிய ஆய்வில் ஈடுபட்ட ஓர் இயற்பியல் அறிவியலாளர், அந்த ஆய்விலிருந்து தன்னை விடுவித்துக்கொண்டு, “வாருங்கள், புவிக்கோளைப் பற்றி முதலில் கற்றுக்கொள்வோம்’’ என்று கூறினால் எப்படி இருக்கும்? அதுபோல உயர் தொழில்நுட்பக் கருவிகளைக் கண்டறிந்த ஓர் அறிவியலாளர், சுற்றுச்சூழல் சிக்கல்களைத் தொழில்நுட்பரீதியில் தீர்த்துவிட முடியும் என்று நம்பும் அரசியல்வாதிகளுக்கு எதிராகக் கேள்வி எழுப்புவதைக் கற்பனை செய்துபாருங்கள்.

இந்த இரண்டு அறிவியலாளரும் ஒருவரே. அவர்தான் ‘கையா’ என்னும் கருதுகோளை அறிமுகப்படுத்திய அறிவியலாளர் ஜேம்ஸ் லவ்லாக். கையாவுக்கு எதிராக எத்தனையோ கேலிகள், எத்தனையோ எதிர்ப்புகள் எழுந்தன. அவ்வளவையும் புறந்தள்ளித் தன் ஆய்வை நிலைநிறுத்தினார் லவ்லாக். தெற்கு இங்கிலாந்திலுள்ள அவரது இல்லத்தில் தனது 103-வது வயதில், தன் பிறந்த நாளான ஜூலை 26 அன்றேக்கே இப்புவியிலிருந்து அவர் விடைபெற்றார். தன் குடும்ப உறுப்பினரைப் போலப் புவியிடத்து அன்பு செலுத்திய அவர்மீது, புவியும் தன் அன்பைச் செலுத்தி நிறைவாழ்வு வாழ அனுமதித்ததில் ஆச்சரியம் ஏதுமில்லை.

சுற்றுச்சூழலியல் புரட்சி

இயற்பியல் ஆய்வாளராக நாசாவில் பணியாற்றியவர் லவ்லாக். வளிமண்டலத்தின் ஸ்டிராட்டோஸ்பியர் அடுக்கில் குளோரோபுளூரோ கார்பன்கள் இருப்பதைக் கண்டறிந்து எச்சரித்தவர் அவரே. அவையே ஓசோன் படலத்தின் மெலிவுக்குக் காரணம். மேலும் அவர் கண்டுபிடித்த Electron Capture Detector கருவிதான், சுற்றுச்சூழலில் மாபெரும் புரட்சி உருவாக அடிப்படைக் காரணமானது.

வேறொரு நோக்கத்தில் உருவாக்கப்பட்ட அக்கருவி, அண்டார்க்டிகாவின் பென்குயின் பறவையில் தொடங்கி, நம் தாய்மார்களின் தாய்ப்பால் வரை அனைத்து உயிரிகளின் மீதும் படிந்துள்ள பூச்சிக்கொல்லிகளின் எச்சத்தைக் கண்டறிய உதவியது. அந்தக் கண்டுபிடிப்பே ரேச்சல் கார்சன் ‘மௌன வசந்தம்’ நூலை எழுதுவதற்கு அடிப்படையானது. அந்நூலே சுற்றுச்சூழல் விழிப்புணர்வை உலகெங்கும் பரப்பியது.

லவ்லாக் மட்டும் அக்கருவியைக் கண்டுபிடித்திருக்கவில்லை என்றால், உலகளாவிய சுற்றுச்சூழலியல் விழிப்புணர்வு பல்லாண்டுகள் பின்தங்கி தாமதமாகவே தொடங்கியிருக்கும். அதற்குள், நாம் நிறைய இழப்புகளை எதிர்கொண்டிருப்போம். அவ்வகையில், சுற்றுச்சூழலியல் ஆர்வலர்கள் அவருக்கு நிறையவே கடமைப்பட்டுள்ளனர்.

உயிரைத் தேடிய பயணம்

இயற்பியல் அறிவியலாளரான அவருக்குள் ஒருகட்டத்தில் புவிக்கோளின் உயிரியல் இயக்கம் குறித்துக் கேள்விகள் எழுந்தன. புவியிலுள்ள உயிர்கள், காற்று, கடல், நிலம் உள்ளிட்ட அனைத்தும் ஒன்றோடொன்று தொடர்புள்ளவை என்றும், அவை கூட்டாக ஒருங்கிணைந்து புவியை ஒழுங்குபடுத்திக் கொள்வதாகவும் அவர் உணர்ந்தார். அதற்கான விடையை அறிவியல் நூல்களில் தேட முயன்றார்.

அவற்றில், உயிரிகளின் புறம் - அகம் பற்றிய ஏராளமான தகவல்கள் குவிக்கப்பட்டிருந்தாலும், அவை அனைத்தும் வேதியியல், இயற்பியல், பொறியியல் என்பது போன்ற தனித்தனி பார்வைகளாக இருந்தன. உயிரின் முழுமையான இயல்பு குறித்து அது மௌனமே சாதித்தது.

அதில் எங்காவது உயிரைப் பற்றிய சுருக்கச் செறிவான ஒரு வரையறை கிடைக்குமா என்று தேடினால், அது சிறிதளவு மட்டுமே தென்பட்டது தனக்கு ஏமாற்றமளித்ததாக லவ்லாக் குறிப்பிட்டுள்ளார். அதற்கு அறிவியலைத் தனித்தனித் துறைகளாகப் பிரித்தது பகுதியளவு காரணமாக இருக்கலாம் என்கிறார்.

எனவே, அறிவியலைத் துண்டுகளாகப் பார்க்கும் பார்வையிலிருந்து விலகி, அதை முழுமையான பார்வைக்கு உட்படுத்தினார். அப்போதுதான் புவிக்கோளம் என்பது ஓர் அஃறிணைப் பொருளல்ல. தன்னளவில் ‘புவி ஒரு தனித்த உயிரி’ என்பதை அறிந்தார்.

அந்த உயிர்த்தன்மைக்கு ‘கையா’ என்று பெயரிட்டார். “உயிர் உள்ளிட்ட புவியின் ஒட்டுமொத்தப் புறப்பரப்பும் தன்னைத்தானே ஒழுங்குபடுத்திக்கொள்ளும் ஒரு பொருளாக (Entity) இருப்பதால் இதை நான் ‘கையா’ என்று பொருள் கொள்கிறேன். கையா என்பது வேறொன்றுமல்ல, அது தன்னலத்தோடு செயல்படும் ஒரு மரபணுவைப் போல வாழ்கின்ற ஒரு கோளைப் பற்றிய கதை” என்றார்.

காலநிலையின் அடிப்படை

கையா என்பது கிரேக்கப் பெண் கடவுளின் பெயர். எனவே, அறிவியலாளர்கள் பலருக்கு அது நவீன மதநம்பிக்கைப் போலத் தோன்றியதில் வியப்பில்லை. அக்கருத்தாக்கம் கடும் விமர்சனத்துக்கு உள்ளானது. அதை, ‘ஒரு கற்பனைக் கதை’ என்றும், ‘நவீன காலத்தின் முட்டாள்தனம்’ என்றும் சாடினர். மாறாக, சுற்றுச்சூழலியல் ஆர்வலர்களிடம் கையாவுக்கு பலத்த வரவேற்பிருந்தது.

ஆனாலும், லவ்லாக் தன் கருதுகோளை வலுப்படுத்தும் அறிவியல் சான்றுகளைத் தேடிக்கொண்டே இருந்தார். அவர் சார்ந்த அறிவியலாளர்களும் அத்தேடலைத் தொடர்ந்தனர். அதற்கேற்றவாறு புவி தன்னைத்தானே ஒழுங்குபடுத்திக் கொள்வதற்கான (Self regulating earth) அறிவியல் சான்றுகள் தொடர்ந்து கிடைத்தன.

இறுதியில், 2001-ல் ஆம்ஸ்டர்டாம் நகரில் கூடிய ஆயிரம் அறிவியலாளர்கள், ‘நமது புவிக்கோளம் இயற்பியல், வேதியியல், உயிரியல் கூறுகளை உள்ளடக்கியிருப்பதுடன் தன்னைத் தானே ஒழுங்குபடுத்திக் கொள்ளும் ஒற்றை அமைவாகவும் உள்ளது’ என்று அறிவித்தனர்.

அதுவரை கேலிகளையும் பகடிகளையும் சந்தித்து வந்த லவ்லாக் அன்று கட்டாயம் மகிழ்ந்திருப்பார். அதே வேளை, சில அறிவியலாளர்கள் ‘கையா’ என்ற பெயருக்கு மாற்றாக ‘புவி ஒருங்கு அறிவியல்’ (Earth system science) அல்லது ‘புவி உடற்செயலியல்’ (Geophysiology) என்கிற பெயர்களை முன்மொழிந்தனர். எந்தப் பெயராக இருந்தாலும் அதுவரை நகையாடப்பட்ட லவ்லாக்கின் ‘கையா’தான் இன்று காலநிலை அறிவியலின் அடிப்படையாக விளங்குகிறது.

இளைப்பாறுங்கள்!

காலநிலை வல்லுநர் மிலன்கோவிச் கூறுவார்: “ஞாயிறைச் சுற்றும் புவியின் சுற்றுவட்டப் பாதையில் ஏற்பட்ட சிறு மாற்றங்களின் விளைவே அண்மைக் காலத்தின் பனி யுகம். புவியின் ஒரு அரைக் கோளத்தில் பெறப்படும் வெப்பத்தில் இரண்டு விழுக்காடு குறைந்தாலும் அது ஒரு பனி யுகத்தை உருவாக்கப் போதுமானது.”

இன்றைக்குக் காலநிலை மாற்ற நெருக்கடியில் வாழ்ந்துகொண்டிருக்கும் நமக்குக் கையா குறித்த அறிவின் தேவை கூடிக்கொண்டே போகிறது. கையா குறித்து லவ்லாக் எட்டு நூல்களை எழுதியிருந்தும் அவற்றுள், ஒரேயொரு நூல் மட்டுமே (‘கையா உலகே ஓர் உயிர்’ - சா.சுரேஷ், பாரதி புத்தகாலயம்) இதுவரை தமிழில் மொழிபெயர்க்கப்பட்டுள்ளது என்பது நமது போதாமையைக் காட்டுகிறது.

சுற்றுச்சூழலியலாளர்கள் லவ்லாக்கைக் கொண்டாடினாலும், அவருடைய கருத்துகள் சிலவற்றுடன் முரண்படவும் செய்கிறார்கள். எனினும், ‘கையா’ சூழலியல் பாதையின் கைகாட்டிகளுள் ஒன்றாக இருக்கும் என்பதில் இருவேறு கருத்தில்லை. ஆகவே, உங்களுடைய கையாவில் நீங்கள் நிம்மதியாக இளைப்பாறலாம் லவ்லாக்!

கட்டுரையாளர், சூழலியல் எழுத்தாளர்,

தொடர்புக்கு: vee.nakkeeran@gmail.com



Read in source website

2,11,905 விண்ணப்பம்

தமிழகத்தில் பொறியியல் படிப்புகளுக்காக இதுவரை விண்ணப்பித்துள்ள மாணவர்களின் எண்ணிக்கை.

946 கோடி ரூபாய்

இரண்டாம் கட்ட மெட்ரோ ரயில் திட்டத்தில், 946 கோடியே 92 லட்சம் மதிப்பில் ஓட்டுநர் இல்லாத 26 ரயில்களைத் தயாரிக்க ஒப்பந்தம் வழங்கப்பட்டுள்ளது.

4.30 கோடி ரூபாய்

கும்பகோணம் ஒழுங்கு முறை விற்பனைக் கூடத்தில் 4.30 கோடி ரூபாய்க்குப் பருத்தி ஏலம் போனது.

534 கிராமங்கள்

தமிழ்நாட்டில் 534 கிராமங்களில் பி.எஸ்.என்.எல். 4ஜி மொபைல் சேவை வழங்கப்பட உள்ளது.

இந்தியா

47,221 வழக்குகள் 2020-ல் மட்டும் போக்சோ சட்டத்தின் கீழ் 47,221 வழக்குகள் பதிவானதாக மக்களவையில் தெரிவிக்கப்பட்டுள்ளது. உத்தர பிரதேசம் 6,898 வழக்குகளுடன் முதலிடத்தில் இருக்கிறது.

23,000 படிப்புகள்

செயற்கை நுண்ணறிவு, சைபர் பாதுகாப்பு, குழந்தை பராமரிப்பு உட்பட 23,000 உயர்கல்விப் படிப்புகளை இணையம்வழி இலவசமாக வழங்கவுள்ளதாகப் பல்கலைக்கழக மானியக் குழு (யுஜிசி) அறிவித்துள்ளது.

3,000 புலிகள்

இந்தியாவில் புலிகளின் எண்ணிக்கை 3 ஆயிரத்தைக் கடந்தது. இருப்பினும், கடந்த 2012ஆம் ஆண்டு முதல் சுமார் ஆயிரத்துக்கும் மேற்பட்ட புலிகள் மரணமடைந்திருக்கின்றன.

1.64 லட்சம் கோடி

பி.எஸ்.என்.எல். நிறுவனத்தை 1.64 லட்சம் கோடி மதிப்பில் மறுசீரமைப்பு செய்யும் திட்டத்துக்கு மத்திய அமைச்சரவை ஒப்புதல் அளித்திருக்கிறது.

17 வயது

17 வயது நிரம்பியவர்கள் வாக்காளர் அடையாள அட்டையில் பெயர் சேர்ப்பதற்கு விண்ணப்பிக்கலாம் எனத் தேர்தல் ஆணையம் தெரிவித்துள்ளது.

உலகம்

18,000 நோயாளிகள் உலகம் முழுவதும் குரங்கு அம்மையால் பாதிக்கப்பட்டுள்ளவர்களின் எண்ணிக்கை 18 ஆயிரத்தைக் கடந்துள்ளதாக உலக சுகாதார நிறுவனம் தெரிவித்துள்ளது.

10 மடங்கு

இங்கிலாந்தில் ஜூலை மாதம் ஏற்பட்ட வரலாறு காணாத வெப்ப அலையின் தீவிரத்தை, காலநிலை மாற்றம் குறைந்தது 10 மடங்கு அதிகரித்திருக்கிறது.

100 டன்

வடக்கு பசிபிக் பெருங்கடலில் மிதந்துவரும் கிரேட் பசிபிக் குப்பைத் தீவில் (GPGP) இருந்து 100 டன் ஞெகிழிக் கழிவை ஒரு தன்னார்வத் தொண்டு நிறுவனம் அகற்றியுள்ளது.

தொகுப்பு: ஹுசைன்



Read in source website

ஈரானின் புகழ்பெற்ற இயக்குநர் ஜாஃபர் பனாஹி கைதுசெய்யப்பட்டிருக்கிறார். 2010-ல் அவருக்கு விதிக்கப்பட்ட ஆறு வருட சிறைத் தண்டனை நிறைவேற்றப்பட வேண்டுமென இப்போது அவர் கைதுசெய்யப்பட்டுள்ளார்.

இஸ்லாமியக் குடியரசான ஈரானின் ஆட்சியாளர்கள் புரியும் லஞ்ச லாவண்ய அட்டூழியங்களையும், சமூகத்தில் பெண்கள் மீது செலுத்தப்படும் ஒடுக்குமுறைகளையும் கண்டித்து, அந்நாட்டின் திரைத்துறையினர் எதிர்ப்பியக்கங்களை நடத்திவருகின்றனர்.



Read in source website

30-01-2023      Monday

TNPSC Newspaper Archives

t