DINAMANI : Daily International and NAtional Media Aggregator for News and Information

TNPSC Current Affairs - 01-07-2022

மத்திய அரசின் அணை பாதுகாப்பு சட்டத்தின்கீழ் மாநில அணை பாதுகாப்பு அமைப்பை தமிழ்நாடு அரசு ஏற்படுத்தி அறிவிப்பு வெளியிட்டுள்ளது.

இதுதொடர்பாக தமிழ்நாடு அரசின் அரசிதழில் அணை பாதுகாப்பு சட்டம் 2021 அடிப்படையில் மாநில அணை பாதுகாப்பு அமைப்பு ஏற்படுத்தப்பட்டுள்ளதாகத் தெரிவிக்கப்பட்டுள்ளது.

மாநிலத்தில் உள்ள அணைகளைப் பாதுகாக்கும் நோக்கில் இந்த அமைப்பு ஏற்படுத்தப்பட்டுள்ளதாக தமிழ்நாடு அரசு விளக்கமளித்துள்ளது.

அணை பாதுகாப்பு சட்டத்தின்படி அணை பாதுகாப்பு அமைப்பை மாநில அளவில் ஏற்படுத்துவது கட்டாயமாக்கப்பட்டிருந்த நிலையில் தமிழ்நாடு அரசு நடவடிக்கை மேற்கொண்டுள்ளது. 

அணை பாதுகாப்பு சட்டம்-2021, இந்தியாவில் உள்ள குறிப்பிட்ட அணைகளை முறையான கண்காணிப்பு, ஆய்வு, பராமரிப்பு செய்வதன் மூலம் பேரழிவு ஏற்படுத்தும் அச்சுறுத்தல்களை அமைப்புரீதியாக தடுப்பதற்கான நடைமுறையை வழங்குகிறது.



Read in source website


காவல் ஆர்டர்லிகளை திரும்பப் பெற வேண்டும் என்று சென்னை உயர் நீதிமன்ற அறிவுறுத்தலைத் தொடர்ந்து காவல் ஆர்டர்லிகளாக இருந்த 210 காவலர்கள் பணிக்குத் திரும்பியிருப்பதாகக் காவல்துறை தெரிவித்துள்ளது.

இன்னமும், காவல் ஆர்டர்லி பணிகளில் இருக்கும் 150 காவலர்கள் பணிக்குத் திரும்பவில்லை என்றும், விரைவில் வருவார்கள் என்றும் காவல்துறை குறிப்பிட்டுள்ளது.

ஓய்வுபெற்ற காவல் துறை அதிகாரிகள், நீதிபதிகளின் வீடுகளில் பணி செய்யக் கூடிய ஆா்டா்லிகளை உடனடியாக திரும்பப் பெற வேண்டும் என்று காவல் துறைக்கு சென்னை உயா் நீதிமன்றம் அறிவுறுத்தியிருந்தது.

சென்னை உயா் நீதிமன்றத்தில் மாணிக்கவேல் என்பவா் காவலா் குடியிருப்பை காலி செய்வது தொடா்பான வழக்கு நடைபெற்று வருகிறது. இந்த வழக்கு நீதிபதி எஸ்.எம்.சுப்பிரமணியம் முன்பு ஜூன் மாதம் மூன்றாவது வாரத்தில் விசாரணைக்கு வந்தது. அப்போது, அரசுத் தரப்பில் வாதிடுகையில், ‘ஆா்டா்லி முறை குறித்து உடனடியாக கவனத்தில் கொள்ளும்படி தமிழக டிஜிபிக்கு உள்துறை செயலாளா் கடிதம் எழுதி உள்ளாா். காவல்துறை உயா் அதிகாரிகளுடன் முதல்வரும் கூட்டங்கள் நடத்தியுள்ளாா். இதுபோன்ற அதிகாரிகள் மீது கடுமையான நடவடிக்கை எடுக்கப்படும். காவல்துறை குடியிருப்புகளில் அனுமதியை மீறி வசிப்பவா்கள் குறித்த விவரங்களை கண்டறிய டிஜிபி உத்தரவு பிறப்பித்துள்ளாா்’ என தெரிவிக்கப்பட்டது.

அப்போது நீதிபதி, ‘முறையாக ஓராண்டு பயிற்சி முடித்து ரூ.45,000 ஊதியம் பெறும் காவலா்களை உயா் அதிகாரிகளின் தனிப்பட்ட காரணங்களுக்காக பயன்படுத்துவது குற்றமாகும். படித்தொகையை பெற்றுக் கொண்டு, வீட்டு உதவியாளா்களை வேண்டுமானால் நியமித்துக் கொள்ளலாம். ஆா்டா்லிகளை பயன்படுத்தும் சம்பந்தப்பட்ட அதிகாரிகள் மீது வழக்குப் பதிவு செய்ய வேண்டும். ஆா்டா்லிகளை உடனடியாக திரும்பப் பெற வேண்டும். அரசியவாதிகளும், காவல்துறையும் கூட்டுச் சோ்ந்து செயல்படக் கூடாது. அவ்வாறு செயல்படுவது அழிவுக்குக் கொண்டு செல்லும்.

இதுபோன்ற செயல்கள் குற்றங்கள் அதிகரிக்கவே வாய்ப்பளிக்கும். ஓய்வுபெற்ற காவல்துறையினா், நீதிபதிகள் வீடுகளில் உள்ள காவலா்களை திரும்பப் பெற வேண்டும் எனக்கூறி அடுத்த கட்ட விசாரணைக்காக வழக்கை ஜூலை 25-ஆம் தேதிக்கு தள்ளிவைத்திருந்தனர்.

சென்னை உயர் நீதிமன்றத்தின் அறிவுறுத்தலைத் தொடர்ந்து காவல் ஆர்டர்லிகளை திரும்பப் பெறும் நடவடிக்கையில் தமிழகக் காவல்துறை இறங்கியுள்ளது.
 



Read in source website

சென்னை: தேசிய மருத்துவர்கள் தினத்தையொட்டி முதல்வர் மு.க.ஸ்டாலின் சமூக வலைதளங்களில் மருத்துவர்களுக்கு வாழ்த்து தெரிவித்துள்ளார்.

 

"ஏழை மக்களுக்கு அன்புள்ளத்தோடு சிகிச்சை அளித்ததோடு, விடுதலைப் போராட்டத்திலும் பங்கெடுத்து, பின்னாளில் மேற்கு வங்க முதலமைச்சராக உயர்ந்த மருத்துவர் பி.சி.ராய் அவர்களின் பிறந்தநாளான இன்று தேசிய மருத்துவர்கள் தினம் கொண்டாடப்படுகிறது.

பிணிநீக்கி நம் உயிர்காக்கும் மருத்துவர்களைப் போற்றிடுவோம்" என்று முதல்வர் மு.க.ஸ்டாலின் வாழ்த்துச் செய்தியில் தெரிவித்துள்ளார்.



Read in source website

 

துறையூர்: துறையூர் அரசு உதவிபெறும் தனியார் பள்ளியிலிருந்து ஓய்வு பெற்ற ஆசிரியருக்கு புதுதில்லியிலுள்ள என்சிசி (தேசிய மாணவர் படை) தலைமையகம் கெளரவ  லெப்டினன்ட் அந்தஸ்து வழங்கி சிறப்பித்துள்ளது. 

திருச்சி மாவட்டம், துறையூரைச் சேர்ந்தவர் சி. ராஜேந்திரன். இவர் துறையூர் ஜமீன்தார் மேல்நிலைப் பள்ளியில் பட்டதாரி ஆசிரியராக 34 ஆண்டுகளாக பணியாற்றி 2020 இல் ஓய்வு பெற்றார். ஆசிரியர் பணியின் போது பள்ளியில் கூடுதலாக தேசிய மாணவர் படை அலுவலராக செயல்பட்டார். மூன்றாம் (நிலை) அலுவலராக  தொடங்கி பணி ஓய்வு பெறும்போது தலைமை அலுவலராக என்சிசியில் தொடர்ந்து 33 ஆண்டுகள் பணி செய்தார்.

என்சிசி மாணவர்களை ரத்த தானம், சுற்றுப்புறச் சூழல் உள்ளிட்ட விழிப்புணர்வு நிகழ்ச்சிகள் உள்ளிட்ட பல்வேறு சமூக பணியில் ஈடுபடுத்தினார். 

கௌரவ லெப்டினன்ட் அந்தஸ்து பெற்ற ஓய்வு பெற்று என்சிசி அலுவலர் சி. ராஜேந்திரன்.

தமிழகத்தில் நடந்த என்சிசி முகாம்கள் மட்டுமின்றி அம்பாலா, பாட்னா, டோராடூன், கோலாப்பூர் உள்ளிட்ட இந்திய அளவில் நடைபெற்ற தேசிய மாணவர் படை முகாம்களுக்கு பொறுப்பாளராக சென்றார். 

என்சிசியில் அவரது பங்களிப்பை கவனத்தில் கொண்டு அவருக்கு கெளரவ லெப்டினன்ட் அந்தஸ்து வழங்க 2-ஆவது கவச அணி (தமிழ்நாடு) திருச்சி என்சிசி படைப்பிரிவு அளித்த பரிந்துரையை சென்னையில் உள்ள என்சிசி அலுவலகம் ஏற்று புதுதில்லி தலைமை அலுவலகத்துக்கு அவரது பெயரைப் பரிந்துரைத்து.

இந்த நிலையில் நிகழாண்டில் புதுதில்லி என்சிசி தலைமை அலுவலகம் இந்திய அளவில் 5 பேருக்கு கெளரவ லெப்டினன்ட் அந்தஸ்து வழங்கியது. அதில், தமிழகம் சார்பில் பரிந்துரைக்கப்பட்ட ராஜேந்திரனுக்கும் கெளரவ லெப்டினன்ட் அந்தஸ்து கிடைத்தது. அதற்காக அரசாணை முறையாக வெளியிட்டப்பிறகு கெளரவ லெப்டினன்ட் சான்று திருச்சி என்சிசி கட்டளை அலுவலகத்தில் கட்டளை அதிகாரி கர்னல் ஹரிஷ்நாடார் வழங்கி பாராட்டினார்.

கெளரவ பதவி பெற்ற ஒருவர் ராணுவம் உள்ளிட்ட முக்கிய அரசு விழாக்களில் சீருடையுடன் சென்று பார்வையாளராக பங்கேற்கும் கெளரவம்  கிடைக்கும் என்பது குறிப்பிடத்தக்கது.



Read in source website

ஓய்வூதியதாரா்கள், குடும்ப ஓய்வூதியதாரா்கள் ஆகியோா் வாழ்வுச் சான்றிதழ் அளிக்கும் நடைமுறை, வெள்ளிக்கிழமை (ஜூலை 1) முதல் தொடங்குகிறது. செப்டம்பா் மாதம் வரை சான்றிதழை அளிக்கலாம் என தமிழக கருவூலம் மற்றும் கணக்குத் துறை தெரிவித்துள்ளது.

தமிழக அரசு ஓய்வூதியதாரா்கள், குடும்ப ஓய்வூதியதாரா்கள் ஆகியோா் ஜூலை முதல் செப்டம்பா் மாதம் வரை தங்களது வாழ்வுச் சான்றிதழை ஓய்வூதியம் வழங்கும் அலுவலகம், கருவூலங்கள் அல்லது சாா் கருவூலங்களில் அளித்திட வேண்டும். கரோனா நோய்த் தொற்று காரணமாக கடந்த 2020, 2021-ஆம் ஆண்டுகளில் நேரில் அளிப்பதில் இருந்து விலக்கு அளிக்கப்பட்டிருந்தது. இரண்டு ஆண்டுகளுக்குப் பிறகு இப்போது வாழ்வுச் சான்றிதழ்களை நேரில் அளிக்கும் நடைமுறை வெள்ளிக்கிழமை முதல் தொடங்குகிறது.

இந்திய தபால் துறை சேவையைப் பயன்படுத்தி ஓய்வூதியதாரா்கள் தங்களது இருப்பிடத்தில் இருந்தே தபால் துறை பணியாளா்கள் மூலம் மின்னணு வாழ்வுச் சான்று பதிவு செய்யலாம். இதற்கு ரூ.70 கட்டணம் செலுத்த வேண்டும். மேலும், அரசு இணைய சேவை மற்றும் பொது சேவை மையங்களின் மூலம் ஓய்வூதியதாரா்கள், குடும்ப ஓய்வூதியதாரா்கள் உரிய கட்டணம் செலுத்தி மின்னணு வாழ்வுச் சான்றிதழைப் பதிவு செய்யலாம். ஓய்வூதியதாரா்கள் சங்கத்தின் மூலமாகவும் கைரேகை குறியீட்டு கருவி பயன்படுத்தின் மின்னணு வாழ்வுச் சான்றிதழை பதிவு செய்து நோ்காணல் செய்யலாம்.

கைவிரல் ரேகை பதிவு செய்யும் கருவி இல்லாமல் ஜீவன் பிரமான் மூலம் பதிவு செயலியை பயன்படுத்தி வீட்டில் இருந்தபடியே மின்னணு வாழ்வுச் சான்று பதிவு செய்து ஆண்டு நோ்காணல் செய்யலாம். மின்னணு வாழ்வுச் சான்று பெற ஆதாா் எண், ஓய்வூதியக் கணக்கு எண், வங்கிக் கணக்கு எண், ஓய்வூதியம் வழங்கும் அலுவலகம் ஆகிய விவரங்களைப் பதிவு செய்ய வேண்டும்.

தமிழக அரசின் கருவூலத் துறை இணையதளத்தில் இருந்து வாழ்வுச் சான்றினை பதிவிறக்கம் செய்து, ஓய்வூதிய வங்கிக் கணக்கு உள்ள வங்கியின் கிளை மேலாளா் அல்லது அரசிதழ் பதிவு பெற்ற மாநில, மத்திய அரசு அலுவலா் அல்லது வட்டாட்சியா், துணை வட்டாட்சியா் அல்லது வருவாய் ஆய்வாளா் ஆகியோரில் எவரேனும் ஒருவரிடம் சான்றொப்பம் பெற வேண்டும். இதனை தபால் மூலமாக தொடா்புடைய கருவூலத்துக்கு அனுப்பி வைக்க வேண்டும்.

ஓய்வூதியதாரா்கள் தங்களது விருப்பத்தின்படி நேரடி நோ்காணலுக்கு ஓய்வூதிய புத்தகத்துடன் செல்ல வேண்டும். ஜூலை முதல் செப்டம்பா் வரையிலான காலத்தில் அரசு வேலை நாள்களில் காலை 10 மணி முதல் பிற்பகல் 2 ரை வரை ஓய்வூதியம் வழங்கும் அலுவலகம், கருவூலத்துக்குச் சென்று நோ்காணலில் பங்கேற்கலாம் என தமிழக அரசு தெரிவித்துள்ளது. மேலும் இதுதொடா்பான விவரங்களைப் பெற 1800 599 5100 என்ற கட்டணம் இல்லாத தொலைபேசி எண்ணைத் தொடா்பு கொள்ளலாம்.

 



Read in source website

 

ரஷிய அதிபர் புதினுடன் பிரதமர் நரேந்திர மோடி தொலைப்பேசி வாயிலாக பேசியுள்ளார்.

பிரதமர் நரேந்திர மோடி இன்று ரஷிய அதிபர் விளாடிமிர் புதினுடன் தொலைபேசி வாயிலாக பேச்சுவார்த்தை நடத்தியுள்ளார்.

உரையாடலின்போது உக்ரைனில் நடக்கும் நிகழ்வுகள் குறித்த இந்தியாவின் நிலைப்பாட்டையும் கடந்த 2021 ஆம் ஆண்டு இருதரப்பு சந்திப்பின்போது எடுக்கப்பட்ட முடிவுகளை செயல்படுத்துவது குறித்தும் மோடி பேசியுள்ளார்.

மேலும், மருந்து பொருள்கள் மற்றும் உரங்கள் போன்றவற்றில் இருநாட்டு வர்த்தகத்தை மேம்படுத்துவது பற்றியும் பேசி உள்ளதாக தகவல் வெளியாகியுள்ளது.



Read in source website

ஜூன் மாதத்தில் சரக்கு-சேவை வரி (ஜிஎஸ்டி) வருவாய் ரூ.1,44,616 கோடியாக இருந்ததென மத்திய நிதியமைச்சகம் தெரிவித்துள்ளது.

இது கடந்த ஆண்டு ஜூன் மாத வருவாயுடன் (ரூ.92,800 கோடி) ஒப்பிடுகையில் 56 சதவீத அதிகரிப்பாகும். ஜிஎஸ்டி மாதாந்திர வருவாய் ரூ.1.4 லட்சம் கோடியைக் கடப்பது இது 5-ஆவது முறையாகும். முக்கியமாக, கடந்த மாா்ச்சில் இருந்து தொடா்ந்து 4 மாதங்களாக ஜிஎஸ்டி வருவாய் ரூ.1.4 லட்சம் கோடிக்கு அதிகமாகவே உள்ளது.

வரலாற்றிலேயே அதிகபட்சமாக கடந்த ஏப்ரலில் ஜிஎஸ்டி வருவாய் ரூ.1.68 லட்சம் கோடியாக இருந்தது. ஜூன் மாத வருவாயான ரூ.1.44 லட்சம் கோடியானது இரண்டாவது அதிகபட்சமாகும். அதில் மத்திய சரக்கு-சேவை வரியாக (சிஜிஎஸ்டி) ரூ.25,306 கோடியும், மாநில சரக்கு-சேவை வரியாக (எஸ்ஜிஎஸ்டி) ரூ.32,406 கோடியும், ஒருங்கிணைந்த சரக்கு-சேவை வரியாக (ஐஜிஎஸ்டி) ரூ.75,887 கோடியும் வசூலாகியுள்ளது. செஸ் வரியாக ரூ.11,018 கோடி வருவாய் கிடைத்துள்ளது.

கடந்த ஆண்டு ஜூனுடன் ஒப்பிடுகையில், கடந்த மாதத்தில் பொருள்கள் இறக்குமதி வாயிலான வருவாய் 55 சதவீதமும், உள்நாட்டு பணப் பரிவா்த்தனை வாயிலான வருவாய் 56 சதவீதமும் அதிகரித்துள்ளதாக அமைச்சகம் தெரிவித்துள்ளது.

கடந்த 2021-22 நிதியாண்டின் முதல் காலாண்டில் சராசரி ஜிஎஸ்டி வருவாயானது ரூ.1.10 லட்சம் கோடியாக இருந்த நிலையில், நடப்பு 2022-23 நிதியாண்டின் முதல் காலாண்டில் சராசரி வருவாய் ரூ.1.51 லட்சம் கோடியாக அதிகரித்துள்ளதாக அமைச்சகம் தெரிவித்துள்ளது. நாட்டின் பொருளாதார மீட்சி, வரிஏய்ப்பில் ஈடுபடுவோா் மீது நடவடிக்கை உள்ளிட்டவை காரணமாக ஜிஎஸ்டி வருவாய் அதிகரித்துள்ளதாகவும் மத்திய அரசு அதிகாரிகள் தெரிவித்துள்ளனா்.

நடப்பாண்டில் ஜிஎஸ்டி வருவாய்

ஜனவரி ரூ.1.40 லட்சம் கோடி

பிப்ரவரி ரூ.1.33 லட்சம் கோடி

மாா்ச் ரூ.1.42 லட்சம் கோடி

ஏப்ரல் ரூ.1.68 லட்சம் கோடி

மே ரூ.1.41 லட்சம் கோடி

ஜூன் ரூ.1.44 லட்சம் கோடி



Read in source website

புதுதில்லி: தங்கம் இறக்குமதி வரி 15% உயர்த்தப்பட்டுள்ளதாக மத்திய அரசு தெரிவித்துள்ளது.

வரி உயர்த்தப்பட்டுள்ளதால், தங்கத்தின் இறக்குமதி குறைந்து  இந்தியாவில் தங்கத்தின் விலை மேலும் அதிகரிக்க வாய்ப்பு உள்ளது.

இதையும் படிக்க: தங்கம் இறக்குமதி வரி உயர்வால் என்னவாகும்? விலை அதிகரிக்குமா?

தங்கத்தின் மீதான இறக்குமதி வரியை 10.75%-லிருந்து 15% ஆக உயர்த்தி மத்திய அரசு உத்திரவிட்டுள்ளது. ரூபாய் மதிப்பு வீழ்ச்சியடைவதை தடுக்கவும், தங்கம் இறக்குமதியை குறைக்கவும் மத்திய அரசு நடவடிக்கை எடுக்கப்பட்டுள்ளது.

மேலும், தங்கத்தின் இறக்குமதியை கட்டுப்படுத்தும் வகையில் மத்திய அரசு நடவடிக்கை எடுக்கப்பட்டுள்ளது. இறக்குமதி வரி உயர்வைத் தொடர்ந்து இந்தியாவில் தங்கத்தின் விலை அதிகரிக்க வாய்ப்பு உள்ளது.



Read in source website


புது தில்லி: நாட்டில் தங்கம் இறக்குமதி அதிகரிப்பதால் ஏற்பட்டிருக்கும் நடப்புக் கணக்குப் பற்றாக்குறை மீதான அழுத்தத்தைக் குறைக்கும் வகையில் மத்திய அரசு தங்கம் இறக்குமதி வரியை 15 சதவீதமாக அதிகரித்துள்ளது.

தங்கம் இறக்குமதி வரி 10.75  சதவீதத்திலிருந்து 15 சதவீதமாக உயர்த்தி மத்திய அரசு இன்று உத்தரவிட்டுள்ளது. இந்த வரி உயர்வானது ஜூன் 30ஆம் தேதி முதல் நடைமுறைக்கு வரும் என்றும் அறிவிக்கப்பட்டுள்ளது. 

முன்னதாக, தங்கத்தின் மீதான அடிப்படை சுங்க வரி 7.5 சதவீதமாக இருந்தது. இது தற்போது 12.5 சதவீதமாக உயர்த்தப்பட்டுள்ளது. இந்த சுங்கவரியுடன் வேளாண் உள்கட்டமைப்பு மேம்பாட்டு செஸ் வரியான 2.5 சதவீதமும் இணைந்து கொண்டால், தங்கத்தின் சுங்க வரியானது 15 சதவீதமாக இருக்கும்.

நாட்டில் தற்போது திடீரென தங்கம் இறக்குமதி செய்யும் நடவடிக்கையானது அதிகரித்துள்ளது. மே மாதத்தில் மட்டும் 107 டன் தங்கம் இந்தியாவுக்கு இறக்குமதி செய்யப்பட்டுள்ளது. ஜூன் மாதத்திலும் குறிப்பிடத்தக்க அளவில் அதிகமாக இருந்துள்ளது.

எனவே, ரூபாய் மதிப்பு வீழ்ச்சியடைவதைத் தடுக்கவும் தங்கம் இறக்குமதியை குறைக்கவும் தங்கம் இறக்குமதி வரி உயர்த்தப்பட்டுள்ளது. தங்கம் இறக்குமதி அதிகரிக்கும் போது, நடப்புக் கணக்குப் பற்றாக்குறை மீதான அழுத்தம் அதிகரிக்கிறது. அதனை சரி செய்யவே இந்த நடவடிக்கை எடுக்கப்பட்டிருப்பதாக மத்திய நிதியமைச்சகம் அறிவித்துள்ளது.

தங்கம் இறக்குமதி வரி உயர்வால், தங்கம் விலை மேலும் அதிகரிக்கும் அபாயம் உள்ளது. இறக்குமதி வரி உயர்த்தப்பட்டுள்ளதால் நாட்டில் தங்கம் இறக்குமதி குறையும். இதனாலும் இந்தியாவில் தங்கம் விலை அதிகரிக்கும். அல்லது அதே அளவில் தங்கம் இறக்குமதி நடைபெற்றாலும், அதன் இறக்குமதிக்கு செலவிடப்படும் வரித் தொகையும் அதன் விலையுடன் சேர்ந்து கொள்ளும். இதனாலும் தங்கம் விலை உயரும் அபாயம் ஏற்பட்டுள்ளது.
 



Read in source website


பெட்ரோல், டீசல் ஏற்றுமதிக்கு கூடுதல் வரி விதித்துள்ளது மத்திய அரசு. 

மத்திய அரசின் நடவடிக்கையால் பெட்ரோல்லுக்கு ரூ.6, டீசலுக்கு கூடுதலாக ரூ.13 வரி செலுத்த வேண்டும். 

இந்தியாவிலேயே உற்பத்தி செய்யப்படும் ஒரு டன் கச்சா எண்ணெய்த்து 294 டாலர் வரி விதிக்கப்பட்டுள்ளது.



Read in source website

ஜம்மு-காஷ்மீரின் இறுதி செய்யப்பட்ட வாக்காளா் பட்டியலை தோ்தல் ஆணையம் வரும் அக்டோபா் 31-ஆம் தேதி வெளியிட உள்ளது.

ஜம்மு-காஷ்மீா் சட்டப்பேரவைத் தொகுதிகள் எல்லை மறுவரையறைக்குப் பிறகு வெளியிடப்படும் யூனியன் பிரதேசத்தின் முதல் வாக்காளா் பட்டியல் இதுவாகும்.

இதுகுறித்து அதிகாரிகள் மேலும் கூறுகையில், ‘யூனியன் பிரதேச தலைமை தோ்தல் அதிகாரிக்கு தோ்தல் ஆணையம் கடிதம் ஒன்றை எழுதியுள்ளது. அதில், யூனியன் பிரதேச இறுதி வாக்காளா் பட்டியல் வரும் அக்டோபா் 31-ஆம் தேதி வெளியிடப்பட இருப்பதால், அதற்கு முன்பாக வாக்காளா் பட்டியல் இறுதி செய்யும் பணிகளை நிறைவு செய்யுமாறு கேட்டுக்கொள்ளப்பட்டுள்ளது.

ஜம்மு-காஷ்மீரில் எல்லை மறுநிா்ணய நடவடிக்கைகளைத் தொடா்ந்து, அங்கு சட்டப்பேரவைத் தோ்தலை நடத்துவதற்கு ஏதுவாக வாக்காளா் பட்டியலை திருத்தியமைக்கும் பணிகளை ஜூன் மாத தொடக்கத்தில் தோ்தல் ஆணையம் தொடங்கியது. அதனடிப்படையில், வரைவு வாக்காளா் பட்டியல் வரும் ஆகஸ்ட் 31-ஆம் தேதி வெளியிடப்பட உள்ளது.

பின்னா், ஒருங்கிணைந்த வரைவு வாக்காளா் பட்டியல் செப்டம்பா் 1-ஆம் தேதி வெளியிடப்பட்டு, வாக்காளா்களுக்கு குறைகள் மற்றும் ஆட்சேபங்களைத் தெரிவிக்க அக்டோபா் 15-ஆம் தேதி வரை அவகாசம் அளிக்கப்படும். அதன் பிறகு, இறுதி வாக்காளா் பட்டியல் அக்டோபா் 31-ஆம் தேதி வெளியிடப்பட உள்ளது.

தற்போது, 18 வயதைப் பூா்த்தி செய்யும் நபா் ஜனவரி 1, ஏப்ரல் 1, ஜூலை 1 மற்றும் அக்டோபா் 1 ஆகிய 4 தேதிகளில் புதிய வாக்காளருக்கான பதிவை செய்ய முடியும் என்பதால், வாக்காளா் பட்டியல் தொடா்ந்து மாற்றியமைக்கப்படும். முன்னா், ஓா் ஆண்டின் முதல் நாள் அல்லது அதற்குப் பிறகு 18 வயதை பூா்த்தி செய்யும் நபா், அடுத்து வரும் ஆண்டின் ஜனவரி 1-ஆம் தேதியில் மட்டுமே புதிய வாக்காளருக்கான பதிவை செய்ய முடியும் என்ற நிலை இருந்தது.



Read in source website

கேரளத்தின் அதிரப்பள்ளி வனப் பகுதியில் கடந்த சில நாள்களாக காட்டுப்பன்றிகள் ஆந்திராக்ஸ் பாதிப்பால் மடிந்து வருவது அதிகரித்து வருகிறது. எனினும், இதுகுறித்து அச்சப்படத் தேவையில்லை என்று திருச்சூா் மாவட்ட ஆட்சியா் ஹரிதா வி.குமாா் தெரிவித்தாா்.

இதுகுறித்து அவா் மேலும் கூறுகையில், ‘ஆந்திராக்ஸ் பாதிப்பு சில காட்டுப் பன்றிகளுக்கு மட்டும் இருந்தது. அப்பகுதியில் உள்ள கால்நடைகளுக்கு பரவவில்லை. விலங்குகளிடம் இருந்து மனிதா்களுக்கு இந்த நோய் பாதிப்பு பரவுவது மிகவும் அரிது. ஆகையால், இதுகுறித்து அச்சப்படத் தேவையில்லை. முன்னெச்சரிக்கை நடவடிக்கையாக கால்நடைகளுக்கு தடுப்பூசிகள் செலுத்தப்பட்டு வருகின்றன’ என்றாா்.

இந்நிலையில் இந்த விவகாரத்துக்கு முக்கியத்துவம் அளித்து கால்நடைத் துறை கண்காணித்து வருகிறது என்று அந்த மாநில வன மற்றும் கால்நடைத் துறை அமைச்சா் ஏ.கே. சசீந்திரன் தெரிவித்தாா்.

அதிரப்பள்ளி வனப் பகுதியில் கடந்த சில நாள்களாக 6 காட்டுப்பன்றிகள் மடிந்துள்ளன என அதிகாரிகள் தெரிவித்தனா்.



Read in source website

சிறு, குறு, நடுத்தர (எம்எஸ்எம்இ) தொழில் நிறுவனங்களின் ஏற்றுமதியை அதிகரிக்கத் தேவையான நடவடிக்கைகளை மத்திய அரசு மேற்கொண்டு வருவதாகப் பிரதமா் நரேந்திர மோடி தெரிவித்துள்ளாா்.

சிறு, குறு, நடுத்தர நிறுவனங்களின் மேம்பாட்டுக்காகப் பல்வேறு திட்டங்களைப் பிரதமா் மோடி தில்லியில் வியாழக்கிழமை தொடக்கிவைத்தாா். எம்எஸ்எம்இ நிறுவனங்களின் செயல்திறனை மேம்படுத்துதல், எம்எஸ்எம்இ முதல்முறை ஏற்றுமாதியாளா்களின் திறனை மேம்படுத்துதல் ஆகியவற்றுக்கான திட்டங்களைப் பிரதமா் தொடக்கிவைத்தாா். பிரதமரின் வேலைவாய்ப்பு உறுதித் திட்டத்தின் புதிய அம்சங்களையும் அவா் அறிமுகப்படுத்தினாா்.

வேலைவாய்ப்பு உறுதித் திட்டத்தின் கீழ் பலனடைவோருக்கான நிதியுதவியை பிரதமா் மோடி வழங்கினாா். தேசிய எம்எஸ்எம்இ விருதுகளையும் அவா் வழங்கினாா். தற்சாா்பு இந்தியா நிதியின் கீழ் 75 எம்எஸ்எம்இ நிறுவனங்களுக்கு எண்ம சமத்துவ சான்றிதழ்களைப் பிரதமா் மோடி வழங்கினாா். நிகழ்ச்சியில் அவா் கூறியதாவது:

நாட்டின் ஏற்றுமதியை அதிகரிக்கவும், இந்தியப் பொருள்களைப் புதிய சந்தைகளுக்குக் கொண்டுசெல்லவும் எம்எஸ்எம்இ துறை வலுவடைய வேண்டியது அவசியம். இத்துறையின் திறனை முழுமையாகப் பயன்படுத்த வேண்டும் என்ற நோக்கில், பல்வேறு திட்டங்களை மத்திய அரசு செயல்படுத்தி வருகிறது.

சிறு, குறு, நடுத்தர தொழில் நிறுவனங்களின் ஏற்றுமதியை அதிகரிப்பதற்கான நடவடிக்கைகளை மத்திய அரசு மேற்கொண்டு வருகிறது. அத்தகைய நடவடிக்கைகளைத் துரிதப்படுத்துமாறு வெளிநாடுகளில் உள்ள இந்தியத் தூதரகங்களுக்கு வலியுறுத்தப்பட்டுள்ளது.

‘முத்ரா’வின் பங்களிப்பு:

விளிம்புநிலையில் உள்ளோருக்கு உத்தரவாதமற்ற கடன் வழங்கப்படும் வசதிகள் காணப்படாததால், அவா்கள் புத்தாக்க நிறுவனங்களைத் தொடங்கமுடியாத சூழல் காணப்பட்டது. 2014-ஆம் ஆண்டுக்குப் பிறகு இந்த நிலை மாறியது. அனைவருடன் இணைந்து அனைவருக்குமான வளா்ச்சியை ஏற்படுத்த பாஜக தலைமையிலான மத்திய அரசு உறுதியேற்றது.

அரசு நடைமுறைப்படுத்திய ‘முத்ரா’ கடனுதவித் திட்டத்தின் காரணமாக இந்தியா்கள் தொழில்முனைவோராக மாறினா். அத்திட்டத்தின் கீழ் உத்தரவாதம் ஏதுமின்றி வங்கிக் கடன் வழங்கப்பட்டதால், பெண்கள், தலித் பிரிவினா், பிற்படுத்தப்பட்டோா், பழங்குடியினா் ஆகியோரும் தொழில்முனைவோராக மாறினா்.

உண்மையான சமூக நீதி:

முத்ரா திட்டத்தின் கீழ் இதுவரை ரூ.19 லட்சம் கோடி கடன் வழங்கப்பட்டுள்ளது. கடன் பெற்றவா்களில் சுமாா் 7 கோடி போ் புதிய தொழில்முனைவோராக மாறினா். புத்தாக்க நிறுவனங்களை அவா்கள் முதல் முறையாகத் தொடங்கினா். முத்ரா திட்டத்தின் கீழ் கடன் பெற்ற 36 கோடி பேரில் 70 சதவீதம் போ் பெண்கள் ஆவா்.

தொழில்முனைவோருக்கான உதயம் வலைதளத்தில் பதிவு செய்துள்ளோரில் 18 சதவீதத்துக்கும் அதிகமானோா் பெண்கள். தொழில்முனைவு நிறுவனங்களைத் தொடங்க மூன்றாம் பாலினத்தவரும் ஊக்குவிக்கப்பட்டு வருகின்றனா். இத்தகைய சமூக ஒருங்கிணைப்பே உண்மையான சமூக நீதி.

பிரதமரின் வேலைவாய்ப்பு உறுதித் திட்டமானது கடந்த 2008 முதல் 2012 வரை முறையாகச் செயல்படுத்தப்படவில்லை. 2014-க்குப் பிறகு அத்திட்டம் மறுகட்டமைப்பு செய்யப்பட்டது. கடந்த 8 ஆண்டுகளில் அத்திட்டத்தின் கீழ் 40 லட்சத்துக்கும் அதிகமானோா் வேலைவாய்ப்பு பெற்றுள்ளனா்.

காதி விற்பனை அதிகரிப்பு:

காதி, கிராம தொழில் நிறுவனங்களின் விற்றுமுதல் முதல் முறையாக ரூ.1 லட்சம் கோடியைக் கடந்துள்ளது. கிராமப்புறத்தில் உள்ள தொழில்முனைவோா் சிறப்பாகச் செயல்படுவதன் காரணமாகவே இது சாத்தியமானது. காதி விற்பனையானது கடந்த 8 ஆண்டுகளில் 4 மடங்கு அதிகரித்துள்ளது.

தொழில்முனைவுத் துறையின் முன்னேற்றமானது தற்சாா்பு இலக்கை அடைவதற்கு இந்தியாவை அழைத்துச் செல்லும். திறன்மிக்க தொழில்முனைவோா் அந்த இலக்கை அடைய முக்கியப் பங்களிப்பா் என நம்புகிறேன் என்றாா் பிரதமா் மோடி.

 



Read in source website

முக்கிய 8 உள்கட்டமைப்பு துறைகள் கடந்த மே மாதத்தில் 18.1 சதவீத வளா்ச்சியை பதிவு செய்துள்ளதாக மத்திய அரசு வியாழக்கிழமை வெளியிட்ட புள்ளிவிவரத்தில் தெரிவித்துள்ளதாவது:

இதுகுறித்து மேலும் கூறப்பட்டுள்ளதாவது:

நிலக்கரி, கச்சா எண்ணெய், இயற்கை எரிவாயு, சுத்திகரிப்பு பொருள்கள், உரம், உருக்கு, சிமெண்ட் மற்றும் மின்சாரம் ஆகிய 8 துறைகளின் உற்பத்தி கடந்த மே மாதத்தில் 18.1 சதவீத வளா்ச்சியை பதிவு செய்துள்ளது. நிகழாண்டு ஏப்ரலில் இந்த வளா்ச்சி விகிதம் 9.3 சதவீதமாக இருந்தது.

கடந்த மே மாதத்தில் நிலக்கரி, கச்சா எண்ணெய், சுத்திகரிப்பு பொருள்கள், உரம், சிமெண்ட் மற்றும் மின்சாரம் ஆகியவற்றின் வளரச்சி விகிதம் முறையே, 25.1 சதவீதம், 4.6 சதவீதம், 16.7 சதவீதம், 22.8 சதவீதம், 26.3 சதவீதம் மற்றும் 22 சதவீதம் என்ற அளவில் அதிகரித்திருந்தன.

இயற்கை எரிவாயு மற்றும் உருக்கு ஆகியவற்றின் உற்பத்தி வளா்ச்சி விகிதம் முறையே 7 சதவீதம் 15 சதவீதம் என்ற அளவில் குறைந்தன. 2021 மே மாதத்தில் இத்துறைகளின் வளா்ச்சி விகிதம் முறையே 20.1 சதவீதம் மற்றும் 55.2 சதவீதம் என்ற அளவில் காணப்பட்டன.

நிகழ் 2022-23 நிதியாண்டின் ஏப்ரல்-மே காலத்தில் இந்த 8 முக்கிய துறைகளின் உற்பத்தி 2021-22 ஏப்ரல்-மே காலகட்டத்தைக் காட்டிலும் 36.3 சதவீத்திலிருந்து 13.6 சதவீதமாக சரிவடைந்துள்ளதாக மத்திய அரசின் புள்ளிவிவரத்தில் தெரிவிக்கப்பட்டுள்ளது.



Read in source website

முப்படைகளில் மத்திய அரசு செயல்படுத்தியுள்ள அக்னிபத் திட்டத்துக்கு எதிராக ஆம் ஆத்மி கட்சி ஆட்சியில் உள்ள பஞ்சாப் சட்டப்பேரவையில் வியாழக்கிழமை தீா்மானம் நிறைவேற்றப்பட்டது.

மாநில முதல்வா் பகவந்த் மான் இந்தத் தீா்மானத்தைக் கொண்டு வந்தாா். அப்போது அவா் பேசுகையில், ‘அக்னிபத் திட்டம் தொடா்பாக விரைவில் பிரதமா் நரேந்திர மோடி, உள்துறை அமைச்சா் அமித் ஷா ஆகியோருடன் பேச இருக்கிறேன். ஏனெனில், இந்தத் திட்டம் நாட்டின் இளைஞா்களுக்கு எதிராக உள்ளது’ என்றாா்.

எதிா்க்கட்சித் தலைவரான காங்கிரஸின் பிரதாப் சிங் பாஜ்வாவும் அக்னிபத் திட்டத்துக்கு எதிரான கருத்துகளை முன்வைத்தாா். மற்றோரு எதிா்க்கட்சியான சிரோமணி அகாலி தளமும் அக்னிபத்துக்கு எதிரான தீா்மானத்தை ஆதரித்தது. பாஜகவைச் சோ்ந்த இரு எம்எல்ஏக்கள் இந்தத் தீா்மானத்துக்கு எதிா்ப்பு தெரிவித்து அவையில் இருந்து வெளிநடப்பு செய்தனா்.

அக்னிபத் திட்டத்தின்கீழ் 17.5 முதல் 21 வயதுக்கு உள்பட்ட இளைஞா்கள் நான்கு ஆண்டுகள் ஒப்பந்த அடிப்படையில் முப்படைகளில் சேரலாம். அதில் 25 சதவீதம் பேருக்கு பணி நிரந்தரம் செய்யப்படும். கரோனா பெருந்தொற்று பரவல் காரணமாகக் கடந்த இரு ஆண்டுகளாகப் பாதுகாப்புப் படைகளில் ஆள்சோ்ப்பு நடைபெறவில்லை. எனவே, இந்த ஆண்டு மட்டும் பயிற்சி வீரா்கள் சோ்ப்புக்கான அதிகபட்ச வயது வரம்பு தளா்த்தப்பட்டு 23-ஆக அதிகரிக்கப்பட்டுள்ளது.

முன்னதாக அக்னிபத் திட்டத்துக்கு எதிா்ப்பு தெரிவித்து நாடு முழுவதும் போராட்டங்கள் நடைபெற்றன. இதில் பிகாா், உத்தர பிரதேசம் உள்ளிட்ட சில மாநிலங்களில் ரயிலுக்கு தீ வைப்பது உள்ளிட்ட வன்முறைச் சம்பவங்களும் அரங்கேறின.



Read in source website

நடப்பு 2022-23-ஆம் நிதியாண்டின் இரண்டாவது நிதியாண்டில் மக்களின் வருங்கால வைப்புநிதி (பிபிஎஃப்) உள்ளிட்ட சிறுசேமிப்புத் திட்டங்களுக்கான வட்டி விகிதம் மாற்றமில்லாமல் நீடிக்கும் என மத்திய அரசு தெரிவித்துள்ளது.

நடப்பு நிதியாண்டுக்கான ஜூலை முதல் செப்டம்பா் வரையிலான இரண்டாவது காலாண்டில் சிறுசேமிப்புத் திட்டங்களுக்கான வட்டி விகிதம் தொடா்பான விவரங்களை மத்திய நிதியமைச்சகம் வியாழக்கிழமை வெளியிட்டது. முதலாவது காலாண்டின்போது வழங்கப்பட்ட வட்டியே இரண்டாவது காலாண்டிலும் வழங்கப்படும் என மத்திய அரசு தெரிவித்துள்ளது.

அதன்படி, பிபிஎஃப் திட்டத்துக்கான வட்டி விகிதம் 7.1 சதவீதமாகவும், தேசிய சேமிப்புத் திட்டத்துக்கான (என்எஸ்சி) வட்டி விகிதம் 6.8 சதவீதமாகவும் தொடா்கிறது. ஓராண்டு கால வைப்புத் தொகைக்கான வட்டி 5.5 சதவீதமாக வழங்கப்படும் என்றும், பெண் குழந்தைகளுக்கான சேமிப்புத் திட்டத்துக்கு 7.6 சதவீத வட்டி தொடா்ந்து வழங்கப்படும் என்றும் மத்திய அரசு தெரிவித்துள்ளது. மூத்த குடிமக்களுக்கான சேமிப்புத் திட்டத்துக்கு 7.4 சதவீதம் வட்டியும், வங்கி சேமிப்புக் கணக்குகளுக்கு ஆண்டுக்கு 4 சதவீதம் வட்டியும் வழங்கப்படவுள்ளது.

நாட்டில் பணவீக்கம் அதிகரித்துள்ள நிலையிலும், கடன்களுக்கான வட்டி விகிதம் உயா்த்தப்பட்டுள்ள சூழலிலும் சிறு சேமிப்புத் திட்டங்களுக்கான வட்டி விகிதத்தை மத்திய அரசு மாற்றாமல் உள்ளது. சிறுசேமிப்புத் திட்டங்களுக்கான வட்டி விகிதத்தை காலாண்டு அடிப்படையில் மத்திய அரசு நிா்ணயித்து வருகிறது. கடந்த 2020-21-ஆம் நிதியாண்டின் முதல் காலாண்டில் இருந்து வட்டி விகிதம் மாற்றப்படாமல் உள்ளது குறிப்பிடத்தக்கது.

 



Read in source website

மத்திய நிதியமைச்சா் நிா்மலா சீதாராமன் தலைமையில் சரக்கு-சேவை வரி (ஜிஎஸ்டி) கவுன்சிலின் 47-ஆவது கூட்டம் சண்டீகரில் நடந்தது. இரு நாள்கள் நடைபெற்ற அக்கூட்டத்தில் பல பொருள்கள் மீது விதிக்கப்பட்டு வந்த ஜிஎஸ்டி உயா்த்தப்பட்டது. சில பொருள்களுக்கு ஜிஎஸ்டி குறைக்கப்பட்டது. அதன் விவரங்கள்:

வரி உயா்வு

பொருள் பழைய ஜிஎஸ்டி புதிய ஜிஎஸ்டி

பொருள்கள்

அச்சு மை, எழுதுவதற்கான மை, வரைவதற்கான மை 12% 18%

வீட்டு உபயோகக் கத்திகள், பென்சில் கூா்மையாக்கி, கரண்டிகள் 12% 18%

பம்புகள், நீா்மூழ்கி பம்புகள் 12% 18%

வெட் கிரைண்டா், விதைகள் உள்ளிட்ட உணவு தானியங்களைத் தூய்மைக்கும் இயந்திரங்கள் 5% 18%

பால், முட்டை நிறுவனங்களின் இயந்திரங்கள் 12% 18%

எல்இடி விளக்குகள் 12% 18%

சூரிய எரிசக்தியில் இயங்கும் நீா் சூடேற்றி 5% 18%

தோல் பொருள்கள் 5% 12%

டெட்ராபேக் பாட்டில்கள் 12% 18%

வெட்டப்பட்ட வைரங்கள் 0.25% 1.5%

பெட்ரோலியம்/நிலக்கரி சுரங்க மீத்தேன் 5% 12%

மின்னணு கழிவுகள் 5% 18%

சேவைகள்

நிதி நிறுவன சேவைகள் 12% 18%

தோல் பதனிடுதல் சேவைகள் 5% 12%

தோல் பொருள்கள், காலணி உற்பத்தி 5% 12%

செங்கல் உற்பத்தி 5% 12%

சாலைகள், மேம்பாலங்கள், ரயில்வே, மெட்ரோ பணி ஒப்பந்த சேவைகள் 12% 18%

கட்டமைப்புத் திட்டங்களுக்கான மத்திய, மாநில அரசுகளின் ஒப்பந்தங்கள் 12% 18%

வரி குறைப்பு

பொருள் பழைய ஜிஎஸ்டி புதிய ஜிஎஸ்டி

பொருள்கள்

எலும்பியல் சிகிச்சை சாா்ந்த கருவிகள், செயற்கை உடலுறுப்புகள், உள்விழி லென்ஸ் 12% 5%

தாா் 5% 18%

ஃபிலேரியாசிஸ் மாத்திரைகள் 5% 0

சேவைகள்

ரோப்காா் சாா்ந்த சேவைகள் 18% 5%

வாடகை லாரி சேவைகள் 18% 12%

வரி விலக்கு ரத்து

பொருள்/சேவை பழைய ஜிஎஸ்டி புதிய ஜிஎஸ்டி

காசோலை 0 18%

வரைபடங்கள் 0 12%

தங்குமிட அறை வாடகை (நாளொன்றுக்கு ரூ.1,000 வரை) 0 12%

மருத்துவமனை அறை வாடகை (நாளொன்றுக்கு ரூ.5,000-க்கு அதிகம்) 0 5%

உயிரி-மருத்துவக் கழிவுகள் சுத்திகரிப்பு 0 12%



Read in source website

நாட்டின் மறைமுக வரி விதிப்பில் மிகப் பெரிய மாற்றமாக அறிமுகப்படுத்தப்பட்ட சரக்கு-சேவை வரி (ஜிஎஸ்டி) 5 ஆண்டுகளை நிறைவுசெய்து 6-ஆவது ஆண்டில் அடியெடுத்துவைத்துள்ளது.

மத்திய, மாநில அரசுகளால் விதிக்கப்பட்டு வந்த கலால் வரி, சேவை வரி, மதிப்பு கூட்டு வரி (வாட்) உள்ளிட்ட 17 மறைமுக வரிகளை ஒருங்கிணைத்து சரக்கு-சேவை வரி திட்டத்தை மத்திய அரசு 2017-ஆம் ஆண்டு ஜூலை 1-ஆம் தேதி அறிமுகப்படுத்தியது. புதிய விதிகளின்படி, பொருள்களுக்கும் சேவைகளுக்கும் 5%, 12%, 18%, 28% என 4 விகிதங்களில் ஜிஎஸ்டி விதிக்கப்படுகிறது. அத்தியாவசியப் பொருள்கள் உள்ளிட்ட பலவற்றுக்கு வரி விதிப்பில் இருந்து விலக்களிக்கப்பட்டுள்ளது. தங்கம், வைரம் உள்ளிட்ட ஆபரணங்களுக்கு 3%, 1.5% என சிறப்பு வரிகள் விதிக்கப்படுகின்றன. இவை மட்டுமின்றி 28 சதவீத வரி விதிக்கப்படும் ஆடம்பரப் பொருள்கள் மீது கூடுதலாக செஸ் வரி விதிக்கப்படுகிறது.

ஜிஎஸ்டி காரணமாகப் பல்வேறு பொருள்களின் விலை குறைந்தது. ஜிஎஸ்டி அறிமுகத்துக்கு முன் மத்திய, மாநில அரசுகள் விதிக்கும் மறைமுக வரி சராசரியாக 31 சதவீதம் வரை இருந்தது. ஜிஎஸ்டி அமலாக்கத்தால் வரி பெருமளவில் குறைந்தது. ஆனால், அதன் பலன்கள் மக்களுக்குக் கிடைக்காத வகையில் பல நிறுவனங்கள் பொருள்களைப் பழைய விலைக்கே விற்கும் நோக்கில், அவற்றின் மீதான அடிப்படை விலையை உயா்த்தின. அதன் காரணமாக ஜிஎஸ்டி அமலாக்கம் மக்களை விட நிறுவனங்களுக்கு அதிக பலனைத் தந்ததாகப் பொருளாதார நிபுணா்கள் கூறுகின்றனா்.

எதிா்ப்பும் ஒப்புதலும்

ஆரம்பத்தில் ஜிஎஸ்டி வாயிலான வருவாய் மிகவும் குறைவாகவே இருந்தது. ஜிஎஸ்டி முறையானது படிப்படியாகவே பலனளிக்கும் என அரசு விளக்கமளித்தது. திட்டம் அமல்படுத்தப்பட்ட சுமாா் 9 மாதங்களுக்குப் பிறகே ஜிஎஸ்டி வருவாய் முதல் முறையாக ரூ.1 லட்சம் கோடியைக் கடந்தது.

அதே வேளையில், ஜிஎஸ்டி அறிமுகத்துக்குப் பல மாநிலங்கள் எதிா்ப்பு தெரிவித்தன. இதன் மூலமாக, மறைமுக வரி விதிக்கும் மாநில அரசுகளின் அதிகாரத்தை மத்திய அரசு பறிக்க முயற்சிப்பதாக அவை குற்றஞ்சாட்டின. மேலும் ஜிஎஸ்டி நடைமுறைப்படுத்தப்பட்டால் மாநிலங்களுக்கான வரி வருவாய் பெருமளவில் குறைந்துவிடும் எனவும் அவை புகாா் தெரிவித்தன.

மாநிலங்களை சமாதானப்படுத்தும் வகையில், வருவாய் இழப்பை ஈடுசெய்வதற்காக 5 ஆண்டுகளுக்கு இழப்பீடு வழங்கப்படும் என மத்திய அரசு அறிவித்தது. அதை மாநிலங்கள் ஏற்றுக்கொண்டன. ஆடம்பரப் பொருள்கள் மீது விதிக்கப்படும் செஸ் வரியை மாநிலங்களுக்கு இழப்பீடு வழங்குவதற்காக மத்திய அரசு பயன்படுத்திக் கொண்டது.

கரோனாவின் தாக்கமும் மீட்சியும்

ஜிஎஸ்டி வாயிலான மாதாந்திர வருவாய் அதிகரிக்கத் தொடங்கியபோது, நாட்டில் கரோனா தொற்று பரவியது. அதையடுத்து அமல்படுத்தப்பட்ட பொது முடக்கம், நாட்டின் பொருளாதாரத்தைப் பெரிய அளவில் பாதித்தது. அது ஜிஎஸ்டி வருவாயிலும் கடும் தாக்கத்தை ஏற்படுத்தியது.

சுமாா் ஓராண்டுக்கு வருவாய் குறைவாகவே இருந்தநிலையில், 2021 மத்தியில் இருந்து நாட்டின் பொருளாதாரம் மீண்டும் மீளத் தொடங்கியது. இது ஜிஎஸ்டி வருவாயிலும் எதிரொலித்தது. மாதாந்திர ஜிஎஸ்டி வருவாய் தொடா்ந்து ரூ. 1 லட்சம் கோடியைக் கடந்த நிலையில், அதிகபட்சமாகக் கடந்த ஏப்ரலில் ரூ.1.68 லட்சம் கோடியை எட்டியது. தற்போதைய நிலையில், மாதாந்திர ஜிஎஸ்டி வருவாய் சராசரியாக ரூ.1.4 லட்சம் கோடியாக இருந்து வருகிறது.

தொழில்நுட்ப சேவைகள்

தொழில் நிறுவனங்களும் தனி நபா்களும் ஜிஎஸ்டி செலுத்துவதை எளிமைப்படுத்துவதற்கான நடவடிக்கைகளை மத்திய அரசு தொடா்ந்து மேற்கொண்டு வருகிறது. வரி ஏய்ப்பு நடவடிக்கைகளில் ஈடுபடுவோரைத் தடுக்கவும் மத்திய அரசு உரிய நடவடிக்கைகளை எடுத்து வருகிறது.

பெட்ரோல், டீசல் விலக்கு

பெட்ரோல், டீசல், விமான எரிபொருள் ஆகியவற்றை ஜிஎஸ்டி வரம்புக்குள் கொண்டுவருவதற்கான முயற்சிகளுக்குத் தொடா்ந்து முட்டுக்கட்டை நிலவி வருகிறது. அவற்றை ஜிஎஸ்டி வரம்புக்குள் கொண்டுவந்தால், தங்களுக்கான வருவாய் மேலும் குறையும் எனப் பல மாநில அரசுகள் எதிா்ப்பு தெரிவித்து வருகின்றன.

ஜிஎஸ்டி இழப்பீடு வழங்கும் நடைமுறை நிறைவடைந்துள்ள நிலையில், அதை மேலும் 5 ஆண்டுகளுக்கு நீட்டிக்க வேண்டுமெனப் பல மாநிலங்கள் கோரி வருகின்றன. அதே வேளையில், எரிபொருள்களையும் ஜிஎஸ்டி வரம்புக்குள் கொண்டுவந்து, வரி வசூல் நடைமுறைகளை மேலும் எளிமைப்படுத்தினால் வருவாய் கூடுதலாக அதிகரித்து நாட்டின் முன்னேற்றத்துக்கு உதவும் எனப் பொருளாதார நிபுணா்கள் தெரிவிக்கின்றனா்.



Read in source website

ஜூலை 1 முதல் 10-ஆம் தேதி வரை பாரத ஸ்டேட் வங்கியின் குறிப்பிடப்பட்ட கிளைகளில் தோ்தல் பத்திரங்கள் விற்பனை செய்ய மத்திய அரசு ஒப்புதல் அளித்துள்ளது.

தோ்தல் பத்திர விற்பனைத் திட்டத்தை மத்திய அரசு கடந்த 2018-இல் வெளியிட்டது. மக்கள் பிரதிநிதித்துவ சட்டப்படி, பதிவு செய்யப்பட்ட அரசியல் கட்சிகள் மட்டுமே தோ்தல் பத்திரங்களைப் பெற முடியும்.

இந்தக் கட்சிகள் சட்டப் பேரவை அல்லது நாடாளுமன்றத் தோ்தலில் ஒரு சதவீதத்துக்கும் அதிகமான வாக்குகளை பெற்றிருக்க வேண்டும். சட்டப் பேரவை அல்லது நாடாளுமன்றத் தோ்தலில் ஒரு சதவீதத்துக்கும் அதிகமான வாக்குகளை பெற்ற கட்சிகள் மட்டுமே தோ்தல் பத்திரங்களை வாங்குவதற்கு தகுதியுடையவை. தகுதியான அரசியல் கட்சிகள், அங்கீகரிக்கப்பட்ட வங்கிகளில் வைத்துள்ள வங்கிக் கணக்குகள் மூலமே தோ்தல் பத்திரங்களைப் பணமாக மாற்ற இயலும்.

பாரத ஸ்டேட் வங்கி, அதன் 29 கிளைகள் மூலம் தோ்தல் பத்திரங்களை விற்பதற்கும், பணமாக்குவதற்கும் அங்கீகாரம் வழங்கப்பட்டுள்ளது.



Read in source website

இந்தியப் பொருளாதாரம் சிறப்பான மீட்சிப் பாதையில் பயணித்து வருவதாக ரிசா்வ் வங்கி வியாழக்கிழமை தெரிவித்தது.

ரிசா்வ் வங்கியின் 25-ஆவது நிதி ஸ்திரத்தன்மை அறிக்கையில் (எஃப்எஸ்ஆா்) கூறப்பட்டுள்ளதாவது:

உலகளவில் எழுந்துள்ள பல்வேறு சவால்களுக்கு இடையிலும் இந்தியப் பொருளாதாரம் சிறப்பான மீட்சிப் பாதையில் முன்னேறி வருகிறது. பணவீக்கம், உக்ரைன்-ரஷிய போரால் எழுந்துள்ள பதற்றமான சூழல் ஆகியவற்றுக்கிடையிலும் இது சாத்தியமாகியுள்ளது. நிலைமை உன்னிப்பாக கவனிக்கப்பட்டு வருகிறது.

மேலும், இந்திய வங்கிகள் மற்றும் வங்கி சாரா நிதி நிறுவனங்கள் எந்தவிதமான அதிா்வுகளையும் தாங்கும் வகையில் போதுமான மூலதன கையிருப்பை கொண்டுள்ளன.

வங்கிகள் வழங்கிய கடனில் வாராக் கடன் அளவு அடுத்த ஆண்டு மாா்ச் இறுதிக்குள் மேலும் சரிவடைந்து 5.3 சதவீதமாக இருக்கும் என்று அந்த அறிக்கையில் தெரிவிக்கப்பட்டுள்ளது.

கிரிப்டோகரன்சி: கிரிப்டோகரன்சி மிகவும் ஆபத்தானது என்பது தெளிவாகியுள்ளது. எந்தவொரு அடிப்படையும் இல்லாமல், நம்பிக்கை மற்றும் ஊகத்தை மட்டுமே மதிப்பாக வைத்து உருவாக்கப்படும் எதுவும் ஆபத்தை விளைவிப்பதாகவே இருக்கும் என ரிசா்வ் வங்கியின் ஆளுநா் சக்திகாந்த தாஸ் வியாழக்கிழமை தெரிவித்தாா்.



Read in source website

 

இங்கிலாந்துக்கு எதிரான 5-வது டெஸ்டுக்கு இந்திய அணியின் கேப்டனாக வேகப்பந்து வீச்சாளர் பும்ரா நியமிக்கப்பட்டுள்ளார். 

இதையடுத்து கடந்த ஜூலை முதல் இந்திய அணிக்குத் தலைமை தாங்கும் 8-வது கேப்டன் ஆகிறார் பும்ரா.

ஜூலை 2021 முதல் ஷிகர் தவன், விராட் கோலி, ரோஹித் சர்மா, ரஹானே, கே.எல். ராகுல், ரிஷப் பந்த், பாண்டியா, பும்ரா ஆகியோர் இந்திய அணியின் கேப்டனாகச் செயல்பட்டுள்ளார்கள்.

விராட் கோலி கேப்டன் பதவியிலிருந்து விலகியதையடுத்து இந்திய அணியில் கேப்டன்களின் எண்ணிக்கை மேலும் அதிகமாகியிருக்கிறது. ராகுல் டிராவிட் இந்திய அணியின் பயிற்சியாளராக நியமிக்கப்பட்ட பிறகு இந்தியாவின் 8-வது கேப்டனாக உள்ளார் பும்ரா.

கேப்டன்களின் எண்ணிக்கை அதிகமாகக் காரணம்?

கோலிக்கு அடுத்ததாக இந்திய டெஸ்ட், ஒருநாள், டி20 அணிகளின் கேப்டனாக ரோஹித் சர்மா நியமிக்கப்பட்டார். எனினும் ஓய்வு, காயம், கரோனா எனப் பல்வேறு காரணங்களால் ரோஹித் சர்மாவால் சில தொடர்களில் இடம்பெற முடியவில்லை. இதன் காரணமாக ஒவ்வொரு முறையும் புதிய கேப்டன்களை நியமிக்க வேண்டிய கட்டாயம் பிசிசிஐக்கு ஏற்பட்டுள்ளது. 

ஜூலை 2021 முதல் இந்திய அணியின் கேப்டன்கள்

ஷிகர் தவன் - 3 ஒருநாள், 3 டி20
விராட் கோலி - 7 டெஸ்டுகள், 5 டி20
ரோஹித் சர்மா - 2 டெஸ்டுகள், 3 ஒருநாள், 9 டி20
ரஹானே - 1 டெஸ்ட்
கே.எல். ராகுல் -  1 டெஸ்ட், 3 ஒருநாள்
ரிஷப் பந்த் - 5 டி20
பாண்டியா - 2 டி20
பும்ரா - 1 டெஸ்ட்



Read in source website

 

இங்கிலாந்து வெள்ளைப் பந்து அணிகளின் கேப்டனாகப் பிரபல வீரர் ஜாஸ் பட்லர் நியமிக்கப்பட்டுள்ளார்.

2019 உலகக் கோப்பைப் போட்டியில் இங்கிலாந்து அணிக்குத் தலைமை தாங்கி கோப்பையை வென்ற இயன் மார்கன் சர்வதேச கிரிக்கெட்டிலிருந்து ஓய்வு பெறுவதாகச் சமீபத்தில் அறிவித்தார். இதையடுத்து இங்கிலாந்து அணிக்குப் புதிய கேப்டன் நியமிக்கப்பட்டுள்ளார்.

பிரபல பேட்டரான ஜாஸ் பட்லர், இங்கிலாந்து ஒருநாள், டி20 அணிகளின் கேப்டனாக அறிவிக்கப்பட்டுள்ளார். இதற்கு முன்பு இங்கிலாந்து அணிக்காக 9 ஒருநாள், 5 டி20 ஆட்டங்களில் அவர் கேப்டனாகச் செயல்பட்டுள்ளார். கேப்டனாக அறிவிக்கப்பட்ட பட்லர், இந்தியாவுக்கு எதிரான டி20 தொடரில் தனது புதிய பயணத்தைத் தொடங்கவுள்ளார். சமீபத்தில் இங்கிலாந்து வெள்ளைப் பந்து அணிகளின் பயிற்சியாளராக முன்னாள் வீரர் மேத்யூ மாட் நியமிக்கப்பட்டார். எனவே இங்கிலாந்து அணி டெஸ்ட், வெள்ளைப் பந்து என அனைத்து வகை கிரிக்கெட் போட்டிகளிலும் புதிய கூட்டணியுடன் பயணிக்கவுள்ளது. 



Read in source website

ஒலிம்பிக்கில் தங்கப்பதக்கம் வென்ற நீரஜ் சோப்ரா ஈட்டி எறிதலில் புதிய தேசிய சாதனை படைத்துள்ளார். 

சுவீடன் நாட்டின் ஸ்டாக்ஹோமில் நடைபெற்ற டைமண்ட் லீக் தொடரில் ஈட்டி எறிதலில் இந்தியாவின் நீரஜ் சோப்ரா வெள்ளிப்பதக்கம் வென்றார். 

இன்றைய போட்டியில் 89.94 மீட்டர் தூரம் ஈட்டி எறிந்து தனது முந்தைய தேசிய சாதனையை அவர் முறியடித்தார். 

முன்னதாக அவர் 89.30 மீட்டர் தூரம் ஈட்டி எறிந்ததே சாதனையாக இருந்த நிலையில் இன்று தன்னுடைய சாதனையையே அவர் முறியடித்து புதிய தேசிய சாதனை படைத்துள்ளார். 



Read in source website

இந்தியா - இங்கிலாந்து அணிகள் இடையேயான டெஸ்ட் தொடரின் 5-ஆவது மற்றும் கடைசி ஆட்டம் பிா்மிங்ஹாமில் வெள்ளிக்கிழமை தொடங்குகிறது.

கடந்த ஆண்டு ஜூலை - செப்டம்பரில் இங்கிலாந்து பயணம் மேற்கொண்ட இந்திய அணி 5 ஆட்டங்கள் கொண்ட டெஸ்ட் தொடரில் விளையாடியது. இதில் 4 ஆட்டங்களின் முடிவில் இந்தியா 2-1 என முன்னிலை பெற்றிருந்தபோது, அணியில் பலருக்கு கரோனா பாதிப்பு ஏற்பட்டதை அடுத்து 5-ஆவது ஆட்டம் ஒத்திவைக்கப்பட்டது.

பின்னா் நடப்பு ஜூலை - ஆகஸ்டில் வெள்ளைப் பந்து தொடா்களுக்காக இந்திய அணி மீண்டும் இங்கிலாந்து வரும்போது அந்த கடைசி டெஸ்டை நடத்துவதென முடிவு செய்யப்பட்டதன் அடிப்படையில், தற்போது இந்த 5-ஆவது டெஸ்ட் விளையாடப்படுகிறது. இந்த ஆட்டத்துக்கு வரும் இந்திய அணிக்கு இருக்கும் சவால், இங்கிலாந்துக்கு இருக்கும் சாதகம் என்ன? பாா்க்கலாம்.

தற்போதைய நிலை:

5 ஆட்டங்கள் கொண்ட தொடரில் தற்போது முன்னிலையில் இருக்கும் இந்தியா, இந்த ஆட்டத்தை டிரா செய்தாலே சாம்பியனாகலாம். ஆனால் இங்கிலாந்து அணி, இதில் வென்றால் மட்டுமே தொடரை சமனாவது செய்ய இயலும்.

இந்தியா:

தொடரில் முன்னிலையில் இருப்பது இந்திய அணிக்கான ஒரே பலம். முதல் 4 ஆட்டங்களில் இந்தியாவை சிறப்பாக வழி நடத்திய விராட் கோலிக்குப் பதிலாக, தற்போது ரோஹித் சா்மா கேப்டனாகியிருக்கிறாா்.

ஆனால், கரோனா பாதிப்பு காரணமாக அவா் இந்த ஆட்டத்திலிருந்து விலகியிருக்கிறாா். துணை கேப்டனாக இருந்த கே.எல்.ராகுல் உடல்நலக் குறைவுக்காக அறுவைச் சிகிச்சை செய்துகொண்டு ஓய்வில் இருப்பதால், ஜஸ்பிரீத் பும்ரா கேப்டனாக்கப்பட்டிருக்கிறாா். இது அவருக்கு முக்கியமான சோதனைக் களம்.

இன்னிங்ஸில் அசத்தலான தொடக்கத்தை அளிக்கும் ரோஹித் - ராகுல் கூட்டணி இல்லாதது சற்று பின்னடைவு. கோலி பயிற்சி ஆட்டத்தில் ஃபாா்மில் இருந்தது, சமீபத்திய கவுன்டி கிரிக்கெட்டில் சேதேஷ்வா் புஜாரா ரன்கள் குவித்தது ஆகியவற்றை பலமாகக் குறிப்பிடலாம். ஹனுமா விஹாரிக்கு நல்லதொரு பாா்ட்னா்ஷிப் அமைந்தால் அவா் தடுப்பாட்டத்தில் அணை கட்டுவாா். பௌலிங் ஆல்-ரவுண்டா் இடத்துக்கு ஷா்துல் தாக்குா், ரவிச்சந்திரன் அஸ்வின் பரிசீலிக்கப்படுவாா்கள்.

இங்கிலாந்து:

சமீபத்தில் தனது சொந்த மண்ணில் நியூஸிலாந்துடனான டெஸ்ட் தொடரை 3-0 என முழுமையாகக் கைப்பற்றி வெற்றிகரமான அணியாக இந்தியாவை சந்திக்க வருகிறது இங்கிலாந்து. புதிய பயிற்சியாளரான பிரெண்டன் மெக்கல்லம் வழிகாட்டுதலிலும், புதிய கேப்டனான பென் ஸ்டோக்ஸ் தலைமையிலும் இங்கிலாந்து தன்னை மேம்படுத்திக் கொண்டுள்ளது என்பதில் சந்தேகம் இல்லை.

எதிரணி பௌலிங்கை இங்கிலாந்து பேட்டா்கள் சிதறடிக்க, அதன் பௌலா்களோ எதிரணி பேட்டா்களை வரிசையாகச் சரிக்கின்றனா். கேப்டன்சியிலிருந்து விலகிய பிறகு ஜோ ரூட் தனது பழைய ஃபாா்மை எட்டி சிறப்பாக ஆடி வருகிறாா். ஜானி போ்ஸ்டோவும் ரன்களை விளாசித் தள்ளுகிறாா்.

நியூஸிலாந்து தொடரில் ஜேக் லீச் 2 முறை 5 விக்கெட் சாய்த்து அசத்தியிருக்கிறாா். வேகப்பந்துவீச்சில் ஜேம்ஸ் ஆண்டா்சன், ஸ்டூவா்ட் பிராட் சற்று தடுமாற்றத்தை சந்திக்கின்றனா். என்றாலும் ஜேம்ஸ் ஆண்டா்சன் தனது ஃபாா்மை எட்டுவதற்கான முயற்சியில் இருக்கிறாா்.

ஆடுகளம்:

ஆட்டம் நடைபெறும் எட்ஜ்பாஸ்டன் மைதானத்தின் ஆடுகளம் பேட்டிங்கிற்கு சாதகமானதாக இருக்கிறது. ‘ஃப்ளாட்’-ஆக இருப்பதால் வேகப்பந்துவீச்சில் ஸ்விங்கிற்கு சற்று உதவும். 4-ஆவது இன்னிங்ஸுக்கு ஆடுகளம் பேட்டிங்கிற்கு சாதகமாக இருக்காது என்பதால், டாஸ் வெல்லும் அணி முதலில் பேட்டிங் செய்ய முனையும்.

அணி விவரம்:

இந்தியா: ஜஸ்பிரீத் பும்ரா (கேப்டன்), ஷுப்மன் கில், சேதேஷ்வா் புஜாரா, ஹனுமா விஹாரி, விராட் கோலி, ஷ்ரேயஸ் ஐயா், ரிஷப் பந்த், ரவீந்திர ஜடேஜா, முகமது ஷமி, முகமது சிராஜ், ஷா்துல் தாக்குா், ரவிச்சந்திரன் அஸ்வின், பிரசித் கிருஷ்ணா, ஸ்ரீகா் பரத், மயங்க் அகா்வால், உமேஷ் யாதவ்.

இங்கிலாந்து (பிளேயிங் லெவன்): பென் ஸ்டோக்ஸ் (கேப்டன்), அலெக்ஸ் லீஸ், ஜாக் கிராவ்லி, ஆலி போப், ஜோ ரூட், ஜானி போ்ஸ்டோ, சாம் பில்லிங்ஸ், மேத்யூ பாட்ஸ், ஸ்டூவா்ட் பிராட், ஜேக் லீச், ஜேம்ஸ் ஆண்டா்சன்.

ஆட்டநேரம்: மாலை 3 மணி

இடம்: எட்ஜ்பாஸ்டன் மைதானம், பிா்மிங்ஹாம்

நேரடி ஒளிபரப்பு: ஸ்டாா் ஸ்போா்ட்ஸ்



Read in source website

சென்னையில் முதல் முறையாக, வரும் செப்டம்பா் 12 முதல் 18-ஆம் தேதி வரை ‘சென்னை ஓபன்’ மகளிா் டென்னிஸ் போட்டி நடைபெறவுள்ளது.

தமிழக அரசு, தமிழ்நாடு டென்னிஸ் சங்கம் ஆகியவை இணைந்து நடத்தும் இப்போட்டி, நுங்கம்பாக்கம் எஸ்டிஏடி டென்னிஸ் மைதானத்தில் விளையாடப்படவுள்ளது. உலகத் தரவரிசையில் முதல் 100 இடங்களுக்குள்ளாக இருக்கும் வீராங்கனைகள் இப்போட்டியில் பங்கேற்கலாம் என எதிா்பாா்க்கப்படுகிறது.

போட்டியில் சாம்பியனுக்கு ரூ.26.23 லட்சம் ரொக்கப் பரிசு வழங்கப்படவுள்ளது. இதர நிலைகளுக்கும் சோ்த்து மொத்தமாக ரூ.2 கோடிக்கு ரொக்கப் பரிசு வழங்கப்படவுள்ளது. கோப்பை வெல்வோருக்கு 280 ரேங்கிங் புள்ளிகளும் கிடைக்கும். போட்டியில் 32 ஒற்றையா் பிரிவு பிரதான ஆட்டங்களும், 16 இரட்டையா் பிரிவு பிரதான ஆட்டங்களும் நடைபெறும்.

போட்டி அறிவிப்பு தொடா்பாக சென்னையில் வியாழக்கிழமை நடைபெற்ற நிகழ்ச்சியில், தமிழக இளைஞா் நலன் மற்றும் விளையாட்டுத் துறை அமைச்சா் சிவ. வீ. மெய்யநாதன், துறை முதன்மைச் செயலா் அபூா்வா, தமிழ்நாடு டென்னிஸ் சங்கத் தலைவா் விஜய் அமிா்தராஜ், செயலா் பிரேம்குமாா் கரா ஆகியோா் பங்கேற்றனா்.



Read in source website

உலக அதிசயங்களில் ஒன்றான மச்சு பிச்சு காட்டுத் தீயினால் பாதிக்கப்படும் அபாயகரமான சூழலில் உள்ளது.

மச்சு பிச்சு 500 ஆண்டுகள் பழமையான கற்களால் ஆன ஒரு வரலாற்று சிறப்புமிக்க இடமாகும். இந்த வரலாற்று சிறப்புமிக்க இடம் ஆண்டிஸ் மலைத்தொடரின் உச்சியில் அமைந்துள்ளது. இந்த மச்சு பிச்சு நகரத்திற்கு அருகில் கடுமையான காட்டுத் தீ ஏற்பட்டுள்ளது. 

இந்த காட்டுத் தீயானது கடந்த செவ்வாய்க் கிழமை அன்று விவசாயிகள் சிலர் தேவையற்ற பொருட்களை கொளுத்தியபோது ஏற்பட்டதாக கூறப்படுகிறது. இதுவரை இந்த காட்டுத் தீயினால் 49 ஏக்கர் நிலங்கள் எரிந்து நாசமாகியுள்ளன.

இந்நிலையில், இந்த காட்டுத் தீயானது 500 ஆண்டுகள் பழமையான மச்சு பிச்சு நகரை நோக்கி வேகமாகப் பரவி வருகிறது. தீயினை அணைக்கும் பணியில் பெரு நாட்டினைச் சேர்ந்த தீயணைப்பு வீரர்கள் ஈடுபட்டுள்ளனர். தீ வேகமாகப் பரவுவதால் அதனைக் கட்டுப்படுத்துவது சவாலான காரியமாக உள்ளது.

இது குறித்து பேசிய தீயணைப்புப் படை அதிகாரி கூறியதாவது: “ நாங்கள் கடந்த 2 நாட்களாக இந்த காட்டுத் தீயினை அணைக்கும் பணியில் ஈடுபட்டுள்ளோம். இருப்பினும், தீயினை கட்டுக்குள் கொண்டுவர முடியவில்லை. சில இடங்களில் தீயணைப்பு வீரர்கள் சென்று தீயினை அணைப்பது சவாலாக உள்ளது” என்றார்.



Read in source website


புது தில்லி: இந்தியா - பாகிஸ்தான் தூதர்கள் மூலமாக, தத்தமது சிறைகளில் வாடும் சிறைக்கைதிகள் மற்றும் மீனவர்களின் பட்டியலை பரிமாறிக் கொள்ளப்பட்டுள்ளது.

இந்தியா, பாகிஸ்தானிடம் அளித்திருக்கும் சிறைக்கைதிகளின் பட்டியலில் இந்தியாவில் உள்ள சிறைகளில் 309 பாகிஸ்தான் கைதிகள் மற்றும் 95 மீனவர்கள் இருப்பதாகத் தெரிவிக்கப்பட்டுள்ளது. அதுபோல, பாகிஸ்தான் அளித்திருக்கும் பட்டியலில், இந்தியர்கள் அல்லது இந்தியர்கள் என்று கருதும் 49 பொதுமக்களும், 633 மீனவர்களும் பாகிஸ்தான் சிறைகளில் அடைக்கப்பட்டிருப்பதாகத் தெரிவிக்கப்பட்டுள்ளது.

இருநாட்டு தூதரகங்களுக்கு இடையே 2008ஆம் ஆண்டு மேற்கொள்ளப்பட்ட ஒப்பந்தத்தின் அடிப்படையில் ஒவ்வொரு ஆண்டும் ஜனவரி 1 மற்றும் ஜூலை 1ஆம் தேதிகளில், இரு நாடுகளும், தங்களது சிறைகளிலிருக்கும் அண்டை நாட்டு கைதிகளின் பட்டியலை பரிமாறிக் கொள்வது வழக்கம்.

இதற்கிடையே, பாகிஸ்தான் சிறையிலிருக்கும் இந்தியர்களை விடுதலை செய்து உடனடியாக நாட்டுக்கு திருப்பி அனுப்பிவைக்குமாறு இந்தியா தரப்பில் பாகிஸ்தானுக்கு வலியுறுத்தப்பட்டிருந்தது. மேலும், இந்திய மீனவர்கள் 536 பேர் மற்றும் பொதுமக்கள் 3 பேரை, முன்கூட்டியே விடுதலை செய்து நாட்டுக்கு திருப்பி அனுப்ப பாகிஸ்தானிடம் வலியுறுத்தப்பட்டிருந்த நிலையில் இந்த பட்டியல் பரிமாற்றம் நடைபெற்றுள்ளது.
 



Read in source website

 

போரால் பாதிக்கப்பட்டுள்ள உக்ரைனுக்கு மேலும் ஆயுத உதவிகளை வழங்க உள்ளதாக அமெரிக்க அதிபர் ஜோ பைடன் தெரிவித்துள்ளார்.

ரஷிய அதிபர் புதினின் உத்தரவை தொடர்ந்து உக்ரைன் நாட்டின் மீது ரஷிய படைகள் தொடர் தாக்குதலை நடத்தி வருகின்றனர். 127 நாள்களைக் கடந்து தொடரும் இந்தப் போரில் ராணுவ வீரர்கள், பொதுமக்கள் என ஆயிரக்கணக்கானோர் பலியாகியுள்ளனர்.

உக்ரைனின் பல்வேறு முக்கிய நகரங்களை கைப்பற்றியுள்ள ரஷியப் படைகள் தலைநகர் கீவ்வை நோக்கி முன்னேறி வருகின்றனர்.

குறிப்பாக, கிழக்கு உக்ரைனில் முக்கியத்துவம் வாய்ந்த செவெரோடொனட்ஸ்க் நகரை ரஷிய படை முழுமையாகக் கைப்பற்றிய நிலையில், அருகில் உள்ள லிசிசான்ஸ்க் நகரிலும் தரைவழி மற்றும் வான்வழியாக குண்டுமழை பொழிந்து வருவதுடன் லுஹான்ஸ்க் மாகாணத்தில் உக்ரைன் ராணுவத்தின் வசமிருந்த கடைசி பெரிய நகரான செவெரோடொனட்ஸ்க் ரஷியாவிடம் ஞாயிற்றுக்கிழமை முழுமையாக வீழ்ந்தது. அதன் அருகேயுள்ள லிசிசான்ஸ்க் நகரிலும் நுழைந்த ரஷிய படையினா், திங்கள்கிழமை அந்த நகரத்தின் மீது கடுமையான தாக்குதல்களை நடத்தியுள்ளனர்.

இதனைத் தொடர்ந்து கருங்கடலில் உக்ரைனுக்குச் சொந்தமான ஸ்னேக் தீவை ஆக்கிரமித்திருந்த ரஷியப் படையின், அங்கிருந்து வெளியேறினா்.

இந்நிலையில், ரஷியாவைச் சமாளிக்க உக்ரைனுக்கு 1 பில்லியன் பவுண்டுகள்(ரூ.9,500 கோடி) ராணுவ உதவி வழங்க முடிவு செய்துள்ளதாக நேட்டோ தலைவர்கள் மாநாட்டில் பிரிட்டன் பிரதமர் போரிஸ் ஜான்சன் நேற்று வியாழக்கிழமை கூறியதைத்  தொடர்ந்து  அமெரிக்க அதிபர் ஜோ பைடன் உக்ரைனுக்கு ஆயுத உதவிக்காக 800 மில்லியன் டாலர்(ரூ.6,300 கோடி) வழங்க உள்ளதாக தெரிவித்துள்ளார். 

போர் துவங்கியதிலிருந்து உக்ரைனுக்கு அமெரிக்க அதிக உதவிகளைச் செய்து வருவது குறிப்பிடத்தக்கது.



Read in source website

வரும் 2023-ஆம் ஆண்டுக்கான ஜி20 மாநாட்டை ஜம்மு-காஷ்மீரில் நடத்துவதற்கு பாகிஸ்தானை தொடா்ந்து சீனாவும் எதிா்ப்பு தெரிவித்துள்ளது.

உலகின் மிகப்பெரும் பொருளாதார சக்திகளாக விளங்கும் அமெரிக்கா, பிரிட்டன், இந்தியா, சீனா உள்ளிட்ட 20 நாடுகள் அங்கம் வகிக்கும் ஜி20 அமைப்பின் அடுத்த ஆண்டுக்கான (2023) மாநாட்டை ஜம்மு-காஷ்மீரில் நடத்த மத்திய அரசு முடிவு செய்தது. இதற்காக 5 போ் கொண்ட நிா்வாகக் குழும் ஏற்படுத்தப்பட்டது.

ஜம்மு-காஷ்மீருக்கு சிறப்பு அந்தஸ்து வழங்க வழிவகை செய்த அரசியலமைப்புச் சட்டத்தின் 370-ஆவது ஷரத்து நீக்கப்பட்ட பின்னா் அங்கு நடைபெறவுள்ள முதல் சா்வதேச மாநாடு இதுவேயாகும்.

இந்நிலையில், ஜம்மு-காஷ்மீா் விவகாரத்தில் ஏற்கெனவே இந்தியா-பாகிஸ்தான் இடையே பிரச்னை நிலவுவதால், ஜி20 மாநாட்டை ஜம்மு-காஷ்மீரில் நடத்த பாகிஸ்தான் எதிா்ப்பு தெரிவித்தது. இதைத்தொடா்ந்து சீனாவும் இந்தியாவுக்கு எதிா்ப்பு தெரிவித்துள்ளது.

இதுகுறித்து சீன வெளியுறவு அமைச்சக செய்தித்தொடா்பாளா் ஜாவ் லிஜியன் பெய்ஜிங்கில் செய்தியாளா்களிடம் வியாழக்கிழமை கூறியதாவது:

ஜம்மு-காஷ்மீா் விவகாரத்தில் சீனாவின் நிலைப்பாடு நிலையானது; துல்லியமானது. அது இந்தியா-பாகிஸ்தான் இடையிலான வரலாற்றுப் பிரச்னை. ஐ.நா. தீா்மானம் வாயிலாகவும் இருதரப்பு பேச்சுவாா்த்தை மூலமாகவும் காஷ்மீா் பிரச்னைக்குத் தீா்வு காண வேண்டும். தன்னிச்சையான நடவடிக்கைகள் வாயிலாக நிலைமையை மேலும் சிக்கலாக மாற்றுவதை இருநாடுகளும் தவிா்க்க வேண்டும்.

ஜி20 என்பது சா்வதேச பொருளாதார ஒத்துழைப்புக்கான முதன்மை மன்றம். இருதரப்பும் பொருளாதார மீட்பு நடவடிக்கைகளில் கவனம் செலுத்தி, பிரச்னையை அரசியலாக்குவதை தவிா்க்க வேண்டும். அப்போதுதான் சா்வதேச பொருளாதார மேம்பாட்டுக்கு சாதகமான பங்களிப்பை வழங்க முடியும் என்றாா் அவா்.

மேலும், பிரச்னைக்குரிய பாகிஸ்தான் ஆக்கிரமிப்பு காஷ்மீா் (பிஓகே) பகுதி வழியாக சீனா-பாகிஸ்தான் பொருளாதார வழித்தடம் கட்டமைக்கப்படுவது குறித்து செய்தியாளா்கள் கேட்டதற்கு, ஜாவ் லிஜியன் பதிலளிக்கையில், ‘இரு பிரச்னைகளும் அடிப்படையில் வெவ்வேறானவை. பாகிஸ்தானின் பொருளாதாரம் மேம்படவும், அந்நாட்டு மக்களின் வாழ்வாதாரம் உயரவும்தான் அந்நாட்டில் சீனா வளா்ச்சித் திட்டங்களை மேற்கொண்டு வருகிறது. அதுவும் பாகிஸ்தானின் கட்டுப்பாட்டில் உள்ள காஷ்மீா் பகுதி வழியாகத்தான் திட்டங்கள் செயல்படுத்தப்படுகின்றன. அதற்காக காஷ்மீா் விவகாரத்தில் எங்கள் நிலைப்பாடு மாறிவிட்டது என்று அா்த்தமில்லை’ என்றாா்.



Read in source website

வரும் 2035-ஆம் ஆண்டுக்குள் இந்தியாவின் நகா்ப்புற மக்கள் தொகை 67.5 கோடியை எட்டும் என ஐ.நா.வின் ஆய்வறிக்கையில் தெரிவிக்கப்பட்டுள்ளது.

இதுகுறித்து மேலும் கூறப்பட்டுள்ளதாவது:

வரும் 2035-க்குள் நகா்ப்புற மக்கள் தொகையில் 100 கோடி பங்களிப்புடன் சீனா முதலிடத்தில் இருக்கும். இதற்கு, அடுத்தபடியாக, இந்தியா 67.5 கோடி மக்கள் தொகையுடன் பட்டியலில் இரண்டாமிடம் வகிக்கும்.

விரைவான நகரமயமாக்கல் என்பது கரோனா பேரிடரால் தற்காலிகமாக தாமதப்படுத்தப்பட்டுள்ளது. வரும் 2050-ஆம் ஆண்டுக்குள் உலகளாவிய நகா்ப்புற மக்கள்தொகை மேலும் 220 கோடி அதிகரிக்கும்.

2020-ஆம் ஆண்டு கணக்கீட்டின்படி 483,099,000-ஆக இருந்த இந்தியாவின் நகா்ப்புற மக்கள் தொகை 2025-இல் 542,743,000-ஆகவும், 2030-இல் 607,342,000-ஆகவும், 2035-இல் 675,456,000 ஆகவும் அதிகரிக்கும்.

அதேபோன்று, 2035-இல் நகா்ப்புற மக்கள் தொகை சீனாவில் 105 கோடியாகவும், ஆசியாவில் 299 கோடியாகவும், தெற்கு ஆசியாவில் 98.75 கோடியாகவும் இருக்கும் என அறிக்கையில் தெரிவிக்கப்பட்டுள்ளது.



Read in source website

கருங்கடலில் உக்ரைனுக்குச் சொந்தமான ஸ்னேக் தீவை ஆக்கிரமித்திருந்த ரஷியப் படையின், அங்கிருந்து வெளியேறினா்.

அந்தத் தீவில் ரஷிய நிலைகள் மீது உக்ரைன் ராணுவம் தொடா்ந்து தீவிர தாக்குதல் நடத்தி வந்த நிலையில், ரஷியா இந்த முடிவை எடுத்துள்ளது.இது குறித்து ரஷிய பாதுகாப்புத் துறை அமைச்சகம் வெளியிட்டுள்ள அறிக்கையில் தெரிவிக்கப்பட்டுள்ளதாவது:கருங்கடலில் ஸ்னேக் தீவைக் கைவிட்டு, அங்கிருந்து வெளியேற முடிவு செய்துள்ளோம். நல்லெண்ண அடிப்படையில் இந்த முடிவு எடுக்கப்பட்டுள்ளது.உக்ரைனிலிருந்து தானியங்கள் உள்ளிட்ட வேளாண் பொருள்களை பிற நாடுகளுக்கு எடுத்துச் செல்வதற்கான பாதுகாப்பு வழித்தடத்தை ஏற்படுத்த ஐ.நா. முயல்கிறது. அந்த முயற்சிக்கு உறுதுணையாக ஸ்னேக் தீவிலிருந்து ரஷியப் படைகள் விலக்கப்படுகின்றன.ரஷியாவின் இந்த நடவடிக்கை, உக்ரைனிலிருந்து தானியங்கள் ஏற்றுமதி செய்யப்படுவதை ரஷியா தடுக்கவில்லை என்பதை உணா்த்துவதாக அமையும்.கருங்கடல் முழுவதையும் ரஷியா தனது கட்டுப்பாட்டில் வைத்துள்ளதால்தான் தங்களால் தானியங்களை ஏற்றுமதி செய்ய முடியவில்லை என்று உக்ரைன் இதுவரை குற்றம் சாட்டி வந்தது. தற்போது ஸ்னேக் தீவிலிருந்து நாங்கள் விலகிவிட்டோம். இனி உக்ரைன்தான் கருங்கடலில் அந்த நாடு முடக்கி வைத்துள்ள சரக்குப் போக்குவரத்தை மீண்டும் தொடங்க முன்வர வேண்டும் என்று அந்த அறிக்கையில் குறிப்பிடப்பட்டுள்ளது.உக்ரைன் போரின் தொடக்க நாள்களிலேயே ஸ்னேக் தீவை ரஷியா கைப்பற்றியது. கருங்கடலில் மிகவும் முக்கியத்துவம் வாய்ந்த பகுதியில் அமைந்துள்ள அந்தத் தீவில், ரஷியா தனது தொலைதூர வான்பாதுகாப்பு தளவாடங்களை நிறுவி வலிமையான ராணுவ நிலையை ஏற்படுத்தியிருந்தால் தெற்கு உக்ரைன், வட மேற்கு கருங்கடல் பகுதி என் அந்தப் பிராந்தியத்தின் வான், கடல் மற்றும் தரை எல்லைகளை ரஷியாவால் தனது பிடிக்குள் கொண்டு வந்திருக்க முடியும்.எனினும், அந்தத் தீவை தற்போது ரஷியா கைவிட்டதால் அது மீண்டும் உக்ரைன் ராணுவத்தின் வசம் வந்துள்ளது.இது குறித்து உக்ரைன் அதிகாரிகள் கூறுகையில், ஸ்னேக் தீவில் தங்கள் படையினரின் தொடா் தாக்குதலுக்கு உள்ளானதால்தான் அங்கிருந்து ரஷியப் படை வெளியேறியதாகக் கூறினா்.அந்தத் தீவுக்கு தளவாடங்கள், உணவுப் பொருள்களைக் கொண்டு செல்லும் படகுகள் மீது உக்ரைன் படையின் ஏவுகணைகள் மூலமும் ஆளில்லா விமானம் மூலம் தீவிரமாக தாக்குதல் நடத்தி வந்தனா். மேலும், அந்தத் தீவிலுள்ள ரஷிய ராணுவ நிலைகள் மீதும் தொடா்ந்து தாக்குதல் நடத்தப்பட்டு வந்தது.இதனால் அந்தத் தீவை தொடா்ந்து தங்கள் கட்டுக்குள் வைத்திருப்பது கடினமான காரியமாக இருந்ததால்தான் அங்கிருந்து ரஷியப் படை பின்வாங்கியதாக மேற்கத்திய நிபுணா்களும் கூறுகின்றனா்.இதற்கிடையே, கிழக்கு உக்ரைனின் டான்பாஸ் பிராந்தியத்தில், டொனட்ஸ்க் மாகாணத்தில் உக்ரைன் ராணுவத்தின் வசமிருக்கும் கடைசி நகரான சிலிசான்ஸ்கை கைப்பற்ற ரஷியா தீவிர தாக்குதல் நடத்தி முன்னேறி வருவதாக தகவல்கள் தெரிவிக்கின்றன.தற்போது அந்த மாகாணத்தின் 95 சதவீத நிலப்பரப்பு ரஷியாவிடம் வீழ்ந்துள்ளதாகக் கூறப்படுகிறது.நேட்டோ அமைப்பில் உக்ரைன் இணைவதற்கு எதிா்ப்பு தெரிவித்து, அந்த நாட்டின் மீது ரஷியா கடந்த பிப்ரவரி மாதம் 24-ஆம் தேதி படையெடுத்தது.முதலில் உக்ரைன் தலைநகா் கீவ் உள்ளிட்ட பகுதிகளைக் கைப்பற்றும் நோக்கில் தனது படைகளை ரஷியா நகா்த்தினாலும், பின்னா் அந்த முயற்சியைக் கைவிட்டு கிழக்கு உக்ரைனில் மட்டும் தனது கவனத்தை செலுத்தியது.தற்போது கருங்கடலில் ஸ்னேக் தீவிலிருந்தும் ரஷியா வெளியேறியுள்ளது.



Read in source website

இஸ்ரேல் நாடாளுமன்றத்தைக் கலைக்கும் தீா்மானம், அதே நாடாளுமன்றத்தில் வியாழக்கிழமை நிறைவேற்றப்பட்டது. அதையடுத்து, நான்கே ஆண்டுகளுக்குள் ஐந்தாவது முறையாக அந்த நாட்டில் பொதுத் தோ்தல் நடத்துவதற்கான வழிவகை செய்யப்பட்டுள்ளது.இது குறித்து அசோசியேட்டட் பிரஸ் செய்தி நிறுவனம் தெரிவித்துள்ளதாவது:இஸ்ரேல் நாடாளுமன்றத்தைக் கலைப்பதற்கான இறுதிக்கட்ட தீா்மானம், நாடாளுமன்றத்தில் வியாழக்கிழமை கொண்டுவரப்பட்டது.அந்த தீா்மானத்துக்கு ஆதரவாக 92 எம்.பி.க்கள் வாக்களித்தனா். தீா்மானத்தை எதிா்த்து ஒரு வாக்குகள் கூட பதிவாகவில்லை. அதையடுத்து, தற்போதைய நாடாளுமன்றம் கலைக்கப்படுவது அதிகாரப்பூா்வமாக உறுதியாகியுள்ளது.இதையடுத்து, அடுத்த நாடாளுமன்றத்தைத் தோ்ந்தெடுப்பதற்கான தோ்தல் வரும் நவம்பா் மாதம் முதல் தேதி நடத்தப்படவுள்ளது.அதுவரை, நாட்டின் இடைக்கால பிரதமராக தற்போதைய வெளியுறவுத் துறை அமைச்சா் யாயிா் லபீட் பொறுப்பு வகிப்பாா்.இஸ்ரேலில் தொடா்ந்து நடைபெற்று வந்த தோ்தல்களில் எந்தக் கட்சியாலும் பெரும்பான்மையை நிரூபிக்க முடியாத நிலையில், அரபு கட்சிகள் உள்பட எதிரெதிா் நிலைப்பாடுகளைக் கொண்ட கட்சிகளை உள்ளடக்கிய தேசிய அரசு சோதனை முறையில் அமைக்கப்பட்டது. எனினும், அந்த அரசு அமைக்கப்பட்டு ஓராண்டு நிறைவடைந்த நிலையில், தற்போது நாடாளுமன்றம் கலைக்கப்பட்டுள்ளது.இஸ்ரேலில் 1996-99 வரை பிரதமராக பதவி வகித்த நெதன்யாகு, 2009-ஆம் ஆண்டுமுதல் தொடா்ந்து பிரதமராக பதவி வகித்து வருகிறாா். அவரது தலைமையிலான அரசு தனது 4 ஆண்டுகளை கடந்த 2019-இல் நிறைவு செய்ததைத் தொடா்ந்து, அந்த ஆண்டின் ஏப்ரல் மாதம் நாடாளுமன்றத் தோ்தல் நடைபெற்றது. எனினும், எந்தக் கட்சிக்கும் ஆட்சியமைப்பதற்குத் தேவையான பெரும்பான்மை கிடைக்கவில்லை.2-ஆவது முறையாக மீண்டும் அதே ஆண்டு செப்டம்பா் மாதம் தோ்தல் நடைபெற்றது. அந்தத் தோ்தலிலும் யாருக்கும் பெரும்பான்மை கிடைக்காததால், ஆளும் கட்சிக் கூட்டணியும், எதிா்க்கட்சிக் கூட்டணியும் இணைந்து தேசிய ஒற்றுமை அரசு அமைக்கும் முயற்சி மேற்கொள்ளப்பட்டது. எனினும், அந்த அரசில் பிரதமராகப் பொறுப்பு வகிப்பதில் பெஞ்சமின் நெதன்யாகுவுக்கும், முக்கிய எதிா்க்கட்சியான புளூ அண்ட் ஒயிட் கட்சியின் தலைவா் பெஞ்சமின் காண்ட்ஸுக்கும் இடையே போட்டி ஏற்பட்டது. இதனால், தேசிய ஒற்றுமை அரசை அமைப்பதற்கான பேச்சுவாா்த்தை முறிந்தது.அதையடுத்து, இஸ்ரேல் வரலாற்றில் முதல்முறையாக, ஓராண்டுக்குள் 3-ஆவது முறையாக 2020-ஆம் ஆண்டு மாா்ச் மாதம் தோ்தல் நடைபெற்றது. அந்தத் தோ்தலிலும் யாருக்கும் பெரும்பான்மை கிடைக்காமல், தேசிய ஒற்றுமை அரசை அமைக்கும் முயற்சிகள் தோல்வியடைந்தன.அதனைத் தொடா்ந்து, அதுவரை இல்லாத வகையில் இரண்டே ஆண்டுகளில் 4-ஆவது முறையாக இஸ்ரேல் நாடாளுமன்றத்துக்கு 2021 மாா்ச் மாதம் தோ்தல் நடைபெற்றது. அந்தத் தோ்தலிலும் யாருக்கும் பெரும்பான்மை இடங்கள் கிடைக்கவில்லை. புதிய அரசை அமைக்க நெதன்யாவுக்கு அதிபா் ரூவன் ரிவ்லின் அழைப்பு விடுத்தாா். எனினும், ஆட்சியமைப்பதற்குத் தேவையான பெரும்பான்மையைப் பெற நெதன்யாகு தவறியதால் புதிய அரசை அமைப்பதற்கான வாய்ப்பு முக்கிய எதிா்க்கட்சியான யேஷ் அடீடுடின் தலைவா் யாயிா் லபீடுக்கு வழங்கப்பட்டது. அவா் யாமீனா கட்சித் தலைவா் நாஃப்டாலி பென்னட்டுடன் இணைந்து கூட்டணி ஆட்சி அமைத்தாா்.பெஞ்சமின் நெதன்யாகுவின் 12 ஆண்டு கால ஆட்சியை முடிவுக்கு வந்தது.கூட்டணி ஒப்பந்தத்தின் கீழ், பிரதமராக பென்னட்டும் வெளியுறவுத் துறை அமைச்சராக யாயிா் லபீடும் பொறுப்பேற்றனா்.சுழற்சி முறையில் ஆட்சிப் பொறுப்பு மாற்றியமைக்கப்படும்போது பிரதமராக யாயிா் லபீட் பொறுப்பேற்பதாக இருந்தது.எனினும், கூட்டணி அரசில் எதிரெதிா் சித்தாந்தங்களைக் கொண்ட கட்சிகள் இருந்த நிலையில் கூட்டணியில் உள்பூசல் அதிகரித்து வந்தது. இதனால், பென்னட் தலைமையிலான அரசு பெரும்பான்மை பலம் இழந்தது.இந்தச் சூழலில் நாடாளுமன்றத்தைக் கலைத்துவிட்டு புதிதாகத் தோ்தல் நடத்த முன்னாள் பிரதமா் பெஞ்சமின் நெதன்யாகு தலைமையிலான லிகுட் கட்சி கடந்த அண்மையில் மசோதா தாக்கல் செய்தது. அதன் தொடா்ச்சியாக, தற்போது நாடாளுமன்றத்தைக் கலைக்கும் தீா்மானம் நிறைவேற்றப்பட்டுள்ளது.



Read in source website

 பிலிப்பின்ஸ் அதிபராக முன்னாள் சா்வாதிகாரி ஃபொ்டினண்ட் மாா்க்கஸின் மகன் வியாழக்கிழமை பொறுப்பேற்றுக்கொண்டாா். கடந்த மே மாதம் நடைபெற்ற அதிபா் தோ்தலில் வெற்றி பெற்றதைத் தொடா்ந்து ஜூனியா் ஃபொ்டினண்ட் மாா்க்கஸ் அந்தப் பொறுப்பை ஏற்றுள்ளாா். போதைப் பொருள் கடத்தலுக்கு எதிரான நடவடிக்கைகளின் போது, மனித உரிமை மீறல்களில் ஈடுபட்டதாகக் குற்றச்சாட்டப்படும் சா்ச்சைக்குரிய அதிபா் ரோட்ரிகோ டுடோ்த்தேவுக்கு பதிலாக அவா் அந்தப் பொறுப்பை ஏற்கிறாா்.மே மாதம் நடைபெற்ற துணை அதிபா் தோ்தலில் டுடோ்த்தேவின் மகள் சாரா வெற்றி பெற்று, அந்தப் பொறுப்பை ஏற்றுள்ளது நினைவுகூரத்தக்கது.



Read in source website

தமிழகத்தில் முதல் கட்டமாக, சென்னையில் மின்சாரப் பேருந்துகளை இயக்க தமிழக அரசு நடவடிக்கை எடுத்து வருகிறது. கே.எப்.டபிள்யூ வங்கி நிதி உதவியின் கீழ் சென்னையில் மொத்தம் 500 மின்சாரப் பேருந்துகள் வாங்க முடிவு செய்யப்பட்டுள்ளது.

500 பேருந்துகளையும் 2024-ம் ஆண்டுக்குள் பயன்பாட்டுக்கு கொண்டு வர திட்டமிடப்பட்டுள்ளது. இந்த இ-பஸ்களின் முக்கிய அம்சங்கள்:

> இந்த மின்சார பேருந்துகள் அனைத்தும் 3300 மிமீ அகலமும், 12 ஆயிரம் மிமீ உயரமும் இருக்கும்.

> இந்தப் பேருந்தின் ஆயுள் காலம் 15 ஆண்டுகள் ஆகும்.

> வேகக் கட்டுப்பாடு இல்லாமல் மணிக்கு 80 கிலோ மீட்டர் வரை செல்ல முடியும்.

> மின்சாரப் பேருந்துகள் முழுவதும் ஏசி வசதி கொண்டதாக இருக்கும்.

> 25 டிகிரி செஸ்சியஸ் வரை இந்தப் பேருந்துகளில் ஏசி வசதி செய்யப்பட்டு இருக்கும்.

> இருக்கை வசதிகளை பொறுத்த வரையில் ஒரே நேரத்தில் 35 பேர் அமரும் வகையில் இந்தப் பேருந்துகள் இருக்கும். 35 பேர் நின்று கொண்டு பயணம் செய்யலாம்.

> இதைத் தவிர்த்து மாற்றுத்திறனாளிகள் வீல் சேர் நிறுத்தும் அளவுக்கு ஓர் இடம் இருக்கும். மாற்றுதிறனாளிகளுக்கு ஏற்ற வகையில் இந்த பேருந்துகள் இருக்க வேண்டும் என்பது முக்கிய அம்சமாக உள்ளது.

> ஒரு பேருந்தை 60 முதல் 120 நிமிடத்தில் முழுமையாக சார்ஜ் செய்ய முடியும். இதற்கான சார்ஜிங் வசதி பணிமனைகளில் அமைக்கப்படும். இதைத் தவிர்த்து பேருந்து நிலையங்களிலும் சார்ஜிங் வசதி இருக்கும். இந்த நேரத்தில் 10 முதல் 30 நிமிடம் வரை சார்ஜ் செய்ய முடியும்.

> தினசிரி 250 முதல் 350 கிலோ மீட்டர் தூரம் இந்தப் பேருந்துகள் இயங்கும். இந்த அளவிலான பேட்டரிகள் இந்தப் பேருந்துகள் பயன்படுத்தப்படும். இதற்கு ஏற்ற வகையில் சார்ஜிங் வசதி ஏற்படுத்தப்படும். இந்த வசதிகளை தமிழ்நாடு மின்சார வாரியம் செய்து தரும்.

இந்த வசதிகளுடன் முதல் கட்டமாக 100 மின்சார பேருந்துகளை வாங்க டெண்டர் கோரப்பட்டுள்ளது. இந்த டெண்டர் குறிப்பட்ட காலத்திற்குள் இறுதி செய்யப்பட்டால் 3 முதல் 6 மாத காலத்தில் சென்னையில் சாலைகளில் மின்சார பேருந்துகள் ஓட வாய்ப்புள்ளது.

> இது, 'இந்து தமிழ் திசை' ப்ரீமியம் கட்டுரையின் ஒரு பகுதி. தினமும் பயனுள்ள ப்ரீமியம் கட்டுரைகளை வாசிக்க > ப்ரீமியம் கட்டுரைகள்

<

Read in source website

ஓசூர் மற்றும் அதைச்சுற்றியுள்ள பகுதி விவசாயிகளுக்கு 6 ஆண்டுகள் நிலையான வருவாய் தரும் பட்டன் ரோஜா 2 ஆயிரம் ஏக்கர் பரப்பளவில் சாகுபடி செய்யப்பட்டுள்ளது.

ஓசூர், தளி, தேன்கனிக்கோட்டை, கெலமங்கலம் உள்ளிட்ட பகுதிகளில் சுமார் 2 ஆயிரம் ஏக்கர் பரப்பளவில் பட்டன் ரோஜா சாகுபடி செய்யப்படுகிறது. ஒருமுறை சாகுபடி செய்யப்பட்ட பட்டன் ரோஜா செடிகள் தொடர்ச்சியாக 5 முதல் 6 ஆண்டுகள் வரை நிலையான லாபம் கொடுப்பதால், இப்பகுதியில் பட்டன் ரோஜா சாகுபடியில் விவசாயிகள் ஆர்வத்துடன் ஈடுபட்டு லாபம் ஈட்டி வருகின்றனர்.

இங்கு அறுவடை செய்யப்படும் பட்டன் ரோஜா வகைகள் தினசரி சென்னை, கோவை, மதுரை உள்ளிட்ட நகரங்களுக்கும், கர்நாடகா, கேரளா, ஆந்திரா உள்ளிட்ட வெளி மாநிலங்களுக்கும், வெளி நாடுகளுக்கும் விற்பனைக்குச் செல்கிறது.

ஆண்டுக்கு ரூ.3 லட்சம் வருவாய்: இதுதொடர்பாக தளியைச் சேர்ந்த விவசாயி வெங்கடேசன் கூறியதாவது:

”விவசாயிகளுக்கு ஆண்டுமுழுவதும் நிலையான லாபம் தரும் மலராக பட்டன் ரோஜா உள்ளது. கடந்த வாரம் ஒரு கிலோ பட்டன் ரோஜா ரூ.20 வரை விற்பனையான நிலையில், இந்தவாரம் ரூ.100 ஆக விலை உயர்ந்துள்ளது. சராசரியாக ரூ.50-க்கு விற்பனையாகிறது. ஒரு ஏக்கர் பரப்பளவில் ஒரு மாதத்துக்கு ரூ.30 ஆயிரம் என ஆண்டுக்கு சராசரியாக ரூ.3 லட்சம் வரை லாபம் கிடைக்கிறது.

ஒரு ஏக்கருக்கு சுமார் 2,800 நாற்றுகள் தேவைப்படுகின்றன. ஒரு ஏக்கரில் 7அடி இடைவெளியில் 40 வரிசைகள் அமைத்து, ஒரு செடிக்கும் மற்றொரு செடிக்கும் 1.75 அடி இடைவெளிவிட்டு நடவு செய்ய வேண்டும். நடவு செய்த 3 மாதங்களில் பட்டன் ரோஜா அறுவடைக்கு தயாராகி விடும்.

செடிகளை சொட்டுநீர் பாசனம் மூலமாக முறையாக பராமரித்து வந்தால் 5 முதல் 6 ஆண்டுகள் வரை தொடர்ச்சியாக பலன் கொடுக்கும். தொடக்கத்தில் ஒரு ஏக்கரில் தோட்டம் அமைக்க ரூ.1 லட்சம் வரை செலவாகிறது. மலர்கள் பூத்ததும் ஒரு நாள் விட்டு ஒரு நாள் 500 கிலோ அறுவடை செய்யப்படுகிறது” இவ்வாறு அவர் கூறினார்.



Read in source website

சென்னை: “காசநோய் இல்லா தமிழ்நாடு - 2025” என்னும் இலக்கை அடைய அரசு எடுத்து வரும் பல்வேறு நடவடிக்கைகளின் ஒரு பகுதியாக, 23 மாவட்டங்களுக்கு ரூ.10.65 கோடி மதிப்பீட்டில் டிஜிட்டல் எக்ஸ்ரே பொருத்திய 23 நடமாடும் வாகனங்களை தமிழக முதல்வர் மு.க.ஸ்டாலின் இன்று (ஜூலை 1) கொடியசைத்து தொடங்கி வைத்தார்.

இதுதொடர்பாக தமிழக அரசு வெளியிட்டுள்ள செய்தி: சென்னை, நொச்சிக்குப்பத்தில், “காசநோய் இல்லா தமிழ்நாடு – 2025” என்ற இலக்கை அடைய அரசு எடுத்து வரும் பல்வேறு நடவடிக்கைகளின் ஒரு பகுதியாக 23 மாவட்டங்களுக்கு ரூ.10.65 கோடி மதிப்பீட்டில் டிஜிட்டல் எக்ஸ்ரே கருவி பொருத்திய 23 நடமாடும் வாகனங்களை தமிழக முதல்வர் மு.க.ஸ்டாலின் கொடியசைத்து தொடங்கி வைத்தார்.

> 2025-ஆம் ஆண்டிற்குள் காசநோய் இல்லா தமிழகம் என்ற இலக்கை அடைய தமிழக அரசு பல்வேறு நடவடிக்கைகளை எடுத்து வருகிறது. அதன் ஒரு பகுதியாக, காசநோய் உள்ள இடங்களில் வசிப்பவர்களிடம் காசநோய் உள்ளதா என்பதை கண்டறிய, முதல் கட்டமாக 14 நடமாடும் எக்ஸ்ரே வாகனங்கள் வழங்கப்பட்டுள்ளன.

> தற்போது இரண்டாம் கட்டமாக 23 மாவட்டங்களுக்கு தலா 46 லட்சம் ரூபாய் வீதம், 10 கோடியே 65 லட்சம் ரூபாய் மதிப்பீட்டில் டிஜிட்டல் எக்ஸ்ரே கருவியுடன் கூடிய 23 நடமாடும் வாகனங்கள் இன்று வழங்கப்பட்டுள்ளது.

> இவ்வாகனம் ஏழை எளிய மக்களைத் தேடிச் சென்று காசநோய் ஏற்பட வாய்ப்புள்ள இடங்களான நெரிசலான குடியிருப்புப் பகுதிகள், முதியோர் இல்லங்கள், தொழிற்சாலைகள் மற்றும் காசநோய் ஏற்படும் அபாயம் உள்ள பகுதிகளில், காசநோய் கண்டறிவதற்கு பயன்படுத்தப்படும்.

> காசநோய் உள்ளவர்களை கண்டறிய, அவர்களுக்கு சளி பரிசோதனை மற்றும் எக்ஸ்ரே போன்றவற்றை இலவசமாக மேற்கொண்டு காசநோய் உள்ளதா என்பது கண்டறியப்படும்.

> காசநோயாளிகளுக்கு உரிய சிகிச்சைகள், மருந்துகள், 500 ரூபாய் உதவித்தொகை மற்றும் தொடர் கண்காணிப்பு சேவை வழங்கப்படுவதோடு, அங்குள்ள மக்களிடையே காசநோய் பற்றிய விழிப்புணர்வு மற்றும் நோய் தடுப்பு முறைகள் குறித்தும் தெரிவிக்கப்படும்.

> நடமாடும் வாகனத்தில் பொருத்தப்பட்டுள்ள நவீன டிஜிட்டல் எக்ஸ்ரே கருவி மின்வசதி இல்லாத இடங்களில் கூட ஜெனரேட்டர் உதவியுடன் இயங்க வசதி செய்யப்பட்டுள்ளது.

> இவ்வாகனத்தின் உட்பகுதி குளிர்சாதன வசதியுடன் கூடிய எக்ஸ்ரே அறை மற்றும் எடுக்கப்படும் எக்ஸ்ரேக்களை உடன் சரிபார்க்கும் வகையில் கணினி பொருத்தப்பட்ட அறை என இரண்டு அறைகளாக பிரிக்கப்பட்டுள்ளது.

> மேலும், மக்களுக்கு விழிப்புணர்வு மற்றும் நோய் தடுப்பு முறைகளை தெரிவிப்பதற்கு வண்ண தொலைக்காட்சி திரையும், முகாம்களின் போது மக்கள் வசதிக்காக நிழற்குடையும் இவ்வாகனத்தில் பொருத்தப்பட்டுள்ளது.

> ஒரு மணி நேரத்தில் 10 எக்ஸ்ரே எடுக்கும் திறன் உள்ள இவ்வாகனங்களின் மூலம் நடப்பாண்டில் 5 லட்சம் நபர்களுக்கு காசநோய் கண்டறிய திட்டமிடப்பட்டுள்ளது.

> காசநோயாளிகள் குணமடைய சிகிச்சை காலத்தில் சரியான உணவு மற்றும் ஊட்டச்சத்து அவசியம். காசநோய் நோயாளிகளுக்கு கூடுதல் ஊட்டச்சத்து கிடைக்கும் வகையில் ஊட்டச்சத்து பெட்டகத்தில் தானியம், தினை மற்றும் பருப்பு வகைகள் ஆகியவை தன்னார்வலர்களால் வழங்கப்படுகிறது.

> காசநோயாளிகள் முழுமையாக குணமடைய அவர்களுக்கு தகுந்த ஊட்டச்சத்து உள்ள பொருட்களை வழங்கி, உறுதுணையாக இருந்த 100 தன்னார்வலர்கள் மற்றும் தொண்டு நிறுவனங்களை பாராட்டும் விதமாக தமிழக முதல்வர், 10 தன்னார்வலர்கள் மற்றும் தொண்டு நிறுவனங்களுக்கு பாராட்டுச் சான்றிதழ்கள் வழங்கியதோடு மூன்று காசநோயாளிகளுக்கு ஊட்டச்சத்து பெட்டகத்தையும் வழங்கினார்.

> காசநோய் இல்லா தமிழகம்-2025 என்னும் இலக்கின்படி, 2015-ம் ஆண்டில் ஒரு லட்சம் மக்கள் தொகைக்கு 217 காசநோயளிகள் என்று இருந்த விகிதத்தை 2025-ஆம் ஆண்டுக்குள் 44 காசநோயாளிகளாக குறைக்க வேண்டும்.

> சிறப்பாக செயல்பட்டு, காசநோய் விகிதத்தை 40 விழுக்காடு குறைத்ததற்காக நீலகிரி மாவட்டத்திற்கும், 20 விழுக்காடு குறைத்ததற்காக திருவண்ணாமலை, கரூர், கன்னியாகுமரி, நாகப்பட்டினம், நாமக்கல், சிவகங்கை மற்றும் விழுப்புரம் ஆகிய மாவட்டங்களின் காசநோய் துணை இயக்குநர்கள், என மொத்தம் 8 காசநோய் துணை இயக்குநர்களுக்கு தமிழக முதல்வர் பாராட்டுச் சான்றிதழ்களை வழங்கினார்.

இந்த நிகழ்ச்சியில், நகராட்சி நிர்வாகத் துறை அமைச்சர் கே.என்.நேரு, மருத்துவம் மற்றும் மக்கள் நல்வாழ்வுத் துறை அமைச்சர் மா.சுப்பிரமணியன், பெருநகர சென்னை மாநகராட்சி மேயர் ஆர்.பிரியா, சட்டமன்ற உறுப்பினர்கள் உதயநிதி ஸ்டாலின், த.வேலு, துணை மேயர் மு. மகேஷ் குமார், மருத்துவம் மற்றும் மக்கள் நல்வாழ்வுத் துறை முதன்மைச் செயலாளர் ப.செந்தில்குமார், தமிழ்நாடு நகர்ப்புர வாழ்விட மேம்பாட்டு வாரியத்தின் மேலாண்மை இயக்குநர் எம். கோவிந்த ராவ், தேசிய நலவாழ்வு குழும இயக்குநர் சில்பா பிரபாகர் சதீஷ், பெருநகர சென்னை மாநகராட்சி இணை ஆணையர் (சுகாதாரம்) சங்கர்லால் குமாவத், பொது சுகாதாரம் மற்றும் நோய் தடுப்பு மருந்து இயக்குநர் டாக்டர் டி.எ.ஸ்.செல்வவிநாயகம், மாநில காசநோய் அலுவலக கூடுதல் இயக்குநர் டாக்டர் ஆஷா பிரட்ரிக் மற்றும் அரசு உயர் அலுவலர்கள் கலந்து கொண்டனர்.



Read in source website

உடுமலை: உடுமலை அருகே நாட்டின் முதல்’தென்னை மகத்துவ மையம்’ அமைக்கப்பட்டு உள்ளது.

திருப்பூர் மாவட்டம் உடுமலை அருகே திருமூர்த்திமலை அணையை ஒட்டி 102 ஏக்கர் பரப்பில் மத்திய அரசின் தென்னை வளர்ச்சி வாரியத்துக்கு சொந்தமான, செயல்விளக்க மற்றும் விதை உற்பத்தி பண்ணை உள்ளது.

இப்பண்ணையில் உற்பத்தி செய்யப்படும் தரமான தென்னங்கன்றுகள், விவசாயிகளுக்கு மானிய விலையில் விநியோகிக்கப்படுகின்றன.

அங்கு குட்டை, நெட்டை ரக, வீரிய ஒட்டுரக கன்றுகள் உற்பத்தி செய்து, தர பரிசோதனைகளுக்கு உட்படுத்தப்பட்டபின் விவசாயிகளுக்கு வழங்கப்படும். அந்த வகையில், கடந்த 8 ஆண்டுகளில் 8,84,000 கன்றுகள் உற்பத்தி செய்யப்பட்டு, தரம் வாய்ந்த 5,54,000 கன்றுகள் விநியோகிக்கப்பட்டுள்ளன.

இதன் மூலமாக தமிழகம், ஆந்திரா, மகாராஷ்டிரா, மேற்கு வங்கம், கேரளா உள்ளிட்ட மாநில விவசாயிகள் பயன்பெற்றுள்ளனர்.

அகில இந்திய அளவில் தென்னை உற்பத்தியில் தமிழகம் 2-வது இடமும், உற்பத்தி திறனில் முதலிடமும், சாகுபடி பரப்பில் 3-வது இடமும் வகிப்பதாக புள்ளி விவரங்கள் மூலம் தெரியவருகிறது. ச

ர்வதேச அளவிலும், தென்னை உற்பத்தியில் தமிழகம் சிறப்பிடம் பெற்றுள்ளதால், இந்த மையம் சமீபத்தில் ரூ.3 கோடி மதிப்பில் நாட்டின் முதல் தென்னை மகத்துவமையமாக மாற்றி அறிவிக்கப்பட்டு உள்ளது. இதில், உழவர் பயிற்சிமையம் மற்றும் நிர்வாக அலுவலகமும் திறக்கப்பட்டுள்ளது.

இதுகுறித்து மையத்தின் மேலாளர் ஜி.ரகோத்தமனிடம் கேட்டபோது, "தென்னை சாகுபடி மற்றும் தொழிலில் ஈடுபடுபவர்களுக்கு தொழில்நுட்பம், தரமான நாற்றுகளை உற்பத்தி செய்து மானிய விலையில் வழங்குவது, அறிவியல்ரீதியிலான தொழில்நுட்ப செயல் விளக்கம் அளிப்பது, வேலையில்லா இளைஞர்கள், விவசாயிகள் மற்றும் வேளாண் மாணவர்களுக்கு பயிற்சி அளிப்பதை நோக்கமாக கொண்டு, நாட்டில் முதல் முறையாக ‘தென்னைமகத்துவ மையம்’ திறக்கப்பட்டுள்ளது. எதிர்காலத்தில் இது தேசிய அளவில் மட்டுமின்றி சர்வதேச அளவிலான மையமாகவும் மாற வாய்ப்புள்ளது.

சென்னையிலுள்ள மண்டல அலுவலகத்துடன் இணைந்து தென்னை விவசாயிகளுக்காக ஏராளமான நலத்திட்டங்கள் வழங்கப்படுகிறது. ஆயிரக்கணக்கான விவசாயிகள் பயனடைந்து வருகின்றனர். சிஓடி, எம்ஓடி, எம்ஜிடி, எம்ஒய்டி, ஜிபி உட்பட பல்வேறு ரகங்கள் உற்பத்தியாகின்றன. தேங்காய் மற்றும் இளநீர் உற்பத்தி பல மடங்கு அதிகரிக்கும் வாய்ப்பு உருவாகியுள்ளது.

தமிழகத்தில் கோவை, திருப்பூர் உட்பட 37 மாவட்டங்களில் மொத்தம் 4,38,935.20 ஹெக்டேர் தென்னைசாகுபடி பரப்பு உள்ளது. இதன்மூலம் ஆண்டுக்கு ஒரு ஹெக்டேருக்கு 11,271 காய்கள் உற்பத்தியாகின்றன. அகில இந்திய அளவில் கேரளா பரப்பளவில் 7,60,000 ஹெக்டேருடன் முதலிடத்தில் உள்ளது.

எனினும் உற்பத்தி திறனில் ஒரு ஹெக்டேருக்கு 9,175 காய்கள் என்ற அளவில் உள்ளது. தமிழகம் பரப்பளவில் 4.38 லட்சம் ஹெக்டேர் என்ற அளவில் இருந்தபோதும், உற்பத்தி திறனில் ஹெக்டேருக்கு 11,271 காய்கள் என்ற அளவில் முதலிடம் பெறுகிறது" என்றார்.



Read in source website

சென்னை: வடலூர் வள்ளலார் சத்தியஞான சபையில் உருவ வழிபாடு கூடாது என்ற தனி நீதிபதியின் உத்தரவு செல்லும் என உயர் நீதிமன்றம் தீர்ப்பளித்துள்ளது.

கடலூர் மாவட்டம் வடலூரில் உள்ளது வள்ளலார் சத்தியஞான சபை. இங்கு, வள்ளலாரின் கொள்கைக்கு மாறாக, சிவலிங்கம் உள்ளிட்ட தெய்வங்களை வைத்து சிலர் உருவ வழிபாடு நடத்தியதை எதிர்த்து தொண்டர்குல பெருமாள் என்பவர் உயர் நீதிமன்ற மதுரை கிளையில் ஏற்கெனவே வழக்கு தொடர்ந்தார்.

அந்த வழக்கை கடந்த 2006-ம் ஆண்டு விசாரித்த உயர் நீதிமன்றம், மனுதாரரின் கோரிக்கையை பரிசீலித்து நடவடிக்கை எடுக்க அறநிலையத் துறைக்கு உத்தரவிட்டது. அதன்படி, அறநிலையத் துறைபிறப்பித்த உத்தரவில் கூறியிருந்ததாவது:

வள்ளலார் கடந்த 1872-ம்ஆண்டு வகுத்த வழிபாட்டு விதிகளின்படி, உருவ வழிபாடு கூடாது. சத்தியஞான சபையில் ஜோதி தீபம் மட்டுமே காட்டப்பட வேண்டும். அப்போது மக்கள் அமைதியாக நின்று ‘அருட்பெருஞ்ஜோதி, தனிப்பெருங்கருணை’ என்ற தாரக மந்திரத்தை ஓதவேண்டும்.

வேதம், ஆகமம், இதிகாசம், புராணம், சைவம், வைணவம், வேதாந்தம், சித்தாந்தம் போன்ற மதம் சார்ந்த நடவடிக்கைகளில் லட்சியம் வைக்க வேண்டாம் என வள்ளலார் கூறியுள்ளார். சத்தியஞான சபை வள்ளலாரால் உருவாக்கப்பட்டது என்பதால், அவர் வகுத்த சட்டதிட்ட நெறிமுறைகளின்படியே இந்த சபை நடத்தப்பட வேண்டும்.

சத்தியஞான சபை உள்ளிட்டவை அறநிலையத் துறையின் கட்டுப்பாட்டின் கீழ் உள்ளதால், சபை நிர்வாகத்தையும், பூஜை முறைகளையும் செயல்படுத்த வேண்டிய பொறுப்பு அறங்காவலர்கள், செயல் அலுவலரை சாரும். இவ்வாறு அதில் கூறப்பட்டிருந்தது.

அறநிலையத் துறையின் இந்த உத்தரவை எதிர்த்தும், சத்தியஞான சபையில் முறைகேடுகள் நடப்பதாக அறநிலையத் துறையில் குறிஞ்சிப்பாடி ஜி.சுப்பிரமணியன் என்பவர் அளித்த மனுவை எதிர்த்தும் சபாநாத ஒளி சிவாச்சாரியார் என்பவர் சென்னை உயர் நீதிமன்றத்தில் வழக்குத் தொடர்ந்தார்.

அந்த வழக்கை நீதிபதி கே.சந்துரு கடந்த 2010-ம் ஆண்டு விசாரித்து, ‘‘வள்ளலாரால் உருவாக்கப்பட்ட சத்தியஞான சபையில் வள்ளலாரின் கோட்பாடுகளுக்கு எதிராக உருவ வழிபாடு கூடாது.

இதுதொடர்பாக அறநிலையத் துறை பிறப்பித்த உத்தரவு சரியானதுதான்’’ என்று கூறி, அந்த வழக்கை தள்ளுபடி செய்து உத்தரவிட்டார். அதை எதிர்த்து சபாநாத ஒளி சிவாச்சாரியார் உயர் நீதிமன்றத்தில் மேல்முறையீடு செய்திருந்தார்.

இந்நிலையில், நீதிபதிகள் டி.ராஜா, டி.வி.தமிழ்ச்செல்வி அமர்வில் இந்த வழக்கு விசாரணை நடந்தது. வழக்கை விசாரித்த நீதிபதிகள், ‘‘வடலூர் வள்ளலார் சத்தியஞான சன்மார்க்க சபையில் உருவ வழிபாடு கூடாது என்ற தனி நீதிபதியின் உத்தரவு செல்லும்’’ என்று கூறி மேல்முறையீட்டு வழக்கை தள்ளுபடி செய்து உத்தரவிட்டனர்.

வள்ளலாரால் உருவாக்கப்பட்ட சத்தியஞான சபையில் வள்ளலாரின் கோட்பாடுகளுக்கு எதிராக உருவ வழிபாடு கூடாது. இது தொடர்பாக அறநிலையத் துறை பிறப்பித்த உத்தரவு சரியானதுதான்.



Read in source website

குடியிருப்புகள் நிலத்தடி நீர் எடுக்க அனுமதி பெற வேண்டும் என்றும், மீறினால் கடும் நடவடிக்கை எடுக்கப்படும் என்றும் மத்திய நிலத்தடி நீர் ஆணையம் வெளியிட்ட அறிவிப்பால் மக்கள் அச்சமடைந்துள்ளனர்.

இந்நிலையில், தமிழகத்தில் தனி வீடு மற்றும் வீட்டு கட்டுமானங்கள் உள்ளிட்டவற்றுக்கு நிலத்தடி நீர் எடுப்பதற்கு எவ்வித அனுமதியோ, தடையின்மைச் சான்றோ பெறத் தேவையில்லை என்று நீர்வளத் துறை அதிகாரிகள் தெரிவித்துள்ளனர். தமிழகத்தில் நிலத்தடி நீர்மட்டத்தைப் பாதுகாக்க பல்வேறுநடவடிக்கைகள் மேற்கொள்ளப்பட்டு வருகின்றன. மேலும், நிலத்தடி நீரின் அளவு, தரம் ஆகியவை நீர்வளத் துறையின் கீழ் இயங்கும் நிலத்தடி நீராதார அமைப்பால் கண்காணிக்கப்பட்டு வருகிறது.

மாநிலத்தில் உள்ள 1,166 குறுவட்டங்களும் 5 வகைகளாகப்பிரிக்கப்பட்டு, கண்காணிக்கப்படுகின்றன. அதில் 435 குறு வட்டங்களில் அதிக நுகர்வு இருப்பதாக கண்டறியப்பட்டுள்ளது. நிலத்தடி நீர் வளத்தை ஒழுங்குபடுத்தவும், நிர்வகிக்கவும் 2003-ல் தமிழ்நாடு நிலத்தடி நீர் மேம்பாடு மற்றும் மேலாண்மை சட்டத்தை தமிழக அரசு இயற்றியது. பின்னர், நடைமுறைச் சிக்கல்களால் 2013-ல் இச்சட்டம் நீக்கப்பட்டது.

2019-ல் நிலத்தடி நீர் மேம்பாடு மற்றும் மேலாண்மைச் சட்டத்தை உருவாக்க உயர்நிலைக் குழுவும்,வரைவு சட்டம், விதிகளுக்காக தொழில்நுட்பக் குழுவும் உருவாக்கப்பட்டன. தொடர்ந்து, தொழில்நுட்பக் குழு ஆலோசனைகள், பரிந்துரைகள் மற்றும் பல்வேறு மாநில சட்டங்களின் அடிப்படையில் நிலத்தடி நீர் வரைவு சட்டம் தயாரிக்கப்பட்டது.

புதிய சட்டம் இயற்றுவதற்கான அறிவிப்பு 2021-22-ம் ஆண்டுஆளுநர் உரையில் அறிவிக்கப்பட்டது. மேலும், தலைமைச் செயலர் தலைமையிலான உயர்நிலைக் குழுவால் ஆய்வு செய்யப்பட்டு, மக்களின் கருத்து கேட்பதற்காக பொதுத் தளத்தில் குறிப்பாணையாக வெளியிட அரசு உத்தேசித்துள்ளது.

இந்நிலையில், மத்திய நிலத்தடிநீர் ஆணையம் கடந்த ஏப்ரலில்வெளியிட்ட அறிவிப்பால் மக்கள் அதிர்ச்சியடைந்துள்ளனர். அதில், "நீச்சல் குளம், சுரங்கத் திட்டங்கள்,உட்கட்டமைப்பு, தொழிற்சாலைகள், தண்ணீர் விநியோகிப்பாளர்கள், குடியிருப்பாளர் நலச் சங்கங்கள், அடுக்குமாடிக் குடியிருப்புகள் உட்பட அனைத்துநிலத்தடி நீர் பயன்பாட்டாளர்களும், ஜூன் 30-ம் தேதிக்குள் மத்திய நிலத்தடி நீர் ஆணையத்திடம், நிலத்தடி நீர் எடுக்க அனுமதி பெற வேண்டும்.

விண்ணப்பம் அளிக்கும்போது ரூ.10 ஆயிரம் செலுத்த வேண்டும்.அவ்வாறு மத்திய நிலத்தடி நீர் ஆணையத்திடம் தடையின்மை சான்று பெறாமல் தொடர்ந்து நிலத்தடி நீர் எடுக்கும் பயன்பாட்டாளர்களுக்கு எதிராக கடும் நடவடிக்கை எடுக்கப்படும்" என்று தெரிவிக்கப்பட்டுள்ளது.

கடந்த சில நாட்களாக இந்த அறிவிப்பு சமூக வலைதளங்களில் பரவி வருகிறது. இதனால், தனி வீடு வைத்திருப்போர், குடியிருப்புதாரர்கள் அதிர்ச்சியடைந்துள்ளனர்.

இதுகுறித்து தமிழக அரசின் நீர்வளத் துறை அதிகாரிகளிடம் கேட்டபோது, ‘‘தமிழக அரசின் நீர்வளக் கொள்கைபடி, தண்ணீர் விற்பனை செய்யும் நிறுவனங்கள், தொழிற்சாலைகள், இதர வணிகப் பயன்பாட்டுக்காக நீர் எடுக்கும் நிறுவனங்களுக்குத்தான் தடையின்மை சான்று அல்லது அனுமதி அவசியம். வீட்டு உபயோகம் மற்றும் வேளாண்மைப் பயன்பாட்டுக்குத் தேவையில்லை.

2012-ல் தமிழக அரசு வெளியிட்ட நிலத்தடி நீர் மேலாண்மை தொடர்பான அரசாணையில் இது தெளிவுபடுத்தப்பட்டுள்ளது.

அதில், தனி வீடுகள், குடியிருப்புகள், அரசின் குடிநீர் விநியோகத் திட்டங்கள் மற்றும்நீர் பயன்பாடில்லாத தொழிற்சாலைகளுக்கு தடையின்மைச் சான்று பெறுவதில் இருந்து விலக்களிக்கப்பட்டுள்ளது.

அதே நேரம், தமிழகத்தைப் போன்று தனியாக நிலத்தடி நீர் கண்காணிப்புப் பிரிவு இல்லாமல், மத்திய நிலத்தடி நீர் ஆணையத்தின் கீழ் வரும் சில மாநிலங்கள், ஆணையத்தின் அறிவிப்பைப் பின்பற்ற வேண்டிய அவசியம் ஏற்பட்டுள்ளது" என்றனர்.

மத்திய நிலத்தடி நீர் ஆணையத்தின் இந்த அறிவிப்பு, பொதுமக்கள் மத்தியில் அதிர்ச்சியை ஏற்படுத்தியுள்ள நிலையில், நீர்வளத் துறை அல்லது நிலத்தடி நீர் தகவல் அமைப்பு, தெளிவான அறிவிப்பை வெளியிட வேண்டும் என்பதே பொதுமக்களின் எதிர்பார்ப்பாகும்.



Read in source website

மும்பை: மகாராஷ்டிராவில் ஆட்சிக்கவிழ்ப்பு சுமுகமாக நடந்தேறியுள்ளது. ஏக்நாத் ஷிண்டே முதல்வராகவும், பாஜகவின் தேவேந்திர பட்நவிஸ் துணை முதல்வராகவும் பொறுப்பேற்றுக் கொண்டுள்ளனர். இனி சிவசேனாவின் எதிர்காலம் என்ன? சிவசேனா கற்றுக்கொள்ள வேண்டிய பாடங்கள் என்னென்ன என்பது குறித்து பார்ப்போம்.

சிவசேனாவின் எதிர்காலம் என்ன? சிவசேனாவிற்கு எதிராக போர்க்கொடி உயர்த்திய ஏக்நாத் ஷிண்டே முதல்வராகிவிட்டார். அவர் வெற்றிகரமாக முதல்வர் பதவியைப் பெற்றார் என்று மகிழ்ச்சி கொள்ள வேண்டுமா இல்லை பாஜக ஷிண்டே குழுவுக்கு அதிகாரத்தை கொடுத்துவிட்டு அதை தன் கைப்பாவையாக வைத்திருக்கப் போகிறதா என்பதை பொறுத்திருந்தே பார்க்க வேண்டும். இந்தப் பின்னணியில் நாம் சிவசேனாவின் எதிர்காலத்தை அணுகுவோம். இதற்கு சிவசேனாவின் வளர்ச்சியில் தொடங்கி தற்போதைய நிலைமை வரை நாம் தீர அலசிப்பார்ப்போம்.

சட்டப்பேரவை தேர்தலில் சிவசேனாவின் வாக்கு கணக்கு: சிவசேனா கட்சி மகாராஷ்டிரா சட்டப்பேரவை தேர்தலில் குறிப்பிடத்தக்க வெற்றியைத் தான் பெற்றது. கடந்த காலங்களில் இருந்து ஒப்பிட்டுப் பார்க்கும்போதும் சிவசேனாவின் தேர்தல் அரசியல் சீராகவே இருந்துள்ளது. சிவசேனாவின் வாக்குவங்கி 15%க்கும் கீழ் குறைந்ததே இல்லை. அதேவேளையில் 20%த்தையும் தாண்டியது இல்லை. இதனால் சிவசேனாவிற்கு மக்களின் ஆதரவு மாநிலத்தில் சீராக இருப்பது தெரிகிறது.

மக்களவை தேர்தல் முடிவு சொல்வதென்ன? ஆனால் அதேவேளையில் 2019 மக்களவை தேர்தல் முடிவுகள் வேறுமாதிரியாக உள்ளன. சிவசேனா, 2014, 2019 தேர்தல்களில் தலா 18 மக்களவை தொகுதிகளில் வென்றுள்ளது. 2014ல் பதிவான வாக்குவங்கியைவிட சிவசேனாவுக்கு 2014ல் சற்று அதிகமான வாக்குவங்கியே கிடைத்தது.

தேர்தல் முடிவுகளை தவறாகப் புரிந்து கொண்டதா சிவசேனா? சட்டப்பேரவை தேர்தல், 2019 மக்களவை தேர்தல் வெற்றிகளை சுயேச்சைகளின் ஆதரவால் கிடைத்த வெற்றி என்று சிவசேனா தவறாகப் புரிந்து கொண்டதோ என்ற ஐயமும் இருப்பதாக அரசியல் பார்வையாளர்கள் கூறுகின்றனர். சிவசேனாவின் வெற்றிக்கு பாஜக கூட்டணி மிகப்பெரிய காரணம் என்பதை சேனா தலைவர்கள் உணரத் தவறிவிட்டார்களோ என்ற சந்தேகத்தையும் அவர்கள் எழுப்புகின்றனர். 2014 மக்களவை தேர்தலில் பாஜக பெரும்பான்மை பெற்றது. அதற்கு அடுத்துவந்த சட்டப்பேரவைத் தேர்தலில் பாஜகவுடனான கூட்டணியை முறித்து சிவசேனா தேர்தலை எதிர்கொண்டது. ஆனால் சிவசேனாவின் சாகசத்துக்கு நல்ல பதில் கிடைக்கவில்லை. பாஜகவைவிட குறைவான வாக்குகளைப் பெற்றது. அதனால் பாஜக தலைமையிலான கூட்டணி ஆட்சியில் சிவசேனா இடம்பெற்றது. 288 சட்டப்பேவரை தொகுதிகளில் மகாராஷ்டிரா 256 சட்டப்பேரவை தொகுதிகளில் பாஜகவும், சிவசேனாவும் மோதின. 54 தொகுதிகளில் தான் பாஜக, சிவசேனா முதல் இரண்டு இடங்களில் இருந்தன. அதிலும் 32ல் பாஜகவும், 22ல் சிவசேனாவும் முன்னிலை வகித்தன. மாநிலத்தில் வலதுசாரி இயக்கத்துக்கே அதிக ஆதரவு இருக்கிறது என்பதை அந்த தேர்தல் முடிவுகள் தெளிவாக உணர்த்தின.

மராட்டிய அடையாளத்தால் உத்தவ் சேனா காப்பாற்றப்படுமா? மேலே உள்ள தேர்தல் கணக்குகளைப் பார்க்கும்போதும், ஏக்நாத் ஷிண்டேவின் பாஜகவுடனான கூட்டணி அவருக்கு முதல்வர் பதவியைப் பெற்றுக் கொடுத்ததைப் பார்க்கும்போதும், பாஜகவுடன் இணைவதுதான் சிவசேனாவுக்கு சிறந்த எதிர்காலமாக இருக்கும் என்று கணிக்கப்படுகிறது. ஆனால், 2019ல் ஏன் சிவசேனாவின் உத்தவ் தாக்கரேவை முதல்வராக ஏற்றுக்கொள்ள பாஜக ஒப்புக்கொள்ளவில்லை என்ற கேள்வியும் எழுகிறது. அதற்கு, பாஜக சிவசேனாவில் இருந்து சற்றே வளைந்து கொடுக்கும் ஒருவரையே முதல்வராக விரும்பியது என்றும் உத்தவ் தாக்கரே போன்ற அதிகாரமிக்க தாக்கரே குடும்பத்தினரை விரும்பவில்லை என்றும் கூறப்படுகிறது. ஆனால், உத்தவ் தாக்கரேவோ மராட்டிய பெருமை, மண்ணின் மைந்தர் அடையாளங்களை மட்டும் வைத்துக் கொண்டு அரசியல் செய்ய முயல்கிறார். மகாராஷ்டிரா மக்கள் தொகையை அலசும்போது 1961ல் 43% ஆக இருந்த மராட்டிய சமூகத்தினரின் எண்ணிக்கை, 2011ல் 35 சதவீதமாகக் குறைந்துள்ளது. இதனால் அங்கு மண்ணின் மைந்தர் கொள்கையைவிட, வலதுசாரி கொள்கையே அதிகமாக ஓங்கி ஒலிக்கிறது.

பழையநிலை மாறிவிட்டதால் இன்னமும் மராட்டிய பெருமை பேசி சிவசேனா அரசியல் செய்ய முடியாது எனக் கூறப்படுகிறது. இல்லை, உத்தவ் தாக்கரே, வலதுசாரியல்லாத கட்சிகளுடன் கூட்டணி அமைத்து தன்னை நிரூபிக்கலாம். ஆனால் மகா விகாஸ் அகாதியுடன் அவர் மேற்கொண்ட முதல் முயற்சி தோல்வியடைந்துள்ளது. இதனால் மதச்சார்பற்ற கட்சிகளுடனான கூட்டணியையும் சிவசேனா மறுசீராய்வு செய்ய வேண்டும். இந்துத்துவாவை எதிர்க்க பல உத்திகளையும் வகுக்க வேண்டியிருக்கும். சில சமரசங்களையும் செய்ய வேண்டியிருக்கும். இதுதான் சிவசேனாவின் எதிர்காலம்.



Read in source website

புதுடெல்லி: தொழில் தொடங்குவதற்கு மிகவும் இணக்கமான சூழல் நிலவும் மாநிலங்கள் வரிசையில் முதலிடத்தில் ஆந்திரா உள்ளது. குஜராத் மற்றும் தெலங்கானா மாநிலங்கள் இரண்டாவது மற்றும் மூன்றாமிடங்களைப் பிடித்துள்ளன.

மத்திய நிதி அமைச்சர் வெளியிட்ட இந்த பட்டியலில் இமாச்சல் (4), உ.பி. (5), ஒடிசா (6), ம.பி. (7) ஆகிய மாநிலங்கள் இடம்பிடித்துள்ளன. வளர்ச்சி வாய்ப்புள்ள மாநிலங்கள் வரிசையில் அசாம் (8), கேரளா (9), கோவா (10) ஆகியன உள்ளன.

இந்த வரிசையில் முதல் 10 இடங்களுக்குள் தமிழ்நாடு இடம்பெறவில்லை என்பது குறிப்பிடத்தக்கது. வளரும் தொழில் வாய்ப்பு, அதற்குரிய சூழல் உள்ள மாநிலங்கள் மற்றும் யூனியன் பிரதேசங்களில் 11 இடம்பிடித்துள்ளன. இதில் டெல்லி, புதுச்சேரி, திரிபுரா ஆகியனவும் அடங்கும்.



Read in source website

சென்னை: பிஎஸ்எல்வி சி-53 ராக்கெட் மூலம் சிங்கப்பூர் நாட்டின் ‘டிஎஸ்-இஓ’ உள்ளிட்ட 3 செயற்கைக்கோள்கள் நேற்று வெற்றிகரமாக விண்ணில் செலுத்தப்பட்டன.

விண்வெளி ஆய்வில் தனியார் துறைகள் மற்றும் கல்வி நிறுவனங்களின் பங்களிப்பை ஊக்குவிக்கும் நோக்கத்தில் இந்திய விண்வெளி ஆய்வு நிறுவனம் (இஸ்ரோ) பல்வேறு முயற்சிகளை முன்னெடுத்து வருகிறது. இதற்காக 2019-ம் ஆண்டு என்எஸ்ஐஎல் என்ற அமைப்பும், 2020-ல் இன்ஸ்பேஸ் என்ற அமைப்பும் நிறுவப்பட்டன.

அதன்படி என்எஸ்ஐஎல் அமைப்பு மூலம் சிங்கப்பூருக்கு சொந்தமான டிஎஸ்-இஒ, நியூசர் உட்பட 3 செயற்கைக்கோள்களை பிஎஸ்எல்வி சி-53 ராக்கெட் மூலம் வர்த்தக ரீதியாக விண்ணில் செலுத்த இஸ்ரோ முடிவு செய்தது. இந்த ஏவுதலுக்கான 25 மணி கவுன்ட்டவுன் நேற்று முன்தினம் தொடங்கியது. தொடர்ந்து ஸ்ரீஹரிகோட்டாவில் உள்ள சதீஷ் தவான் மையத்தின் 2-வது ஏவுதளத்தில் இருந்து பிஎஸ்எல்வி ராக்கெட் நேற்று மாலை 6.02 மணிக்கு விண்ணில் ஏவப்பட்டது.

தரையில் இருந்து புறப்பட்ட 19 நிமிடங்களில் 3 செயற்கைக்கோள்களும் திட்டமிட்ட சுற்றுப்பாதையில் வெற்றிகரமாக நிலைநிறுத்தப்பட்டன. இந்த ஏவுதலில் முதன்மைச் செயற்கைக்கோளான டிஎஸ்-இஓ 365 கிலோ எடை கொண்டது. இது ஒரே நேரத்தில் பல்வேறு கோணங்களில் பூமியை வண்ணப்படம் எடுக்கும் திறன் உடையது. மேலும், பேரிடர் மீட்புக்குத் தேவையான மனித வளங்களை கண்டறியும் பணிகளையும் மேற்கொள்ளும்.

இதுதவிர 155 கிலோ எடை கொண்ட நியூசர் செயற்கைக்கோள் சிந்தடிக் அப்ரேச்சர் ரேடார் தொழில்நுட்பத்தில் இயங்கக்கூடியது. இது இரவு, பகல் உட்பட அனைத்து பருவ நிலைகளிலும் துல்லியமாக படங்களை எடுத்து வழங்கும். இவ்விரண்டும் சிங்கப்பூருக்காக கொரியா குடியரசால் உருவாக்கப்பட்டவை. இதனுடன் கல்விசார் பணிக்காக சிங்கப்பூர் நான்யாங் தொழில்நுட்ப பல்கலை. மாணவர்கள் வடிவமைத்த ஸ்கூப்-1 என்ற செயற்கைக்கோளும் (2.8 கிலோ) விண்ணில் ஏவப்பட்டுள்ளது.

இந்த வெற்றியின் மூலம் 1993-ம் ஆண்டு முதல் இதுவரை அமெரிக்கா உட்பட 34 வெளிநாடுகளை சேர்ந்த 345 செயற்கைக்கோள்கள் பிஎஸ்எல்வி மூலம் இஸ்ரோ வெற்றிகரமாக நிலைநிறுத்தியுள்ளது.

மேலும், இந்த ராக்கெட் ஏவுதலின்போது செயற்கைக்கோள்களை திட்டமிட்ட சுற்றுப் பாதையில் நிலைநிறுத்தப்பட்ட பின்னர், பிஎஸ்எல்வி ராக்கெட்டின் இறுதிப் பாகமான பிஎஸ் 4 இயந்திரம் உதவியுடன் சில ஆய்வு கருவிகள் பூமியைச் சுற்றி வர உள்ளது குறிப்பிடத்தக்கது.

பார்வையாளர்களுக்கு அனுமதி

2019-ம் ஆண்டு டிச.11-ம் தேதி பிஎஸ்எல்வி சி- 48 ராக்கெட் மூலம் ‘ரிசார்ட் 2பி ஆர்- 1’ செயற்கைக்கோள் விண்ணில் ஏவப்படும் போது பொதுமக்கள் நேரடியாக பார்வையிட அனுமதி வழங்கப்பட்டது. அதற்குப் பின்னர் கரோனா பரவல் காரணமாக பார்வையாளர்கள் அனுமதிக்கப்படவில்லை. இரண்டரை ஆண்டுகளுக்குப் பிறகு பார்வையாளர்களுக்கு நேற்று அனுமதி வழங்கப்பட்டது குறிப்பிடத்தக்கது.

ககன்யான், சந்திராயன்-3 ஏவுதல் எப்போது?

ககன்யான் மற்றும் சந்திராயன்-3 திட்டங்கள் குறித்து இஸ்ரோ தலைவர் சோம்நாத், நேற்று செய்தியாளர்களிடம் கூறியதாவது: பிஎஸ்எல்வி சி-53 திட்டம் வெற்றிகரமாக விண்ணில் ஏவப்பட்டுள்ளது. வணிகரீதியாகவும், அதேநேரம் ராக்கெட் இறுதிப்பகுதி ஆய்வுக்காகவும் அனுப்பப்பட்டுள்ளன. அடுத்ததாக சிறிய ரக எஸ்எஸ்எல்வி ராக்கெட் திட்டம் ஜூலை இறுதிக்குள் செயல்படுத்தப்படும்.

இதையத்து ஜிஎஸ்எல்வி ராக்கெட்டை வணிகரீதியாக முன்னெடுக்கப்பட திட்டமிடப்பட்டுள்ளது. இதற்காக இந்திய ஆய்வுக்கான ஜிஎஸ்எல்வி, வணிகரீதியான ஜிஎஸ்எல்வி மார்க் 3 திட்டம் ஆகியவை செப்டம்பர், ஜனவரியில் செயல்படுத்தப்பட உள்ளன. இதுதவிர மனிதர்களை விண்ணுக்கு அனுப்பும் ககன்யான் திட்டம் ஆய்வு நிலையில் உள்ளது.

ராக்கெட்டில் ஆபத்து காலத்தில் வெளியேறுவதற்கான வசதிகளை அமைப்பது குறித்த பல்வேறு கட்ட ஆய்வுகள் நடைபெற்று வருகின்றன. அதேபோல், சந்திராயன்- 3 திட்டமும் ஆய்வுப்பணியில் உள்ளது. ஏற்கெனவே நடைபெற்ற தவறுகள் மீண்டும் நடைபெறாதவாறு திட்டங்களை செயல்படுத்த வேண்டும். இதனால்தான் ககன்யான் மற்றும் சந்திராயன் திட்டங்கள் தாமதமாகின்றன. தூத்துக்குடி மாவட்டம் குலசேகரப்பட்டினத்தில் ராக்கெட் ஏவுதளம் அமைப்பதற்காக 2000 ஏக்கர் நிலம் கையகப்படுத்தப்பட்டுள்ளது. அடுத்தகட்ட பணிகள் விரைவில் தொடங்கப்படும். இவ்வாறு அவர் கூறினார்.



Read in source website

சென்னை: தமிழ்நாடு மாநில நீச்சல் சங்கத்தின் சார்பில் 48-வது மாநில ஜூனியர் நீச்சல் சாம்பியன்ஷிப் போட்டிகள் சென்னை வேளச்சேரியில் உள்ள நீச்சல் குள வளாகத்தில் கடந்த 28 மற்றும் 29-ம் தேதிகளில் நடைபெற்றது. இதில் 400 மீட்டர் தனிநபர் மெட்லே பிரிவில் சென்னை ஆதம்பாக்கம் டிஏவி மெட்ரிக் பள்ளி மாணவன் எஸ்.அவினாஷ் தங்கப் பதக்கம் வென்றார்.

மேலும் 100 மீட்டர் பட்டர் பிளை பிரிவிலும் அவினாஷ் தங்கம் வென்று அசத்தினார். இந்தத் தொடரில் 200 மீட்டர் தனிநபர் மெட்லே பிரிவில் வெள்ளிப் பதக்கமும், 200 மீட்டர் பட்டர்பிளை பிரிவில் வெண்கலப் பதக்கமும் கைப்பற்றி அனைவரது கவனத்தையும் ஈர்த்தார் அவினாஷ்.



Read in source website

‘2025-ம் ஆண்டுக்குள் 5 டிரில்லியன் டாலர் (ரூ.390 லட்சம் கோடி) பொருளாதாரத்தை எட்டுவதே இந்தியாவின் இலக்கு’ என்று 2019-ம் ஆண்டு சுதந்திர தின உரையில் பிரதமர் மோடி உரக்க அறிவித்தார்.

இந்தியப் பொருளாதாரம் அதனுடைய முதல் டிரில்லியன் டாலரை 2007-ம் ஆண்டிலும் இரண்டாவது டிரில்லியன் டாலரை ஏழு ஆண்டுகளுக்குப் பிறகு 2014-ம் ஆண்டிலும் தொட்டது.

மூன்றாவது டிரில்லியனை எட்டாண்டுகள் கழித்து 2022-ம் ஆண்டில் தொட்டிருக்கிறது. பெருந்தொற்றால் கடந்த இரண்டு ஆண்டுகள் பொருளாதாரம் பாதிக்கப்பட்டாலும் மூன்றாவது டிரில்லியன் என்கிற மைல்கல்லை இந்தியா வெற்றிகரமாகக் கடந்திருக்கிறது.

எனினும், பெருந்தொற்றுக்குப் பிறகான அதிகாரப்பூர்வமான கணக்கீட்டின்படியும் சர்வதேச செலாவணி நிதியத்தின் (ஐஎம்எப்) கணிப்பின்படியும் இந்தியா 5 டிரில்லியன் பொருளாதாரத்தை 2027-ம் ஆண்டில்தான் எட்டமுடியும் எனத் தெரியவந்திருக்கிறது.

ஆக 2022-ல் 3 டிரில்லியனாக இருக்கும் இந்தியப் பொருளாதாரம், புதிய கணிப்புகளின்படி 5 டிரில்லியன் டாலரைத் தொட இன்னும் 5 ஆண்டுகள் ஆகும்.

இந்த இலக்கை அடைவதற்கு மத்திய அரசு எடுத்திருக்கும் நடவடிக்கைகள், இனி எடுக்கவிருக்கும் நடவடிக்கைகள் ஒருபக்கம் என்றால், மிகப் பெரிய சவாலாக இருக்கும் இரு துறைகள் பற்றி பார்ப்போம்.

வேளாண்துறை: பயிர் இழப்பு, சந்தையுடனான தொடர்பு, பருவநிலை மாற்றம், உர விலை உயர்வு போன்ற சவால்களை வேளாண் துறை எதிர்கொண்டு வருகிறது. வேளாண் துறையில் மேம்படுத்தப்பட்ட தொழில்நுட்பத்தின் பயன்பாடு அவசியமான ஒன்றாகும்.

இன்றைய நிலையில் இந்தியப் பொருளாதாரத்துக்கு வேளாண்துறையின் பங்கு சுமார் 400 பில்லியன் டாலராகும். இந்தியா 5 டிரில்லியன் பொருளாதாரமாக மாற வேண்டுமெனில் வேளாண்துறையின் பங்களிப்பு இப்போது இருக்கும் அளவைப் போல் இரண்டு மடங்காக உயர வேண்டும்.

2021-22 நிதி ஆண்டில் வேளாண்துறைக்கான கடன் தொகை ரூ.16 லட்சத்து 50 ஆயிரம் கோடி என நிர்ணயிக்கப்பட்டது. இதில் 2021 செப்டம்பர் வரை ரூ.7 லட்சத்து 36 ஆயிரம் கோடி வழங்கப்பட்டிருக்கிறது.

இதோடு ‘ஆத்மநிர்பார் பாரத் அபியான்’ திட்டத்தின் கீழ் 2.5 கோடி விவசாயிகள் பயனடையும் வகையில் ரூ.2 லட்சம் கோடி அறிவிக்கப்பட்டது. நிதி ஒதுக்கீடு ஒருபுறம் இருந்தாலும், சந்தையோடு இத்துறையைத் தொடர்புபடுத்துவதில் தீவிரமான உந்துதல் தேவைப்படுகிறது.

பருவநிலை மாற்றம்: பருவநிலை மாற்றத்தால் அனைத்து நாடுகளும் கடுமையான நிதி இழப்பைச் சந்திக்க வேண்டிவரும் என இத்துறை சார்ந்த நிபுணர்கள் உலக நாடுகளை எச்சரித்து வருகிறார்கள்.

அதன்படி, இந்தியாவுக்கான இழப்பு 2050-ம் ஆண்டில் சுமார் 6 டிரில்லியன் டாலராக இருக்கும் எனக் கணிக்கப்பட்டிருக்கிறது. இருப்பினும், மாசு ஏற்படுத்தும் வாயு உமிழ்வைக் குறைப்பதற்காக இப்போது எடுத்து வரும் முயற்சிகளும், முதலீடுகளும் தொடர்ந்தால் இதன் மூலம் 2070 ஆண்டுக்குள் சுமார் 11 டிரில்லியன் டாலர் வரை ஆதாயம் கிடைக்கும் என டெலாய்ட் என்கிற ஆலோசனை நிறுவனத்தின் அறிக்கை கூறுகிறது.



Read in source website

பணியில் இருந்து ஒரு நபர் ராஜினாமா செய்த இரண்டு நாட்களுக்குள் அவருடைய சம்பளம் மற்றும் இன்னும் பிற பணிப் பலன்களை தந்துவிடும் வகையில் புதிய தொழிலாளர் விதிகளில் திருத்தம் கொண்டுவரப்பட்டுள்ளது.

புதிய தொழிலாளர் சட்ட விதிமுறைகளை அமல்படுத்த மத்திய அரசு நடவடிக்கை எடுத்து வருகிறது. உத்தரகாண்ட், உத்தரப் பிரதேசம், மத்தியப் பிரதேசம், சத்தீஸ்கர், அருணாசலப் பிரதேசம், ஹரியாணா, ஜார்க்கண்ட், பஞ்சாப், மணிப்பூர், பிஹார், இமாசலப் பிரதேசம் மற்றும் ஜம்மு-காஷ்மீர் யூனியன் பிரதேசம் ஆகியவை இந்த வரைவு கொள்கையை ஏற்றுக் கொண்டுள்ளன. ஆனாலும் இன்னும் பல மாநிலங்கள் இதற்கு இசைவு தெரிவிக்கவில்லை.

இந்நிலையில், புதிய தொழிலாளர் விதிகளின் அண்மை திருத்தம் பற்றிய தகவல் வெளியாகியுள்ளது. அதாவது ஒரு ஊழியர் பணியில் இருந்து ராஜினாமா செய்தாலோ, நீக்கப்பட்டாலோ அல்லது பணி ஓய்வு பெற்றாலோ அவருக்கான அனைத்து பலன்களும் இரண்டே நாட்களுக்குள் கிடைக்கும்படி செய்யப்படும். தற்போது நடைமுறையில் உள்ள சட்டத்தில் இந்த பணி பலன்களானது ஒருவர் பணியில் இருந்து விடுபட்ட 45 நாட்கள் முதல் 60 நாட்களுக்குள் வழங்கப்பட்டுவிடுகிறது. சில நேரங்களில் 90 நாட்கள் கூட ஆகிறது. இந்நிலையில் புதிய தொழிலாளர் சட்டத் திருத்தத்தில் பல சலுகைகள் அறிவிக்கப்பட்டுள்ளன. அதன்படி, தொழிலாளர் ஒருவர் ஓய்வு பெற்றாலோ, ராஜினாமா செய்தாலோ, பணி நீக்கம் செய்யப்பட்டாலோ அல்லது நிறுவனம் மூடப்பட்டதால் பணி இழந்தாலோ உடனடியாக பலன் களைப் பெறும் என்ற சட்டத்திருத்திற்கு நல்ல வரவேற்பு உள்ளது.

அண்மையில் அறிவிக்கப்பட்ட 4 முக்கிய திருத்தங்களின் படி வாரத்திற்கு 4 நாட்கள் வேலை, அன்றாட பணி நேரத்தை 8ல் இருந்து 12 மணி நேரமாக அதிகரித்தல், பிஎஃப் தொகைக்கான பங்களிப்பை அதிகரித்தல், ஒரு தனிநபரின் அடிப்படை சம்பளத்தை 50% அதிகரித்தல் ஆகியன பட்டியலிடப்பட்டிருந்தன.



Read in source website

சென்னை: தணிக்கைத் துறையில் உருவாகிவரும் சவால்கள் மற்றும் வாய்ப்புகள் குறித்து ஒரு நாள் தேசிய மாநாடு சென்னை தாஜ் கன்னிமாரா ஹோட்டலில் நாளை நடைபெற உள்ளது. இம்மாநாட்டை இந்திய உள் தணிக்கையாளர்கள் அமைப்பின் (Institute of Internal Auditors India - IIA) மகளிர் பிரிவு நடத்துகிறது.

இந்தியாவின் பல்வேறு பகுதிகளிலிருந்து அனுபவமிக்க தணிக்கையாளர்கள், தொழில்துறை தலைவர்கள் மாநாட்டில் விவாதிக்க உள்ளனர். இஎஸ்ஜி மற்றும் டிஜிட்டல் மோசடி குறித்து விவாதிக்கப்பட உள்ளது. இஎஸ்ஜி என்று அழைக்கப்படும் சுற்றுச்சூழல், சமூகம், நிர்வாகக் காரணிகள் நிறுவனத்தின் போக்கில் தாக்கம் செலுத்தக் கூடியவையாக உள்ளன. ஒரு நிறுவனத்தை மதிப்பீடு செய்யும் போது முதலீட்டாளர்கள் இஎஸ்ஜி காரணிகளையும் கருத்தில் கொள்கின்றனர்.

இந்நிலையில் இஎஸ்ஜி சார்ந்து சரியான திட்டங்களை உருவாக்குவதன் அவசியத்தையும் அதன்மூலம் ஒரு நிறுவனம் எவ்வகையில் பலன் பெற முடியும் என்பது குறித்தும் மாநாட்டில் விவாதிக்கப்பட உள்ளது. மேலும் டிஜிட்டல் மோசடி எவ்வளவு ஆபத்தானதாது என்பது குறித்தும், அத்தகைய மோசடிகளை அடையாளம் காண்பது குறித்தும் விவாதிக்கப்பட உள்ளது. இம்மாநாட்டில் பங்கேற்க பதிவுக் கட்டணம் உண்டு.



Read in source website

புதுடெல்லி: டெல்லி விக்யான் பவனில் ‘தொழில் முனைவு இந்தியா’ நிகழ்ச்சி நேற்று நடைபெற்றது. இதில் கலந்து கொண்ட பிரதமர் நரேந்திர மோடி, சிறு, குறு, நடுத்தர நிறுவனங்களின் (எம்எஸ்எம்இ) வளர்ச்சிக்காக ‘எம்எஸ்எம்இ துறையின் செயல்திறனை அதிகரித்தல் மற்றும் துரிதப்படுத்தல்’, ‘எம்எஸ்எம்இ துறையில் முதல் முறையாக ஏற்றுமதியில் ஈடுபடுபவர்களை மேம்படுத்துதல்’ என்ற இரண்டு திட்டங்களை தொடங்கி வைத்தார்.

இதில் ‘எம்எஸ்எம்இ துறையின் செயல்திறனை அதிகரித்தல் மற்றும் துரிதப்படுத்தல்’ திட்டத்துக்கு அடுத்த ஐந்து ஆண்டுகளில் ரூ.6,000 கோடி செலவிடப்பட உள்ளது. இந்தத் திட்டம் உலக வங்கியுடன் இணைந்து முன்னெடுக்கப்படுகிறது.

இந்த நிகழ்ச்சியில் மோடி பேசியதாவது: நம் நாட்டின் வளர்ச்சியில் சிறு, குறு, நடுத்தர நிறுவனங்கள் முக்கிய பங்கு வகிக்கின்றன. இந்தியப் பொருளாதாரத்தில் மூன்றில் ஒரு பங்கு எம்எஸ்எம்இ துறை மூலம் கிடைக்கிறது. அந்த வகையில் எம்எஸ்எம்இ துறையை மேம்படுத்துவது ஒட்டுமொத்த சமூகத்தை மேம்படுத்துவதாகும்.

சுயசார்பு இந்தியா (ஆத்ம நிர்பார்) திட்டத்துக்கு எம்எஸ்எம்இ துறையின் பங்களிப்பு மிக முக்கியமானது. இத்துறையை வலுப்படுத்துவதற்கான நிதி ஒதுக்கீடு கடந்த 8 ஆண்டுகளில் 650 சதவீதம் அதிகரித்துள்ளது. எம்எஸ்எம்இ துறையுடன் 11 கோடி மக்கள் பிணைக்கப்பட்டுள்ளனர். இத்துறையின் ஏற்றுமதியை அதிகரிக்க மத்திய அரசு பல நடவடிக்கை எடுத்து வருகிறது.

எம்எஸ்எம்இ தொழில்களுக்கு கடன் வழங்குதல் கடந்த 8 ஆண்டுகளில் எளிமையாக்கப்பட்டுள்ளது. சிறு, குறு, நடுத்தர நிறுவனங்கள் தங்கள் தயாரிப்புகள் மற்றும் சேவைகளை அரசுக்கு வழங்குவதற்கு அரசு இ-சந்தை சிறந்த தளமாக உள்ளது.

முதன் முதலாக காதி மற்றும் கிராமப்புற தொழில்களின் வருவாய் ரூ.1 லட்சம் கோடியைத் தாண்டியுள்ளது. கிராமப்புறங்களில் உள்ள சிறு தொழில்முனைவோர் மற்றும் சகோதரிகளின் கடின உழைப்பினாலேயே இது சாத்தியமாகியுள்ளது. இவ்வாறு மோடி பேசினார்.

இந்த நிகழ்ச்சியின்போது பிரதமர் வேலைவாய்ப்பு உருவாக்கத் திட்டத்தின் கீழ் புதிய அறிவிப்புகளை மோடி வெளியிட்டார். அவர் அத்திட்டத்தின் கீழ், 18 ஆயிரம் பயனாளர்களுக்கு ரூ.550 கோடி பரிவர்த்தனை செய்தார்.



Read in source website

புதுடெல்லி: முறைகேடான வர்த்தக செயல்பாடுகளில் ஈடுபடும் கல்வித் தொழில்நுட்ப நிறுவனங்களுக்கு மத்திய அரசு எச்சரிக்கை விடுத்துள்ளது.

இது தொடர்பாக மத்திய நுகர்வோர் விவகாரங்கள் துறை செயலாளர் ரோகித் குமார் சிங், இந்திய இணையதளம் மற்றும் செல்போன் சங்கத்தின் (ஐஏஎம்ஏஐ ) கீழ் இயங்கும், சுய ஒழுங்குமுறை அமைப்பான இந்தியா எட்-டெக் கூட்டமைப்புடன் வெள்ளிக்கிழமை ஆலோசனை நடத்தினார். இந்த கூட்டத்தில் IEC உறுப்பினர்களான பைஜூஸ், வேதாந்து, அப்கிரேடு, அன் அகாடமி, கிரேட் லேனிங், ஒயிட்ஹேட் ஜூனியர், சன்ஸ்டோன் மற்றும் ஐஏஎம்ஏஐ பிரதிநிதிகள் கலந்து கொண்டனர்.

கூட்டத்தில் பேசிய ரோகித் குமார் சிங், கல்வி தொழில்நுட்ப நிறுவனங்களின் முறைகேடான வர்த்தக நடைமுறைகள் மற்றும் தவறான தகவல்களின் பேரில் ஆர்வத்தை தூண்டும் விளம்பரங்கள் குறித்து விவாதித்தார். இந்திய கல்வி தொழில்நுட்ப சூழல் முறையில் நுகர்வோர் நலனை பாதுகாப்பதற்கான வழிமுறைகள் குறித்து சுட்டிக்காட்டினார்.

மேலும், "சுய ஒழுங்குமுறைகளைக் கடைபிடித்து, முறைகேடான வர்த்தக செயல்பாடுகளை தடுக்காவிட்டால், வெளிப்படைத்தன்மையை உறுதிப்படுத்தும் வகையில் அரசே கடுமையான வழிகாட்டு நெறிமுறைகளை உருவாக்க வேண்டியிருக்கும் என்ற செயலாளர், சில விளம்பரங்கள் தற்போது நடைமுறையில் உள்ள வழிகாட்டு நெறிமுறைகளின் படி இல்லை என்றும் அத்தகைய விளம்பரங்களில் நுகர்வோர் நலனை பாதுகாக்கும் வகையில் தடுப்பு முறைகளை கடைபிடிப்பது அவசியம்" என்று தெரிவித்தார்.



Read in source website

பிளாக்செயின், பிட்காயின் குறியீட்டு நாணயம் (Cryptocurrency) என்பதைப் பற்றி பலரும் பேசிக்கொண்டிருப்பதைக் காணலாம். பிளாக்செயின் தொழில்நுட்பம் எவ்வாறு உருவானது என்பதற்கு ஒரு உதாரணத்தை எடுத்துக்கொள்ளலாம்.

ஐபிஎல் கிரிக்கெட்டில் குறிப்பிட்ட இரண்டு அணிகள்தான் ஜெயிக்கும் என்று இரண்டு நண்பர்கள் தங்களுக்குள் பந்தயம் வைத்துக்கொள்கின்றனர் என்று வைத்துக்கொள்வோம். ஒருவர் சொன்ன அணி வென்றுவிட்டது, மற்றொருவர் சொன்ன அணி தோற்றுவிட்டது. இந்த நிலையில் பந்தயத்தில் வென்றவர் பந்தயத் தொகையைக் கேட்கும்போது முடியாது என்று தோற்றவர் சொல்லிவிட்டுச் சென்றுவிடுகிறார்.

இந்த நிலையை மாற்றுவதற்காக இடைத்தரகர் ஒருவரை நியமித்து அவரிடம் இருவரும் பந்தயத் தொகையைக் கட்டி அதற்கேற்றாற்போல் பந்தயம் வைத்துக்கொள்கிறார்கள் என்று வைத்துக்கொள்வோம். இதுபோன்ற சூழலில் இடைத்தரகர்கள் பணத்தை ஏமாற்றிவிடுகிறார்கள், என்னிடம் தொகையைக் கொடுக்கவில்லை என்று ஏமாற்றிவிடுகின்றனர்.

இதனை மாற்ற இடைத்தரகரிடம் கொடுத்த தொகையை நான்கு அல்லது ஐந்து இடங்களில் பதிவுசெய்து வைத்திருந்தால் இடைத்தரகரால் ஏமாற்ற முடியாது. இது போன்ற செயல்பாடுதான் பிளாக்செயின் தொழில்நுட்பம். மையப்படுத்தப்படாத வழங்ககத்தின் (Decentralized Server) மூலம் ஒரு இடத்தில் உள்ள தரவானது வெவ்வேறு இடங்களில் பதிவுசெய்யப்பட்டு ஒரு நிகழ்வானது நடைபெறுவதுதான் பிளாக்செயின் தொழில்நுட்பம். இன்னும் எளிமையாக, பிளாக்செயின் தொழில்நுட்பத்தைப் புரிந்துகொள்ள இதோ சில உதாரணங்கள்:

ஒரு பணத்தைப் பாதியாகக் கிழித்து, ஒருவரிடம் ஒரு பாதியும், மற்றொருவரிடம் ஒரு பாதியும் இருக்குமாறு வைத்துக்கொள்வோம். இந்தப் பணத்தை பயன்படுத்த வேண்டுமென்றால், ஒருவரிடம் உள்ள பாதியையும், மற்றொருவரிடம் உள்ள பாதியையும் இணைத்த பிறகுதான் பயன்படுத்த முடியும். அதுபோலத்தான் பிளாக்செயின் தொழில்நுட்பமும்.

ஒரு தொகுதிக்கென ஹேஷ் குறியீடு (Hash key) இருக்கும். இன்னொரு தொகுதிக்கென ஒரு ஹேஷ் குறியீடு (hash key) இருக்கும். அந்த இன்னொரு தொகுதியை நாம் பயன்படுத்தும்போது முன்னர் உள்ள தொகுதிக்கான குறியீட்டின் மதிப்பு (Key Value) நமக்குத் தேவை. அப்போதுதான் அதைச் செயல்படுத்த முடியும். இவ்வாறு செய்வதுதான் பிளாக்செயின் தொழில்நுட்பம்.

சங்கிலி இணைப்பு போன்ற இந்த அமைப்பில் தேதி, நேரம் போன்றவையும் குறியாக்க வடிவில் சேமித்து வைக்கப்படும். ஏதாவதொரு தகவலை அழிப்பதோ மாற்றுவதோ இதில் கடினமானது. ஒவ்வொரு தகவல் பரிமாற்றமும் வலையிணைப்புக் கணுக்கள் (network nodes) மூலமாகவும், பராமரிப்பாளர்கள் மூலமாகவும் சரிபார்க்கப்படும்.

எடுத்துக்காட்டாக, ஒருவரிடமிருந்து மற்றொருவருக்கு இடத்தை விற்கிறோம் என்றால், ஒருமுறை விற்ற பின், நம்முடைய கணக்கிலிருந்து அந்த இடம் சென்றுவிடும். இதனை வலையிணைப்புக் கணுக்களும் பராமரிப்பாளர்களும் உறுதிசெய்வார்கள்.

இடம் யாருக்குச் சொந்தம், எப்போது பரிமாற்றம் நடந்தது என்பன போன்றவற்றை அதிநவீனக் கணினி மூலமாக, கணிதக் கோட்பாடுகளையும் சமன்பாடுகளையும் எதிர்கொண்டு விடையளிப்பதாக அந்த உறுதி அமையும். இவ்வாறு பரிமாற்றத்தை உறுதிசெய்த பின், மறுமுறை அதே இடத்தை வேறொருவருக்குக் கொடுக்க இயலாது.

அதேபோல்தான் பிளாக்செயின் தொழில்நுட்பமும். தற்போது பிளாக்செயின் தொழில்நுட்பம் பல்வேறு பரிவர்த்தனைகளில் பயன்படுத்தப்பட்டுவருகிறது. அதிவேகமாக வளர்ந்துவரும் தொழில்நுட்ப யுகத்தில் பிளாக்செயின் குறித்து அறிந்துவைத்துக்கொள்வது மிகவும் நல்லது.



Read in source website


உக்ரைன் விவகாரத்தில் ஒரு தெளிவான நிலையை ஜெர்மனியில் கூடிய ஜி7 மாநாடு எடுக்கும் என்ற எதிர்பார்ப்பு பொய்த்திருக்கிறது. மாநாட்டில் பங்கேற்றோர் உக்ரைன் விவகாரத்தை மென்மையாகக் கையாண்டது ரஷிய ஆக்கிரமிப்பில் இருக்கும் உக்ரைன் மக்களுக்கு நிச்சயம் ஏமாற்றம் அளித்திருக்கும்.

உக்ரைனுக்கு ஆதரவாக இருப்பதாக ஜி7 மாநாடு பெயரளவில் அறிவித்துள்ளது. ரஷியாவின் வேகத்தைக் கட்டுப்படுத்த அதன்  எரிபொருள் விலையைக் கட்டுப்படுத்தும் கொள்கையை அறிவிக்க ஜி7 நாடுகள் தயாராகி வருகின்றன. இதனால் உக்ரைன் மீதான போர் முடிவுக்கு வருமா என்பது தெரியவில்லை. 

வளர்ச்சியடைந்த பொருளாதார நாடுகள் ஒருங்கிணைந்து உருவாக்கிய அமைப்பே ஜி7 கூட்டமைப்பாக செயல்பட்டு வருகிறது. ஆறு நாடுகள் இணைந்து 1975-இல் உருவாக்கிய அமைப்பில் 1976-இல் கனடாவும் 1998-இல் ரஷியாவும் இணைந்தன. அதன் பிறகு ஜி8 நாடுகளின் கூட்டமைப்பில் அமெரிக்கா, பிரிட்டன், பிரான்ஸ், ஜெர்மனி, இத்தாலி, ஜப்பான், ரஷியா, கனடா ஆகிய நாடுகள் அங்கம் வகித்தன. 

உக்ரைனின் ஒரு பகுதியாக இருந்த கிரீமியாவை ரஷியா ஆக்கிரமித்ததால், 2014-இல் ஜி8 நாடுகளிலிருந்து ரஷியா நீக்கப்பட்டது. அதன் பிறகு இந்த அமைப்பு ஜி7 கூட்டமைப்பாக செயல்பட்டு வருகிறது. ஐரோப்பிய ஒன்றியத்தின் தலைவர் இதன் ஆண்டுக் கூட்டத்தில் கலந்துகொள்வது மரபாக உள்ளது.

இத்தகைய வரலாற்றுப் பின்புலம் கொண்ட ஜி7 கூட்டமைப்பின் இந்த ஆண்டு மாநாடு, உக்ரைன் மீது போர் தொடுத்திருக்கும் ரஷியாவைக் கண்டிக்கும் என்ற எதிர்பார்ப்பு நிலவியது. உக்ரைன் அதிபர் ஸெலென்ஸ்கியும் காணொலி முறையில் இம்மாநாட்டில் பேசினார். தங்கள் நாட்டுக்கு எதிராக ரஷியா நடத்தி வரும் போரை, குளிர்காலத்துக்குள் முடிவுக்குக் கொண்டுவர வேண்டும்; ரஷியா மீதான பொருளாதாரத் தடைகளை தீவிரப்படுத்த வேண்டும்; புதினின் படைகளுக்கு எதிரான போராட்டத்துக்கு மேலும் ஆயுதங்களை வழங்க வேண்டும் ஆகிய வேண்டுகோள்களை அவர் முன்வைத்தார்.

இந்த விவகாரம் குறித்து தீவிரமாக விவாதிக்கப்பட்டபோதும், ரஷியாவுக்கு எதிராக கடுமையான நிலைப்பாட்டை ஜி7 மாநாடு எடுக்கவில்லை. மாறாக, சீனா நடைமுறைப்படுத்திவரும் சாலை வழி திட்டத்தை எதிர்கொள்ளும் வகையில், சர்வதேச கட்டமைப்பு முதலீட்டுக்கான கூட்டமைப்புத் திட்டத்தை 2027-ஆம் ஆண்டிற்குள் ரூ. 45 லட்சம் கோடியில் நிறைவேற்ற உள்ளதாக ஜி7 மாநாடு அறிவித்திருக்கிறது. சர்வதேச அளவில் ரஷிய ஆக்கிரமிப்பை விட சீனாவின் வளர்ச்சியே ஜி7 நாடுகளுக்கு உறுத்தலாக இருப்பதையே இத்தீர்மானம் வெளிப்படுத்துகிறது. 

ஐ.நா. விதிகளை மதித்து, பிரச்னைகளுக்கு அமைதி வழியில் தீர்வு காணவும், மற்ற நாடுகளுக்கு எதிராக படைகளைப் பயன்படுத்தக் கூடாது எனவும் மாநாட்டில் உறுதி ஏற்கப்பட்டிருக்கிறது. இது சம்பிரதாயமான தீர்மானமாகவே கருதப்படும். 

மக்களின் பேச்சு சுதந்திரத்தைக் காக்க முன்னுரிமை அளிக்கப்படும்; அமைதிவழி போராட்டங்களுக்கு மதிப்பளிக்கப்படும்; இணையவழி பாதுகாப்பு உறுதி செய்யப்படும்; பருவநிலை மாற்றம், கரோனா தொற்றுப்பரவல், சர்வதேச விதிகள் அடிப்படையிலான செயல்பாடு ஆகியவற்றுக்கு முக்கியத்துவம் அளித்துச் செயல்படுவோம் என்று ஜி 7 மாநாட்டுக் கூட்டறிக்கை கூறுகிறது.  

இம்மாநாட்டில் இந்த ஆண்டு, இந்தியா, தென்னாப்பிரிக்கா, இந்தோனேசியா, ஆர்ஜென்டீனா, செனகல் ஆகிய ஐந்து நாடுகள் சிறப்பு அழைப்பாளர்களாகப் பங்கேற்றன. இந்தியா மூன்றாவது ஆண்டாக இம்மாநாட்டில் பங்கேற்றது. சிறப்பு பங்கேற்பாளர்களில் இந்திய பிரதமர் நரேந்திர மோடி விசேஷ கவனம் பெற்றதையும் காண முடிந்தது. 

உக்ரைன் மீதான ரஷியாவின் ஆக்கிரமிப்பு நடவடிக்கைகளை ஜி7 நாடுகள் கண்டித்து வரும் சூழலில், ரஷியாவுடன் தொடர்ந்து பொருளாதார உறவு கொண்டிருக்கும் இந்தியாவை அந்நாட்டுத் தலைவர்களால் புறக்கணிக்க முடியவில்லை. சீனாவுக்கு எதிரான தங்கள் எதிர்காலத் திட்டத்துக்கு இந்தியாவின் உதவி தேவை என்பதும் இதற்குக் காரணமாக இருக்கக் கூடும். 

இந்திய பிரதமர் நரேந்திர மோடி தனது கருத்துகளை முன்வைக்க சிறந்த வாய்ப்பாக இந்த மாநாட்டை பயன்படுத்திக் கொண்டார். ஜி7 நாடுகளின் தலைவர்களுடன் அவர் இயல்பாக அளவளாவி இந்தியாவின் செல்வாக்கை வெளிப்படுத்தினார். பருவநிலை, எரிசக்தி, சுகாதாரம் குறித்து மாநாட்டில் பேசிய அவர், ஒவ்வொரு நாட்டிலும் பூமியைக் காக்கும் மக்களை உருவாக்க வேண்டும்; அப்போதுதான் புவி வெப்பமயமாதலைத் தடுக்க முடியும் என்று கூறினார்.

உலக அளவில் மக்கள்தொகையில் இரண்டாவது பெரியநாடாக இருந்தபோதும் மரபுசாரா எரிசக்திப் பயன்பாட்டில் 40%-ஐ 9 ஆண்டுகளுக்கு முன்னரே இந்தியா எட்டியதையும், பெட்ரோலுடன் எத்தனால் கலப்பது தொடர்பான இலக்கை வெற்றிகரமாக நிறைவேற்றி இருப்பதையும் பெருமிதத்துடன் மோடி குறிப்பிட்டார். இந்தியாவின் பசுமைத் தொழில்நுட்ப, வர்த்தக நடவடிக்கை
களில் ஜி7 நாடுகள் முதலீடு செய்ய வேண்டும் என்று அழைப்பு விடுக்கவும் அவர் தவறவில்லை.

மொத்தத்தில் ஜி7 மாநாடு உக்ரைனுக்கு ஏமாற்றம் அளித்திருக்கிறது. இதில் விருந்தாளியாகப் பங்கேற்ற இந்தியா, உலக அரங்கில் தனது மதிப்பை அதிகரித்துக் கொண்டிருக்கிறது. சர்வதேச அளவில் உணவுப் பாதுகாப்பை உறுதிப்படுத்துவதற்காக ரூ. 33,000 கோடி செலவிட ஜி7 நாடுகள் முடிவெடுத்திருப்பது பாராட்டுக்குரியது. மற்றபடி, வழக்கமான சொல்லாடல்களுடன் மாநாடு கூடிக் கலைந்திருக்கிறது.



Read in source website

 

அக்காலத் திரைப்படங்களில் ஒருவா் மற்றொருவருக்குக் கடிதம் எழுதுவதையும் அவா் அதனை தபால் பெட்டியில் சோ்ப்பதையும் இன்றைய இளைய தலைமுறையினா் வியப்புடன் பாா்க்கின்றனா். அது போலவே திரைப்படங்களில் தந்தி வருவதையும், கறுப்பு தொலைபேசியில் எண்கள் சுழற்றப்படுவதையும் பாா்த்து அவா்கள் ஆச்சரியத்தில் ஆழலாம்.

இவையெல்லாம் மெல்ல மெல்ல மாற்றமடைந்து கைப்பேசி வந்தது, அதில் குறுஞ்செய்தி வந்தது. அப்போது அந்த வசதி மிகப்பெரிய வாய்ப்பாகப் பாா்க்கப்பட்டது. பின்னா் கைப்பேசியில் பல்வேறு செயலிகள் மூலம் செயலாற்றுகிறோம். இன்றைக்கும் சாதாரண கைபேசியில் விரலை நகா்த்திப் பாா்த்து ஏமாறுவோரும் இருக்கலாம்.

வழக்கமாக வீட்டில் அரைக்கும் இட்லி மாவைக் கூட, அதனை அரைத்துக்கொடுக்கும் கடைக்கு சென்று பாத்திரத்தை வரிசையில் வைத்துவிட்டு குறித்த நேரத்தில் சென்று திரும்ப வாங்கி வந்திருப்போம். இன்றைக்கு, ஒருவா் நமக்கு மின்னஞ்சலில் வாழ்த்து அனுப்பிய மறு நொடியே அது நம்மை வந்தடைகிறது. ஆனால், அன்று அது வாழ்த்து அட்டையாக மூன்று நாள் பயணம் செய்து தபாலில் வந்து சோ்ந்ததை நம்மில் பலரும் மறந்திருக்க மாட்டோம்.

ரயிலில் செல்ல பயணச்சீட்டு முன்பதிவு செய்ய நீண்ட தொலைவு பயணித்த அனுபவம் பலருக்கும் இருக்கலாம். வங்கிக்கு செல்லும்போது, அங்குள்ள பணியாளரிடம் கணக்குப் புத்தகத்தில் பதிவு செய்துதர வேண்டுமென்று கேட்கும்போது அவா் நம்மை கோபமாகப் பாா்த்த அனுபவம் பலருக்கும் கிட்டியிருக்கலாம்.

பிறப்பு சான்றிதழ் பெறவும், இறப்பு சான்றிதழ் பெறவும் அரசு அலுவலகங்களுக்கு நடையாய் நடந்து சலித்துப் போனவா்கள் எத்தனையோ போ். அது மட்டுமா? அரசின் பல்வேறு நலத்திட்ட உதவிகளும் பயனாளிகளுக்குப் பணமாகக் கொடுக்கப்பட்டபோது நடந்த ஊழல்களுக்கு அளவில்லை.

இது இன்றைய நேரடி பணப் பரிமாற்ற முறையால் அவரவரின் வங்கிக் கணக்கில் சென்று சோ்ந்து விடுகிறது. பல நிறுவனங்களில், ஊழியா்களின் ஊதியம் நேரடியாக அவா்களின் வங்கிக் கணக்கில் செலுத்தப்பட்டு விடுகிறது.

மக்கள் இன்று எல்லாவற்றையும் எளிதாகப் பெறுவதற்குக் காரணம், அறிவியல் தொழில்நுட்பத்தின் வளா்ச்சியே ஆகும். இவ்வாறான வசதிகளை நமக்களிப்பதில் பெரும்பங்கு வகிப்பவை அரசு நிறுவனங்களும், பொதுத்துறை நிறுவனங்களும் வங்கிகளும் ஆகும்.

இவை மக்களுக்காக ஆற்றும் சேவை அளப்பரியது. அதாவது, கரடுமுரடான சாலைகளில் சென்றோா் புறவழிச் சாலையில் பயணிப்பது போன்றது. கரடுமுரடான சாலையை புறவழிச்சாலையாக்குவதில் இந்நிறுவனங்களில் பணியாற்றும் பணியாளா்களின் உழைப்பு அபாரமானது.

வங்கிப் பணியில் கணினி அறிமுகப்படுத்தப்பட்டபோது, அங்கு பலருக்கான வேலை வாய்ப்பு பறிபோகும் என்று தொழிற்சங்கங்கள் சாா்பில் வாதிடப்பட்டது. இக்கருத்து ஓரளவுக்கு உண்மைதான் என்றாலும் மக்கள்தொகை பெருக்கத்திற்கேற்ப இதுபோன்ற வசதிகளை இயந்திரமயமாக்காமல் இருந்திருந்தால் அதன் விளைவுகள் இன்று எப்படி இருந்திருக்கும் என்பதை கற்பனைகூட செய்து பாா்க்க இயலவில்லை.

இன்று கணினி இல்லா வங்கியைக் காண இயலுமா? அதோடு, வங்கிக் கணக்குகள் கணினிமயமானதால் தெருவுக்குத் தெரு தானியங்கி பணம் வழங்கும் இயந்திரங்களை செயல்பாட்டுக்குக் கொண்டுவரமுடிந்திருக்கிறது.

அவ்வளவு ஏன், காய்கறி, மளிகை போன்றவற்றின் விற்பனை கூட பல்வேறு பணப்பரிமாற்ற செயலிகள் மூலம் எளிதில் சாத்தியமாகிறது. வாடிக்கையாளருக்கு மட்டுமல்ல, விற்பனையாளருக்கும் இது மிகவும் வசதியாக உள்ளது.

கரோனா காலகட்டத்தில், இணையத்தோடும் தொழில்நுட்பத்தோடும் முழுமையானத் தொடா்புடைய துறைகளும், இணைய வசதி தேவைப்படாத விவசாயத்துறையும் மட்டுமே இயங்கின என்பதை யாரும் மறுக்கப்போவதில்லை. கணினியையும் தொழில்நுட்பத்தையும் தவிா்க்க இயலாத நிலையில் இன்று நாம் இருக்கிறோம்.

கரோனா காலத்தில் இணையமும் கணினியும் ஆற்றியுள்ள சேவை அளவில்லாதது. வசதி வாய்ப்புள்ள உயா்கல்வி நிறுவனங்களும் இயங்கியதை மறுப்பதற்கில்லை. இப்படிப்பட்ட வசதியில்லாமல் எத்தனையோ மென்பொருள் நிறுவனங்கள் தங்களைக் காத்துக்கொள்ளவும், தமது ஊழியா்களைத் தொடா்ந்து பணியில் தக்கவைக்கவும் முயன்றன.

ஒருகாலத்தில் மின்சாரம் இல்லாமல் சில மணி நேரம் காலம் தள்ள முடிந்தது. இன்றைக்கு மின்சாரமும் இணையமும் இல்லையென்றால் பலரும் விரக்தி அடையும் நிலை ஏற்பட்டுவிடுகிறது.

மனிதா்கள் அறிவியல் தொழில்நுட்பத்தின் பலனால் தங்கள் வாழ்க்கை வசதிகளையும், சேவைகளையும் எளிதாக்கி வருகின்றனா். ஒருவா் நேரம் மிச்சமாக வேண்டுமானால் அதற்குப் பின்னால் பலரது ஒருங்கிணைந்த அா்ப்பணிப்புடன் கூடிய உழைப்பு உள்ளது. பலரது தகவல்களையும் சேகரித்தல், அதனை பாதுகாப்பாகப் பராமரித்தல் போன்றவையும் இதில் அடங்கும்.

இப்புரிதல் இல்லாமல் இணையசேவை பாதிக்கப்படும் நேரத்தில் இணையவழி சேவை அளிக்கும் நிறுவனத்தைத் தூற்றுவோரும் இல்லாமல் இல்லை. ‘பொறுமை என்பது காத்திருத்தல் மட்டுமல்ல, காத்திருக்கும் நேரத்தில் நாம் எவ்வாறு நடந்துகொள்கிறோம் என்பதும்தான்’ என்றாா் அறிஞா் ஒருவா்.

எளிதாகக் கிடைக்கிறதே என்ற எண்ணத்துடன் எந்த சேவையையும் கடைசி நேரத்தில் பெறுவதற்கு நாம் முயற்சிக்கக் கூடாது. மாறாக குறைந்தபட்ச கால அவகாசம் ஏற்படுத்திக் கொள்ளும் பழக்கத்தை நாம் கைகொள்ளுதல் வேண்டும். இவ்வாறு செய்தால் நேரமின்மை காரணமாக கடைசி நேரத்தில் பலரும் அனுபவிக்கும் சிக்கல்கள் குறையும்.

எல்லாவற்றுக்கும் மேலாக, நவீன தொழில்நுட்பத்தால் சேமிக்கப்படும் நேரத்தை உபயோகமாக செலவிடும் பழக்கத்தையும் நாம் மேற்கொள்ளவேண்டும். என்னதான் கருவிகள் நமக்கு உதவிகரமாக இருந்தாலும், நாம் மயக்கமுற்றால் நமக்கு தண்ணீா் கொடுக்க மனிதா்களால்தான் இயலும்; இயந்திரங்களால் இயலாது.



Read in source website

ஜம்மு - காஷ்மீா் யூனியன் பிரதேசத்தில் உள்ளது குல்காம் மாவட்டம். அங்குள்ள அரசுப் பள்ளியில், ரஜ்னி பாலா என்ற பெண்மணி ஆசிரியராகப் பணிபுரிந்து வந்தாா். புலம் பெயா்ந்த பண்டிட் சமூகம் இவருடையது. கடந்த மே 31 அன்று வகுப்பறையில் மாணவா்களுக்கு பாடம் சொல்லிக் கொடுத்துக் கொண்டிருந்தபோது தீவிரவாதிகள் துப்பாக்கியுடன் அந்த ஆசிரியா் இருந்த வகுப்பறைக்குள் நுழைந்து சரமாரியாக சுட்டிருக்கின்றனா். இதில் ஆசிரியை ரஜ்னி பாலா ரத்த வெள்ளத்தில் சரிந்து துடிதுடித்து இறந்திருக்கிறாா். வகுப்பறையில் இருந்த மாணவா்களுக்கோ, பள்ளி வளாகத்தில் இருந்த மற்ற ஆசிரியா்களுக்கோ, அலுவலா்களுக்கோ எந்தவித பாதிப்பும் இல்லை. அப்படியானால், தீவிரவாதிகளின் வெறிக்கு எது காரணம்?

அதே மே 12 அன்று புத்காம் மாவட்டத்தில் பயங்கரவாதிகள் துப்பாக்கியுடன் புகுந்து ராகுல்பட் என்ற அலுவலரை சரமாரியாக சுட்டிருக்கின்றனா். அவா் குண்டுகளால் துளைத்தெடுக்கப்பட்டு, ரத்த வெள்ளத்தில் பிணமானாா். இவரும் புலம் பெயா்ந்த பண்டிட் இனத்தைச் சோ்ந்தவா். முஸ்லிம் அல்லாத அரசு ஊழியா்கள் குறிவைத்து சுட்டுப் பொசுக்கப்படுகின்ற கொடூர செயலில் தீவிரவாதிகளும், பயங்கரவாதிகளும் இறங்கியிருக்கின்றனா். இவா்களைத் தவிர வங்கி அதிகாரி ஒருவரும் சுட்டுக் கொல்லப்பட்டிருக்கிறாா்.

மேலும், காவல் துறையினா் மூன்று போ், பொதுமக்கள் நான்கு போ் கொல்லப்பட்டுள்ளனா். புலம் பெயா்ந்த பண்டிட் இனத்தினா், ஹிந்து மதத்தினா், பௌத்தா்கள், சீக்கியா்கள் குறிவைத்துக் கொல்லப்படுகின்றனா். லடாக்கிலும் இது தொடா்கிறது. 2019, ஆகஸ்ட் 7 அன்று ஜம்மு-காஷ்மீா் மாநிலம் இரண்டு யூனியன் பிரதேசங்களாக பிரிக்கப்பட்டது. அதுவரை சுமாா் 75 ஆண்டுகளாக மூன்று குடும்பத்தினா் அனுபவித்து வந்த சிறப்பு அந்தஸ்து நீக்கப்பட்டது. முக்கால் நூற்றாண்டுக்குப் பிறகு தவறு திருத்தப்பட்டது என்பது அரசியல் புரட்சிகர வரலாறு. இது இந்தியத் தலைமையின் ஆளுமைக்கு ஓா் எடுத்துக்காட்டு.

ஜம்மு - காஷ்மீா், லடாக் இந்தியாவுக்கு சொந்தமானது. அங்கு ஒன்பதாம் நூற்றாண்டில் சைவம் தழைத்தோங்கியது. 13-ஆம் நூற்றாண்டிலிருந்து 15-ஆம் நூற்றாண்டு வரை இஸ்லாமிய ஆக்கிரமிப்பு நடைப்பெற்றபோதிலும், பாரம்பரிய கலாசாரத்தை ஜம்மு-காஷ்மீா், லடாக் பகுதிகள் இழந்து விடவில்லை. சீக்கிய அரசன் ரஞ்சித் சிங் முகலாயா்களின் ஆதிக்கத்தை முறியடித்து, இந்தியாவின் தலைப்பகுதியான காஷ்மீரத்தைக் காப்பாற்றினான். அவனைத் தொடா்ந்து குலாப் சிங் புதிய ஜம்மு-காஷ்மீா் ராஜ்யத்தின் முதல் ஆட்சியாளா் ஆனாா். 1947 வரை அவா்தான் ஆட்சிக் கட்டிலில் இருந்தாா்!

விரிந்து கிடந்த இந்திய நிலப்பரப்பை ஆங்கிலேய ஏகாதிபத்தியம் துண்டாட நினைத்தது. ஹிந்து, முஸ்லிம் என்ற இனவெறியைத் தூண்டிவிட்டு பிரிவினைக்கு வித்திட்டது. சுதந்திரப் போரில் வெள்ளையரை எதிா்த்து நின்றபோது தோளோடு தோள் நின்ற முகமது அலி ஜின்னா, முஸ்லிம்களுக்கு தனி நாடு தேவை என குரல் கொடுத்தாா். இது ஆங்கிலேயா்களின் சூழ்ச்சி. பாகிஸ்தான் பிரிந்தது.

‘இந்திய அரசியலமைப்பை ஏற்றுக் கொண்ட யாரும் குறிப்பாக முஸ்லிம்கள் இந்தியாவிலேயே நிரந்தரமாக வசிக்கலாம்’ என்று காந்தி, நேரு உள்ளிட்ட தலைவா்கள் உறுதி அளித்தனா். ஆனால் காலப்போக்கில், இந்தியத் தலைவா்களின் நல்லெண்ணத்தில் மண்ணை அள்ளித் தூவினா். கசப்பும் காழ்ப்பும் பரவத் தொடங்கின. விவரிக்க முடியாத துரோகங்கள் அணி வகுத்தன.

கில்ஜித், பால்திஸ்தான் ஆகிய பகுதிகள் பாகிஸ்தானால் ஆக்கிரமிக்கப்பட்டன.

அக்சாய் சின், டிரான்ஸ்காரகோரம் பகுதிகள் சீன தேசத்தால் ஆக்கிரமிக்கப்பட்டிருக்கின்றன. இவையெல்லாம் 1950-களிலேயே நடந்து முடிந்துவிட்டன. இந்தியாவின் எல்லையோர நாடுகளான பாகிஸ்தான், ஆப்கனிஸ்தான், சீனா போன்றவற்றிலிருந்து தொல்லைகள் தொடா்ந்து கொண்டிருக்கின்றன.

உலகின் மிகப்பெரிய ஜனநாயக நாடான இந்தியா, ‘வேற்றுமையில் ஒற்றுமை’ என்னும் தாரக மந்திரத்தால் வழிநடத்தி செல்லப்படுகிறது. தென்கோடி முனையான கன்னியாகுமரியிலிருந்து இந்தியாவின் உச்சியான ஜம்மு-காஷ்மீா் வரை வாழுகின்ற 140 கோடி மக்களும், ‘ஒரே பாரதம் உன்னத பாரதம்’ என்ற உணா்வுடன் எந்தவித பாகுபாடும் இல்லாமல் பயணித்துக் கொண்டிருக்கின்றனா்.

சா்வதேச அளவில், இந்தியாவின் கலாசாரம் உயா்ந்த நிலையில் இருக்கிறது. அடக்கப்பட்ட, ஒடுக்கப்பட்ட, ஒதுக்கப்பட்ட, தாழ்த்தப்பட்ட மக்கள் கைதூக்கி விடப்பட்டிருக்கிறாா்கள். இந்தியா முழுவதும் உள்ள ஐந்து லட்சத்துக்கும் மேற்பட்ட கிராமப்புற மக்களிடம் மத்திய அரசின் திட்டங்கள், மானியங்கள், மருத்துவ உதவிகள் நேரடியாக சென்று சோ்ந்திருக்கின்றன. டிஜிட்டல் இந்தியா திட்டம் 2014-இல் அறிவிக்கப்பட்டபோதே மாநிலங்களவையில் அதை வரவேற்றேன் நான்.

பதான்கோட், உரி, சீனாவோடு எல்லை பிரச்னை ஆகியவற்றில் இந்தியா பதிலடி கொடுத்து உலக அரங்கில் யாருக்கும் அடிபணியமாட்டோம் என்பதை உணா்த்தியிருக்கிறது. உக்ரைன் - ரஷியா போரில் இந்தியா தனித்தன்மையை இழக்காமல், யாருக்கும் நயந்தோ, பயந்தோ நடக்காமல் தலைநிமிா்ந்து நின்றதை உலக நாடுகள் ஆச்சரியத்தோடு பாா்த்தன.

கொள்ளை நோய்த்தொற்று காலத்தில் வல்லரசு நாடுகளே தள்ளாடியபோதும் இந்தியா சாதுரியமாக அதனை எதிா்கொண்டது. இலங்கையில் ஏற்பட்டுள்ள பொருளாதார நெருக்கடியிலிருந்து மக்களைக் காப்பாற்றிட தாயுள்ளத்தோடு உதவுவதற்கு இந்திய அரசு முன் வந்திருப்பது வரலாறு காணாதது.

இந்தோ - பசிபிக் பிராந்தியத்தில் அமைதியில்லாத சூழலை ஏற்படுத்திட சீனா - வஞ்சகமாக வலைவிரித்தபோது இந்தியா ‘க்வாட்’ அமைப்பின் மூலம், அமெரிக்கா, ஆஸ்திரேலியா, ஜப்பான் ஆகிய நாடுகளோடு கரம் கோத்து நின்ால் திகைத்துப் போனது சீனா. வலிமையான நிா்வாக கட்டமைப்பும், தேவைக்கு அதிகமான உணவு உற்பத்தியும், தளா்வில்லாத பொருளாதார இயக்கமும், மக்கள் செல்வாக்குள்ள வலுவான தலைமையும் கொண்ட இந்தியாவை அமைதியான திசையை நோக்கி வழிநடத்திச் செல்கிறாா் பிரதமா் மோடி.

நாடு முழுவதும் கலாசார வேற்றுமை அகன்று, பல்வேறு மாநிலங்களைச் சோ்ந்த மக்களுக்கிடையில் பரஸ்பர கலந்துரையாடல் ஏற்பட வேண்டும் என்பதில் மத்திய அரசு மிகுந்த கவனம் செலுத்தி வருகிறது. ஒவ்வொரு மாநிலமும் பிற மாநிலங்களுடன் கலாசார ரீதியில் இணைந்து பரஸ்பரம் கருத்துகளைப் பரிமாறிக் கொள்வது என்கிற பிரதமா் மோடியின் திட்டம் தொலைநோக்குப் பாா்வை கொண்டது.

இந்திய மாநிலங்களில் வாழுகின்ற மக்களுக்கிடையில் இணக்கமான சூழல் ஏற்படவேண்டுமானால் அவா்களுக்கிடையில் ஒரு நட்புறவு ஏற்பட வேண்டும். இதுவரை எலியும் பூனையுமாக இந்திய மாநிலங்கள் இருந்துவிட்டன. இனியாவது இந்தியன் என்ற உணா்வில் ஒரே சிந்தனையில் ஒருங்கிணைந்து நிற்போம். உலக அரங்கில் இந்தியனாக ஒளிவீசிட நமக்குள் இருக்கின்ற பகைமையை களைவோம்.

ஜனநாயக பூமியாகத் திகழ்கின்ற இந்தியாவில் ஐந்து ஆண்டுகளுக்கு ஒரு முறை பொதுத்தோ்தல் மூலமாக மக்களிடம் வாக்கு எனும் அனுமதியைப் பெற்று கட்சிகள் ஆட்சியை நடத்துகின்றன. மாநிலங்களில் மாநிலத்துக்கான அரசு, மத்தியில் இந்தியா முழுமைக்குமான அரசு என அரசமைப்புச் சட்டத்தின் வழிநின்று மக்களுக்கான அரசாங்கம் நடத்திச் செல்லப்படுகிறது.

இந்தியாவின் விடுதலைக்குப் பிறகு, பல கட்சிகள் இந்தியாவை ஆட்சி செய்திருக்கின்றன! அந்தந்த காலகட்டத்தில் இந்திய மக்கள் மத்தியில் ஏற்படும் உணா்வுகளை பிரதிபலிக்கின்ற வகையில், அனைத்துத் தரப்பு மக்களும் ஏற்றுக் கொள்ளுகின்ற வகையில் திட்டங்களைத் தீட்டி, நாடாளுமன்ற மக்களவை - மாநிலங்களவைகளின் வாயிலாக அனுமதியைப் பெற்று சட்டமாக்கி நடைமுறைப்படுத்தப்பட்டிருக்கின்றன.

பிரதமா் நரேந்திரா் மோடி, 2014, 2019 ஆகிய ஆண்டுகளில் நடைபெற்ற நாடாளுமன்ற மக்களவைக்கான பொதுத்தோ்தலில் மக்களின் அறுதிப் பெரும்பான்மை ஆதரவைப் பெற்று ஆட்சிக் கட்டிலில் அமா்ந்து மக்களுக்கான மகத்தான திட்டங்களைத் தீட்டி செயல்படுத்தி வருகிறாா். ஒன்றரை ஆண்டுகளில் 10 லட்சம் பேருக்கு மத்திய அரசின் துறைகளில் வேலைவாய்ப்பு வழங்கிட பிரதமா் மோடி நடவடிக்கை எடுத்திருக்கிறாா்.

ராணுவத்தில் கொண்டுவரப்பட்டிருக்கும் அக்னிபத் திட்டம் இளைஞா்களிடம் தேசப்பற்றை ஏற்படுத்திடும் என்பதில் சந்தேகமில்லை. இத்திட்டத்தின்படி, ராணுவம், கடற்படை, விமானப்படை ஆகியவற்றில் 17.5 வயதிலிருந்து 21 வயது வரை உள்ள இந்திய இளைஞா்கள் சோ்க்கப்பட்டு பயிற்சி அளிக்கப்பட்ட பிறகு நான்கு ஆண்டுகள் ராணுவத்தில் பணியாற்றுவாா்கள். அவா்கள் விரும்பினால் 10 ஆண்டுகளிலிருந்து 14 ஆண்டுகள் வரை பணியாற்றலாம். தொடா்ந்து மத்திய அரசின் பல்வேறு துறைகளில் அவா்கள் சேவையாற்றிட மத்திய அரசு வழி வகுத்திடும். இது இந்தியாவின் இறையாண்மையை வலுப்படுத்திடும் முயற்சியாகும்.

சில சமூக விரோதிகள் இந்தியாவில்அமைதியற்ற சூழலை உருவாக்கி, இந்திய ஜனநாயகத்தைத் துண்டாடத் துடிக்கின்றனா். சில அரசியல் இயக்கங்களும் அதற்கு துணை நிற்கின்றன. மதச்சாா்பு என்கின்ற ஒரே ஆயுதத்தை கையில் எடுத்துக்கொண்டு மோடியை வீழ்த்திட களத்திற்கு வருகின்றனா். அவதூறு முத்திரைக் குத்தி மத்திய அரசை வீழ்த்திவிடத் துடிப்போரை இந்திய மக்கள் புரிந்து வைத்துள்ளனா்; இதை காலம் உணா்த்தும்!

கட்டுரையாளா்:

மாநில துணைத் தலைவா்,

தமிழக பாரதிய ஜனதா.



Read in source website

பள்ளி மற்றும் கல்லூரி மாணவர்களிடையே மாநிலம் தழுவிய அளவில் போதைப் பொருட்களுக்கு எதிரான இயக்கத்தை முன்னெடுப்பது குறித்து, அண்மையில் தலைமைச் செயலாளர் வெ.இறையன்பு தலைமையில் காவல் துறை அதிகாரிகளுடனான காணொளிக் கூட்டம் நடந்து முடிந்துள்ளது.

திமுக ஆட்சிப் பொறுப்பேற்று கடந்த ஓராண்டில் காவல் துறையின் பாராட்டுதலுக்குரிய நடவடிக்கைகளில் முதன்மையானதாக கஞ்சா மற்றும் போதைப் பொருட்கள் தடுப்பு நடவடிக்கைகளைச் சொல்லலாம். கடந்த ஓராண்டு காலமாக போதைப் பொருட்கள் விநியோகத்தில் ஈடுபட்டுவருபவர்கள் தொடர்ந்து கைதுசெய்யப்பட்டுவருகிறார்கள்.



Read in source website

மருத்துவக் கல்வி இயக்குநரகம் (DME), ஊரக நலப் பணிகள் - மருத்துவச் சேவை இயக்குநரகம் (DMS), பொது சுகாதாரம் - நோய்த் தடுப்பு மருந்துத் துறை இயக்குநரகம் (DPH) என்ற மூன்று பிரிவுகளையும் ஒருங்கிணைத்து, தமிழக சுகாதாரத் துறை சிறப்பாகச் செயல்பட்டுவருகிறது.

நாட்டிலேயே தமிழகத்தில்தான் இவ்வாறு மூன்று இயக்குநரகங்களும் ஒரே குடையின்கீழ், தனித்துவத்துடன் இயங்கிவருகின்றன.

இன்னும் பல மாநிலங்களில் கிராமங்களில் அரசு மருத்துவர் இருப்பை உறுதிசெய்வதே சவாலாக இருக்கும் நிலையில், தொடர்ந்து கிராமப்புற சுகாதாரச் சேவையில் தமிழகம் முன்னணி மாநிலமாகத் திகழ அரசு மருத்துவர்கள் பங்களிப்பை வழங்கிவருகிறார்கள்.

இன்று தமிழகத்தில்தான் கிட்டத்தட்ட அனைத்து சிறப்பு மருத்துவர்களும், உயர் சிறப்பு மருத்துவர்களும் அரசு மருத்துவமனைகளில் உள்ளனர். இருப்பினும் இன்னமும் பல துறைகளில் சிறப்பு மருத்துவர்களின் சேவையை மக்களால் பயன்படுத்திக்கொள்ள முடியவில்லை.

உதாரணமாக, ரத்த வங்கிகளில் பணி வாய்ப்பும் பதவி உயர்வும், MD Immunology and Blood Transfusion medicine படிப்பை முடித்தவர்களுக்கு மட்டுமே தரப்பட வேண்டும். ஆனால், பல இடங்களில் அந்தப் படிப்பு படிக்காத, தகுதியற்றவர்கள் பணியமர்த்தப்பட்டுள்ளனர்.

அதே நேரத்தில், தமிழகத்தில் கிட்டத்தட்ட பல்வேறு சிறப்பு மருத்துவர்கள் அவர்களுக்குத் தொடர்பில்லாத வேறு துறைகளில் பணியமர்த்தப்பட்டுள்ளனர். உடலியல் மருத்துவம் - மறுவாழ்வுத் துறையில், அதற்கான எம்.டி. படிப்பு படித்தவர்கள் இருந்தும், அந்தத் துறைக்குச் சம்பந்தமே இல்லாத, தகுதியற்றவர்கள் பணியமர்த்தப்பட்டுள்ளனர்.

இதனால், நோயாளிகளுக்குக் குறிப்பிட்ட சிறப்பு மருத்துவர்களின் சேவை கிடைக்காமல் போகிறது. இன்னொருபுறம், மருத்துவர்கள் தங்கள் துறையில் பணிபுரியும் வாய்ப்பு மறுக்கப்படுவது மட்டுமன்றி, பதவி உயர்வுக்கான பணியனுபவத்தையும் இழக்கிறார்கள்.

பொதுவாக, அரசுப் பணியில் ஒருவர் எதிர்பார்ப்பது உரிய ஊதியமும் குறித்த காலத்தில் பதவி உயர்வும்தான். ஆனால், இந்த இரண்டுமே தமிழகத்தில் அரசு மருத்துவர்களுக்கு மறுக்கப்பட்டுவருகின்றன.

உதாரணமாக, உயர் சிறப்பு மருத்துவர்களுக்குத் தேசிய மருத்துவ ஆணைய விதிமுறைகளின்படி DM அல்லது Mch படிப்பு முடித்து இரண்டு வருடங்களில் இணைப் பேராசிரியராகப் பதவி உயர்வு தரப்பட வேண்டும். ஆனால், இங்கு ஏராளமான உயர் சிறப்பு மருத்துவர்கள் 10 ஆண்டுகளுக்கு மேலாகியும் தொடர்ந்து உதவிப் பேராசியராகவே பணிபுரிந்துவருகிறார்கள்.

பொதுவாகவே, தமிழகத்தில் பதவி உயர்வுக் கலந்தாய்வை முறையாக அந்தந்த வருடத்துக்குள் நடத்தாமல் காலம் தாழ்த்தி நடத்துவதால், கிட்டத்தட்ட அனைத்து மருத்துவர்களுமே பாதிக்கப்படுகின்றனர். பல் மருத்துவர்களுக்குக் கடந்த ஏழு ஆண்டுகளாக MRB மூலம் பணி நியமனம் நடைபெறவில்லை.

ஏழு ஆண்டுகளாகப் பதவி உயர்வுக் கலந்தாய்வு நடத்தப்படவில்லை. சென்னை பல் மருத்துவக் கல்லூரியில் மட்டுமே 17 இணைப் பேராசிரியர்கள், மூன்று பேராசிரியர் பணியிடங்கள் காலியாக உள்ளன. இத்தனை அரசு மருத்துவக் கல்லூரிகளைத் திறக்கும் அரசு, ஒரே ஒரு அரசு பல் மருத்துவக் கல்லூரி மட்டுமே இருக்கும் நிலையில், புதிய அரசு பல் மருத்துவக் கல்லூரிகளைத் திறக்காததால் பல் மருத்துவர்களுக்கு வாய்ப்பு மறுக்கப்படுவது மட்டுமன்றி மக்களும் உரிய சேவை கிடைக்காமல் சிரமப்படுகிறார்கள்.

கர்நாடகத்தில் கரோனா முதல் அலையின்போது அரசு மருத்துவர்கள் போராட்டத்தில் இறங்கும் முன்னரே, அவர்களுக்கு மத்திய அரசுக்கு இணையான ஊதியம் வழங்கப்பட்டது.

இதனால் அங்கு தனியார் மருத்துவக் கல்லூரிகளில் பணியாற்றிவந்த மருத்துவர்களில் பெரும்பாலோர், அவற்றைத் துறந்து அரசு ஆரம்ப சுகாதார நிலையங்களிலும், அரசு மருத்துவக் கல்லூரிகளிலும் பணியில் சேர்ந்ததைக் கேள்விப்பட்டோம். மத்திய அரசில் பணிபுரியும் எம்பிபிஎஸ் மருத்துவர்களுக்கு 13 வருடங்களிலும், சிறப்பு மருத்துவர்களுக்கு 6 வருடங்களிலும், உயர் சிறப்பு மருத்துவர்களுக்கு 3 வருடங்களிலும் ஊதியப்பட்டை நான்கு கிடைக்கிறது.

ஆனால், தமிழக அரசு மருத்துவர்களுக்கு 20 வருடங்கள் பணி நிறைவு செய்த பிறகுதான் ஊதியப்பட்டை நான்கு தரப்படுகிறது. இதனால், மற்ற மாநிலங்களில் உள்ள எம்பிபிஎஸ் மருத்துவர்களைவிட மாதந்தோறும் 40 ஆயிரம் ரூபாய் குறைவாக இங்குள்ள எம்பிபிஎஸ், சிறப்பு, உயர் சிறப்பு மருத்துவர்களுக்கு ஊதியம் தரப்படுகிறது.

எவ்வளவோ போராடியும் இன்னமும் தமிழகத்தில் அரசு மருத்துவர்களுக்கு உரிய ஊதியம் தரப்படவில்லை. அதுவும் மத்திய அரசுக்கு இணையான ஊதியத்தையோ மற்ற மாநிலங்களுக்கு இணையான ஊதியத்தையோ தமிழக மருத்துவர்கள் கேட்கவில்லை. 2009-ல் அன்றைய முதல்வர் மு.கருணாநிதி அளித்த அரசாணை 354-ன்படி 12 ஆண்டுகளில் ஊதியப்பட்டை நான்கு தரப்பட வேண்டும் என்றுதான் கேட்கிறோம்.

முந்தைய ஆட்சியில் 2019-ல் போராடிய 118 அரசு மருத்துவர்கள் தண்டிக்கப்பட்டதை எதிர்த்து, சென்னை உயர் நீதிமன்றத்தில் மருத்துவர்கள் தொடர்ந்த வழக்கில், 2020 பிப்ரவரி 28-ம் தேதியன்று நீதிபதி ஆனந்த வெங்கடேஷ் அளித்த தீர்ப்பில், தண்டனையை ரத்துசெய்ததோடு, அரசு மருத்துவர்களின் ஊதியக் கோரிக்கையை நிறைவேற்ற அரசுக்கு உத்தரவிட்டார்.

மேலும், அரசு மருத்துவர்கள் போராட்டம் தொடர்பாகத் தொடரப்பட்ட பொதுநல வழக்கிலும் சென்னை - மதுரை உயர் நீதிமன்றங்கள் மருத்துவர்களின் கோரிக்கையை நிறைவேற்ற அரசை வலியுறுத்தின. அரசு மருத்துவர்களின் ஊதியம் நீதிமன்றக் குமாஸ்தாவின் ஊதியத்தைவிடக் குறைவாக இருப்பதாக நீதிபதிகள் வேதனை தெரிவித்தனர்.

நாட்டிலேயே தமிழகத்தில்தான் ஊதியக் கோரிக்கைக்காக, அரசு மருத்துவர் ஒருவர் உயிரையே ஈந்துள்ளார். மேலும், ஊதியக் கோரிக்கையை நிறைவேற்றிட மூன்று தடவை சாகும் வரை உண்ணாவிரதம் மேற்கொள்ளப்பட்டது. இப்போது ஊதியப்பட்டை நான்கு உள்ளிட்ட 12 அம்சக் கோரிக்கைகளை உடனடியாக நிறைவேற்றித் தர வேண்டும் என்று மேட்டூர் டாக்டர் லட்சுமி நரசிம்மனின் நினைவிடத்தில் சாகும் வரை உண்ணாவிரதப் போராட்டம் தொடங்கப்பட்டிருக்கிறது.

சமூக நீதி காக்கும் தமிழக முதல்வர், இந்தச் சமூகத்தை உயிரோட்டமாக வைத்திருக்க அர்ப்பணிப்போடு பணிபுரிந்துவரும் அரசு மருத்துவர்களின் நியாயமான ஊதியக் கோரிக்கையை நிறைவேற்றுவார் என எதிர்பார்க்கிறோம்.

- எஸ்.பெருமாள் பிள்ளை, அரசு மருத்துவர்களுக்கான சட்டப் போராட்டக் குழுத் தலைவர்

தொடர்புக்கு: sppillai26@yahoo.in



Read in source website

சிவசேனை கட்சியைச் சேர்ந்த அமைச்சர் ஏக்நாத் ஷிண்டேவும் அவருக்கு ஆதரவான அமைச்சர்கள், எம்.எல்.ஏக்கள் ‘மஹா விகாஸ் அகாதி’ கூட்டணி ஆட்சிக்கு எதிராக உயர்த்திய போர்க்கொடி, அம்மாநில ஆட்சி மாற்றத்துக்கு வித்திட்டிருக்கிறது.

சட்டமன்றத்தில் வாக்கெடுப்பு நடத்தப்பட்டால், மஹா விகாஸ் கூட்டணி அரசு பெரும்பான்மையை நிரூபிக்க முடியாது என்பது உறுதியானதால், முதல்வர் பதவியை உத்தவ் தாக்கரே ராஜினாமா செய்தார். இதையடுத்து, மஹாராஷ்டிராவில் பாஜக, சிவசேனை அதிருப்தி அணி இணைந்து புதிய கூட்டணி அரசை அமைத்துள்ளன.



Read in source website

30-01-2023      Monday

TNPSC Newspaper Archives

t